我背叛了他嗎?
-
-
你就咁講一句, 好難判斷啊
-
sorry~ 出唔切~
<br>
<br>我背叛了他嗎?
<br>我跟男友拍了一年拖, 這一年唔開心多過開心, 同佢出街成日發脾氣, 著衫又話唔靚, 成日讚第個女仔好, 佢好忙, 星期六日一係返工, 一係陪friend, 即使我生日都要同佢d朋友一齊, 因為佢朋友係我第日生日, 所以佢順便叫埋我慶祝! 大半年前佢叫我唔好搵佢住, 等佢可以專心工作, 之後call佢唔覆, 情人節人影都冇, 我生日都係寄張生日咭黎, 電話都冇個, 我唯有知難而退, 有段時間真係好唔開心, 但總算捱過, 我開始放開自己, 找自己的生活, 總算放下了, 最近, 公司男同事追我, 佢好好人, 雖然冇ex靚仔, 但人老實同對我好好, 原來拍拖係開心的, 我接受左佢...點知琴日, ex突然出現, 叫我食lunch, 我打左個突, 照出去啦, 佢拖住我隻手, 我真係嚇親, (佢以往就算過馬路都唔理我的), 同我講佢升左職, 好開心! 我心稔
<br>攪咩, 我地唔係分開既咩? 我掙開佢隻手, 同佢講有男仔追我, 佢好嬲, 話我竟然掙開佢隻手….
<br>
-
我覺得咁樣又唔算係背叛0羅.
<br>
<br>不過既然你已經選擇左同你同事一齊, 你就要攪清楚你同前男友0既野.
-
我知, 最好笑係當我ex拖住我既時候, 撞到我而家男友既朋友, 真係唔知係咩日子.
-
我覺得你個所謂前男友無得怪你架喎....
<br>
<br>當初佢咁對你之餘又要玩失蹤....
<br>好喇~~~ 依家佢自己升左職, 心情靚靚喇, 先至搵返你, 咁佢當你係乜先?
<br>又好喇~~~~ 又萬一, 佢突然間有一日, 唔知咩事, 屎忽痕, 又玩失蹤, 咁你點呀?
-
版主, 所以咪叫你要攪清楚0羅.... 你要同你前男友講清講楚.
-
詠
<br>你的確背叛左佢,因為你冇同佢提出分手
-
我d friend話我傻, 點解同ex講有男仔追, 但我覺得唔係囉! 我唔想呃人, 比人拖既滋味好唔好受, 我今日打比ex, 叫佢以後唔好搵我, 佢話我同事點可以甘搶人既野, 其實唔關我同事事, 包括我自己都以為同ex冇左, 我都覺不可思議.
-
kelvin,
<br>我都覺你講得岩, 我就係冇講呢句, 而家都唔開心!
-
係無錯, 版主你係無正式同佢講分手....
<br>
<br>但係我覺得, 有0的野, 唔洗要下下講到出口0羅.
-
當天佢叫我唔好搵佢, 我以為就甘就算, 我都好傷, 但昨天見到ex既受傷眼神, 我又好唔忍心, 畢竟當天好愛佢.
-
冇搵佢幾耐?
-
你依家同佢(你個EX)講清楚啦, 跟住再同你同事再講多一次.
<br>
<br>如果兩個都唔理解你, 你就兩個都唔要, 做人要有始有終.
<br>
<br>
-
.
<br>係佢冇揾我半年了, 頭幾個月我有搵佢, 一係唔覆, 覆就問我搵佢咩事!
<br>
<br>Jeffkiller,
<br>Ex 話努力工作係因為我! 我的天!
<br>新男友話尊重我的選擇, 無論點, 只要我開心, 佢ok.
<br>
<br>
-
俾著我都要個新0架啦...
<br>
<br>小妹覺得你0既ex 都係藉口囉....咩努力工作為0左你...我覺得因為佢升0左職之後，悶而冇女人陪佢先再搵你....
<br>
<br>佢當初唔聲唔聲，又冇咩關心你...冇為大家0既關係付出過咩...突然一句要你回身邊....簡直要你呼之則來，揮之則去.....真係如古語雲夫妻如衣服咩? 當伴侶係衫，想換就換....想著就著.....最憎呢0的咁0既男人....
<br>
<br>佢根本冇好好處理當時0既關係....一個唔該會走0左去半年? 真係為你好佢會唔交代咩? 講大話....佢可能真係會hurt...但你為佢而傷心都係真真實實.....亦唔係佢而家補償0的咩可以挽回0架啦....根本係畬佢有錯在先....仲反過0黎將錯放在你身上....唔值得你在為呢0的男人付出...
<br>
<br>你要好好處理囉....令佢知道當初個"因"根本係佢種....佢自已要反思一下囉~~
-
詠-你甚麼都沒有做錯... 你個ex...叫佢去死啦...
-
你無錯~我覺得係佢錯~..
