跟自己的 身、心、靈 連結



  • 昨晚臨瞓前part返杯奶,
    肌訓後,補蛋白質,
    企圖或意圖增下肌😂

    今早,無六格朱古力🍫😄

    其他觀察所得:
    🔮馬甲線有少少少少深咗
    🔮正面望,兩邊腰曲線明顯左少少少少
    🔮腰摸上手硬咗結實左,尤其兩側,腰圍冇粗到
    🔮腰overall個look堅挺左,度高,似高半cm😂

    昨天有小小刻意:左右交替、side 做得多啲,
    一嚟左右分擔吓,容易啲完成😅
    二來一向覺得腰側邊啲肉較pou

    最近睇啲Youtube,
    話如果覺得腰肥,
    除了可能因為脂肪積聚,
    亦可能係該處肌肉唔夠堅挺,
    撐唔起,視覺上,就覺得鬆,
    誤以為全因為脂肪積聚。
    應該同時鍛鍊返該處肌肉。

    🍳🥚🥣
    今日「蛋白、鈣」早餐:雜果乳酪,加兩隻蛋
    如唔夠飽,會加一塊穀物麵包
    餐與餐之間先飲咖啡,
    因為咖啡因會阻止鈣質吸收,相距兩個鐘就OK😉



  • 今日,臨11點12點,
    先至有個工作上的happy problem離奇地爆出,

    處理好,又上YTT200

    今日呢個session佢解釋一D較為中級嘅動作:
    有啲,真係唔講唔知。

    我今日嚿腹肌,開始嚟料,咳下都痛😅

    做以下呢個動作,今日,簡直係酷刑,
    唔用腹肌,點樣將雙腳「Vic」去後面?
    undefined

    And then 呢個動作其實係好初級,bridge pose
    但冇諗過將雙手攝入去托起條腰,難度即刻倍升
    undefined

    Fish pose - 有啲YouTuber教過呢個姿勢,但唔係好掌握到點樣彎起上半身,呢個印度阿Sir一講個竅門,就懂了,我冇搞錯學費。🤣
    Chest/ Heart/ Neck opener
    做完條頸又幾舒服。
    undefined

    然後,
    呢個動作,我個鼻一向掂唔到個膝頭,但係佢教,只要將對手攬「埋」啲,手掌掂到另一隻手的手踭,咁又做到喎😅
    undefined

    呢個好重要,
    Wheel pose 我最渴望做到嘅拱橋
    點解?唔係想扮彭單,😄
    當然,姿態係優美嘅,
    但係更實際,呢個動作可以按摩內臟,
    長遠減少內臟脂肪,
    亦係heart/chest opener,對情緒好,
    亦訓練手腳力量,
    瑜伽動作之中,
    對健康、收線條,最最最有裨益、效果。😍
    講返,原來我之前個觀念一直唔啱,
    啲YouTuber話wheel pose先上咗下半身,然後到上半身,
    其實不然,阿Sir話要齊上齊落。
    明白,我聽日會試吓。
    undefined



  • 好想講,個「肚肌」😄
    到今日,都仲有DD痛。
    不過,1100 crunches. Anyway,開心💕

    同老公講,我早兩日做咗一千下Crunch,
    佢第一個反應以為我講笑,
    之後佢都信,覺得我好勁🤣

    好!
    雖然仲有啲酸痛,
    但應承咗自己,今日,呢個⬇️

    undefined

    結果,🔮居然!做到…..
    做到下方果個 Not this版本🤣
    都好吖!係咪先?

    有進步架喇..
    上一、兩次試過,最多係頭殼頂掂地。
    然後,就冇力。

    今次,起碼確認咗到自己四肢係夠力撐起✌🏻
    開始有返D信心。☺️

    不過補充番,成件事有少少「出術」🤣

    如下,不過作為一個初學者,
    我覺得下面呢個demo都幾啱初學者。😆
    之前應該share過:

    我跟佢啲tricks,第一:手唔係放地,
    個video 示範用瑜伽磚45度放,
    咁樣雙手腕,壓力冇咁大。

    另外,第二個trick係:雙臂綁繩,
    今晚初試時,懶,唔綁繩,如上只瑜伽磚,
    雙臂真係唔夠力撐起,

    咁做下其他熱身動作先啦,
    再試,
    今次,冇得唔綁住自己😅
    條繩幫手固定雙臂距離,
    一路用力伸直手臂時,就唔會向左右兩邊發開
    必定要與地面垂直。
    (冇咗向左右兩支vectors📚,向上嗰支咪好力啲)
    力量集中舉起自己龐大嘅身軀,
    咁真係好力「好多」!估唔到條繩作用咁大。
    聽YTT阿Sir話
    雙手雙腳同時用力向上推
    一鼓作氣,試多一兩次….做到!
    Again,係做到 "Not This” 果個。😂

    不過,我認我做嗰時都有少少驚。嘻嘻🤭

    其實, Review返,下次淡定啲,
    可以在撐起後,雙腳慢慢向頭嗰邊移動,
    手腳距離短咗,或者可做到個標準拱橋。

    by the way,嗰條繩,其實喺瑜伽墊嘅「孭帶」。

    迪卡儂呢款瑜伽墊,bundled呢條孭帶真係好實用。🪢

    呢個video亦真係幾好,真心要讚!



  • 上回都有推介 呢個
    The bare female

    都幾適合我,尤其呢個video都幾正
    佢喺基本瑜伽動作上,加左一啲肌力訓練。
    慢流,易跟,有music,good audio(配音係後製)
    仲有鳥語聲,有啲輕音樂。不會說話過多。

    不過,唔會解釋動作點做。

    適合已經練咗一排基本瑜伽嘅人。

    唔知係咪過去呢兩三日,
    我練習埋晒啲要肌力嘅動作,
    做完之後要一兩日先好返,即代表肌肉練習未夠,
    今晚個body認真咗去做嗰啲要用肌力嘅動作,
    呢幾日仲刻意食多咗蛋白質。

    💪🏼💪🏼💪🏼💪🏼💪🏼💪🏼💪🏼💪🏼

    講起肌肉,
    早幾日,我着背心出街,
    件背心係好「健康」😌 不是吊帶,
    也不是非常貼身,有啲鬆身添,
    更沒有露出事業線,因為冇🤣,我都想有得露,
    好奇怪,發現有啲人眼望望,男女老少都有
    我以為走光,(都冇野可走🤣)
    跌bra帶?冇喎,好企理

    或者,太醜樣影響市容?
    咁好多人都着背心啦!
    係咪Model明星先着得背心先!😌
    當時,又冇出汗……冇臭親人卦?
    唔明….

