你地認為咁樣系唔系發姣??



  • 我自己系女仔,個性格好男仔頭,
    講野快,做野又系爽快,所以d 性格唔會扭令同小氣.
    但系同女仔相處好辛苦,講句說話都要就住就住,大聲d 講野,都話系吋, 講野答得爽快d又話我求其. 
    好辛苦, 又要勁好禮貌, 斯文, 做咩都要陪下佢,讚下佢.......
    所以, 同男同事相處真系好好多, 咩都唔會計較,唔會小氣,做錯d 咩,有咩不滿都會當面講出來.
    唔會表面扮無野,背後講曬事非, 
    所以我真系多數同男同事好傾好多( 公事上,無聊生活上話題, 講下港聞, 事時, 笑;料), 講得好笑,
    又真系會笑得好開心.
    但系d 女同事眼中,佢地就覺得我系發姣......唉.....唔埋女人堆= 發姣. 真系shixt 
    自问我從來都無同d 男同事交換電話, 私底下出街.甚至msn 都無問過一個. 
    不過d 人就系咁........
    你地認為, 系女人眼中呢d 真系發姣?? 男人, 你認為一個爽快, 好傾女仔系發姣嗎?

      



  • 我同你一樣bor...



    算啦, d女人係咁, 只有一個reasson : 唔抵得



    唔抵得你做咩同班男人咁好傾。



    我心諗佢地都傻傻地, 係佢地自己唔傾之麻關人咩事?

    只要問心無愧就唔駛理啦



  • you are not 發姣 . dont worry . most of my female friends are like you too. ofcause no women are the same. okay i should say no girls are the same . 爽快 d is more fun



  • 你會唔會係成日群住班男同事,唔做自己野?

    加上你d大笑,傾到好開心之類,d人咪可能覺得你放電,想d男同事like你law而專登做出0黎,你會唔會係太高調,又唔識同男同事保持距離呀?



  • i think female got more hate and jealousy.sometimes we just like to play hard and laugh hard. most guys like girls being 爽快 . cause it's easier to communicate



  • 其實, 你唔駛問人, 你都知乜係發姣, 如果咁大個人都處理唔到旁人閑語, 你以後點開心生活啊?



  • 自問無問題就ok啦, 我識d女仔就真係唔埋女仔堆, 淨係同d男仔玩, 不過佢地就會痴身痴世, 有時又扮下可憐咁, 明明有男朋友都借d易溝下仔, 拎下電話, 呢d先叫姣..



  • 不如你o係數左自己咁多優點之外,有乜野缺點?



    你未必係姣,有可能自以為是,懶清高而乞人憎



    我o係d女仔朋友面前好受歡迎,好多女仔知心友,佢地亦覺得我好男人,好爽快,不忸忸寧寧

    同時當然同男人都好夾



    兩方面無衝突架喎



  • 我自己當然有缺點, 但系自己看自己,都唔知會晤會自己優點, 會系人地眼中缺點.

    同女仔堆相處, 有好多事要配合佢地.慢慢商量,好多時都會渣唔定主意.

    唔會話一就一,話二就二.

    我自己好講公平同實際, 少女兒家d 仱持扭令.

    講野for 女仔來講, 我系掘, 但for 男仔來講系實話實說d 爽快.

    我唔會刻意就人, 也唔會要人就我.

    d 重野我會自己搬, 但系男同事見到就會幫手. 甘系呢個情況下.d 女同事就會話我咩都要男仔幫,好似埋男人堆系為左有大把男人幫咁.

    而事實系, 就算無男人係度,我都會自己動手換水,搬野.

    我覺得系唔fair .

    因為d 朋友,最初識我都系咁0第.我.但真正了解我之後都會完全改觀.

    我只系覺得, 爽快唔扭令就已經好好傾.

    女同事堆埋就講 名牌化妝品.手袋,去邊度吃喝玩樂.次次lunch 吃完 都去行化妝品點, botique. 我真系得個陪字,因為我對呢d真系無興趣, 更比唔到意見.

