好想拍拖....
-
-
已經差不多三年無拍拖, 最近幾年都係努力工作, 身邊好多朋友都已經結婚, 甚至已經有小朋友, 有時見到自己成日都係一個人咁獨來獨往, 都會覺得幾唏噓
-
咁咪努力尋找你既另一半囉, 你幾大呀? 有咩要求?
-
我已36歲了, 我會覺得越刻意搵, 好多時都係一團糟
-
其實都係架, 我都30+了, 順其自然啦, 不過都要盡量去認識多一點新朋友, 增加機會囉... 不過講就易, 人越大, 認識新朋友就越難, 而且到左我地呢個年齡, 好多都有另一半了... 我明既...
-
咪就係囉, 人大左, 要識到新朋友真係難左好多, 年紀細既對像, 又驚溝通唔到, 同我差不多年紀既, 又驚拍左一陣拖, 又話要計劃幾時結婚, 變左好似為結婚而拍拖咁, 失去左本來意義
-
如果你真係想搵個伴, 而且覺得對方係right person, 結婚組織家庭都好自然姐, 鍾意一個人當然係想一齊生活, 分享彼此既喜興樂嘛
-
咁我又唔係唔想結婚, 只係覺得, 同一個人拍拖, 大家真係可以配合得好, 而又想一齊繼續生活, 先再講結婚問題, 而唔係好似有一個時間表咁, 拍左咁上下時, 係時候要結婚咁樣囉
-
咁當然啦, 如果唔係, 我都一早結左婚啦, 哈哈~ 唔駛到而家都仲係一個人生活
<br>何況, 每一個人都有要求, 你揀人時, 人亦揀你, 只係我覺得, 唔係要揀最好既, 係要揀最適合既!
-
為�鱄n結婚而求其選個人嫁就真係唔好啦!
<br>寧可花點時間再選, 唔可以因為年紀問題而要屈就自己..
-
頭先一下唔覺意露左底添^^ 呵呵~
-
講真丫~就算有拖拍又點..好可能有日又係孤伶伶....有又好冇又好,順其自然啦~
-
單身女, 我都好同意妳既講法, 不過妳睇下出面既thread, 好多人話要搵bf/gf, 都係話想結婚, 咁樣真係有少少搵錯方向囉
<br>
<br>之之, 我都唔會因為年紀問題而求其搵, 不過單身得耐, 難免會感覺孤伶伶, 特別係大時大節
-
雖然我D朋友未結婚﹐但各有各忙﹐都無時間見面。平日番工放工都無咩野﹐但過節時都覺得幾lonely。
-
kiki, 無錯呀, 我D朋友大多結曬婚, 就算有時過節成班朋友一齊過, 我次次都係一個人咁出席, 都幾慘.
-
單身男,
<br>咁你應該以你如題而做, 搵個合你要求既對像拍下拖先囉, 慢慢了解, 相處再睇下點囉...到時自然會知啦, 唔駛諗得太多
-
單身女, 無錯呀, 所以我只係講, 好想拍拖囉, 再無提其他野, 因為都唔知之後會發生D咩
-
我都有同感﹐次次睇戲我朋友都好好會叫埋我﹐不過做電燈膽﹐我都唔係0甘好意思。
<br>
-
kiki, 完全感同身受呀
-
單身男﹐我稔去到你個age既女仔都會心急一D想結婚既﹐如果再拍幾年先結婚﹐佢地會好慘架啦﹗
-
所以你應該諒解佢地心態。另一方面我又明白你所講﹐唔好為結婚而結婚﹐所以呢﹐都係take it easy。
-
我身邊既朋友九乘以上都結左婚, 有d仲有小朋友添, 所以我而家都好少出街, 人地一雙一對, 出多幾次自己都無癮啦...