    然後我在地鐵幕門留意到自己…..雙臂,

    喺地鐵燈光嘅加持之下,
    三角肌、二頭肌,啲線條又幾okay喎
    我估一定係呢個原因,除非唔係。😂



  • 今晚香薰:乳香沒藥
    Frankincense & Myrrh
    是我喜愛的第一位
    暫時買咗好幾隻香薰,
    呢隻係我最滿意,香得來好有神聖嘅感覺,
    令人安穩的香氣,馬莎。

    第二位:
    都係馬莎,Pear Blossom & Freesia,
    之前有講:
    香氣十足十 Jo Malone 小蒼蘭香水(同名😅),
    好聞,令人放鬆心情。

    第三位:
    無印良品,甜橙/血橙,比較Energetic嘅味道。
    不過有啲淡,要滴多兩滴,咁咪即係貴啲囉。😅

    出街,都會鍾意噴香水,但如果朋友係已婚男仕,就免,怕香水味會傳咗落對方衣物。

    正如:去完有人食煙嘅地方,啲衣物都會有浸煙味。
    去食韓燒,啲衫會吸左啲燒肉味…….咁解啫🤣😅😅

    煙味、酒味、燒肉味都容易解畫,
    香水味….. 都可以解畫嘅…問果個信咪得囉😆😆😆

    呀……好想食韓燒……🥓🥩🤤

    今晚繼續同the bare female 探索下😁

    呢個,sensuality,顧名思義,
    集中子宮位置,七輪中的「生殖輪」,
    有最抵,海底輪,對上數起第二個。

    我係唔使生殖啦😂,
    但不要忘記子宮係主宰hormones 產生,
    不論男女,生理、心理狀態,
    都幾受由hormones控制。

    所謂「集中嗰身體部份」嘅瑜伽,
    係指啲動作郁動該部份多D,
    使之有血液流動到。
    血液是負責提供器官、肌肉養份、
    並帶走有害物質的媒界,
    血液循環好,自然身體好。

    我最喜歡的hormones 係「瘦素」
    Leptin
    真係會令人「瘦」的荷爾蒙🥹🥹🥹😱😱
    透過調節「飽」、「餓」的感覺,
    使人想食、或唔想食。
    人冇咁為食,自然唔係會瘦囉。

    Leptin冇得食supplements.



  • 趁偷懶,想time stamp下。
    因進入咗平台期,
    其實已經滿意自己體重,
    只係趁數據平穩,
    想在diet上做小小改變,
    容易判斷「果D改變」,對身體嘅變化。

    人體實驗。但

    唔玩極端飲食、
    唔fad diets、
    唔fasting、
    唔168、
    唔5-2、
    唔keto、
    唔會唔食飯。

    繼續均衡營養、應該話係「更」均衡營養。😁



  • 今日,係第300日,Yeah!!!

    undefined

    搵「條仔」賀一賀佢!🤣
    Yoga with Tim
    掉低左個30 day challenge成個星期
    今晚Day 19…. 如冇睇錯。

    Anyway過去300日,
    每日都健康咁郁到就開心。😊😊

    最近,同人一齊食飯,多咗聽到一句說話:
    「你都食幾多野架喎⋯⋯
    但通常會候補一句:
    「點解你食咁多嘢都咁瘦?
    😅😅😅😅

    瘦,手腳可以話係嘅,
    但個身未得law,
    所以呢幾日開始在飲食上再作改善。
    我試咗係work嘅,先再分享。

    不過,話說回來,我的確係「食多咗嘢」,
    應該係話,我會揀一D大體積,低energy-density的食物,

    例如:4xx kcal 的一餐,

    可以係:
    150g 豬腩肉、6-7舊,連醬汁

    也可以係:
    一大兜⋯
    雞胸對蝦西蘭花牛油果雜豆沙津,青椒柚子汁

    後者睇落去一定係會大食啲,
    一大兜喎!😄



  • 今早趁有D空間,
    做了一個the bare female
    的morning stretch,15mins

    今晚,搜尋Kassandra的最新片☝🏻☝🏻白羊座
    我唔係白羊座,
    不過咁啱都係15mins咁上下,
    合併埋一共半個鐘,剛好!

    Leadership, inner fire 🔥

    早兩日,我們的公海浮沉行動,
    達成了第三個milestone
    今次比起之前兩個來得快咗,
    最大原因係已經模熟咗少少個模式,
    有方向的trials and errors
    在公海有方向了,當然仲有慢慢長「海」,
    要繼續浮沉,😅

    以前有讀過marketing 應該知道,
    一間公司的products,有四個stage或 states
    Okay,搵返個圖:

    undefined

    公海浮沉的,是Questions mark❔
    當然希望佢變Star⭐️
    變唔到Star,但又死唔去嘅,
    都希望成為cash cow 🐮
    我們之前的東西,現成了cash cow 🐮
    故此,make cash cow clients happy係我哋嘅己任🥹
    起碼提供了空間 💵😅
    給我們去培育呢個公海Question mark❔
    目標將佢成為一個Star⭐️
    如果徹底失敗,就成了dog🐕

    要管住cash cow,
    同時又要花大量resources 去培育question mark

    大公司都未必做得到,何況小公司😵‍💫

    Okay 吖,
    當中都有啲奇奇怪怪嘅事,
    係增添左啲趣味,
    亦有含住泡眼淚嘅時候,
    但係我們絕不只是享受過程,

    而係要….結果 results。

    每日瑜伽,俾到我一個清醒嘅頭腦。

    Namaste 🙏🏻 🕉️



  • 302日 : 402.8k view

    今日留意到>400k
    多謝大家咁中意瑜伽!😅😅😅

    原來she書會員咁鍾意瑜伽

    你地有乜心Youtuber?

    大家都知我好專一,
    只中意:Adriene、Jessica、Kassandra、Tim、Bare Female…..

    ….呢幾位😄

    可以在此分享或DM話我知

    或者,一齊remote跟住同一個video練習,
    都幾有趣。😉😉
    Why not?

    真係有同朋友一齊remote跑街架😅

    跑完remote拉筋,然後remote搭𨋢返上樓。
    人哋仲remote幫我㩒𨋢,風度翩翩咁。🤣🤣

    🏃🏻‍♀️🏃🏻🏃‍♂️🏃🏻‍♀️🏃🏻🏃‍♂️🏃🏻‍♀️🏃🏻🏃‍♂️🏃🏻‍♀️🏃🏻🏃‍♂️

    今日連做Day 20, 21。

    想快啲完成Tim個challenge,
    可能因為係佢早期嘅創作,佢呢輯challenge都幾悶
    …..好「悶」的「challenge 」…..
    呢句說話充滿矛盾😂

    快快手手完成佢🙄,叫做有始有終。

    完成後,想開返佢個”Transform” 30days challenge
    在他"Yoga with Tim " channel,可找到。

    夜啲瞓唔着,就上埋YTT200果幾堂先。✌🏻



  • 打漏:
    你哋有乜心「水」瑜珈youtuber ?
    😜



  • 303日:405.6 k views

    (我純粹好奇減下條數,
    每日都對住數字,
    職業病。😅😅🤒)

    一日有成三千views?😅

    比起我,大家對瑜伽更加狂熱!🔥

    數字,唔會呃人。
    一定係,除非唔係。🤣

    今晚安排了一些工事要夜麻麻先處理得。

    保住我哋D Cash Cows 其中一隻。🐮

    算唔算係「返shift」😅?不過放工了,好偶爾才會。

    Anyway,遲了開始練習。

    一次過掃咗兩集「沉悶」嘅「challenge」。

    Tim Yoga :
    Day 22 - Warm up only
    Day 23 - 有返小小挑戰

    有D攰,冇乜特別嘢,不過,最近發現兩個頻道,
    好偶爾發現的,我最近一有時間就煲,
    就嚟煲完,🤣🤣🤣
    佢得30幾集啫。

    認真的,好正,佢哋啲減肥理論,
    以我顯淺嘅知識判斷過,係好有用。

    其中一個:

    《范老師》
    是但放其中一個video,
    另外,佢啲video都有小小搞笑。😁

    另一個,第二日再share。

    要瞓啦,明天要一早update隻牛
    ….. 呀….. 係個客。



  • Day 24 of Tim’s Challenge

    🔮🔮🔮🔮🔮🔮🔮
    …..有冇咁巧合。

    之前初試(靠牆)手倒立、(捆綁雙臂)拱橋。
    咦🤔講起有D似人哋台慶藝員表演。
    Anyway
    好耐冇點練Crow

    undefined

    打開個youtube見有video教,又練,
    今次,做左10下,每次三秒,
    算係hold咗30秒🤣

    以前做兩下就攰,
    咁好似係練其他動作令我手臂強咗喎,
    唔怪之得穿背心露手臂咁多人望,
    咁「健美」
    二頭肌、三角肌啲線條「咇」晒出嚟😂

    繼續幻想、自high 🤤🤤🤤🤤

    然後,開始練day 24,
    前嗰段,一路做一路唸….
    做咩今日做啲咁基本嘅嘢?
    咁我都享受嘅❤️
    反正頭先Lin都攰攰地'
    點之…..
    到中段,原來練crow😵‍💫😵‍💫
    前段只係熱身
    (吓?我頭先做到手都軟晒🤪,又黎?)

