兩公婆總月入二萬五,買一層150萬樓,九成按揭,風險大嗎?

你打算做幾多年按揭先??

就算當你做２０年按揭，一個月都要供$9000, 仲有管理費+差餉+加息風險, 另外雜費+個人使費, 真係病都冇資格病,會供得辛苦, 如果有埋bb, 就更大鑊, 請三思!

做好準備等下一個金融風暴壯烈犧牲吧啦~

與其比九千幾蚊銀行供樓，不如試下儲起佢，用黎做下投資，唔駛比息銀行之餘，20年後分分鐘可以一次過買左層樓。供樓真係好唔化算。仲有，供樓20年之後都變舊樓啦，唔值錢，做業主仲有好多野擔心，例如個鄰居點騷擾你都無得話搬就搬，萬一將來兩公婆邊個唔掂要賣樓，仲要嘔畢比銀行先可以甩身。以上係我個人的經驗，真係好後悔買樓。