請問市區邊度有酒樓係仲有推點心車架?而且d點心好食既! 邊度有呢??? 急~
-
我有外國朋友就來香港, 好想帶佢地試下推車仔點心, 但係我唸極都唔知邊度有呀....唔該幫幫手~
-
銅鑼灣廣塲二期翠園
-
去金鐘名都啦! 啲點心仲要好好味添! 又多款式, 連好耐無食過既蛋黃千層糕同煎三色糕都有!
-
真係好唔鍾意剔紙仔叫點心,都睇唔到點心個樣,點知好唔好食!
蝦餃皮靚唔靚?
鮮蝦粉果和潮洲粉果睇樣都會估到下餡料!
-
貓仔 , 你話既 蛋黃千層糕係唔係馬拉糕入面有一層層鹹蛋王果隻呀??? 我好鍾意食架!!!名都 貴唔貴呀?
-
katie,
我講緊個隻"蛋王千層糕"係兩塊白色既糕夾住鹹蛋王加椰絲, 有三層既, 以前去飲茶一定有得賣, 家陣啲酒樓就將佢變左種為馬拉糕+奶黃+馬拉糕, 無咁香又唔好食...
名都唔算太貴(以金鐘區黎講), 我地食左十幾籠點心再加甜品之類既野, 每人大約$100囉.
-
鹹蛋王加椰絲????!!!!