    10世唔練,一嚟就係咁做🫠😳

    佢教企喺舊磚🧱開始,下圖右上
    又好似真係易少少,
    但最後效果都係差不多,☹️
    我覺得手臂已經夠力,照計可撐到6、7秒
    不過平衡未係好得,😤
    個身有搖動,隻手就好難撐得耐。

    undefined

    咦?呢個👇🏻第三行,話"finding balance”
    未試過,試吓囉!
    明天試。

    undefined



  • 女仕的特別日子,
    不練crow pose了,要收緊腹部的。

    其實大部分瑜伽動作都要收緊腹部😅
    之前次次就住就住,
    但第二日都會有啲唔對路。
    今次咪喇….

    咁不如做 :冥想。
    諗返上個weekend,上YTT200,
    去到 Yoga Nidra果part冇做,
    驚做做下會瞓着。
    因為母親節出街食飯😅

    🔮🔮🔮🔮🔮🔮🔮

    Nidra指 sleeping
    但yoga nidra目的唔係要人瞓覺,
    係要你將身體每一部份放鬆,
    訓練自己能夠與身體每一部份溝通。

    「嗱,腳趾尾,我叫你放鬆,你好放鬆啦吓😅」
    類似咁嘅意思。

    真係連腳指都要逐隻「溝通」

    可以在youtube揀一啲叫Yoga Nidra Guided Meditation
    會有聲音導航,guide住你,
    放鬆身體,每部份。

    其實,我未做🤣
    我諗住做做下瞓着,就覺覺豬瞓。
    所以喺度先行記低今晚Yoga Nidra。

    我做果個在Online course platform,
    呢度記錄唔到。

    下面係一個參考例子:



  • Yoga for Menstruation
    佢叫得做The bare female,
    應該冇老點我掛?🥹

    佢主要都係好溫柔咁,
    增加上下半身嘅血液循環。
    身體內臟,有更多血液循環,就係好。

    昨晚的Yoga Nidra,
    YTT課程果個練習雖然得15分鐘,
    但好令我放鬆,
    由右腳開始
    腳掌 —> 腳踭 —> 小腿 —> 膝頭

    佢每name到嗰part,就放鬆嗰part。

    當佢講完條右腿之後,
    我覺得….單邊腿沉咗落張床褥度😅
    真架,
    如是者,佢講埋左邊腿,
    真係感覺成個下半身沉咗。

    阿Sir真係好得,👏🏻
    我嘅冥想功力亦有所提升,😄
    同身體溝通到,放鬆。
    使我今日整天狀態都唔錯。
    (不過,亦可能因為近排個diet有D轉變。)

    阿Sir話:
    冥想,就是一個和身體溝通的練習。
    和身體單獨對話。
    (聽落好似short咗😂😂)

    好玄,我會再努力get多D。

    呀,冇做做吓瞓着,
    之後在youtube揀多一個就瞓着咗。

    🔮🔮🔮🔮🔮🔮🔮🔮

    今日又有D好miracle嘅事情。

    下晝,開返去年年頭一日本客嘅Project file,
    大家完咗一年約,就冇繼續,
    因為Covid,人哋中途改咗business方向。
    但最勁係:
    佢找晒成份合約嘅$,而又冇乜大嘢幫佢做過咁。

    其實當時都諗,
    好難得得到日本人嘅信任,
    尤其佢哋咁疏爽🤣,
    不如(免費)Extent多幾個月?
    不過都係唔work,
    咁我哋盡晒人士。

    大家都冇乜officially 聯絡一年,
    只係有時whatsapp 幾句,
    Keep住個溫度先😅
    (溝女咁)

    今日因另一類似Project,
    開返日本人個Project File嚟睇,
    睇咗一陣,忽然收到日本人消息,
    今次佢有D堅野…..
    🙏🏻⋯⋯

    🔮🔮🔮🔮🔮🔮🔮🔮🔮🔮

    希望在人間😜😜😜



  • 咦?比起四日前,多咗10,000views

    又籌多$100,000 🤣

    覺得我太無聊,容忍唔到,
    可以唔使理我。🤣
    但記住要捐錢俾山區兒童。🥹 🌋

    今日Day 25 of Tim challenge

    臨尾練 Side Crow(如下)
    我連正面都未搞掂,點樣做Side😵‍💫

    undefined

    咁我就試吓早幾日個圖啦,
    用yoga brick 🧱 support住個頭
    Finding balance果個,
    但……唔得,唔係好明舊🧱用嚟做乜。
    唔會用個頭/條頸去平衡卦?
    有舊磚,有個集中點咁解?😳
    搞到攰晒,就諗,
    會唔會係用嚟試吓啲手手腳腳位置,
    放邊個位先平衡到?

    明天,懷住呢個信念,再試吓。🤔

    Crow呢個式子,最早練,
    但都未係好掌握到。😤

    反而,「捆綁式no this」拱橋,
    靠牆手倒立,一晚,試幾次,就做到。

    應該係爭咗啲嘢。。。

    手臂應該夠力,如果唔夠,點靠牆倒立?
    都繼續估係欠缺「平衡」多啲。



  • 今日,Day 26 of Tim challlenge
    但得9分鐘,
    加個Kassandra 的 bed time yoga 15mins
    就剛好

    兩個都係伸展式的。
    今晚唔敢做太strong,
    因為……..無食dinner。

    可能個lunch都幾肥
    晚上一直唔餓,
    然後好似忘記咗食咁,
    之後補了個蘋果。🍎

    明天約了朋友去隊早餐。☕️🍳🥞
    咁留返到時補數。

    在youtuber 上,之前話除了「范老師」外,
    還有一個:叫 咩咩serious。😅
    我有時間就會煲。

    ☝🏻佢呢個video,超級超級推介!⭐️⭐️⭐️⭐️⭐️

    佢講D野,自己都零零碎碎知道的,
    但佢講得好organised.
    Video又有質素!
    又一次證明:Presentation is everything.😊



  • Day 28 of Tim’s Challenge

    本身應該Day 27,但出了去成日,
    散咗。
    調一調次序做過輕巧啲先。

    是個Restorative Yoga練習。啱哂。

    其實初學好啱,
    好似分享過,好多年前,
    Join 了 Pure Yoga 一年,
    但一共唔知有冇去了20次

    不過,初期去時,
    專去上「yoga therapy」堂,
    果時,都唔識分係啲乜嘢,
    但個名thereapy,
    似乎係handicapped 都可以去咁😅
    (無意冒犯,但當時真係唔知)
    上咗第一堂
    先發現,累積咗咁多年,
    原來自己係有一啲嚴重痛症,
    例如:發現後頸原來….
    顎高頭都痛到標眼淚水

