原來我咁黑你憎??
-
同男朋友有爭吵,依家處於分手邊緣, 上個禮拜同d朋友燒野食夜左,無車返屋企, 又唔想搭的士咁貴,咁去左佢度過夜(佢一個人住),開頭佢唔願意,話想有返自己私人空間,不停咁趕我返自己屋企,但係我條氣又唔順,係都唔走,結果無可奈何,佢都迫住比我留低,不過佢話大家唔好一齊訓啦, 佢做廳長喎, 全晚佢個面口都好黑下, 之後各自做自己野,我心諗佢訓廳咁慘, 咁拎個枕頭比佢,點知佢突然大叫仲好惡下"嘩, 比你嚇鬼死,唔聲唔聲響後面行過",果刻其實自己個心都幾hurt下,駛唔駛咁呀?? 拎個枕頭比你姐, 好似我得罪你咁, 我諗我越黎越黑佢憎,心諗自己真係白痴, 人地都黑起塊面, 我係都要死纒難打, 我醒目d唔好再搵佢啦唔該!!!!!!!!!
-
諗通就好啦, 應該放手~~~
-
我估佢原先有節目, 比你咁死纏令到個節目無咗, 唔黑面有鬼
-
早走早著啦
-
點解咁多呢d男人既?
-
he dont love u la
-
佢似乎都唔多當妳係女朋友
-
佢地真係唔覺得令人難受既咩?
<br>我之前都試過比我bf折磨左兩個禮拜
<br>最慘係大家仲要住埋一齊
<br>我都唔明既然唔想一齊咪開口講囉
<br>何必要咁去折磨另一半呢
-
巴士:
<br>我依家開始明白啦,佢真係唔再鍾意我囉.
<br>
<br>Thomas:
<br>我認同呀,我果刻都唔知自己係佢邊個,好似仲衰過做佢朋友啦.
<br>
<br>daisy:
<br>係呀,我都明囉,佢地唔知人地會難受架咩??
<br>不過講到尾係自己搵黎傷心,我唔死纒就唔會唔開心啦,係我唔識做!!!
-
我認同呀,我果刻都唔知自己係佢邊個,好似仲衰過做佢朋友啦 <---- 我都試過有咁諗過架
<br>
-
u still love him?
-
係呀,我都明囉,佢地唔知人地會難受架咩??
<br>不過講到尾係自己搵黎傷心,我唔死�葩N唔會唔開心啦,係我唔識做!!!
<br>
<br><----- 你都好呀, 唔係一齊住, 唔見就可以唔駛令自己咁辛苦, 果陣我地一齊住, 成日都要對住, 想走又走唔到, 仲辛苦呀
-
TT,
<br>難得妳理性, 既然佢都做到出曬面, 就無謂再糾纏啦
-
點解咁多呢d男人既?
<br>
<br>by daisy - 10/20/07 11:28
<br>
<br>我都遇到, 呢d人比女人縱壞.. 事實上, 我都有份縱壞佢.. 不過醒喇~ 姊妹們, 希望妳地都早d清醒. 妳比佢折磨左兩個禮拜算少啦, 我比佢折磨左幾個月.. 佢地唔想一齊唔會開口講架, 做咩要做衰人? 認左咪比妳鬧? 拆磨妳想妳自己識趣走囉~
-
Yan
<br>
<br>我都有咁同佢講過, 話既然你唔想開口做衰人就我做啦, 我唔會怪佢離開我, 我只會怪佢係度折磨我囉
-
版主~
<br>你又唔話得佢喎~
<br>佢已叫你不要留下~你還要在~跟住佢自己做廳長,算係咁啦~
<br>半夜三更~有人企響後面~佢反應都正常喎~
-
我覺得而家好多人都係咁, 完全唔識得黠樣處理, 一直只係識去逃避, 令到對方知難而退, 其實清清楚楚咁講咪仲好
-
最後我都同佢講左幾次呢番說話佢先肯走
-
TT,
<br>妳用情錯不在妳, 係妳遇到D冷血欺騙感情既衰男人. 下次, 帶眼識人..
-
你又唔話得佢喎~
<br>佢已叫你不要留下~你還要在~跟住佢自己做廳長,算係咁啦~
<br>半夜三更~有人企響後面~佢反應都正常喎~
<br>======================
<br>呢d咪只係識從自立場出發, 完全唔係體諒別人既人版囉
<br>果個並唔係路人甲呀, 係自己女朋友黎架
-
巴士 :
<br>老實講未比佢大聲話果陣,我真係仲鍾意佢,仲好儍咁以為可以箍到煲,但係依家無啦,醒哂啦...我唔會再搵佢架啦,做咩要搞到自己咁難睇,比人黑面,比人鬧??!!
<br>
<br>daisy , Yan :
<br>係呀,好彩係我地唔係一齊住 .
<br>好認同有d男人真係好奇怪,有問題想分手果陣,係唔會開口講,會選擇逃避,避到女方去搵佢講清楚時候,佢先講話大家真係唔夾, 我覺得唔一齊唔緊要,起碼都有個交代先得架?!