    有時情願同d 男同事吹水,講下,訓下覺好過.

    so...............

    唉.....

    可能我外表同內在性格太大分別啦.

    比人覺得我系 要靠男人幫果類掛...

    要識d 爽快大方女仔真系好難...



  • 我覺得版主你自己排擠咗d唔同類型既女仔先,

    所以d女仔先會咁話你.



    人人性格唔同,你覺得人哋扭擰,咁人哋都覺得你粗魯,

    人同人相處當然要就啦,唔通要人人都同一性格咩!

    我覺得係你個人唔夠全面,係爽快大方的話,會好容易接收唔同性格既人.



    我外表又係斯文而且性格都爽快,男同事/男性朋友又係乜都會幫我,

    男性朋多,但女性朋友一樣多,

    同男人相處我會爽快同獨立,時事/股仔/打機/影相/車我都講得~

    同女人相處我一樣無問題,扮靚/化妝/shopping/8掛嘢我都講得喎~



    點解人哋覺得你姣,你先諗諗自己點同女同事相處先啦~



  • 明屈, 要小心D女人 最驚佢地係上司面前話你....



  • 你成日黐埋d男人度, 有d怪, 女仔一定會有d其他女仔較arm傾, 就算一兩個都好, 你成日黐埋男人堆, 唔正常!



  • 女人有向男人發姣自已一定知, 但向別人梗唔認啦, 你問心嗰句無發姣就無發姣, 咁就唔駛理啦



  • 好多女仔話自已性格直, 男仔頭, 但其實呢類女人一樣可以係姣婆, 因為佢始終係女仔黎, 見到男人同見到女人感覺一定唔同啦!



  • 算吧啦, 我完全唔想委屈,扭曲自己來埋堆.

    好辛苦, 偶然一兩句講話化裝, shopping可以, 日日都系呢 d 話題.真系口臭.

    我男仔頭系在於溝通過程爽快直接, 也絕對無嗲聲嗲氣,

    對於唔了解我d 誤解, 我都不作反駁啦.

    只系覺得, 女人埋男人對,唔代表d 乜.

    佢地鍾意點講都無所謂.



    我自細到大都系同男仔玩大,所以我都唔在乎有無女仔friend同事.

    誤解就誤解都夠啦.



  • babe_bb replied 10 hrs ago :



    自問無問題就ok啦, 我識d女仔就真係唔埋女仔堆, 淨係同d男仔玩, 不過佢地就會痴身痴世, 有時又扮下可憐咁, 明明有男朋友都借d易溝下仔, 拎下電話, 呢d先叫姣..

    ................



    痴身痴世? 係靚女就正



  • 男人講既嘢咁又係來來去去都係果d,

    唔通佢哋日日都有咁多新鮮話題咩 ..



    扭曲??我諗你唔係好識人際關係~

    唔通你無"就"過任何一個人(親人除外)??如果真係咁,

    呢d唔係叫直/爽快,係叫自私/無理人感受.



  • 你D女人個個都係雞!!



    哈哈哈~~



  • 男人講嘢係來來去去都係果d,但男人講野比較理性,重分柝,唔同女仔講野左拉右扯,一味總之,總之,唔需要理由,「總之我覺得啱...」



    同女人討論,硬係有種吹脹的感覺。



    同男人相處,即使話題相同,跟同女人相處絕對係兩回事,所以版主性格如偏向理性的話,絕對係會喜歡群男仔。



  • 我自己都係好爽直果d人,但係我男仔又玩得女仔又玩得喎!