    之後,上多一兩堂,冇話完全好晒,
    但係痛的程度已經大大減少。

    而呢類堂就類似 Restorative Yoga

    由於動作多數慢慢做,容易跟,
    加上如果平時少做運動嘅,
    咁多年來必然累積好多腰酸背痛,
    所以,初次接觸瑜伽的人最啱學呢一類先。

    今晚加埋瞓瑜伽磗:(幾分鐘)

    👇🏻拉鬆下腰、下背
    D腹部器官全部「Sir」向上,幾得意。😅
    未見過自己冇肚腩。
    放心,小腸lung得住D abdominal organs。🤣

    undefined

    👇🏻拉鬆上背,打開心房🫀
    undefined



  • 記低埋先,現在就瞓上床試埋呢個:



  • 結果,昨晚個"7 Chakra Guided Meditation "
    聽咗幾分鐘就訓左😅

    不過,今日好奇聽返,
    感覺麻麻,起碼,唔太適合for訓覺聽。
    可能英文不是母語,佢又有D講解,
    要用精神去消化佢講既野。

    今日上YTT200 Live 練習 堂
    但因為今日有D工事要處理,
    未有時間完成理論部份,
    其實,可以係個system 上✅✅✅,
    就可以當上完果炸理論videos,然後取cert
    不過我又真係想逐課聽下😊
    仲有好少啫….
    下個星期應該完成。

    佢仲就黎出YTT300 Certification
    又心思思想take埋😅

    昨日太攰skip咗Day27 of Tim Challenge
    今晚做返,
    中間個單腳crow pose……
    點做呀?…..
    好似叫一個唔識功夫嘅人同李小龍過兩招咁🤣🤣

    Anyway,仲有兩節就完成這個challenge
    佢係有鍛練到嘅,
    但亦都係好悶既challenge…..
    忽然又加插D「同李小龍過兩招」,唉…

    係Tim 6年前既作品。



  • Day 29 & Day 30
    Tim’s 30 Day Challenge DONE ☑️ 🏁✅

    Day 29只係D 熱身動作。
    佢話做其他運動時都可以做先。
    好hea😅

    可能天氣熱,我熱完個身都已經好熱。🥵

    Day 30 - 純粹thank you🤭
    睇返view數,由頭跟到落尾冇10%,
    anyway佢有句說話給有同感:

    I hope yoga have do some change in your life.

    的確有!👍🏻

    以前,做其他運動(唔講咩運動),
    想減肥嗰輪,一星期三次,
    做完,其實好攰好肚餓😵
    不過,唔會比自己食咁多,🍚🍘
    會同自己講:(當時真實對白💭)
    「運動得咁艱苦,唔控制下對唔住自己!?」
    係…. 艱苦、控制….🎛️🕹️🎮

    Yoga🧘🏻‍♀️🕉️
    好唔同嘅感覺🫦
    有時啲練習令我爆汗💦,
    亦都有啲練習係唔太流汗😲,

    流汗唔流汗,唔係重點,
    反而瑜伽🧘🏻‍♀️🙏🏻的meditative性質,
    令人傾向重視與身體💬溝通,
    身體會自然、話我知,
    佢想食乜🍱🥘 🍆🥑🥒🍑🍎🍣🐟
    唔想食乜🍰🍕🍫🍪🍟🍩🥧🥐
    從來唔會有「艱苦控制」😓
    會自然愛上健康食物 🥘
    行過薯片零食部,
    會因為新包裝精美🍿🛍️而攞嚟睇吓,
    睇完又好自然會放返低,唔會買,
    就算食,已經覺得唔好食🙄
    覺得油味🛢️、鹹味🧂太重。

    外出應酬、或與朋友食飯,
    偶爾開懷大吃一餐,對體重也沒有改變,
    呢個就係我想要嘅…..
    Healthy Lifestyle狀態。💗💪🏼

    Keep Fit的Cheat meal?
    燒肉🍖🥩放題,係我嘅至愛,
    完全係真食物,
    燒牛肉,🐂
    沒有油炸、烘焙的反式脂肪,🥐🍰🍪🍩
    仲順手補一補啲蛋白質。💪🏼💪🏼💪🏼
    調味料自己落。

    燒魚🐟🎏仲正,蛋白質之餘補Omega3。

    咁有多種蔬菜——膳食纖維,抗氧化。
    🌾🌽🥦🍅🥒🧄🍠🥬🫑

    難得㊙️密飯腳亦喜歡。😉😉



  • 《記錄與ChatGPT對話》
    要大脾唔掂地,原來關胸肌事。

    👩🏻👩🏻👩🏻👩🏻👩🏻
    我正在學習瑜伽,當我由plank 去 chaturanga 再去 upward dog 的時候, 我想做到整個過程到大腿前方不着地, 但不夠力,大腿前方總會掂一掂地,我應該加強鍛鍊那部份的肌肉?

    🤖🤖🤖🤖ChatGPT🤖🤖🤖🤖
    如果你在從plank轉換到chaturanga再到upward dog的過程中感到大腿前方不夠力,有幾個關鍵的肌肉群可能需要加強:

    胸肌:chaturanga和upward dog需要一定的胸肌力量來支撐身體。你可以加入胸肌訓練,例如推舉和深蹲等,以加強這個區域的力量。

    三頭肌:三頭肌是支撐身體在chaturanga和upward dog姿勢中的關鍵肌肉。你可以進行三頭肌訓練,例如三頭肌伸展運動和三頭肌推舉等。

    核心肌群:核心肌群的強度對於保持身體的穩定性和控制在這些姿勢中非常重要。包括腹肌、腰部和臀部肌肉的訓練可以增強核心力量。

    此外,要注意在過程中保持正確的姿勢和技巧,並進行適當的伸展和熱身。如果你感到挑戰,可以先從膝蓋著地的姿勢開始,逐漸增加力量和穩定性,然後進行更困難的版本。

    最重要的是,請給自己一些時間和耐心,持續練習,肌肉力量和柔軟度都需要時間發展和進步。如果你有疑問或需要進一步的指導,建議請教瑜伽導師或專業的健身教練。

    👩🏻👩🏻👩🏻👩🏻👩🏻👩🏻👩🏻👩🏻
    聽來很奇怪,我能夠穩陣地下降,不着地(ie. chaturanga) 維持着, 但卻不能撐起來回到Plank,就是欠缺胸肌嗎?

    🤖🤖🤖🤖🤖🤖🤖🤖🤖🤖
    如果你能夠穩定地下降並保持在chaturanga的位置,但卻無法從chaturanga回到plank姿勢,這可能表明你的胸肌力量相對較弱。

    在從chaturanga回到plank的動作中,需要胸肌提供足夠的力量來推舉身體,使上半身恢復到平行地面的位置。如果你無法完成這個動作,這可能意味著你的胸肌力量不足。

    增強胸肌力量的訓練可以包括各種形式的推舉,如標準推舉、斜板推舉、側向推舉等。這些運動將有助於增強胸肌並提升你在chaturanga到plank轉換的能力。

    此外,還可以考慮加入其他上半身肌肉的訓練,例如肩膀肌肉和背部肌肉,以提高整體的上半身力量和穩定性。

    👩🏻👩🏻👩🏻👩🏻👩🏻👩🏻👩🏻👩🏻👩🏻👩🏻
    倒立(hands stand) 和拱橋(wheel pose) 對胸肌的要求相對較低嗎?

