"我未READY"... 即是你已拒絕我﹐但又為什麼對我懶好? 男人都鐘意玩弄女人感情?

兩個月前因工事而同一個大我十年o既男人熟絡。 大家好似好關心大家﹐日日都會傾電話﹐SMS 或MSN﹐佢出TRIP都會打長途電話比我﹐亦會向我報告行蹤。我地傾電話既內容亦好似一對情侶﹐亦有以暱稱互相稱呼對方。 我地亦有多晚傾到天光。我一直以為佢想追我﹐但佢一直都無約我出街﹐而籍口就係因為工作太忙。開頭我都不以為意﹐因我工作都好忙﹐ 無乜時間諗禁多﹐ 但當一次又一次佢話約我而無左件事﹐我開始覺得自己比人玩緊。 但我因佢既關心而被打動左﹐鐘意左佢。 我知一個男人如果鐘意一個女人一定會想見到佢﹐由其時未追到果D。 佢敢做﹐我好清楚知到佢並非禁鐘意我﹐我唯有逃避﹐開始對佢冷淡。但佢好快就知我玩緊乜﹐就同我講 : "我諗我地大家都FEEL 到有D 野o係我地之間發生左" "點解我遲 遲都唔見你係因為我未READY﹐ 我同以前女朋友仲糾纏不清﹐唔想拉你落水...." "而且我都敢既年紀﹐要好小心揀" 我問我應否等佢﹐ 佢話順其自然 後來我知道佢其實拍過十幾次拖。識我之前幾個月都有一個拍左半年。而佢亦自己認同人好快撻著﹐亦好快熄。但佢話對住我有D唔同。 對我行既每一步都好小心。 亦好TREASURE 我CARE佢﹐佢CARE我既感覺。 但我都唔細喇﹐唔會比佢��到。 不過真係好心痛﹐以為自己識都個好人。而家同佢仍然有傾電話﹐仍然好似好關心對方﹐我好怕我會泥足深陷。 我相信佢唔係想呃我上床﹐我同佢連手都無拖﹐。我亦唔會o係工作上比D咩好處佢。 我真係好想知佢諗緊D乜? 點解佢唔撇脫D唔好再理我? 唔通男人覺得有女人為佢動情而覺得自豪? 定係D男人鐘意玩弄女人感情?<o:p></o:p>

妳嫌人地唔夠撇脫,
 咁妳自己又好灑脫咩?
 妳夠灑脫既就唔駛係度開條咁既thread啦!
 一百步笑五十步.

HA, 你緊係男人黎架喇?!
 
 第一我並唔係唔笑佢﹐而係自己鐘意左人﹐ 而被人拒絕。就係因為我唔灑脫﹐我先想知點解佢既然拒絕了我﹐又唔對我絕D?

好啦,到佢對妳絕情冷淡,
 咁係咪代表妳就唔會埋怨?
 到時妳就會話,
 駛唔駛咁小器呀?
 駛唔駛對我不瞅不睬呀?
 拍唔成拖做個朋友都唔得?
 
 我覺得香港男人真係非常可憐,
 女人只要認定佢有錯,
 就點樣都要夾硬羅織罪名砌佢一鑊,
 以泄心頭之恨.
 
 欲加之罪,何患無辭?????

每件事都有兩面..如果個男人冇講大話, 我都有咁既經驗...
 
 到最後個女仔好主動要開始, 我亦唔識堅持...開始左之後, 大家都有唔開心, 唔少係因為我同之前既女友唔清唔楚...好快就分開左.中間仲令大家都好唔開心...
 
 唔好太多試探 at this moment, 隨心, 而且都open 自己比其他人一d 機會...因為如佢所講, 佢可能只係一時撻著,未必好長遠 <- 這是我的忠告

順其自然啦,你埋怨佢亦都無用!!或者佢呢番說話係事實!!佢都唔係想害你嘅!!
 不過另一面睇...
 如果佢仲同舊女友依然紏纏不清,佢同你又咁曖昧,呢個行為我作為男人都都認為係點講佢都係唔啱!!
 點都好...咩事都要冷靜分析!!唔好咁多怨言!!
 學阿燦喺尋找他鄉的故事咁講....((怨...係於是無補))