人越大,覺得同識左十幾廿年的朋友開始有d 唔同左,,大家的思想,鍾意0既野都唔同,變得有d陌生,感覺好無奈,唔開心,但又無法去改變..





  • 其實無辦法架

    大家工作地方唔同

    講0既野對方都未必明白

    不過定時定侯出黎訴下苦水, 抒發下

    已經係難能可貴



  • 變得冇意識冇動力去搵佢地 同見面



    即係開始逃避佢地



  • 覺得做人好煩,,

    始終識左十幾年,我知呢d野一定會發生,但真係感到好可惜,,再新識過0既朋友又要再慢慢去摸索,又要重新再去了解,適應大家,之後又會變淡...



  • 我都係. 我同兩個識左接近20幾年的朋友, 畢業之後, 不論事業/生活/愛情/喜好都各走極端, 共同話題越來越少, 好多時候, 約出黎都有dead air, 或者搭不上嘴的情形, 開始唔想再出了. 我都覺得幾無奈同可惜, 但又唔知可以點?!



  • 攪到我而家成日都係同bf一齊,

    雖然我喜歡的所有活動都可以自己一個去做,但我唔想無曬朋友呀.同埋我唔想我的生活淨係得男友,無朋友



  • 依家識左d新朋友 反而日日見 唔係就電話sms 真係好少搵d "ex-fd" 哈哈



  • 我會覺得朋友係在我開心與唔開心果陣

    可以同自己分享就足夠

    唔會要求太多



  • 當你唔開心個時 朋友唔得閒理你 更加唔知你唔開心..個下都幾無奈



  • 你地全部講曬我想講既心聲 ..



  • mary



    人越大朋友越來越少.

    幾好的朋友都有佢地知道的朋友 及 空間







  • 一個2個月以黎冇主動打過一次電話比我,我接受到係因為佢忙於陪男朋友
    因為一年先番黎一次,但最後發現都唔關男朋友事,因佢男友走左之後一直到3月
    都冇打過比我 真係好心淡

    大家都有自己既野忙 但係點解我願意有心主動去搵你地 點解你唔得?


  • 其實都唔係唧! 因人係會長大架麻,在不同環境,遇上不同的人會learn something! 當睇既�浀h了、成長了自然說話唔同,諗法都會唔同!



  • 我自己有幾個識左近年的好朋友

    雖然大家畢業後的工作好唔同

    但大家都會一兩個月就見一次

    唔見都會在MSN寒喧



    其實KEEP到咁好

    除了我地改變唔到的緣份之外

    最重要係大家都願意為呢段友情付出同主動

    即使當中有拍拖的

    都會為了大家的聚會而甩開自己男女朋友

    或者帶埋出黎玩



    P。S我相信大家都肯主動,關係會好好多



  • 我主動過,佢地都只係停係度



  • 朋友都還好... 唔鐘意既可以唔再見佢地搵佢地.



    我發覺兄弟姐妹都會有咁既情況 (越大越變得唔同).... 唉....



  • 您們還好呀!總好過我每日只是對住電腦自言自語,開心與不開心都只有電腦陪著我!



  • 大家係度鬥慘 哈哈



  • 見到你地講到好慘咁

    雖然我朋友唔算好多

    但我都算唔少傾到心事吹到水的朋友



    ANYWAY,唔好期望你義人主動,人地都主動

    但我覺得一開始唔好怕蝕左先

    好似我咁,好多時都唔介意一手一腳攪活動大家join



  • Yes, strongly agree with you all.



    And I m even worse... I dont have bf.



    So, I m now getting more and more alone and stick with my family only....



    AI.......................



  • 其實我知而家香港地好多人都好被動

    好似覺得做主動就蝕底左咁

    但其實你蝕一次,但有機會讚到未來的快樂嘛,HEHEE。。。



  • 同感

    所以近來好鍾意聽EASON既最佳損友:p



    本身我係中學有幾個固定既朋友

    個個人生日都會慶祝,仲話要持續到永遠

    可惜幾年後已經冇左

    可能佢地大部分出左黎做野,我仲讀緊書

    一聚埋佢地唔係講名牌就係男朋友

    我覺得愈來愈唔岩傾,甚至唔知講咩(但私地下佢地自己有說有笑)

    所以已經冇見面了

    可惜就有少少啦,不過算啦,有過美好回憶咪算囉

    呢d野講緣份嘛

    目前就好好keep住依家玩得埋既朋友吧^^



    不過聽上面講,我覺得同兄弟姊妹咁會可惜d



  • 識過d 新朋友!