-
kiki, 呢點我都好明白, 所以我先唔知點做好, 叫大家一齊觀察, 又好似擔誤人地時間, 一開始就講有咩承諾, 咁又無咩意思
-
講真, 到左三十幾既位置, 女性拍一兩年拖, 如果係岩既都好應該結婚, 男既亦應該體諒佢地既心態囉, 唔好拖得太耐啦
-
單身女﹐我都係﹐好少出街啦﹐哈哈。
-
單身女, 我絕對明白到左呢個年紀女性既想法
-
單身男﹐如果你依家要拍拖﹐都會睇得好準﹐sure個女仔0岩自己先會拍﹐係咪﹖
<br>
-
我已36歲了, 我會覺得越刻意搵, 好多時都係一團糟
<br>
<br>by 單身男 - 05/21/07 11:14
<br>
<br>好有同感﹐越想搵﹐越係搵到wrong person
-
kiki, 呢個梗係啦, 不過好多野, 都真係要正式相處過先知, 就算之前大家有好多溝通都好, 齋講係無辦法得到真正既畫面
-
HK女多過男﹐單身男你應該有好多女仔追先岩﹐出去結識下新朋友麻。
-
如果你真係想搵個岩既人, 可以試下介紹所, 或者yahoo既友緣人既, 不過呢兩種方法就比較"直接"一點, 唔係人人都會咁做囉
-
kiki, 我從來無咁樣去諗, 我只係希望識到一個合適既人
-
單身女﹐你有無試過﹖
<br>我比較內濂﹐都唔會試友緣人呢類﹐可能我等緊佢黎knock my door﹐HAHA
-
單身女, 我又真係無諗過介紹所, 我覺得識女朋友, 應該係靠自己
-
單身男, 你平時放假自己一個會做咩﹖
-
kiki, 老實講, 我放假多數係屋企休息, 係屋企hea咁囉
-
我有朋友試過, 佢連table 6都試過, 仲要係好幾年前了...
<br>不過真係唔係你想像中咁易搵到個岩既人囉, 始終每個人都有要求, 除非你係果d求其搵個人都得就話姐, 如果係, 唔駛搵到而家都仲係單身啦, 係咪?!
-
死啦我27歲啦,都未拍過拖,點算!
-
單身女, 講真, 我對呢D活動真係興趣不大, 我始終覺得識女朋友係靠自己好D
-
我都係講我既朋友既經驗, 佢果時都有叫我去, 但我對呢d野無乜興趣囉...
<br>講真, 都咁大個人, 識到岩既自然會發展, 唔駛咁刻意囉, 唔岩我, 哈~
-
原來都有0甘多寂寞既人﹐單身男﹐出去識多D朋友先﹐比D機會自己﹐0甘先識到女朋友麻﹐就算識唔到﹐做個朋友都好。
<br>
<br>
-
索女, 妳27歲, 仲好後生啫, 唔駛咁擔心喎
-
其實呢D係咪緣份﹖都強求唔到
-
單身女, 我既處理手法係同妳完全一樣
-
索女點解無人要呢﹖﹖﹖﹖﹖﹖﹖﹖﹖
-
kiki, 其實兩個人可以識到已經係有緣, 問題只係情緣, 孽緣, 朋友情緣, 甚至係其他類型既緣份, 就要了解多D先可以分辨清楚
-
係囉~~~都唔知點解,冇男仔追我。
-
單身男,
<br>如果你放工後無咩攪作既, 而又唔駛點需要OT, 不如搵野讀下, 或者學下, 可能會識到新朋友, 新同學架, 而家公餘進修真係有好多人, 無論係同工作有關, 定係為興趣, 你可以試下嘛, 而且當係relax又得, 識多d野又得...
<br>
<br>kiki,
<br>我諗我同你既處境都幾相似, 大家繼續努力啦, 隨緣吧^^
-
單身女﹐多謝你﹐你都要努力﹐進修都係一個好好既方法﹐單身男﹐你都可以試下﹐努力呀﹗
-
單身女, 我既工作時間唔係好定時就真, 雖然我係OFFICE工作, 不過間中可能突然要上大陸做野, 所以我工作真係唔定時