有無人係公司同同事唔岩channel,一齊分享下啦!!





  • 我個部門好在每個剛位獨立, 唔駛靠人,

    我識左個同事差不多成年, 初初佢話佢份人把口幾賤, 初時我都唔信, 現在佢既劣根性開始表露無遺, 因自卑而又自大, 成日九唔答八搵位讚自己, 又冇口德, 人又假, 食飯放工對住佢真攞命, 佢唔跟住我走, 我多謝佢都黎唔切



  • 最憎d成日講是講非既8婆



  • 我公司都係,又話自己係基督徒唔好講人是非,點鬼知佢地自己咪又係講,仲搞小圈子添...勁cheap



  • 我做緊野忙緊仲要幫個intern 妹妹執手尾, 佢竟然不停講佢學校 d 先生既是非, 又數另一個同佢一齊入黎做既女同學點討好先生等先生鍾意佢...



    但睇佢兩個表現, 根本就係人地工作態度良好, 從來唔會遲到同 hup 眼訓, 仲好努力學野... 佢就完全相反! 唔返工唔出聲, 打鑼咁搵佢都搵唔到, 搞到明明係請佢返黎幫手變成我地幫返佢手...



    另外果個intern妹妹第一日入黎做就問我幾歲,咩學歷, 有冇男朋友...過左一排我發現佢個 blog, 居然俾我見到佢將果日問過我既野 post 曬上去...eg 我年齡同學歷 experience 等等...



    總之好難頂呀!



  • qp,



    我office d 同事又係話自己係基督徒, 但成日講是非攪小圈子, 有一次爭d比佢攪到連份工都無埋, 所以睇佢地絃幾時有報應



  • 有感而發... 我覺得成日響口邊提住自己係基督徒果 d 人好有問題, 我有個朋友, 提到某些人, 會加句 "佢都係基督徒黎架"... 都唔知有咩關係, 好似要將人分為 "基督徒" 同 "非基督徒"咁。同埋我唔認同佢下下睇錢既價值觀同對 d 服務員呼呼喝喝既態度... 好多時都唔關 d 服務員事, 例如, 去 K 個mic唔work, book 唔到自己想要張檯食飯... 根本好小事, 咁都要鬧人下。人地都係打份工姐! 總之同佢出去好尷尬! 仲成日話 :我係基督徒黎架嘛, etc etc... 我覺得好反感。



    反而真正好人同肯幫人果 d 基督徒唔會同你傳教或者提住自己係基督徒, 但佢地做既野會令你感受到愛既存在, 係真係想幫你, 為你好, 唔為利益。所以你未必知道佢係基督徒。



    所以我都係奉勸各位, 遇到自稱基督徒既人要小心為上, 利用宗教黎扮好人既人, 好人有限!



  • 我果間係細公司,加埋boss同我得四丁友

    另外果兩個.....一個就大肚婆,一個就傻傻地既

    返工如果冇左msn我真係會悶死架

    大肚婆份人冇乜野,但係就成日板口板面

    傻傻地果個就真係傻傻地架,好似果d嫁唔出既老女人咁,

    唔係想嫌棄佢,但係佢成日問埋d無謂問題撩我講野,

    我真係唔想應佢.....



  • 我都係...



    同我同team既有成廿幾人, 有d仲要係從來無溝通過既!, 有d就好"埋堆", 結果得2個同事同我friend d( 而其中下個月就走喇 )



    當"埋堆"個班起"lunch"既時候成日group埋起自己身邊開party咁, 自己就起自己位....自己食



    個種無人理既feel好慘! ( 不過無計拉....睇錢份上...做多一排 )....



    p.s 我起出面人際關幾好....係唔知點解起呢間office咁.....呢度好唔warm!



    now只係出黎"申"下..



  • 我同事係典型港女,自私到死,經常拎人好處


Log in to reply