  • 原來我好幸運, 我有幾班好朋友, 識咗幾年至廿幾年, 全部都可以傾心事, 雖然唔係成日見面, 但出到黎大家都好開心; 自己有難關時, 都慶幸有佢哋...

    我同佢哋講, 到80歲, 我call gathering, 唔准唔出...



    各位, 交朋友好雙向, 任何一方唔願用力, 淨低嗰一方點盡力都無用. 隨緣!



  • 莫講話交朋友, 基本所有關係應該係雙向架啦. 但有時根本唔關主動被動事, 而係大家真係無共同話題, 唔arm嘴型的話, 點主動都無真正交流.





  • 我有幾個同學識左成廿年有多, 雖然佢地對我好有心, 但係近幾年, 我開始同佢地冇咁岩咀型, 有時候, 佢地又會call幾個我唔鍾意同學出黎, 搞到我好冇癮, 加上我地大家都結哂婚, 一個顧工作, 平日很忙, 另一個很顧家,近呢五六年 又唔喜歡有人成日搵佢, 我地未去到真係dead air, 但係我怕有呢一日, 所以我會叫佢地下次gathering不如唱K, 或者一齊做運動, 大家又唔駛講太多說話而又可以見面, 但係佢地又唔肯, 唉!



    好在有另一位朋友, 近年大家聯絡番, 當我唔開心時, 佢必定出現開解我! 不至於有太大無助感!



  • 我都覺得依家人與人之間既關係真係可以好兒戲囉, 依家d人只會問人攞msn, 真係完全唔同以前大家會煲下電話粥, 係又傾一餐唔係又傾一餐果種囉! 唉... 真係好懷念以前既日子....



  • 大家變到唔同思想, 各自各精彩, 都唔緊要, 但最慘會係其中一個為左吐自己苦水, 或 show off 自己, 而間唔中搵人出黎 "聚舊", 呢d先至恐怖



  • 大家變到唔同思想, 各自各精彩, 都唔緊要, 但最慘會係其中一個為左吐自己苦水, 或 show off 自己, 而間唔中搵人出黎 "聚舊", 呢d先至恐怖





    by 無奈 - 04/14/07 23:5



    入過你果版睇過, 都唔係你所講咁恐佈, 反而係你太上心, 其實佢有乜野地方藉得你咁上心呢? 曾幾何時共過患難或好投契? 既然係咁, 大家少啲見面



  • 我個斑所謂朋友,有的還攪笑,您攪親咩活動佢都話不好,而佢想去咩地方呀玩咩呀,就是咁迫您去.



  • 我有個朋友識了10幾年,都是咁樣啦,同條仔,有咩問題先會找您,平日叫佢出來食吓飯就成日話忙呀什麼什麼,都心淡啦.



  • 我都覺得因為大家工作環境唔同左,諗o既野、追求o既野都會唔同左,不過,婀終識左十幾年,有時一出到黎,有d野唔洗開口,大家都有默契~感覺又會好好~~



  • to無奈



    我聽佢單方面訴苦or 聽佢show off, 只係有d谷氣, 始終有重被人唔尊重既感覺

    可能我表達能力唔夠好, 至於點解恐怖, 而係當佢次次講完一大串野, 或第一句問候你既就係 "你同你男友無野呀嘛???"

    d口吻語氣, 令人感到佢係度等睇戲咁, 我次次都話 "咪又係咁" 咁樣帶過去



  • 不如講吓你地幾多歲就開始有呢個問題Y?

