有關龜龜假死問題(急)~可能長左少少, 希望有人答到我
-
我隻龜龜養左over10年~
佢大約20cm左右...
我係執佢返黎既~
佢個學名應該係正宗大頭龜(我見出面街賣係咁寫)...
前幾日佢d手手腳腳連埋個頭都申曬出黎無曬反應~
我地都以為佢死左~
之後爸話"湯"左佢~
我地唔俾~
then媽放左佢出公屋放花/分體式冷氣個到打算曬乾佢~
點知兩日後佢又郁返~
我地即係拎返佢入屋~
我想知發生咩事~
其實由細到大都好似對佢唔係幾好~
我地無日日俾野佢食(因為屋企都唔係日日煮飯)
平時我得閒個時會去雪櫃拎d飯或者菜葉俾佢食~
佢會食曬~ (我覺得佢每次都係超餓個隻)
我媽話佢係食蚊(昆蟲)個d野~ so唔洗成日俾野佢食喎~
我想知我之後落黎應該做d咩,
或者係應該點養去繼續養佢~
因為係我執佢返黎~
我唔想見到佢死
請各位幫下我, 謝謝!
-
唔想養就送龜龜去愛護動物會!
-
你應該買龜糧俾佢食, 要日日餵佢, 最好放佢0係一個箱, 放0的水落去, 日日都要幫佢換水, 你隻龜之前係咪瞓教呀? 佢地瞓教時好鐘意伸曬0的手腳出0黎
-
上面有個網友鬧你不知所謂..巳經少啦...
你執佢返來就應該負起做主人責任...唔定時餵食同俾水佢..即係叫佢壽命減少..仲有龜龜唔夠野食...係唯有瞓去保存體內少少的能量.
你養龜的方法真係好過份.
唔該你同你呀媽講...龜係會吃蚊...不過唔係主要食糧
仲有你,龜係唔吃得有油有鹽的東西..你俾白飯都唔緊要...有油炒過的,
有鹽的都不能吃....真係驚你隻龜個肝巳經有事.
唔該你同你屋企人,以後對佢好d..
食方面...你可以去金魚街,係太子/旺角..買龜糧俾佢...有貴有平..
食龜糧,營養均衡d.....
食野個陣...要俾水佢...水大約到殼邊.....食完d水..換咗佢..
你再講多d..佢平時係邊度瞓...或者全日係有水到...定係邊多呀...
幾大隻??
最後...龜本身有菌...好似人有肝炎一樣...死咗唔可以食的,
叫你爸唔好咁做.
其實..養龜係一種樂趣,當中可以學會好多技巧...你如果有心樣,
就開始去睇下d web-site 啦...龜龜好有性ga...
-
下面個web-site 係大頭龜個樣,我想confirm 下你,你隻
可憐龜係咪呢隻
http://www.zoo.gov.tw/reptile/data/data_detail.asp?pages=2&rid=66
下面個web-site,好多網友養龜好叻,你可以post d問題,
佢地識的話會好幫手.
http://www.ikpz.com/forum/viewforum.php?f=32
-
你睇下,下面個web-site..你隻龜係咪,呢一隻...
http://www.tesri.gov.tw/content/animal/ani_crawler_02.asp
-
sorry呀~
個到d相都無我隻龜龜個樣~
佢大約20cm左右
我通常都係俾d生既菜葉同飯佢食囉~d飯會用水浸住俾佢食
佢鍾意成屋走~
佢都知到洗手盤係邊到~
佢成日係洗手盤低等我地開水喉飲水囉~
佢自己鍾意入廚房訓~
成日爬入去d"燈"仔低下訓
-
下面幾個web-site,係澤龜飼養資料同病例,
你睇下啦...希望你有多少少養龜知識..同埋
你明白其他網友,真係好愛護自己的寵物
http://www.hkherp.org/modules/weblog/details.php?blog_id=53
http://bbs.moninet.com.tw/board/view.cgi?forum=192&topic=9
http://www10.discuss.com.hk/viewthread.php?tid=1772848&extra=&page=1
http://hkturtle.b.forumable.net/tc/index.php?gid=5&sid=thaULa
-
都唔係呀~
佢黑色殼, 個殼都幾高(高過金錢龜)
-
你隻龜係澤龜...要用水養...
你可用去買個膠盤俾佢...size係佢個身 x2 or x3..
平時d水..放到過咗佢pat pat..即點到龜殼多少少..
去執舊大過佢身少少的石俾佢可以爬上去.
即是..要有一半乾地俾佢休息,一半乾地俾佢浸水.