    我唔否認你d女同事有問題,但係出o黎社會做事,係,我明你同男仔係傾得好d,但係同女同事關係都要打好囉。



    好似我有個朋友做it,佢都係成班男同事堆,但係佢同我地都好多o野傾,傾咩?咪減肥呀、電視呀、學o野呀咁。



    衰d講,有d o野唔關你係男定女事,而係你可以袋定知,到時咪可以傾囉。有時如果你唔識,咪就住d女同事傾,例如如果佢地傾化妝,你咪又加句口話﹕我唔係咁識化妝o架,你地話由邊開始好呢?又或者望下d八卦雜誌,講下﹕邊隻牌子近來好似出限量版喎!再唔係講護膚囉,唔一定要belibala,但係最好問一兩條,笑下咁囉。再唔係你拉去你熟o既地方傾都得。



    如果你同男同事又玩得埋,同女同事又玩得埋,唔會有人話你發姣啦。最大問題係你同女同事就無乜計傾,男同事雞x唔斷,人地咪覺得你發姣囉。唔關個樣事,而係你做得唔balance。



  • ice﹕咁要睇下講咩啦!如果你講女仔話題(暫咁定性啦),無乜理性可言喎!好似護膚o岩用就o岩用,唔o岩唔o岩,無得解釋o架。



    當然你話電腦呀、股票果d就話理性d遮。



    至於同事間…我個人認為唔好討論咁多理性問題(除工作上),大家吹下水,傾下計又一day咪算囉。



  • 我贊成你做返自己



    但同時地,如果你想自己人際關係好d,對住同你唔太夾既人,就張就一下,唔好咁掘



  • 男人講野,啱就啱,錯就錯,唔係我覺得啱,就係啱...



    最經典既例子:成班人去食飯,有人提議打邊爐,即刻有女仔反對,話熱氣。

    男仔話:「點會熱氣呀?食物用滾水淥熟,係最清淡,最健康食法至真。」

    女仔:「搵泥講...總之係熱氣啦,係人都知係熱氣啦。」



    男女相處唔係話題上有分歧,而係溝通態度上有分歧。



  • rice,你果個例子,男仔問題出於太理性,女仔在於唔識做人。



    打邊爐可以熱氣,可以唔熱氣,視乎你點食同埋用咩湯底,呢度唔詳講。所以呢個case我唔覺得你個女同事錯曬,但係佢係衰唔識做人。因為成班都話去,咪張就下。



    至於個男仔,都係有d唔識做人,如果遇到呢d情況,我會反問個女仔﹕咁你想食咩呀?舉例佢提議去食日本o野,再問下其他人意見,大家無問題咪去囉。如果有問題,我會同個女仔講,唔怕啦!飲番杯涼茶囉。



    又如果我係個女仔,我會話﹕我唔係咁舒服喎,可唔可以唔打邊爐呀?不如我地去食咩咩咩呀。



    基本上你個case…總括都係兩個人都唔識同人溝通。



  • 我都係咁樣性格, 普通到不得了, 只係小了一點嬌爹. 不過唔會覺得自己無錯/有錯, 係性格一種之嘛. 你唔想人地覺得你姣, 最好就變通下, 同d女仔吹下水, 唔鍾意就兩邊都唔好吹水囉. 我亦都唔會因為女仔依樣果樣而停下來, 我性格就係咁, 好多女仔見到你唔會對男一個樣, 對女一個樣, 咁佢地就會明白你啦.



  • 咁我自己d 性格又真系求其好多,無女仔咁細膩.

    咁我都知自己係比較抗拒同女仔相處. 都係過去太多經驗令我試到

    "講者無心,聽者有意" 呢個trap . 然後比人背後狂插,我真係怕怕

    我唔係好識handel 女仔間咩係講得笑,咩係表面講得笑,內裡小氣.

    我有試過去參與女仔活動, 但真係好多時 果種對吃咩菜,選咩禮物,選咩衫,

    邊支foundation, 紛潑,唇膏,skin care ,每一樣, !!係每一樣~!!都要研究個幾鍾唔肯走, 比意見佢又多理由reject,唔比意見佢又企係度成個鍾唔走.

    嘩..lunch 先得1個鍾,陪佢地磨都磨足9個字. 吃完飯睡魔真係好難頂....

