原來我咁黑你憎??



  • 同男朋友有爭吵,依家處於分手邊緣, 上個禮拜同d朋友燒野食夜左,無車返屋企, 又唔想搭的士咁貴,咁去左佢度過夜(佢一個人住),開頭佢唔願意,話想有返自己私人空間,不停咁趕我返自己屋企,但係我條氣又唔順,係都唔走,結果無可奈何,佢都迫住比我留低,不過佢話大家唔好一齊訓啦, 佢做廳長喎, 全晚佢個面口都好黑下, 之後各自做自己野,我心諗佢訓廳咁慘, 咁拎個枕頭比佢,點知佢突然大叫仲好惡下"嘩, 比你嚇鬼死,唔聲唔聲響後面行過",果刻其實自己個心都幾hurt下,駛唔駛咁呀?? 拎個枕頭比你姐, 好似我得罪你咁, 我諗我越黎越黑佢憎,心諗自己真係白痴, 人地都黑起塊面, 我係都要死纒難打, 我醒目d唔好再搵佢啦唔該!!!!!!!!!



  • 諗通就好啦, 應該放手~~~



  • 我估佢原先有節目, 比你咁死纏令到個節目無咗, 唔黑面有鬼



  • 早走早著啦



  • 點解咁多呢d男人既?



  • he dont love u la



  • 佢似乎都唔多當妳係女朋友



  • 佢地真係唔覺得令人難受既咩?

    我之前都試過比我bf折磨左兩個禮拜

    最慘係大家仲要住埋一齊

    我都唔明既然唔想一齊咪開口講囉

    何必要咁去折磨另一半呢



  • 巴士:

    我依家開始明白啦,佢真係唔再鍾意我囉.



    Thomas:

    我認同呀,我果刻都唔知自己係佢邊個,好似仲衰過做佢朋友啦.



    daisy:

    係呀,我都明囉,佢地唔知人地會難受架咩??

    不過講到尾係自己搵黎傷心,我唔死纒就唔會唔開心啦,係我唔識做!!!



  • 我認同呀,我果刻都唔知自己係佢邊個,好似仲衰過做佢朋友啦 <---- 我都試過有咁諗過架



  • u still love him?



  • 係呀,我都明囉,佢地唔知人地會難受架咩??

    不過講到尾係自己搵黎傷心,我唔死�葩N唔會唔開心啦,係我唔識做!!!



    <----- 你都好呀, 唔係一齊住, 唔見就可以唔駛令自己咁辛苦, 果陣我地一齊住, 成日都要對住, 想走又走唔到, 仲辛苦呀



  • TT,

    難得妳理性, 既然佢都做到出曬面, 就無謂再糾纏啦



  • 點解咁多呢d男人既?



    by daisy - 10/20/07 11:28



    我都遇到, 呢d人比女人縱壞.. 事實上, 我都有份縱壞佢.. 不過醒喇~ 姊妹們, 希望妳地都早d清醒. 妳比佢折磨左兩個禮拜算少啦, 我比佢折磨左幾個月.. 佢地唔想一齊唔會開口講架, 做咩要做衰人? 認左咪比妳鬧? 拆磨妳想妳自己識趣走囉~



  • Yan



    我都有咁同佢講過, 話既然你唔想開口做衰人就我做啦, 我唔會怪佢離開我, 我只會怪佢係度折磨我囉



  • 版主~

    你又唔話得佢喎~

    佢已叫你不要留下~你還要在~跟住佢自己做廳長,算係咁啦~

    半夜三更~有人企響後面~佢反應都正常喎~



  • 我覺得而家好多人都係咁, 完全唔識得黠樣處理, 一直只係識去逃避, 令到對方知難而退, 其實清清楚楚咁講咪仲好



  • 最後我都同佢講左幾次呢番說話佢先肯走



  • TT,

    妳用情錯不在妳, 係妳遇到D冷血欺騙感情既衰男人. 下次, 帶眼識人..



  • 你又唔話得佢喎~

    佢已叫你不要留下~你還要在~跟住佢自己做廳長,算係咁啦~

    半夜三更~有人企響後面~佢反應都正常喎~

    ======================

    呢d咪只係識從自立場出發, 完全唔係體諒別人既人版囉

    果個並唔係路人甲呀, 係自己女朋友黎架



  • 巴士 :

    老實講未比佢大聲話果陣,我真係仲鍾意佢,仲好儍咁以為可以箍到煲,但係依家無啦,醒哂啦...我唔會再搵佢架啦,做咩要搞到自己咁難睇,比人黑面,比人鬧??!!



    daisy , Yan :

    係呀,好彩係我地唔係一齊住 .