    🤖🤖🤖🤖🤖🤖🤖🤖🤖🤖
    倒立和拱橋是一些進階的體位,在執行這些動作時,胸肌確實需要一定的力量和穩定性,但相對於一些傳統的胸肌訓練動作,如推舉和飛鳥,對胸肌的要求可能較低一些。

    倒立(Handstand)主要依賴於肩膀和核心肌肉的力量,它可以幫助你建立肩膀穩定性和上半身的核心力量,而胸肌在此動作中可能扮演較輔助性的角色。

    拱橋(Wheel Pose)則需要背部和肩膀的柔軟度和力量,同時也會涉及到胸肌的延展和活動性,但它主要偏向於背部和肩膀的訓練,並不是一個主要針對胸肌的動作。

    如果你的目標是針對胸肌進行訓練,那麼傳統的胸肌訓練動作,如推舉、飛鳥等,可能會更適合。倒立和拱橋可以作為補充性的動作,幫助提升整體的身體力量和柔軟度,但不是必須的動作,對於單一肌肉群的訓練相對較少。

    👩🏻👩🏻👩🏻👩🏻👩🏻👩🏻👩🏻👩🏻👩🏻👩🏻
    如何利用啞鈴訓練胸肌?

    🤖🤖🤖🤖🤖🤖🤖🤖🤖🤖
    使用啞鈴進行胸肌訓練是一種有效的方法,以下是一些常見的啞鈴胸肌訓練動作:

    啞鈴平板推舉(Dumbbell Bench Press):躺在平板訓練椅上,雙手持啞鈴,手臂伸直舉起,然後慢慢降低啞鈴,直到胸部與地面平行,再推舉回起始位置。這個動作主要訓練胸大肌。

    啞鈴斜板推舉(Dumbbell Incline Press):與平板推舉類似,但這次將訓練椅調整為斜板,使身體處於斜角姿勢。這個動作更強調胸肌上部。

    啞鈴飛鳥(Dumbbell Flyes):躺在平板訓練椅上,雙手持啞鈴,手臂微彎,從胸部兩側展開手臂,感受胸肌的伸展,然後慢慢收回手臂。這個動作主要訓練胸肌外側。

    啞鈴側平舉(Dumbbell Lateral Raises):站立或坐下,雙手持啞鈴,手臂伸直,慢慢舉起啞鈴到平行於地面,再慢慢放下。這個動作主要訓練胸肌內側和前肩部。

    啞鈴俯身飛鳥(Dumbbell Bent-Over Flyes):彎腰俯身,雙手持啞鈴,手臂微彎,從胸部兩側展開手臂,感受胸肌的伸展,然後慢慢收回手臂。這個動作主要訓練胸肌後側和背部。



  • Encore “30 Day Transform Challenge” !

    Day 1

    好耐未試過爆一身瑜伽汗,痛快!💪🏼💦👍🏻😄🦈

    一來熱,二來佢D慢流,
    長時間hold住個pose,同D肌肉,
    等如長時間擧住啞呤唔俾放,
    點會唔爆汗。

    Transform 列系D video 係長D,
    大約30-40mins

    目的,顧名思義,就係要將你變得更強。

    試吓!個人經驗,你會瘦一圈 ⭕️🛟

    要由下面圖一到圖二,
    我總係有半秒大脾要掂一掂地,
    其實都okay嘅。

    但想完美D,
    從ChatGPT對話發現,
    要完全唔掂地,我似乎要練胸肌。
    之前真係無唸過,
    咁可能真係呢個原因,
    可以注意吓。

    undefined



  • 10日前:405.6 k views
    現在:430.9 k views

    咁每日平均 2500人(次)

    如果,當中,
    好保守估計1% 的人真的有做瑜伽,
    又如果,每天鼓勵到呢1% keep住practice yoga
    咁都有25人喎!🧮
    如果係2%,就50人。🎉

    咁作為一個未畢業YTT的Yoga Teacher la
    算幾功成😁!

    YTT亞Sir話:
    Yoga Teacher就是將Yoga lifestyle帶俾其他members的media
    (似傳教士🤔🤲🏻📿🛐)

    歡迎加入呢個教會😁😁🙏🏻🕉️

    煩麻大家記得:
    每人每日放$10去入口左邊個錢箱。🗳️💰💸
    福有油雞🐥🍗

    今日:Day 2 Transform

    Over 40mins,望落去都有啲怯,
    好耐未做過超過半個鐘,
    諗住唔緊要啦,做到頂唔順咪停law
    但做下做下,
    不知不覺又enjoy完呢40分鐘。☺️☺️
    爆汗💦
    佢呢集emphasizes “Elongation”

    的確,復常後,忙咗,
    周未的「運動日」都冇左。
    以前有的,開Youtube,
    見到邊個practice有趣,就開嚟做
    攰就休息,休息完,
    又揀next video繼續,
    如是者,起碼一個下晝。

    依家,好難每日做到40分鐘、30分鐘。
    但,即使短短10分鐘,都係好!😁



  • 昨天話:

    10日前:405.6 k views
    現在:430.9 k views

    咁每日平均 2500人(次)

    依家:443.4 k views
    今日又exactly 2500人(次) ???!!!!! 😂

    每日,固定信衆入黎向瑜伽朝聖😁🙏🏻🤲🏻📿🛐

    多謝。Namaste

    好!我哋一齊
    做一個 OM Chanting :

    用鼻子深呼吸,
    使肺部🫁、胸部肋骨,向四方八面膨脹,
    然後,
    透過咀仔,慢慢呼氣,喉嚨發出中至低沉的
    Om………………..

    將身體雜亂嘅頻率,一致化。

    係咪好舒服、放鬆呢?☺️⛱️🏝️⛵️

    可以重複㗎!😉

    我覺得呢個video呼吸節奏OK,
    如果你覺得吸氣之後,佢都未呼(OM)
    可以:

    1—Hold住啖氣,
    使吸入的氧氣有更多時間,
    讓血液把氧氣帶到身體各處

    2—放慢吸氣嘅速度

    3—可能係平時好少用晒成個肺,
    這是都市人通病,用多啲力擴張個肺,
    使之吸入更多空氣。呢個要慢慢練習。

    呀,我今日練習:

    Day 3 of Transform,練腹肌,
    可能已經chur咗兩日,
    今日啲肌肉有啲酸軟,又硬。冇咁靈活。

    一向,企喺度forward fold時,如熱身後…
    全條手指(即半只手掌✋🏻)可掂到地,
    今日,半條。

    不過手臂真係收得再靚咗小小小小。
    尤其三角肌位置。😍💪🏼



  • 好!點名。😄

    昨天,完來我打錯數字🤣,更正番,但人數啱。

    433..4 k views
    今日又exactly 2500人(次) ???!!!!! 😂

    每日,固定信衆入黎向瑜伽朝聖😁🙏🏻🤲🏻📿🛐

    多謝。Namaste

    依家:435.9 kview

    又 exactly 2500人(次) 😉 好鬼馬你地。

    大家非常disciplined,
    啱喇,正所謂:每天朝聖瑜伽身體好。

    我都好disciplined架…瑜珈方面,工作方面。

    有D方面就……就唔太跟規矩喇🤫
    我指係去偷食…..
    糯米雞🐥🐤啫

    Work hard. Play hard. 😜

    講起糯米雞,早排仲一星期一隻,
    而家好似成個月都冇食,
    呢期想試吓減少D total fat intake
    Total calories 應該okay
    Fyi 我要食多過1200
    但少過1700 (當每日有小小運動)
    所以target每日1300-1400kcal

    早排,
    大約每日大約intake1400kcal
    早餐300午500晚500kcal + coffee100kcal
    其實,如果我早餐真係食咗糯米雞700kcal,
    我會skip lunch,或lunch食個生果,

    當然知道,每日脂肪係可以有50 g quota
    但其實,食隻烚蛋都有幾gram脂肪啦,
    所以就算食正經嘢,每樣少少脂肪計埋都好近quota
    進入左平台期,可能都係呢個原因