    我自己shopping, 看中後頂多研究一陣,榨唔定主意就行多幾間.佢地真係...唉..

    我開聲叫走啦,又話我好吹佢,唔friendly,唔吹佢.成日買一樣野研究成個鍾.真係勁難頂..



    男性真係比較爽快同理性, 對主意決定得快好多.呢點也係我好buy.

    男仔fd shopping 第一間看唔中,到第3間都會覺得煩,埋左就算啦.

    但女仔可以從第一間夾到第10間,再從到來過, 一來一回夾足20間都話唔知點選好.

    救命.....想死



  • 吓???打邊爐熱氣係有得解喎,只不過女仔無特別去了解答唔出啫,

    而男仔既答案就真係有"另一番見解",

    上網揾吓點解會熱氣啦~

    無詳細答案 =/= 無理性~



    男人講嘢理性d??呢d都係睇話題啫.



  • Sun girl replied 6 mins ago :



    咁我自己d 性格又真系求其好多,無女仔咁細膩.

    咁我都知自己係比較抗拒同女仔相處. 都係過去太多經驗令我試到

    "講者無心,聽者有意" 呢個trap . 然後比人背後狂插,我真係怕怕

    我唔係好識handel 女仔間咩係講得笑,咩係表面講得笑,內裡小氣.

    我有試過去參與女仔活動, 但真係好多時 果種對吃咩菜,選咩禮物,選咩衫,

    邊支foundation, 紛潑,唇膏,skin care ,每一樣, !!係每一樣~!!都要研究個幾鍾唔肯走, 比意見佢又多理由reject,唔比意見佢又企係度成個鍾唔走.

    嘩..lunch 先得1個鍾,陪佢地磨都磨足9個字. 吃完飯睡魔真係好難頂....

    我自己shopping, 看中後頂多研究一陣,榨唔定主意就行多幾間.佢地真係...唉..

    我開聲叫走啦,又話我好吹佢,唔friendly,唔吹佢.成日買一樣野研究成個鍾.真係勁難頂..



    男性真係比較爽快同理性, 對主意決定得快好多.呢點也係我好buy.

    男仔fd shopping 第一間看唔中,到第3間都會覺得煩,埋左就算啦.

    但女仔可以從第一間夾到第10間,再從到來過, 一來一回夾足20間都話唔知點選好.

    救命.....想死



    <---下次, 就同佢講你地慢慢揀, 我去隔野舖睇. 好多時都可以見招拆招架. 我直頭係見到無問題就買的人啦. 我買婚紗都係一見到ok, 試左就買, 係我老公要我行多幾間, 咪又係去果到買. 我買左返來都睇唔到有spot, 係我老公睇到, 我仲話無事, 好小事. 仲話佢咁得閒係到左check右check添. 真係煩死人, 好覺得煩都唔係女仔才會有囉. 所以, 唔好理佢男定女, 你唔想悶就用好d的籍口行開下. 俾個offer出來又唔影響佢, 又唔影響自己囉.



  • 你地都講得對, 其實我真係極少同女性相處經驗.

    連我best fd (now ) 以前初初識我都係勁憎我.不過大家了解過後.

    已家我地都係對方相識第11年朋友, 係從小學到而加啦.



    我都會有時參與下d話題,比d 輕鬆d 正面d 建議.

    而我也唔會評價人地d事.費事變成是非.

    我都真係社會經驗太少,要學識圓滑,待每個人仲有排學.

    自己自小係男仔堆中長大,也有可能比人就過,就慣而自己唔知啦.

    係我high school時,試過班房內男同女各自坐一邊,而我就只係坐係男仔果堆最後角落位,係維一一個女仔.當時d男同學係會特登吉一個位, 佢地知我實係坐果度.

    也因為咁,果邊d女仔開始講我d野. 我都唔知係我先抗拒佢地而引起佢地講我,定點,我個心對住D女仔好"協"

    其中有個男同學同我講,佢自己讀男校,完全唔識同女仔溝通.講野都好怕羞.