    好認同有d男人真係好奇怪,有問題想分手果陣,係唔會開口講,會選擇逃避,避到女方去搵佢講清楚時候,佢先講話大家真係唔夾, 我覺得唔一齊唔緊要,起碼都有個交代先得架?!



    Thomas :

    係呀,佢做到咁出面,想唔理性都唔得啦!! 點都要留返少少尊嚴比自己!!



  • 你又唔話得佢喎~

    佢已叫你不要留下~你還要在~跟住佢自己做廳長,算係咁啦~

    半夜三更~有人企響後面~佢反應都正常喎~

    ======================

    呢d咪只係識從自立場出發, 完全唔係體諒別人既人版囉

    果個並唔係路人甲呀, 係自己女朋友黎架



    Thomas :

    無錯呀,有你認同,我有d感動想喊添 ><,我當時既諗法就同你一樣,我又唔係路人甲,做乜咁對我呀??





  • 是误会或是彼此欠缺默契

    从前情浓如酒却遇著防卫

    今天的你已是铅华尽洗

    回我身边不过我当初的爱已渐逝

    滴著泪问什麼因素错误计

    情人能重逢心却未获连系

    今天的你已像完全陌生

    就算始终不变一般的美丽



    情已逝你当初伤我心令我悲凄

    不得不放弃柔情何时已消逝

    没法可重计



    情已逝你当初一带走便再不归

    虽今天再遇你浓情仍然似水逝

    从前莫再提



    是误会或是彼此欠缺默契

    从前情浓如酒却遇著防卫

    今天的你已是铅华尽洗

    回我身边不过我当初的爱已渐逝

    滴著泪问什麼因素错误计

    情人能重逢心却未获连系

    今天的你已像完全陌生

    就算始终不变一般的美丽



    情已逝你当初伤我心令我悲凄

    不得不放弃柔情何时已消逝

    没法可重计



    情已逝你当初一带走便再不归

    虽今天再遇你浓情仍然似水逝

    从前莫再提



    情已逝你当初伤我心令我悲凄

    不得不放弃柔情何时已消逝

    没法可重计



    情已逝你当初一带走便再不归

    虽今天再遇你浓情仍然似水逝

    从前莫再提



  • daisy:

    你個case比我痛苦,要講幾次佢先肯走.....真係呢d男人咩構造黎?



    Yan:

    係呀,我會帶眼識人啦,多謝你~~我相信總有人更值得我去關心



  • TT,

    其實妳都係無車返屋企, 先諗住去佢度過夜啫, 咁樣都唔係乜野過份既事, 根本無需要黑曬面口啫



  • 胡奇士 :

    多謝你隻歌仔!!!



    大家咁多位:

    我會好快無事架啦,原來有心事上黎share,見到咁多朋友回應支持,真係令我覺得好窩心呀,多謝!!!!!!



  • TT

    幾時都係有唔開心既野就講出黎係最好架啦, 有時上網講都係一個好好既方法, 又唔駛理會聽既係咩人, 可以盡情咁講



  • Thomas :

    佢會覺得我無車都可以搭的士返屋企架,唔一定要stay響佢度過夜,而且佢話好想有自己既私人空間諗下野喎,但係我堅持唔走,佢覺得我響度迫緊佢,我都承認我係夾硬黎,因為想同佢關係可以好返少少所以選擇留低,但係佢既角度會認為我迫緊佢,佢對我更抗拒,我諗都係得一個原因啦,佢已經唔再鍾意我lu.



  • TT,

    依照妳所講, 佢似乎係重視自己既私人空間多過重視妳

    當然, 我唔知妳地平時點相處, 或者係本身係一個極度痴身佢既女朋友, 樣樣都管住�

    佢難妳去玩, 可以有自己既空間做下野, 點知又俾妳既出現而無左

    不過就算真係咁樣, 都唔應該黑曬口面, 做人都要諗下易地而處架

    如果佢係妳, 妳咁樣對佢, 佢又會有乜野感受呢?



  • TT,

    同病相憐, 互相扶持.. 我好明白你所受既傷害, 希望大家早日脫離困局, 從新開始呀~



  • Thomas:

    哈哈...岩岩相反,我比佢好大自由度,之前我地關係好好果陣, 佢仲投訴我做乜咁少搵佢添. 我諗唯一一樣野係,鍾意你果陣咪覺得你少搵佢, 唔鍾意你果陣,你搵佢佢都覺得私人空間緊要d囉. 好多人"知易地而處"呢句說話,但當真正要做既時候,我諗無幾多個人會做到.



  • Yan:

    yeah...大家互相扶持!!!!

    你放假無地方去咩?



  • TT,

    既然如此, 咁一切都好清楚啦, 佢已經唔再鍾意妳了

    鍾意時, 真係一日見24小時都覺得唔夠

    咁妳有無同佢講清楚呢?