<br>
<br>Thomas :
<br>係呀,佢做到咁出面,想唔理性都唔得啦!! 點都要留返少少尊嚴比自己!!
-
你又唔話得佢喎~
<br>佢已叫你不要留下~你還要在~跟住佢自己做廳長,算係咁啦~
<br>半夜三更~有人企響後面~佢反應都正常喎~
<br>======================
<br>呢d咪只係識從自立場出發, 完全唔係體諒別人既人版囉
<br>果個並唔係路人甲呀, 係自己女朋友黎架
<br>
<br>Thomas :
<br>無錯呀,有你認同,我有d感動想喊添 ><,我當時既諗法就同你一樣,我又唔係路人甲,做乜咁對我呀??
<br>
<br>
-
是误会或是彼此欠缺默契
<br>从前情浓如酒却遇著防卫
<br>今天的你已是铅华尽洗
<br>回我身边不过我当初的爱已渐逝
<br>滴著泪问什麼因素错误计
<br>情人能重逢心却未获连系
<br>今天的你已像完全陌生
<br>就算始终不变一般的美丽
<br>
<br>情已逝你当初伤我心令我悲凄
<br>不得不放弃柔情何时已消逝
<br>没法可重计
<br>
<br>情已逝你当初一带走便再不归
<br>虽今天再遇你浓情仍然似水逝
<br>从前莫再提
<br>
<br>是误会或是彼此欠缺默契
<br>从前情浓如酒却遇著防卫
<br>今天的你已是铅华尽洗
<br>回我身边不过我当初的爱已渐逝
<br>滴著泪问什麼因素错误计
<br>情人能重逢心却未获连系
<br>今天的你已像完全陌生
<br>就算始终不变一般的美丽
<br>
<br>情已逝你当初伤我心令我悲凄
<br>不得不放弃柔情何时已消逝
<br>没法可重计
<br>
<br>情已逝你当初一带走便再不归
<br>虽今天再遇你浓情仍然似水逝
<br>从前莫再提
<br>
<br>情已逝你当初伤我心令我悲凄
<br>不得不放弃柔情何时已消逝
<br>没法可重计
<br>
<br>情已逝你当初一带走便再不归
<br>虽今天再遇你浓情仍然似水逝
<br>从前莫再提
<br>
-
daisy:
<br>你個case比我痛苦,要講幾次佢先肯走.....真係呢d男人咩構造黎?
<br>
<br>Yan:
<br>係呀,我會帶眼識人啦,多謝你~~我相信總有人更值得我去關心
-
TT,
<br>其實妳都係無車返屋企, 先諗住去佢度過夜啫, 咁樣都唔係乜野過份既事, 根本無需要黑曬面口啫
-
胡奇士 :
<br>多謝你隻歌仔!!!
<br>
<br>大家咁多位:
<br>我會好快無事架啦,原來有心事上黎share,見到咁多朋友回應支持,真係令我覺得好窩心呀,多謝!!!!!!
-
TT
<br>幾時都係有唔開心既野就講出黎係最好架啦, 有時上網講都係一個好好既方法, 又唔駛理會聽既係咩人, 可以盡情咁講
-
Thomas :
<br>佢會覺得我無車都可以搭的士返屋企架,唔一定要stay響佢度過夜,而且佢話好想有自己既私人空間諗下野喎,但係我堅持唔走,佢覺得我響度迫緊佢,我都承認我係夾硬黎,因為想同佢關係可以好返少少所以選擇留低,但係佢既角度會認為我迫緊佢,佢對我更抗拒,我諗都係得一個原因啦,佢已經唔再鍾意我lu.
-
TT,
<br>依照妳所講, 佢似乎係重視自己既私人空間多過重視妳
<br>當然, 我唔知妳地平時點相處, 或者係本身係一個極度痴身佢既女朋友, 樣樣都管住�
<br>佢難妳去玩, 可以有自己既空間做下野, 點知又俾妳既出現而無左
<br>不過就算真係咁樣, 都唔應該黑曬口面, 做人都要諗下易地而處架
<br>如果佢係妳, 妳咁樣對佢, 佢又會有乜野感受呢?
-
TT,
<br>同病相憐, 互相扶持.. 我好明白你所受既傷害, 希望大家早日脫離困局, 從新開始呀~
-
Thomas:
<br>哈哈...岩岩相反,我比佢好大自由度,之前我地關係好好果陣, 佢仲投訴我做乜咁少搵佢添. 我諗唯一一樣野係,鍾意你果陣咪覺得你少搵佢, 唔鍾意你果陣,你搵佢佢都覺得私人空間緊要d囉. 好多人"知易地而處"呢句說話,但當真正要做既時候,我諗無幾多個人會做到.
-
Yan:
<br>yeah...大家互相扶持!!!!
<br>你放假無地方去咩?
-
TT,
<br>既然如此, 咁一切都好清楚啦, 佢已經唔再鍾意妳了
<br>鍾意時, 真係一日見24小時都覺得唔夠
<br>咁妳有無同佢講清楚呢?
