如果你同你bf / gf 由愛情變左感情...... 但係又覺得一齊已經唔開心......你會點???
-
-
有無人同我一樣呀??
-
我會死忍
變左感情就換人...人生可以換幾多次?
-
唉.....我都係咁諗0既.....
但係一齊已經唔再開心..
我都唔明點解可以咁.....
-
忍忍下就ok....會慣
-
所以話要兩人一齊努力囉。唔好只係埋怨對方又講FEEL﹐甘就算同邊個一齊都死架啦。
-
其實兩個人一齊係要好有緣份架..... 既然可以走在一起, 應該好好珍惜....
如果已經冇再去愛既動力, 或者.... 發現大家既目標已經唔再係一致, 分開...是難免的.
不竟愛情是不可以勉強的. 雙方都不會快樂.
-
zoe......
其實都唔係宜家先開始係咁架喇
clo同joelinb........你地講0既都各有道理.....
但係你地方向相反....我宜家就係唔知點好
-
全世界9成人都係會咁啦,睇你用乜心態對待2個人之間relationship,最憎D人未交待清楚就去搵next果D,好鬼自私架,你淡唔代表人地會Ma.
-
我知佢一定唔係淡.......
只不過可能我個人比佢快淡姐...
-
首先搵出問題所在, 一齊諗方法解決....
同時間, 睇下自己有冇本事搵過個囉....
-
但係其實我知佢對我好好....
我應該好好珍惜至係....
但係我發覺宜家同佢一齊已經唔係開心果種感覺喇....
-
Sam﹐如果係對方有問題唔肯同你一齊面對呢個狀況﹐甘你已經盡左責亦無謂再抖纏住一個甘既人身上。你地一齊幾耐﹐幾時開此發覺變成甘﹖
-
到你搵到next,咪又係會咁,
-
哦﹐甘即係你既問題啦﹐你一係就成熟D做返個負責任既男人﹐一係就快D講清楚唔好誤人青春。
-
一齊左3年喇...
其實呢個問題不嬲都存在....
只不過近半年越黎越嚴重姐....
-
你地一齊左幾耐?
-
唉......我咁諗會唔會好衰??
-
差唔多啦﹐個個都會經過﹐非常正常
如果兩個人真係唔得﹐最多比你一年你乜都睇清睇楚啦﹐仲可以三年咩﹖
你同你另一半兩個人可能個人比較悶﹐無咩SPARK所以你先會話淡。不過SPARK呢家野多數來自男方﹐你男定女﹖
-
我係男.......>_<
-
你係男。。。甘就好唔得囉。。。
SPARK係要製造既﹐點解我話多數來自男方係因為比如送花呢D驚喜﹐無理由要女仔送花比你。。。
-
咁呢d我都keep住有做......
仲有d咩idea呀???哈哈
-
行過買排朱古力比佢﹐最緊要夠無俚頭
-
其實個問題唔係出現係火花度.....
係佢個人好似變哂咁....
-
點變法﹖講來聽聽
-
脾氣變得越黎越大...
咩都要人就哂佢...
佢講果d就乜都岩...
-
唉﹐正常到唔正常﹐你就算同個男既都會發生囉 =_=
仲有無﹖
-
同個男???
-
通常兩個人越CLOSE﹐關係就越係會甘
你可以同佢講返話你知呢D都係正常情況﹐但係甘長遠會影響個關係﹐係唔健康既﹐睇佢GET唔GET到
-
我意思係你就算搞基都一樣會發生﹐係正常既
-
激情來得快去得快, 以激情黎講三年其實都算耐
想來得everlasting d 既, 要一開始就要保持神秘感,不可以讓任何事成為理所當然,尤其是對方的痴身和侵犯私隠事為,呢d野一開左先例,想收返就好難
-
我都有同佢講過呢個問題....
但係暫時未有咩改善囉....
-
咁其實你不滿姖d咩啫?不如大家一齊分析下
-
改唔改善到係要靠個人修為
但就可以話你知﹐耐左D關係都會係甘﹐因為少左容忍。唔似得開頭拍拖﹐大家互相觸摸既階段﹐那時候大家都想展現最好既比對方﹐亦想對方好鐘意你﹐所以就乜都得。過左頭個階段﹐開似有感情喇﹐但就少左容忍﹐亦唔會刻意隱藏自己缺點﹐所以大家可能就成日因為甘而唔高興。再下一個階段你仲未到﹐等你試下係而家個階段成熟下先啦。
-
thz.....clo......
就係到左呢個階段我唔知仲應唔應該再落去...
可能呢d都係正常掛...只係我經歷得太少....
-
你過唔到﹐就又會從頭來過﹐永遠停滯不前﹐成日卡係個度。
當然﹐我唔知你女友修為去到邊﹐呢D要你自己睇喇﹐嘻嘻
-
你拍過幾次拖呀﹖
-
4次...
最長果次都係去到咁上下情況之後就分左手...
-
你同你女友幾大呀﹖
-
我25....佢27喇.......
-
其實主要睇價值觀同埋目標囉﹐同埋睇個關係係甜多於苦定係苦多於甜。全甜全苦都唔好囉。最好就係甜多於苦。
差兩年﹐可能佢本身都有壓力。
-
其實我都唔知應唔應該再落去....
因為我已經覺得好辛苦....好支力喇...
-
你有無MSN呀
-
有......你係男??
-
女呀
-
“直既”男仔都真係甘架哈哈﹐好驚“搞基”
-
傾左咁耐...我不嬲都諗住你係男仔tim.....哈哈
[email protected]