    ➿➿➿➿➿➿➿➿➿➿➿➿➿

    呢期改咗:
    早餐300kcal午500晚400kcal
    (卡路里由晚餐走咗去早餐)

    另外instead of coffee100kcal,
    變咗nuts100kcal + 齋啡。

    加埋微微少咗100kcal,當係buffer,
    例如飲杯奶,或lunch食多啲。

    糯米雞脂肪好高。
    總之,明顯脂肪高、油炸嗰啲就唔食。
    都會食板燒雞腿包,但走醬。
    都會去飲茶嘅。
    其實啲正經食品再加埋nuts,
    50 g嘅脂肪quota真係好容易到
    (重要嘅事情要講兩次)😅

    當然以上係乖嘅日子,
    出街玩、食飯就唔計🤣

    試吓呢個人體實驗O唔OK,
    在記錄。

    🌿🌿🌿🌿🌿🌿🌿🌿🌿🌿🌿
    今日,當然係繼續呢個
    Day 4
    練core
    開住冷氣,bra-top,都係要爆汗完成。
    正!

    有啲印象好似係呢個系列,
    唔知有冇記錯,第一次做令我有時頭暈暈,
    好彩而家冇,咁我當進步咗。🤣



  • Day 5 of Transform

    正當過去呢三日,
    首先臂攰→然後背脊攰→今日腹肌攰

    呢個Day5 黎得合時!

    呢堂:玩轆轆野 ✌🏻太好了🙏🏻

    果舊,係咪叫Yoga Roll?Foam Roll?

    undefined

    Ok. 叫 Yoga foam roller
    最簡單呢隻得㗎喇,成碌發泡膠咁就啱。
    淘寶,好似幾十蚊。

    轆🛞走肌肉酸痛!👏🏻 好有效

    Thank Q You ! Tim Sir.

    之前有分享過,佢最醒嘅地方係,
    轆完一邊,會叫你坐返好,郁下兩邊,
    感覺下個分別,然後先轆另一邊。

    好識show自己value! 😉
    咁大前提當然係佢真係bring 到value俾人。

    ➿➿➿➿➿➿➿➿➿➿➿

    晏咗,因為頭先見到呢個video
    佢哋分手/離婚💔😌

    如果有在家跟Youtube做過任何運動。
    都會知 Emi Wong。

    大半年前已經有傳出婚變,
    因佢老公Chad以前集集有出現,
    到完全消失。

    大致上好似係,女的唔想為家庭、生B而放棄事業。咁不如離婚。

    咁當然啦!尤其佢咁叻女!

    其實,叻唔叻、男或女都係咁話啦!
    如叫個男人為女人放棄事業,又得唔得呀?

    如果到咗呢個時代,30歲以下的,仲話:女人應該留家support個男人,返鄉下生活啦咁!妖!…呀,Sorry,我激咗少少🤣🤣🤣🤣

    斯文返:
    道不同,就放開彼此,前面自有更適合自己人。😎

    早幾個月,我同老公有提起呢個傳聞,
    (老公冇做運動,但係睇住我做運動😂,
    所以知Emi Wong)

    佢話:D鬼仔(Chad)係咁架啦!好花心架。
    (成個八卦公咁😅)

    我問:咁中國人男人呢?
    (我並故意加左含情脈脈眼神🥹)

    (佢立即變左怕醜mode
    — 諗返佢呢個樣當年最吸引我😜)

    佢怕醜答:咪長情D囉….
    (有小小面紅咁)

    太可愛🥰

    總結,Lady Gaga都話:

    男人可以隨時離開你,
    但事業唔會。

    男人:包括以下提及嘅男人🙈

    所以,Emi Wong 叻女、果斷!💪🏼



  • 補返個「碌碌嘢」 個圖:

    undefined

    成支單色就可以了



  • 比起兩日前,又不多不少的多了5000人次
    Hmmmm…….❓⁉️❔🤪

    練習完,
    我一邊嘆住杯抗氧化綠茶,(因為我人就嚟氧化🤢)
    一邊Journaling here.

    由Day 1開始都當呢度係Yoga journal 📓

    原因:

    做瑜伽,
    人哋話個Hips會 open咗,(我第一次聽都唔明)
    意思係,因日常坐得多,個hips位好容易繃緊,
    咁樣會影響上下身的血液流動,
    做瑜伽,改善返呢方面,
    另外,瑜伽的說法是:
    Hip位亦係情緒所儲存嘅地方,
    Hips open 咗,就會有好多情緒release出嚟,
    好多思緒。

    所以,如有需要,練習完瑜伽,打開本簿,
    你諗起任何嘢,都可以寫低,
    關唔關瑜伽事都可以寫低,
    唔需要有邏輯,總之,寫低。
    讓情緒有宣洩的渠道。
    Yoga Journaling
    就係呢個意義。

    咁我又寫〰️〰️〰️〰️〰️〰️

    今日同㊙️蜜🍯飯腳🦶🏼去玩。
    好多謝佢今次在餐廳陪我做咗D「變態嘢」
    🤣🤣🤣
    放心,合法的,非常合法的。😂
    一到咗餐廳,我就同弟弟講:
    「我想攞啲變態嘢出嚟。」😁
    (一邊打開個背囊🎒😏)

    Tips: 食野時,如果好執着咁想知道一啲嘢,
    就要用它。

    應該估到😂
    今次想知啲嘢,所以先至咁做。
    唔會成日係咁😅

    只係,我估同D女friend, 一定唔俾我咁。
    所以趁今次用,知對方唔會介意。
    佢總會好樂意陪我做埋哂D古靈精怪嘢。🤡👽😈

    我感想係:
    呢幾年同我最夾嘅朋友,
    估唔到係同我年齡相差最遠的這一位。🤓🤓

    ➿➿➿➿➿➿➿➿➿➿➿➿

    好,因為今日都食得幾多嘢,
    返到屋企好想做個Power D嘅Yoga

    所以一野skip左兩days(因太輕kan)
    去到Day 8,呢集Tim sir有個friend - Simon
    嗱!有朋友壯膽,好好多架。🥹🥹

    Play hard 完,就要work hard
    明天努力工作 💼



  • 今日晏左,攰攰地,
    好,索性做返 Day 6, Day 7
    琴日話好輕kan 😜

    Day 7,值得推薦,亦有D感受:

    因為呢個challenge唔係第一次做,
    呢個video自然都唔係第一次跟着做,
    但今次我先至識得欣賞,
    一開始用個碌碌野、或用瑜伽磚放地下,
    人躺下,令胸腹位置昂高,
    會令人自然將個肺🫁擴充,用盡個肺呼吸,
    的確係喎!👍🏻

    奇就奇在,點解我而家先知?已經第二次做。

    我諗係因為上一次,當時對呼吸認知好低,
    直至join了YTT個course先知道「呼吸」…
    喺瑜伽扮演一個好重要嘅角色。

    對事、對人亦然。

    的確,有D朋友,初初識,
    (我好衰)感覺上對方嘅表達能力有啲笨拙😅
    有時甚至會覺得人哋有啲蠢😜
    不過,在冇乜期望之下😅,識耐咗,
    先發現,原來人家有人家的智慧,
    仲越掘越多👷‍♀️⛏️,
    發現唔少人家的優點,好值得借鏡。

    就好似呢個video咁,
    第一次見Tim 訓喺舊嘢上面,
    奇奇怪怪唔知想點。

    依家,自己在瑜珈的「道行」(認知)高了,
    對同一事情的睇法,又可以上一層次。



  • 嘗試Google search真係搵唔到,所以又問佢:

