台灣工幹四日三夜



  • 上個星期第一次出business trip, 自己一個女仔去台灣分公司跟個job, 心情又緊張又興奮~ 之前一直好羨慕其他同事可以出trip, 心唸幾時先輪到我, 次次都係男同事有得去…>.< 今次終於比我等到喇!

    可能上機前一晚訓得唔好, 一落機成個人散哂, 台灣同事已經到左閘口等我, 第一次見, 不過佢地好nice, 一見面就係咁問我攰唔攰同餓唔餓, 原本唸住一落機就去左office, 因為通常hotel同機場都距離好遠, 一來一回又冇左半日, 不過我同事話佢地幫我book左一間好近機場既酒店, 車程唔使5分鐘,叫Hotel Quote, 之前都好似聽過, 不過冇唸過出business trip都可以住得咁好


    我一去到hotel真係嘩左一聲, 我住Ladies Floor, 全層都係女仕專用, 佢地話驚我自己一個女仔危險, 真係好細心, 放低d野洗個面就番左office做野, 話哂公司叫我去公幹唔係尼玩, 梗係要做野啦~~~不過夜晚同事都帶左我去食左超正既牛肉麵, 真係好好味, 個湯底有好濃既牛肉味, d牛肉又好淋, 10分滿分呀!



    食完野番到hotel, 即刻沖涼訓覺, 要養足精神第二日做野, 之前仲擔心訓唔慣hotel張床, 不過原來我既擔心係多餘的,因為張床實在太舒服喇!!!軟硬適中, 第二日唔會覺得周身骨痛, 真係好多謝佢地幫我book呢間hotel~



    之後幾日都係番office做野, 不過lunchdinner啲同事都會帶我周圍食野, 今次真係冇時間周圍玩, 台灣同事叫我放假再去搵佢地, 真係好好, 搞到我番到hk都掛住佢地, 同埋掛住係hotel quote張床lor! 唔知下次出business trip仲有冇機會再尼呢?



  • HK有機飛松山機場??


Log in to reply