    但係我個性格因為爽朗,咩都傾得,無所不談.所以佢先可以唔怕羞咁同我傾下玩下. 次次撞見都係" 喂, 點嗎. 哈哈哈...咁巧丫,又係樹. 笑一大輪係讀講下近況" 不過,外圍D女仔唔知我同d男仔係咁稱兄道第法.未一味覺得我痴班男仔揾著數luo



  • ^....^

    哈哈...你老公又幾細心認真wor. 咁你地一定好合得來. good ya ~!

    一個粗心隨意,加一個細心僅慎.perfect.

    我自己shopping,

    第一,會確定自己想買咩鍾類. 唔會漫無目的window shop

    第二,會search邊個area 有最多選擇,

    第三,去到之後會專注想買d野,唔會選下東,又選西,

    第四, 選同一類貨超過10分鐘都選唔到買,會走先. 行個圈之內決定,或者番歸考慮一下.

    因為我係唔想悶親身邊d朋友.咁樣好自私.得自己0第人地無興趣陪你企.





  • ice

    你個case,都幾常出現.肯講出唔去理由都仲好

    有d唔想去又唔講. 去到一邊吃一邊黑面先難搞.



    唉..雖然我本身唔太在意唔合channel d 人,但出來做野.

    唔配合人,又唔好.

    唉......煩.



  • 唔係perfect架. 我怕佢煩, 佢都肯就我改到無咁煩.



    我對自己要求好高, 但唔會要求其他人, 所以買野都係, 無可能要找到perfect才買. 有時有d野好貴, 好想要, 但我唔考慮, 因為貴唔買就唔買, 最多咪心想"真可惜". 但唔會再多想. 我一向都只考慮是否必需, 是否必要, 是否合理, 乎合曬才會買, 所以唔會hesitate. 年頭買了一樣不乎合這3要點的, 就是psp, 我老公要想買, 估唔到自己咁大個人, 都悍衛唔到3點, 哈哈, 講笑啫...



  • sun girl,咁你一定好唔中意我

    因為我係個d把聲好嗲,比人覺得好女仔(嗲精?)個種女仔

    查實我同你都有同一個問題,就係比人覺得好似有d姣.

    以前我對男女都係咁.會比d男人誤會我中意佢地.依家學精左,我同女仔會friend d.同男性朋友會冇咁嗲.同會正經d.的確減少左好多煩惱.有時我都會同大圍開下玩笑,扮下嬌嗲.等大家笑下.佢地都知道我係玩下,唔係放電.都唔會有敵意.

    清者自清.唔洗太介意.



  • 包包

    唔會,我唔會對d嗲聲氣女仔抗拒.

    我只係怕d 成日渣唔定主意,比意見當耳邊風,又唔肯冷靜d 解決問題d女仔

    大方d, 唔好咁多心猜度人地說話,就已經好好啦.

    嗲聲嗲氣得來,心地好. 係好可愛.

    ^^



  • Sun girl

    我同你一樣,自小跟男孩子玩大,我更是籃球健將,中學到大學都時有跟男孩子打籃球,性格也很爽朗,但我亦很受女孩子歡迎。現在工作時,甚至有女同事說我處事有大將之風。我認同nono所講的。世界話題太多,點會無野講呢?我反而覺得你這樣批評你的女同事,不見大方。如果你自己真是無任何問題,很難讓人明白為何跟絕大部份的女同事都相處不來。大家已是成年人,相信有足夠智商去分辨是否發姣吧。May be you are doing too much.



  • wonderland

    嗯, 我覺得你講得有道理,我會自我檢討多d.

    所以今日特登買左兩本人際關係書,希望有所幫助啦

    多謝各位比咁多意見丫. ^^



  • 其實係你唔喜歡人定係人地唔喜歡你?


Log in to reply