改變我的一生。異維A酸 歷程!(素顏照+恐怖暗蒼照+超長文)
-
你能想像上面 2 幅圖是同一個人嗎？
你冇睇錯！
以上 2 幅圖都係我！
再分別睇 2 張相片的日期 ~
相差 1 年都冇！
點解短短 1 年之內，我會有咁大的轉變？！
因為我經歷左一個長達 6 個月的，
口服異維A酸療程！
事原係咁……
我由 14 歲開始皮膚變差，
由 T-Zone 位開始生黑頭、粉刺、暗瘡，
版圖 漸漸漫延至全面，
由 普通皮膚 變成 極度外油內乾 的膚質。
最終，
真係到左 搽咩都冇用、塊面爛曬的地步…
於是 ISA 就上網求助…
最終 比我發現…
比較少人選擇、成效較高的 異維 A 酸 ！
咩係異維 A 酸？
詳情可睇我下一篇。
宜家簡單咁講下，
其實口服異維Ａ酸（Isotretinoin）係算目前最有效治療暗瘡的特效藥，
一般用於中度至嚴重暗瘡。
由於可能引起的副作用較大，
所以必須經由醫生處方，
患者開始療程前 必須簽署同意書。
一般而言，
口服Ａ酸的療程可長達三至八個月，
嚴重者可能需要服藥一年或以上。
有大約八成人服食後不再有暗瘡問題。
口服Ａ酸的原意係用來治療部分癌症的，
可想而之，其藥力之重！
所以，一般不建議輕度暗瘡患者服用。
廢話少講！
大家睇相就知咩事！
請鼓掌！
一連三篇的文章中，
若唔計眼線的話，所有的相 ISA 都係素顏影架！皮膚亦完全冇電腦加工過！
我只求你地清楚我食藥前後的差別。
我已經用左好大勇氣，先可以 upload 我一生中最 醜 的相…
所以請恕我某 D 相 Cover 左個五官 ~
下面 3 張相，
係我未開始服食 A 酸時，
醫生幫我影低做 Record 的 。
與 頸部的皮膚對比之下，
可以見到成塊面好似 發炎中，
每個地方都充滿粉刺、黑頭、暗瘡…
再加毛孔粗大，內乾外油到不得了！
真係冇一忽好肉！
成塊面爛曬！
依個時侯，ISA 的暗蒼已經嚴重到第七級！
第一級：
皮膚剛開始有發炎出現，稍稍凸起，以手觸摸會有輕微痛感。
第二級：
暗瘡開始聚集，並已感染到周圍的毛孔，引發連環發炎狀態。
第三級：
由面頰延伸至額角和髮際，伴有輕微暗瘡印。
第四級：除了暗瘡印外，亦見疤痕，表示舊暗瘡未完全康復，新的暗瘡又接連長出。 
第五級：暗瘡愈長愈密集，而且細菌已深入皮膚底層。這種情況較難治療，即使痊癒，亦多會留疤。 
第六級：除舊有暗瘡外，亦見皮膚底層有眾多白頭，顯示皮膚質素弱。 
第七級：患暗瘡的時間長，有明顯疤痕，皮膚亦有大片的炎症正在擴張。 
第八級：發炎嚴重，亦有敏感情況。皮膚處於虛弱狀態，治療時間較長。 
第九級：
除有暗瘡印和疤痕外，亦見潰瘍，大片爛肉，甚難治癒。
第十級：
由於皮膚結構不穩定，令細胞畸型，出現囊腫和結節問題，情況嚴重。
( 以上資料轉自http://www.jackelinebeauty.com/treatmentTD_0000001__b5.html )
多得 ISA媽 的經濟支援 ~
我由 2010 年 1 月開始服食 A 酸。
食左足足六個月！
( 請忽略張相的日期，個時未較好部相機 )
其間，
我經歷一生人最醜、最痛苦、最自卑的 爆發期 + 面紅期！
但 直到今日為止，
我認為當初的 種種苦況 都係值得架！
。。。。。。第一個月。。。。。。
服食 A 酸一個星期之後，
皮膚開始慢慢變乾、敏感，會有脫皮… ( 尤其塊面！ )
而且會變得好痕。( 醫生話係因為藥效發揮緊 )
。。。。。。第二個月。。。。。。
皮膚變得愈來愈乾…
正面睇冇咩野，
但係已經開始進入爆發期啦 ！
發出黎 係大大粒的暗蒼！
全面開始變得泛紅、面腫，
仲係覺得好痕…
。。。。。。第三個月。。。。。。
最痛苦的一個月！
塊面又乾！又紅！又腫！又痛！又痕！
生不如死的階段…
每個毛孔好似火山爆發咁，
由底層發曬 D 毒 + 油出來！
特別係腮邊位。
每日都要搽厚厚的 CREAM 上面部。
嘴唇變得乾燥，就算搽左 Vaseline 都會乾到裂開。
你笑一笑、轉一個表情，都會好痛！
眼睛出現乾澀，變得容易疲倦。
手臂上長出少量濕疹，
刷牙時，牙齦亦會出現流血的情況。
。。。。。。第四個月。。。。。。
最痛苦的已過去！
開始淡出爆發期，
皮膚已經開始轉好啦 ~
但塊面依然好乾！好痛！好腫！好紅！
鼻腔內有時會乾到有血絲！
真係乾到連呼吸都好辛苦！
唔好以為我塊面好油 ~
其實係我每日都要搽一層厚厚的 CREAM，
如果唔係，塊面一定乾到損曬 + 痛 ！
當時，ISA 塊面咁令 、咁油光滿面、咁腫，
因為 A 酸係油融性，
搞到我成個人仲肥左添！
返學真係好自卑…
D 同學個個都問我咩事…
唉 ~
。。。。。。第五個月。。。。。。
仲係好乾、好紅，
但可以見到暗蒼冇曬啦！
只剩大量印印、少量紅粒係道~
嘴唇乾到紅曬，嘴角仲裂開左添！
不過個陣時，
嘴唇的膚質真變得係好嫩 ，好似 BB 的嘴咁 ~
因為我文章的字數太多，
大家不如去我個 Yahoo!Blog 睇啦 ~