    👩🏻👩🏻👩🏻👩🏻👩🏻👩🏻👩🏻
    瑜伽有多種呼吸法,都是減壓、平靜心情,為什麼要這麼多種?
    我所知的,例如 : Cyclic Sighing, Alternate Nostril Breathing, The 3-6 Pattern Breathing, Box Breathing

    🤖🤖🤖🤖🤖🤖🤖
    瑜伽中的呼吸法有很多種,每種呼吸法都有不同的效果和目的。以下是一些常見的瑜伽呼吸法及其作用:

    循環嘆息(Cyclic Sighing):這是一種通過深長的嘆息來放鬆身心的呼吸法。它可以幫助釋放緊張和壓力,減輕焦慮和疲勞。

    交替鼻腔呼吸(Alternate Nostril Breathing):這種呼吸法通過輪流用鼻孔吸氣和呼氣,平衡和調和身體的能量。它可以提高注意力和集中力,平靜思緒,並帶來內心的平靜。

    3-6模式呼吸(The 3-6 Pattern Breathing):這是一種深度緩慢的呼吸法,通過吸氣計數到3,呼氣計數到6來延長呼氣時間。它可以減輕身體緊張和壓力,平靜思緒,促進身心放鬆。

    方盒呼吸(Box Breathing):這是一種以四個等長階段組成的呼吸法,包括吸氣、屏息、呼氣和屏息。它可以平衡呼吸和提高注意力集中力,減輕焦慮和壓力,促進放鬆和內心的平靜。

    👩🏻👩🏻👩🏻👩🏻👩🏻👩🏻👩🏻👩🏻👩🏻
    可是聽起來主要是減壓,是否因為不同教派?

    🤖🤖🤖🤖🤖🤖🤖
    瑜伽呼吸法的多樣性並不是僅僅因為不同教派的區別,雖然在不同的瑜伽傳統中可能有一些差異。事實上,瑜伽呼吸法的多樣性主要源於其綜合性和綜合性的本質,以及對身心健康的全面關注。

    瑜伽是一種綜合性的實踐,旨在促進身體、思維和靈性的整合與平衡。瑜伽認為身體、呼吸、思維和情緒之間存在密切的相互關係。通過調整和控制呼吸,我們可以直接影響神經系統、情緒狀態和思維過程。不同的呼吸法可以產生不同的效果,如放鬆身心、增強注意力、平靜情緒、調整能量等。

    因此,瑜伽呼吸法的多樣性是為了滿足不同人群和不同需求的需求。不同的人可能會有不同的壓力水平、焦慮程度、注意力問題或其他身心健康問題。提供多種呼吸法可以讓人們根據自身情況和目標選擇適合自己的方法。這樣,瑜伽可以更全面地滿足個體的需求,提供各種方法來減輕壓力、平衡情緒和促進身心健康。

    (真係要多啲慧根先可以 領略更多,我相信我可以🤣)



  • 昨天,晚餐,儍更更煮咗一種海產類,
    加D薯角,幾種配菜咁,
    做咗一個300零卡路里的晚餐,
    諗住蛋白質、纖維豐富,
    冇飯、冇肉,澱粉質靠薯仔、豆,
    懶係地中海飲食咁,
    以為好醒😎
    點知食完,爬吓文,
    原來嗰隻海產係出名好污染,😵‍💫

    但已經食完,雪櫃仲有存貨,

    不過問心,好好味喎!🤤

    比起之前買過一啲貴啲嘅品種,
    呢個「污染」肉質好食好多倍喎!係好多倍!📈
    就係上次買過果隻唔好!今次先試呢隻。🫠

    事到如今……
    不斷同自己講,呢啲…假新聞嚟嘅啫🤣📰🗞️

    不過,又冇肚痛播,兩大超市之一買嘅。

    今日狀態唔錯添、比起平時更加專心工作,😂
    仲順順利利搞掂晒壇野。🏁

    但係今晚唔食啦,海產類唔好食得太密。
    尤其今晚好想食金銀蛋莧菜,🥬🥚
    天氣熱,鹹鹹地、濕濕地、好味!
    流汗多,要補充番啲salt,補充電解質。🧂

    Btw自從我識煮呢味菜之後,🥬🥚
    我發覺出面所有餐廳都唔夠我煮得好食。🤣🤣
    (所以人D毛管,豎起晒,毛管咋!)

    我肯定我係俾「事業」耽誤咗嘅「大廚師」。
    😅👩🏼‍🍳🍳🥘🤣

    但係另一份解咗凍,咁聽晚食。
    唔盡快食,變壞咗,就真係食物中毒。

    今日早咗完成工作,
    揀咗個breathing exercise,
    有四種呼吸法,所以問吓ChatGPT(上一Post)
    全部都話減壓放鬆,其實有咩分別?
    可以慢慢咀嚼下。

    無論如何,做完呢個呼吸練習,
    之後再做Transform challenge Day 9
    一路做個呼吸,係順暢咗好多,
    呼吸好,自然Performance好。
    我有時都會陷於「用唔晒個肺呼吸」的情況,

    呢個問題好common,因為日常生活,
    我們會害怕喺有人嘅地方深呼吸,
    怕影響到其他人咁,
    自然就習慣忍住呼吸,小幅度的呼吸
    所以運動時也未必懂得呼吸,
    一來,浪費了肺容量,影響人體運作。
    二來,連呼吸都唔可以自如,
    整日累積下來的壓力都會大D。

    有興趣可以試吓呢個呼吸Video:

    佢就係練習四種呼吸,
    我先至識得問機械人,

    呢個video啲background Music 稍嫌太大聲。
    所以,也可以用嗰啲breathing 名稱,
    在YouTube度search你喜愛的video。

    之後,做埋Day 9 of Tramsform,熄冷氣做,爆汗,非常圓領滿的瑜伽之夜。😜



  • 📝📝📝 Note taking 📝📝

    Purposes of Yoga ~~

    Not merely getting a Yoga Body
    but the Spiritual connection with yourself

    8 Limbs of Yoga (瑜伽八支)

    (1) YAMAS ('YAM-MA)
    Moral Guideline:
    ) Non-Violence
    ) Truthfulness
    ) Non-stealing
    ) Right use of energy
    ) Non-greed/Non-Attachment

    (2) NIYAMAS (NI-'YAM-MA)
    ) Cleanliness/Purification
    ) Contentment
    ) Discipline
    ) Self-Study
    ) Surrender to a higher power (?)

