想學車, 請問邊間駕駛學院好呀?分享下丫~~





  • 喺雜誌見到一間叫做"德安駕駛學校" (http://www.driving.com.hk/)

    只係$1560, 係咪呃人ga?點解咁平ge?

    我見香港駕駛學院嗰d $4000左右ga wor~~



  • 朋友親身經歷(有3個人都試過), 去香x駕駛學院學, 多數唔可以一take過, 因為佢想食你補考費...

    搵私人教車既人去教會好d架...



  • 其實你要睇下佢 1560 係包d 乜野, 有幾多堂係教車 幾多堂教書.

    同埋包唔包路票同學牌. 而且仲有d 野佢係一定無同你講要$, 例如考試租車等等.



  • 我見到佢個網咁寫:

    優惠價



    輕型貨車

    /私家車: 28堂連租車考牌費 $3,600

    21堂連租車考牌費 $2,840

    18堂連租車考牌費 $2,480

    16堂連租車考牌費 $2,260



    *請致電本校查詢最新優惠

    如需加堂, 每堂只需費用$120



    係咪呃人ga??



  • 小妹

    唔可以話佢呃人, 只係佢有d 野無包, 等你報名時佢會話你知你仲要比d 咩錢.



    我睇完見到...

    例如路票 學牌 佢無話包啦, 我幾年前考兩樣野就大約 $1040左右.

    咁基本上都建議你學30 個鐘路面架喇. 考試租車就約 $500.

    咁即係3600-500 =3100 (28堂) 每堂45 分鐘的!

    咁大約100 (1堂), 但係唔知佢有幾多堂係理論, 幾多堂係路面.

    咁即係你要補堂, 約6 堂啦= 6x 120=720

    如果你一次pass 就要用1040+3600+720=5千幾啦.



    但唔好采肥左, 咁個學牌都仲可以用o既. 如果補10堂再考,=1200

    + 路票 500 左右

    + 考試租車 500

    =2200 左右喇.



    明白未? 唔明再問啦.



  • 新牌仔,

    多謝你ge reply~~

    佢$1560 嗰個course 係包:

    4堂筆試 & 理論

    16堂路面實習 (咁如果我另補10個鐘都係$1200)

    1堂考試路線分析

    另收租車考牌費$700

    (其實我上個星期見到佢包埋9堂電腦模擬考試ge, 唔知有冇用ge lei?)

    如果再加路票,學牌,大約 $1040左右

    咁即係total: 1560+1200+700+1040=4500左右la, right??

    咁即係價錢同出面嗰d 差唔多, 只係睇下邊間好咁解, right??

    咁你之前喺邊間學ga?? 俾d 建議我丫~ thx~



  • 唔好報駕駛啦~好後悔



    考左一次冇大錯都可以肥左我

    我預左肥D踩停我既野~大錯

    我諗住易D考~點知咁都肥人



    早知報街



  • 如果駕駛學院真係咁易肥,咁點解佢合格率會有八成幾咁高ge?



  • 輕型貨車係會易肥d, 因為個考試官會認為你係會用輕型貨車搵食, 所以嚴d, 我10年前個師傅都話, 輕型貨車合格率係得3成



  • 如非需要都唔好考輕型貨..

    真係好易見~~

    相反私家車就易合格~~~

    駕駛學院同其他果 D 分別係~~~

    佢貴 D~~ 同 專業 D~~��

    不過我覺得佢地幾專都好...都係冇乜用~

    考左牌之後係用 $$$ 來換經驗~



  • 香港駕駛學院---大部份亞sir都好好人架

    又nice, 又heplful

    我只遇過一個唔好咋...



  • 小妹

    唔洗客氣,反正有時間,幫到你無咩所謂.



    其實你大約知唔知考車係點??

    基本上分筆試同路試. pass左筆試先學車準備路試.

    但係筆試肥左都好似要買過路票(唔係太記得!!)

    4堂筆試 & 理論 <~ 就係應付筆試,咁有d 路面智識都會pass架喇.



    1堂考試路線分析 <~ 無咩用!!



    9堂電腦模擬考試ge <~ 無用架!!



  • 其實去邊間都係差唔多,但係果d 廣告....你信唔信先??