-
Thomas :
<br>你講得岩呀,鍾意果陣真係覺得見面時間永遠都唔夠用.唔鍾意果陣,對多一秒鐘都會覺得難受!!
<br>有呀,我同佢講,"我明架啦,大家無謂勉強落去啦,咁樣更加唔開心,分手啦!!"之後我好型咁轉身開門走左啦,哈哈~
<br>
-
TT,
<br>D衰男人變面變得好快架, 所以下次真係要睇清楚先好投入, 有咩唔妥就即時撇, 拖/留戀只會令自己受盡折磨.. 我一陣出去架喇, 唔想在家悶又亂諗野~ 你都係, 搵多d朋友, 做d令自己開心既事, 對自己好d.. 過一排, 你放低左佢之後, 你會覺得自己今日所受既苦好冇價值架喇~
-
TT,
<br>好, 夠瀟灑, 夠直接
-
Yan:
<br>係啦,我都覺響屋企悶緊果陣,就會開始亂諗野架啦,我都要搵多d朋友出下街先得.
<br>我會好快可以放得低佢架啦!!!!!
<br>
<br>今日涼左喎, 出街記得扲多件外套^^
-
Thomas :
<br>哈.....只係果刻瀟灑囉.搭緊車返屋企果陣幾鬼唔開心,不過依家講左出黎舒服好多.
<br>係呢,星期六唔出街既你?唔駛拍拖咩?
-
TT,
<br>咁唔開心就一定有啦, 割損左都要痛一兩日, 再過幾日先埋口啦
<br>既然大家緣份只可以到此, 就應該懂得放手
<br>唔面對事實, 就永遠搵唔到解決方法
<br>我都無女朋友, 拍乜鬼拖.....
-
人非草木, 送首歌比你地~
<br>
<br>何韻詩 - 木紋
<br>
<br>曲︰張繼聰
<br>詞︰黃偉文
<br>唱︰何韻詩
<br>
<br>如果一手鋸開枯樹 木不會發現痛
<br>不過日日澆水的我覺得被挖空
<br>如果必須結束關係 難扮成從未栽種
<br>讓我數著年輪 這些年輪 我的心會痛 wo~
<br>
<br>畢竟那段如沐春風 早刻進百年長的信
<br>在信中圈圈緊扣 情感多深厚 前因非因錯種
<br>
<br>分開簡單 抹去往事極難 幾多溫馨燭光晚�
<br>難以用斧頭一劈 叫畫面飛散 伴侶沒了記憶會為患
<br>倚星細語抱月夜談 歷歷在目錄下年鑑
<br>來年樹倒 身影孤煙花散
<br>年輪未可推翻 化不淡
<br>(情長未可推翻 化不淡)
<br>
<br>緣慳 但是人非草木並不會太易慣
<br>刻個木造的心給我痛苦未會減
<br>情願舊事連根一拔 忘滅如x盡的炭
<br>但我數著年輪 幾圈年輪 已經濕了眼 wo~
<br>
<br>分手與又平復之間 少不過百年零一晚
<br>就怕翻風的一晚 回首貪一眼 回憶急速擴散
<br>
<br>就怕新婚的一晚 臨終貪一眼
<br>徒添幾分慨嘆
-
TT, 佢咁對你唔好想咁多刺,同佢byebye啦,另外, 出去行下搵朋友shopping咩都好,唔好一個人在家亂諗野呀,一想起又會唔開心啦!
-
Thomas :
<br>係啦,點都要學懂放手啦,拖拖拉拉落去,最後hurt到果個只係自己. 我個傷口應該好快可以埋到架啦,我要向前望!!!!
<br>哈,不過老土講句,有拖拍---煩, 無拖拍----一樣煩,我今日都響屋企上網過日辰咋!!
-
TT
<br>我都係咁話, 有又煩, 無又煩
<br>我今日都係準備係屋企hea, 悶悶地就訓下晏覺
-
Yan :
<br>好正既一首歌,我依家聽緊呀^^
<br>
<br>cat :
<br>係呀,一個人最容易出事,會胡思亂想,我要時刻提醒自己唔好諗咁多啦,雖然唔捨得,但係有捨先有得,我要快樂地去過自己既生活!!!!
-
TT
<br>我見妳咁睇得開, 我相信妳好快就會無事
<br>同埋好快就會搵下一個更好既BF
-
Thomas:
<br>咪係,依家d天氣涼涼地最岩就係訓~~~
-
TT,
<br>我都係咁話, 開隻窗, 有少少風吹入黎, 真係一流
-
Thomas:
<br>多謝!!我知道我會搵到一個更值得我對佢好既男仔^^
<br>你都一樣啦,你咁明白事理,善解人意,我相信你好快可以搵到一個好女友!!!
-
TT
<br>大家都耐心等下啦, 我相信, 只要認真對人好, 一定會有人明白同欣賞
<br>其實妳幾多歲? 妳講野好似有Ｄ經歷咁
-
Thomas:
<br>哈哈....有Ｄ經歷????係咪即係想話我老先???
<br>不過我年紀都唔細, 28架啦, 你呢