大家小心....如非必要都唔好幫襯 " 萬福 " 訂機票或酒店

之前係網上serach 過,知道"萬福"係其中一間可信的travel agent ,只係職員的服務態度可能會差少少,所以都決定試下搵佢地訂 air tickets (佢地個價錢的確平d) .

我星期日(25 Mar) 喺佢地個web site度落booking,book左兩張4月20日搭OX去布吉既機票，星期一就打比佢地問佢地有冇收到我既order ,起初個位女職員好似唔知發生咩事咁，好迷，好明顯聽得出佢係見唔到有記錄，不過唔緊要，佢再同我落多次，話要2至3日先覆到我．

隔左3日，我又再打去問有冇消息，confirm未，佢地依然話要等AIRLINE 果邊覆，咁我又再等．

星期四(29 Mar)我又打去問，又係果位女職員聽，我問佢CONFIRM到未，佢就問我: "咩冇同事CONTACT 你咩？" 我話冇，再反問佢:" 咩你地冇同事幫我訂咩? " ,佢竟然答我:" 唔知ＷＯＲ,咁我而家幫你訂囉，不過最快都要今日或明日早上先CONFIRM到架 "

結果直至到星期五(30 Mar) 佢地依然一個電話都冇打比我，所以我唔再等佢地，決定打去SunTravel度訂，SunTravel既staff好有禮貌＆好有效率，喺同一日既下午已經可以覆到我，雖然係比萬福貴$20一張，但服務態度都抵番曬!

起初我仲諗住搵萬福訂張６月去加拿大既機票，雖然時間充足，但都係唔博啦~可能有其他人幫襯過萬福但冇事，或者真係要睇彩數吧∼又可能佢地大把生意，多到做唔切，唔希罕我呢ｄ生意仔啦　！

一月尾我試過响萬福訂酒店去台灣, 仲要係訂長虹, d 職員都覆得幾快！而且兩日內幫我地訂好！

跟住岩岩我三月尾又用佢個網站訂去沙巴既package, 問左幾個唔同配搭既package都覆得好快, 差唔多即日咁濟！不過最後因為唔可以早機去晚機返, 所以無訂到！

不過我都聽聞過萬福有d職員態度唔好, 不過可能我好彩兩次個職員都ok...........

萬福

<<我唔會幫襯,個名咁似長壽店....................

萬福d職員態度唔掂

我試過打電話查詢

(個時係6pm)

咁都有人聽電話..但他說d人收曬工

咁我講左我要訂的資料

他問我拎左聯絡電話 and promise reply me

tomorrow morning..but no response..

sh@t

Carina

未比$ 就知道佢o地o既服務態度咁差, 可以唔再幫佢買,可以唔洗再受氣, 慘得過比咗$想問番d o野都要受佢氣,咪仲慘呀.............

我岩岩幫櫬萬福book台灣機票+酒店, 都係o係網上面search下search下search到, 佢地效率幾快, 今日check聽日覆, 冇位又幫我check, 好快覆。幫我個姐姐好有禮貌, 我覺得呢間野冇問題喎, 幾好吖

試過訂香港的酒店, 都好快CFM到我. 雖然間房比幅相中差很多.

但平價就算數了.

[email protected]

我都同佢地訂個機票，無咩問題。我諗主要係個staff嘅態度多d。