    我有朋友去駕駛學院都係考兩次先pass. 結果都係一樣,但係就貴d 囉.



    而我頭一次考就報"好運",但就有d 不愉快事件囉,

    話說我報完之後就上堂準備考筆試,佢有d書仔比你讀,都幾順利pass左.



    之後就學車,掉頭,泊位同路面,都學得唔錯,但係學到20堂左右,個師傅A走左人,仲要係我搵唔到個阿A 打去佢寫字樓先講我知, 我仲有幾堂之後就考車喇, 之後佢安排左另一個師傅B 教我, 但係好衰唔衰我病左, 佢話我唔夠一日定唔知幾多日通知, 就算唔學都照扣, 當時我係諗緊好唔好死下死下咁學車,不過都係命仔緊要,一堂豪比佢.



    跟住有日另一個師傅C 打黎, 話師傅B 有學生同我撞左考車日期, 所以呢個阿C 就黎接手, 我就好似波咁比人踢黎踢去, 第一堂跟阿C 學車, 架車同師傅A 架車唔同,教泊位睇咩位又唔同, 我好似乜都由頭學起, 但最受氣係佢話我乜都唔識, 點去考車呀!! 嘩~ 我果下真係想食左佢架車呀, 不過鬼叫就黎考車, 忍佢.....上左幾堂都熟左佢架車同教法, 係咁行考試路線, 我第一次係考澤安, D人話係最易考. 點知有次行行下聽到阿C 訓著左.....=.="仲好,等我自由發揮. 但到差唔多考試前, 我先知道有考試租車呢樣野, 感覺好似被騙.



    到考車當日,樣樣都好順利,但係我犯左一樣嚴重錯誤,就係轉線時無擰頭望後,可能動作唔夠......結果都係死O係自己手上,都無得怒人. 泊位pass,無其他嚴重錯誤. 果次好似洗左5000.



    不過之後無報返好運lu~ 上網問下人有咩好介紹,咁就有人介紹左個私人師傅比我,$100一堂,考試租車$500,再買過路票,補左10 堂再考, 天光道, 終於都pass左. 今次洗左2000 左右.



    我o既建議就係.....準備定考兩次, 同埋肥左之後即刻再排期. 因為學牌係有限期, 過左期就要比左$500. 考試前要足夠準備,同埋平常心.



  • 同埋有樣野, 依家係咪考van 仔就淨係可以揸van 仔? 唔可以揸私家車?



  • thanks 新牌仔,

    終於都有人肯分享成個學車 & 考牌經驗



    聽完你咁講, 我係咪都係直接搵私人師傅學好d lei?

    可唔可以介紹你嗰個俾我?

    但私人師傅會唔會冇筆試筆記ga?

    私人師傅包唔包考筆試ga??

    如果100/堂, 咁我學30hrs, 即係3000, 加考試租車500, 咁洗唔洗再加路票嗰d 嘢?

    唔好意思, 太多問題 ^^



  • 小妹

    $100 一堂已經係3 年前o既事,依家幾錢一堂真係唔知,而且都唔知個師傅仲有冇教, 等我試下搵唔搵得返張卡片先啦.



    路票和學牌係必須架.之不過我第二次考時個學牌仲有效,所以淨係要買路票.



    至於私人點樣教筆試果d 同埋有冇筆記我真係唔清楚.



  • 我搵私人學,$100一堂

    自己衰趴頭,轉線冇大動作咁望鏡..要考過..

    其實我sir都幾好,肯過料,係自己衰架唧

    可以介紹俾你..

    我睇過5,6個李x學生考泊位調頭,都肥哂...

    路試佢有本書同題目俾我,自己攪掂佢



  • 我搵到張卡片喇

    留個e-mail之後比你啦.

    [email protected]



  • 報街一堂正常$120囉

    我識就$100

    不過佢係元朗囉



  • 我send 咗e-mail俾你la~

    thx~



  • 後悔,

    元朗太遠la, 唔啱我

    不過都唔該曬你~~ ^^



  • keith,

    請問你個師父喺邊區ga?

    麻煩你send你佢ge資料俾我丫

    my e-mail: [email protected]

    thx~~



  • 請問私人學車師傅點搵好呢?


Log in to reply