    我而家25歲, 都會錦樣諗, 但暫時同朋友d關係就未係咁嚴重, 亦都對各位講既野深有同感, 相信隨住年紀増長, 呢個情況會更嚴重!:(

    其實我覺得係大家經歷既野唔同

    價值觀會唔同左, 所以會令大家有距離

    鈿個讀書時, 大家面對既野一樣錦緊係唔會有呢個問題啦

    你試下你個個朋友都最少搵皮幾一個月, 而自己就得幾千

    你試下你個個朋友都結曬婚, 生曬仔, 而自己就一次拖都冇拍過

    如果係錦, 都好難容入到佢地既世界



  • 你試下你個個朋友都最少搵皮幾一個月, 而自己就得幾千

    你試下你個個朋友都結曬婚, 生曬仔, 而自己就一次拖都冇拍過

    如果係錦, 都好難容入到佢地既世界



    <<<<



    除左我地結唒婚外, 我既同學及某啲朋友個個叻過我, 人工皮幾兩皮, 又不是容入唔倒佢地世界, 始終大家性情相近, 識左十幾廿年,某啲人生價值觀相近, 而且佢地好就我, 所以我同佢地尚算keep得好, 反而自己好無謂要同佢地比較, 當然自己一定比下去, 所以有時令到自己唔開心



    我覺得同佢地陌生,鍾意既野唔同及有點無奈, 大約係30歲發生



  • 都係好似大家所講咁啦~

    好無奈~

    朋友同情人一樣, 都係要隨緣~



    我大概大學畢業後就出現呢個問題~



    上面網友講得好岩~

    生活圈子唔同左, 際遇唔同左~ 咁大家都會越來越生疏~



    事業啦, 愛情啦~

    上面有人講得好岩~



    我有朋友搵好多錢, 佢開始越黎越鐘意買名牌~ 買親都買貴野~

    但我就搵少好多仲要養家~ 行街食野都好難配合~



    又有朋友結左婚, 而家有親咩活動都係帶住老公出黎, 又或者佢平時既言行思想都係圍繞住個老公... 對於我呢d無拍拖既人黎講, 朋友係其中一個最大既圈子同support, 但對佢地黎講已經唔係~ 佢地最大既目標係家庭, 或者生兒育女~



    所以你話生活際遇唔同, 無影響係假既~

    一定有~~

    思想同興趣已經唔會好似以前中學時代咁單純, 咁一致...



    人大左, 終於體驗到呢d無奈~

    細個果時大家仲一定會話friendship forever, 其實有幾多人做得到???



  • 我知緣來緣去呢d 野唔到自己控制,要隨緣,,

    越來越少朋友大家會唔會覺得好孤獨呢?



  • 我同意上面有人話:

    “有時根本唔關主動被動事, 而係大家真係無共同話題, 唔arm嘴型的話, 點主動都無真正交流”

    當然。。。如果唔ARM傾,都無謂聯絡啦

    但我眼見好多人係懶去主動

    同埋唔願意了解人地的生活圈

    所以變得無野講

    其實呢個世界有幾多人同自己同類工作,同類背景丫

    如果你肯為對方行多一步,情況應該有所改善



  • 細個時思想單純,跟本無乜野諗,又無機心,只要有得玩就開心,一齊玩就係朋友,談話內容只會圍繞住玩同朋友。人越大,每個開始建立各自唔同的價值觀,亦為追求自己的目標而努力。思想就會有分歧,話題隨之有所分別。



    有個朋友近年搵到錢,搞到自己成個美食家咁,開口埋口識食識飲,好似好扮野咁,之但係每個人都有優點有缺點,佢扮野,唔代表佢唔係我好朋友,佢識食,唔代表佢識野多過我,只要我見聞夠廣,我未食過,未見過,都可以講得叻過佢。再講,朋友搵到錢,生活豐足,可以扮野,點都好過見到佢窮途末路掛?



    你同人地無野講,無話題,溝通唔到,問題可能在你見識唔夠廣,你對自己有無信心。可以試下培養多方面興趣,留心多些時事,多看一點書,唔好一攤開報紙就只看娛樂版,時事新聞副刊甚至廣告都睇下,好快你會發覺你有無限話題。



  • 同意durc



    另外,其實若要人似我, 除非兩個我. 每個人都唔同, 只要大家用心做朋友, 大家體諒吓遷就吓, 友誼自會長存



  • 我都同意DURC所講

    可能我比較八卦

    對好多行業都有好奇心想知

    好似近期有朋友考差人,我又想八

    有朋友賣電話。。。我又八

    久而久之我就同勁多人狗UP

    哈哈。。。


Log in to reply