係唔係真係要結束呢 ....





  • 要結束d咩呀? 可唔可以講下發生咩事?



  • 故事係 ...



    同佢一齊果時佢已經結左婚, 重有個女, 不過, 愛要黎既時候, 我無問點解 ... 一起快六年啦 ... 呢六年黎佢對我黎講都係好重要, 係我既精神支柱, 係我最愛既人, 我都知佢都好愛我, 因為佢一向都係忠直既人, 佢可以為左我地呢份情, 暪住佢太太6年, 我知佢係愛我先會咁做 ... 雖然我知同佢一齊我唔可以擁有佢既全部, 但係我都心甘情願 ... 只因為我真係太愛佢 ... 突然, 佢要同我分開, 但係係名義上既轉變, 實質佢仍然會當我係最愛既女人黎錫 ... 我唔明 ... 直至佢同我講, 佢太太又再次有左, 佢唔知我可唔可以面對到, 所以佢情願選擇分開 ... 其實我早就知道呢件事一定會發生, 但我痛既係, 點解唔可以一開始就對我講真話 ...



  • 人始終係自私,佢愛你既同時,亦都愛佢太太,愛佢家庭..

    佢諗住同你一齊係表現佢愛你既表現, 但後尾先發覺最終一天<其中一方>都一定接受唔到呢個局面..



    不如你試下比自己冷靜一段時間, 放下假啦...時間可以沖淡一切

    支持你^^



  • 我自問都係一個明白事理既人, 同得佢一齊, 我都預左自己要suffer d咩, 我無計較最終我會得到幾多, 我只係想有一個真心愛我既人會同我"一齊" ... 我明, 佢都好愛佢既家庭, 我只不過係一個individual既個體, 力量又點夠一個家庭咁犀利呀 ... 我好明 ... 我試過, 我試過當佢係一個朋友咁看待, 但係我真係好辛苦, 6年既感情又點可以一下子就放低, 老實講, 我forecast唔到自己可以放低到佢 ...



    點解愛一個人要咁辛苦 ?



  • 明白你的痛,相信這段日子你每天都在幸福和痛苦中渡過。

    他的愛支持着你,令你願意承受着痛去愛他,我想,真的很難受!



    "我痛既係, 點解唔可以一開始就對我講真話 ..."



    我相信你痛的,不是他沒有直言,而是殘忍的事實。

    加油,我明白你的痛,但要努力捱過啊!



  • 幸福中受苦, 係 ... 你真係明白我, 佢既愛係支持住我, 我真係痛住咁去愛佢 ... 但係現實真係好殘忍 ... 我唔知我可唔可以捱得過 ...



  • 苦:

    男人明白如果佢一開始就同你講真話, 話自己有老婆, 佢得到你既機會率就比較低. 要sure win, 就一定要扮到同你係一段好正常既愛情咁起步. 佢亦明白你一旦愛上佢同佢有關係之後, 你要離開佢就一D都唔容易.

    坦白講, 你已經在佢掌握之中. 無論佢依家愛唔愛你都好, 你都只有係完全被動既一方. 只要佢keep住對你好, 你係好難自拔的.



  • 對,我完全明白你的痛;因為我也是心裡流着淚地笑着去愛他。

    不知能否捱過,但日子總會過。沒有他的日子也許變得空洞無奈,但...帶着傷也要撑下去。

    支持你。



  • 戀愛路人, 我識左佢好耐 ... 同佢初開始果時已經知佢已婚



  • 幸福中受苦, 日子真係係好難過 ... 生不如死



  • 生不如死...你有後悔嗎?

    我想,當我的他要走的時侯,我也生不如死,但曾有他的愛,我甘願過着苦日子!



  • 我從來都無後悔過同佢一齊 ...



    佢要走, 但都三番四次既回頭 ... 當然我都希望佢回頭, 因為我實在無辦法放棄佢, 佢回頭了 ... 但係我要suffer既係佢再一次做爸爸 ... 而我, 只係空有佢既愛



  • 如果妳要問點解愛一個人要咁辛苦

    不如首先問下自己....苦從何來 ?

    係妳既愛令妳痛苦定係妳既選擇令妳痛苦 ?

    妳痛....有人比妳更痛

    無論邊個痛都好

    建築響痛苦身上既愛係注定冇結局

    呢一點妳應該一早知道

    六年啦....對我黎講妳賺左啦....

    妳有失去過 ?

    冇....因為本來就唔屬於妳

    妳有損失過 ?

    冇....因為妳地曾經深愛過

    苦從何來 ?



  • 阿龍, 多謝你理智既分析, 不過, 愛情唔係真係可以用理智既角度去睇 ... 起碼我就唔可以啦 ...我只係諗, 身邊個個人係愛上面都咁幸福, 但係偏偏幸福就唔屬於我



  • 撐下去,在生命中遇上所愛的人並不容易;有些人一生也遇不上。

    有他的愛也許巳勝過所有...所以,不要想"空有佢既愛"。



  • 無人計賺同損失,痛只係感覺,就算有人痛過自己都可以痛架嘛!



    樣樣理智計到足就吾係叫情感啦!



  • 低能...

    咩隱瞞係愛既表現???