  • Thomas :

    你講得岩呀,鍾意果陣真係覺得見面時間永遠都唔夠用.唔鍾意果陣,對多一秒鐘都會覺得難受!!

    有呀,我同佢講,"我明架啦,大家無謂勉強落去啦,咁樣更加唔開心,分手啦!!"之後我好型咁轉身開門走左啦,哈哈~



  • TT,

    D衰男人變面變得好快架, 所以下次真係要睇清楚先好投入, 有咩唔妥就即時撇, 拖/留戀只會令自己受盡折磨.. 我一陣出去架喇, 唔想在家悶又亂諗野~ 你都係, 搵多d朋友, 做d令自己開心既事, 對自己好d.. 過一排, 你放低左佢之後, 你會覺得自己今日所受既苦好冇價值架喇~



  • TT,

    好, 夠瀟灑, 夠直接



  • Yan:

    係啦,我都覺響屋企悶緊果陣,就會開始亂諗野架啦,我都要搵多d朋友出下街先得.

    我會好快可以放得低佢架啦!!!!!



    今日涼左喎, 出街記得扲多件外套^^



  • Thomas :

    哈.....只係果刻瀟灑囉.搭緊車返屋企果陣幾鬼唔開心,不過依家講左出黎舒服好多.

    係呢,星期六唔出街既你?唔駛拍拖咩?



  • TT,

    咁唔開心就一定有啦, 割損左都要痛一兩日, 再過幾日先埋口啦

    既然大家緣份只可以到此, 就應該懂得放手

    唔面對事實, 就永遠搵唔到解決方法

    我都無女朋友, 拍乜鬼拖.....



  • 人非草木, 送首歌比你地~



    何韻詩 - 木紋



    曲︰張繼聰

    詞︰黃偉文

    唱︰何韻詩



    如果一手鋸開枯樹 木不會發現痛

    不過日日澆水的我覺得被挖空

    如果必須結束關係 難扮成從未栽種

    讓我數著年輪 這些年輪 我的心會痛 wo~



    畢竟那段如沐春風 早刻進百年長的信

    在信中圈圈緊扣 情感多深厚 前因非因錯種



    分開簡單 抹去往事極難 幾多溫馨燭光晚�

    難以用斧頭一劈 叫畫面飛散 伴侶沒了記憶會為患

    倚星細語抱月夜談 歷歷在目錄下年鑑

    來年樹倒 身影孤煙花散

    年輪未可推翻 化不淡

    (情長未可推翻 化不淡)



    緣慳 但是人非草木並不會太易慣

    刻個木造的心給我痛苦未會減

    情願舊事連根一拔 忘滅如x盡的炭

    但我數著年輪 幾圈年輪 已經濕了眼 wo~



    分手與又平復之間 少不過百年零一晚

    就怕翻風的一晚 回首貪一眼 回憶急速擴散



    就怕新婚的一晚 臨終貪一眼

    徒添幾分慨嘆



  • TT, 佢咁對你唔好想咁多刺,同佢byebye啦,另外, 出去行下搵朋友shopping咩都好,唔好一個人在家亂諗野呀,一想起又會唔開心啦!



  • Thomas :

    係啦,點都要學懂放手啦,拖拖拉拉落去,最後hurt到果個只係自己. 我個傷口應該好快可以埋到架啦,我要向前望!!!!

    哈,不過老土講句,有拖拍---煩, 無拖拍----一樣煩,我今日都響屋企上網過日辰咋!!



  • TT

    我都係咁話, 有又煩, 無又煩

    我今日都係準備係屋企hea, 悶悶地就訓下晏覺



  • Yan :

    好正既一首歌,我依家聽緊呀^^



    cat :

    係呀,一個人最容易出事,會胡思亂想,我要時刻提醒自己唔好諗咁多啦,雖然唔捨得,但係有捨先有得,我要快樂地去過自己既生活!!!!



  • TT

    我見妳咁睇得開, 我相信妳好快就會無事

    同埋好快就會搵下一個更好既BF



  • Thomas:

    咪係,依家d天氣涼涼地最岩就係訓~~~



  • TT,

    我都係咁話, 開隻窗, 有少少風吹入黎, 真係一流



  • Thomas:

    多謝!!我知道我會搵到一個更值得我對佢好既男仔^^

    你都一樣啦,你咁明白事理,善解人意,我相信你好快可以搵到一個好女友!!!



  • TT

    大家都耐心等下啦, 我相信, 只要認真對人好, 一定會有人明白同欣賞

    其實妳幾多歲? 妳講野好似有D經歷咁



  • Thomas:

    哈哈....有D經歷????係咪即係想話我老先???

    不過我年紀都唔細, 28架啦, 你呢


Log in to reply