-
多謝各位意見, 佢話呢排捱得好辛苦, 每日捱到身水身汗, 努力工作為左在我屋企人面前掙番啖氣, 用實際行動話佢地知佢係得既! (佢之前對我冇承諾, 冇呢番說話) 我不嬲唔夠佢講, 況且而家佢甘唔開心, 我淨係問佢點解唔搵我, 唔比我知佢為我做甘多野?我唔知點.
<br>
-
詠,
<br>妳無背叛他, 第一, 妳已話他是 ex, 即是分了手, 第二, 佢對妳唔好, 低死, 第三妳應考慮他是否已有女友, 妳是第三者.
<br>
-
我而家覺得自己好衰, 攪到一鑊泡, 一方面令ex (佢覺得仲係我男友) 傷心, 另一方面, 而家男友d朋友又覺得我一腳踏兩船, 好想喊...
-
詠,
<br>
<br>同妳bf解釋清楚啦！喊都解決唔到問題�謘I
-
詠,
<br>妳幾多歲? 諗嘢咁細個既?
<br>ex對妳有幾差, 妳已說了, 我不想重覆, 佢根本不配做妳男友, 妳不用理他, 不用聽他解釋, 跟他說完分手, 叫他不要再找妳便夠了.
<br>同妳現有的男友解釋, 用行動令他相信妳, 咁妳先唔會自找煩惱.
-
我覺得唔駛理ex, 當初離開半年係佢唔珍惜你,你傷心佢又知咩?!
<br>你點知佢將來幾時又發癲丟低你? 沒有責任感既男人做老公, 有排你受
<br>決絕對ex,珍惜你既新感情,事情就解決
-
詠
<br>
<br>你無錯, 同宜家男友開心就得啦
<br>
<br>可能你ex追第二個衰左先揾反你姐, cheap到
-
詠
<br>
<br>你問下ex, "我地一年唔見, 一年後帶個仔見你, 拿, 我為左你, 成年唔見, 生左個仔啦"
<br>
-
詠
<br>
<br>你ex低能架?
<br>咩叫唔可以? 一日未結婚, 都可以單挑, 都係明正言順. 你ex當拍拖等於結婚? 老婆如衣服?
<br>
<br>
-
版主, 要同你講0既野都已經講曬, 唔明你仲煩0的咩野....
<br>
<br>
-
之前係點,都已經無得返轉頭再做一次. 最緊要係你依家想點,如唔會同ex再一起,你同佢講清楚一次,男人係咁,時時都要清清楚楚,但我覺得,雖然你無同佢正式講過分手,但佢叫你唔好搵佢,亦可以解釋為分手意思...是嗎? 所以之前既事,邊個對或唔對都已經唔重要.著眼當前事,直接解決左佢啦.
-
詠...
<br>
<br>頭先妳要知道...有邊個講..."分手"一定要講清楚...
<br>既然當初佢咁無用...唔可以平衡事業同愛情...
<br>o係o個一刻佢揀o左事業...而放棄妳...
<br>而家佢升o左職...就搵返妳...
<br>咁下一次佢又想搏升職時...妳又會點呢...
<br>
<br>仲有...妳要記住...
<br>兩個人一齊...點解要向第三者交代一切...
<br>o個o的仲係妳個ex o既朋友...
<br>如果兩個人一齊要please所有人...
<br>咁妳呢一世拍拖都唔會開心...
-
會唔會佢真係為左你屋企人, 所以先工作再找你, 而一方面又唔想拖住你呢?
-
你個ex都好生人霸死地喎
<br>當初唔聲唔聲伸開你
<br>今日又扮冇野番黎拖你
<br>當初選擇了為事業而唔理你
<br>今日就要承受失去你的結局
<br>你冇責任亦冇意務去等�
<br>佢都幾唔知醜
<br>就算佢今日唔開心
<br>都係佢自己一手做成，自己羅黎
<br>唔可以怪你
<br>你亦唔需要自責
<br>今日，你可以從新過生活，都係你自己所找尋的
<br>為自己繼續努力啦
<br>唔需要再為呢ｄ不負責任的人再難為自己！
-
錯失太易, 愛得太遲... 唉
-
點解男人往往要失去先懂珍惜, 當中到底是不憤還是真愛, 真係要佢先知!
-
係咪"珍惜"要問亞ex先生先知~
<br>
<br>但好肯定既係, 你同佢一齊, 只會唔知幾時佢又消失, 根本同佢一齊就係俾佢玩弄於股掌中. 就算無現任, 呢個男人要黎也罷
-
agree w/ lam,
<br>
<br>忙忙忙, 打個電話要你幾多時間者, 仲要講到版主紅杏出牆甘款!
-
唉!依家好多男人都話要有事業先, 擺低個女朋友....版主都係同佢講清楚先好!
-
根本唔駛理 ex, 佢咁講你就信, 太蠢啦! 當佢冇到, 繼續好好同現男朋友生活, 毋需內疚.