    真係愛你既, 佢就會一早放你走, 留你, 跟本係佢自私既行為, 當然, 你都唔係好野, 可以講, 抵死有餘.

    摺啦!



  • 一開始就係自作孽, 一切苦都係自己攞黎, 依家黎叫苦? 你諗下人地老婆苦唔苦?



  • 一開始就係自作孽, 一切苦都係自己攞黎, 依家黎叫苦? 你諗下人地老婆苦唔苦?一開始就係自作孽, 一切苦都係自己攞黎, 依家黎叫苦? 你諗下人地老婆苦唔苦? <------------ 1000% agreed.



  • 咁對妳黎講點先算幸福 ?

    一定要一齊先算幸福 ?

    妳要明白妳唔可以用一般人既標準去比較妳既情況

    有 D 人情況係可以計較得失

    不過妳既情況唔計較會比較好

    幸福唔係唔屬於妳

    只係妳嘆息點解佢唔可以永遠屬於妳

    呢種想法就係苦



  • 頂得住咪繼續囉.有排你捱呀細佬!



  • 剛回家再看到上面回應,感覺...難受!

    見他人辛苦,為何要落井下石呢?

    誰人不曾在感情路上跌踫失落過?



  • Don't give up to look for a good life.



  • 錯左就唔好繼續錯落去呀.

    唔好將自己有限的青春放o係一個無結果o既人身上....

    佢真係愛你, 就唔會生第二個BB啦, 你醒下啦~

    佢keep住哩個關係, 因為佢知道你唔介意佢結左婚, 佢唔需要咩effort就得到你.



  • 落井下石? 你真係冇得頂, 咁人地老婆每晚都對住個同床異夢既老公又好好過? 你估每日要懷疑個老公, 唔知應唔應該離婚又好好受?



  • 我好同意阿"."同埋"阿龍"0既說話.



    做得第三者, 上得黎呻, 就要預左比眾人狠批.



    唔好問我點解, 就正如結左婚, 點解家務一定係女人比男人做得多咁0既情況.





    版主, 有0的野, 自找的, 痛唔痛苦, 你可以選擇, 仲有, 請你諗下, 世上有人(佢老婆)比你更苦.





    聽我一句說話: 鳥倦知還... 你明架啦~?!



  • 一開始你已知佢有老婆,何解你重要開始這段關係呢 ?? 你痛苦,我相信若他的老婆知道你們的關係,佢的痛苦還要比你多好多好多啦 !!



  • Haha ... how come you think he loves you? I can't see his love towards you at all. He is just a selfish guy who wants to enjoy you as a free lunch.



    If he loves you, he should have either left you and left his wife long time ago. If he loves you, he wouldn't have another baby with his wife. How come you can be that silly.



    If I were you, I will tell his wife everything and leave this guy forever.



  • 做親第3者多數都唔覺自己有錯,就算個口話錯個心又唔係咁諗,成日總係覺得自已受苦,又唔諗下自己唔叉隻腳落去,d苦從何以來?好人好姐做咩要同人分一個男人,真係隔離飯香d



  • 第三者永遠覺得係:如果佢地感情無缺憾, 第三者都唔可以成功介入啦 ?



    男人諗野就無咁復雜.男人諗只係 :依家有條女冧你,你有機會蔔呢條女,有女送上門喎.問題係選擇蔔或唔蔔.



    如果要我女友同佢二揀其一,咁我可能真係要諗下值唔值得.

    但係如果話唔駛我二揀一呢 ??譬如話其中有一個唔介意我有女友呢.佢自願做 sl,咁博唔博得過 ??



    係博得過.因為你需要做只係呃你老婆啫.easy,





    就算他日你老婆發現,我地都好有信心可以氹得番.因為男人風流係幾普遍,女人嬲一排會無野,老婆好少會為呢d 事放棄多年既感情.





    就算蔔咗佢,都唔代表我同老婆感情有問題咕喎.我想蔔佢係生理需要,所有男人都會明同諒解.(男人係可以愛同性分開,女人永遠以為蔔佢等於愛佢 )





    男人會唔會覺得內疚 ??唔會,依家好普遍,二黎你一早表明自己有老婆,佢仍然鍾個頭埋黎,即係佢願承擔呢個結局,

    等如話,有一個過山車好好玩,但好得人驚,可能會嚇到你心臟病發,提就提咗你,玩唔玩由你決定.你明知自己有病都夾硬要玩,就算心臟病死咗,我地都唔會內疚.

    你要死唔比你死咩.



  • 唔記得左同版主你講:



    男人, 尤其是結左婚0個0的, 好少會為左第三者而唔要老婆.



    通常都係識得返屋企架..



  • 多謝咁多位比左咁多既意見 ... 我入黎唔係要人可憐, 亦都預左比人鬧, 我做得出就唔怕認, 甚至死左之後要落地獄, 我都係死有餘辜 ... 我好明, 多謝咁多位 ....



    幸福中受苦, 更多謝你既體諒同開解 ...



  • 執迷不悟...



  • 紅顏侍君如日月,

    糟糠盟誓共生死;

    寧享齊人雙淚垂?

    恨不相逢在未時!


Log in to reply