早上,你可以餵佢少少龜糧先出門口,留佢係盤�堶�
晚上,當吃正餐..餵多少少..佢吃完飯,痾完..咪俾佢自由行,
係地行..去瞓覺...
龜係涼血動物...比較怕冷,平時不妨俾佢曬下太陽,
當然最好係下午3時後...唔好12時個d..太猛....
冬天,佢要冬眠就唔好攪佢...你可以refer上面d web-site
冬眠要點做...
平時可以俾d白灼蝦佢食..要涼咗..or..少少新鮮魚仔,豐年蝦..
佢地同人一樣...唔夠營養要吃維他命同鈣..
都可以係金魚街買到...
請你記住,佢係一條生命...佢寄望你照顧佢,
請你要負責同尊重一條生命..
-
http://hk.pg.photos.yahoo.com/ph/linlung2/album?.dir=f1eescd&.
src=ph&store=&prodid=&.done=http%3a//hk.photos.yahoo.com/ph//my_photos
上面條link,係個d龜龜屋企...
唔係要你做得咁多..不過,想係知,養澤龜,要有濕同乾地俾佢地
-
你有問題.再post上來啦.
祝你隻龜以後幸福啦....
-
唔開心,
請你好好想清楚,你想唔想正正经经養隻龜龜,付起做主人本份.可能你有很多問題和無奈做唔到最好俾龜龜.你不如考慮送龜龜俾人收養,好過佢俾你和家人固缺乏照顧,這樣弄死佢.請尊重生命!!
如果你想送龜龜俾人收養,留email,我會contact你!
-
謝謝你~
佢一食飽飽就好鍾意行出廳柯屎~
所以媽唔成日俾野佢食呱~
我依家已經每日一返屋企就搵野佢食嫁喇~
至於個盤就真係麻煩少少~ 因為真係唔知邊到有地方放個盤同埋係邊到搵咁大舊石仔返屋企囉~
我今晚會去買龜糧~
不過十幾年都係食飯~
真係唔知邊隻o岩佢口味囉~
-
M
-
M,
可能你會覺我好好自私...
我12歲既時候已經執左佢返黎~
我都知我對佢做既事唔多/唔好~
不過我都唔會將佢送俾人地養..
我唔可能將一個生命掉來掉去~
我當初見佢係俾個網袋裝住~
係街市賣龜個d檔口邊執佢返黎~
我唔執佢返黎~可能佢真係會開心d, 因為死左俾人食左都咪知發生咩事~
不過依家.. 我已經有能力去照顧佢既時候..
我係想上黎問下點養可以做好d~
而唔係想掉佢去俾其他人~
唔該你
-
唔開心
我叫你買個盤都係subjection...如果你屋企地方有限..都冇辦法.
then 你可以自己set,點樣照顧佢.
不過建議.早上,你要俾佢浸下水,食少少野...咪俾佢自由行lor.
晚上又係咁..不過餵多少少俾佢.
你隻係澤龜...大隻的話,早晚先俾水都唔緊要...不過係要日日俾.
唔係幾日一次.
我同m..都係愛龜之人..我都有8隻,有d係收養,有d係天生殘廢..
不過佢地真係好懂人性.
見你都開始知道要對龜龜好...
介紹隻糧俾你
TETRA的 REPTOMIN
FLOATING FOOD STICKS
細支的HKD15一罐..很香菜味..金魚街很多地方有得賣.
仲有...ZOOMED的 HATCHLING AQUATIC TURTLE FOOD.
金魚街的爬蟲地帶有得買..細支HKD20(有大粒/細粒)...很濃味.
以上2隻龜糧,都加咗多種維他命...你可先試.
至於,金魚街有D龜糧,紙盒裝...HKD10元3盒..
紅色是肉..綠色是菜...不過營養價值不多.
你記住,龜龜係屋企一份子...我就會俾我屋企人
最好的...唔知你以後會唔會呢.
仲有上面幾個養龜入門WEB-SITE...記住睇..
既然你係街市救咗佢返來,都係一種緣份...
有問題...要POST上來...幫到一定幫
-
唔記得提你
如果你淨係早晚餵佢..先可以俾到水佢.
個盤..可以買係佢個SIZE大D..可以俾佢前後行到2/3步.
龜龜靠你啦....
-
唔開心
如果你媽怕佢吃完週圍痾...
其實你可以等佢每餐吃完...見佢係水痾咗先同佢沖涼出來.
龜龜通常吃飽...好快就痾ga la...
-
唔開心,
我明白你想對龜龜好,你去買d龜糧和好似上面龜友所講照顧龜龜.
如果你有問題,就上來,我地會幫你!
你可以去書局or library 揾d龜龜書,幫到你養龜龜!