    (3) ASANA. (A-'SA-NA)
    Physical Postures

    (4) PRANAYAMAS. (PRA-NI-'YA-MA)
    Breathing exercises
    Claim of mind

    (5) PRATYAHARA ('PRA-TI-YA-HA-RA)
    Sense withdrawal from external

    (6) DHARANA (DA-'HA-NA)
    Focus Concentration

    (7) DYYANA (DI-'YA-NA)
    Meditation

    (8) SAMADHI ('SA-MA-DI)
    Bliss or enlightenment](undefined)



  • 有時會覺得瑜伽練習時,
    還會想着日間的事情。

    所以,試吓先做一個5分鐘 box breathing

    5-5-5-5秒的

    之前上YTT有試過
    7-7-7-7秒的
    Hold時會有D辛苦
    但總算可以

    亞Sir仲話可以10-10-10-10添 😵‍💫

    我怕成為全球第一個因為練瑜伽而窒息嘅人
    🥵😨😰

    然後,Day 10 Transform Challenge

    唔開冷氣,開窗,反正點都爆汗,
    D汗把把聲,根本抹唔切
    今日,36分鐘,特長版🤪
    中後期,件tee已經全濕,
    做side plank時轉方向,
    個頭啲汗…. 又喺塊面度碌嚟碌去,💦
    好痕🤣🤣
    最後終於滴落瑜伽墊度。
    感覺…就好似近日,
    終於用個漂亮excue
    巧妙地遠離一夥負能量。
    爽呀!🤤🤤



  • 今日冇先練習呼吸,
    因為瑜伽前,做咗啲家務,
    用家務去梳理好思緒。😂

    Chur咗幾日,全身都痛,唔係好嚴重嘅

    有諗過今日轉換另一個video
    例如拉吓筋咁,
    但又有啲想爆吓汗,
    又係同自己講:做到攰就停咪得囉

    點知都係完成咗,
    可能已經習慣咗咁chur

    Day 11 Transform

    眨吓眼11日,個challenge完成咗三份一

    頭先有一下vinyasa flow
    Chaturanga 上up dog 時,大腿無掂地,居然😱

    果下,臂力胸肌要強,
    可能初初做夠力啲掛,之後再做都唔得
    繼續努力💪🏼

    ➰➰➰➰➰➰➰➰➰➰

    最近鍾意睇:咩咩so serious
    佢都係好鍾意做人體實驗,😅
    另外,佢呢個video都幾正。
    最尾嗰10秒,佢話:

    當有人問你:
    「點解你會做這些事?(每日健康習慣。)」

    你會回答:
    「沒有理由,因為我就是這樣的人」

    好有共嗚。📢📣

    其實,我好少刻意同人講,我每日都做瑜伽。
    除非人地問。

    因為我覺得每日做些少運動好正常,
    好似每日刷牙洗面瞓覺咁正常。
    唔通成日同人講,我每日都有瞓覺㗎😂
    (二來,又唔係做得特別叻)

    娘家長老x 2,7X歲,每朝行山,
    唔係行公園,真係山!

    姻親問:點keep好身體架?
    都係好平淡咁答:咪行吓囉 😅



  • Day 12 of Transform Challenge

    今日呢段半小時,
    臨尾8分鐘,到dancer pose,
    終於頂唔順,太熱,🔥
    休息咗1分鐘,飲啖水繼續。
    總算完成!😅

    今日都幾攰,但開心,
    今年一直好努力在公海浮沉、
    一直栽培個Question Mark ❓
    除咗已經掌握到一D方向,
    見到D成效,一個milestone,兩個milestone ,
    今日成功confirm了第一個客戶,🤤😭
    開心+激動+感觸+新鮮

    錢唔多,但成功make things happen了!!!
    呢個係最難、又最興奮果關。
    其實,我哋個❓都幾甩甩漏漏,論論盡盡咁,
    好彩遇到一個好大方嘅客。
    (我哋通常稱之為「恩客」😄)
    Kick off咗先,再摸石,過河。

    人好奇怪,目標越多越近時,會自我質疑,
    但要同自己講:
    「諗住會得,就會得!」
    呢一兩個星期,不停用呢句催眠。
    對住鏡講,更好。(好「Bryan車」🤣)

    真架,吸引力法則 🧲,成功嘅磁場。

    最近聽到一個廣告slogan,
    大致上係:

    「不是見到前路才去堅持。
    而係堅持先『有可能』見到前路。」

    好有感覺,聽到有眼濕濕,然後又吞返啖眼淚。
    (唔知係咪財仔廣告)

    之前,花咗啲精神,「翻撻」日本客😉,
    大家已經有一致方向,
    佢開始take Action,香港呢邊準備接波,
    好可能係我哋第二個客。

    「諗住得,就會得」🧲🪞🔮



  • 好耐未享受過,
    一個完全唔掂工作嘅weekend:

    周末:

    🥪 Brunch :
    將D蛋白質、纖維、少少碳水化合、辣醬🌶️…炒埋一碟
    呢款辣醬低脂低卡🥵
    但通常偏高鈉🧂🧂
    大半茶匙🥄夠!

    🧼🪣🪠House work

    ❄️🌿🧘🏻‍♀️Yoga afternoon :
    紅石榴味香薰
    伸展/呼吸
    合眼,一邊聽YTT的課(target今日完成)

    周日:

    出街玩😝😸



  • 今日伸展為主,呢個好似share過,
    但真係對肩頸繃緊好有幫助,

    好多年前就係咁, search: neck yoga
    見到呢個Miss,
    呢段片好多年前了,
    佢當年都幾索,
    唔知係咪有做gym,
    正經的,個胸練得好靚,好健美。😊

    佢都有好多伸展嘅video,
    style係以輕鬆瑜伽為主,
    初初學時都好鍾意跟佢個頻道。
    尤其佢把聲好溫柔。🫶🏻💟

    今晚飲咗sleeping tea,
    早啲訓,聽日去街🍖🛍️🥘🛝🎢。



  • 今日,好攰。
    唔做Transformer🔫
    但好想做一個伸展加放鬆的
    Moving Meditation, i.e., Yoga 😅

    效果good !

    🥱🛌



  • 今早:有小小時間,做左呢個:

    今晚:Day 13 of Transform

    佢呢集有D「物理治療式」瑜珈
    一路做一路會問自己:
    我係咪喺度做緊物理治療?

    不過,唔好理,照跟。

    練咗兩嘢係有啲效果。

    尤其中後期,佢練大腿後方肌肉(hamstring)

    跟住佢,傻更更咁練幾分鐘,的確係有力量咗。

    呢度唔post 咁多video,load得好慢,
    由之前day 11, 12 入去,揀返 13 就可以。

    或者因為今日工作上有啲chur,
    攰🥱
    到video最後躺下深呼吸嗰part,瞌着咗。
    好耐未發生過啲咁嘅事。

    然後Autopay下一個video,叫返醒。

    證明深呼吸係可以放鬆個人,
    放鬆到喺瑜伽墊上面都瞓着。
    所以每日習慣深呼吸,練瑜伽,
    釋放每天累積下來的壓力,
    不要帶着到第二天,人都健康啲。

    忽然諗返起,早兩日電視見到訪問黎瑞恩,
    佢同太子爺好多年前離咗婚喇,
    總之,佢講返,嗰段時間,自己患上胰臟癌,
    問醫生:「有冇得醫?」
    醫生話:
    「冇㗎喇,你試吓放鬆心情或者有幫助嘅。」

    之後佢真係唯有咁做,點知好奇蹟地好返。



  • Day 15 of Transform
    Done

    今次:Breath Day

    啱我。
    最近心情有小小緊張。

    多大上大落、唔知係「驚」、還是「喜」的事情。

    咦?會唔會係就黎…

    Check左calender…又唔係喎…

    咁都係工作啦⋯⋯
    企高咗,要求高咗…. 卦⛰️
    之前同個舊同事傾開計,
    我話打算咁咁咁
    佢話:慢慢黎啦….
    😌😌😌😅

    都係嘅…
    唔好亂fing住,
    趁有少少空間,來回諗真啲先,
    唔係一開始漆黑公海浮沉階段。
    天光,見到附近有幾個島仔。🏝️🏝️🏝️
    再清晰吓個最終目標🎯 …. 搞清楚個USP
    USP = unique selling point
    (好耐未用過呢個名詞😁📖)
    先可以決定點行…係最好

    進可攻退可守,才是王道。👑



  • 記低今早新低

    BMI = 20.1

    就掂到人體實驗目標: 19

    🧫🔬👩🏻‍🔬



  • Day 16 - Done Tonite
    今日呢個都幾kun
    開行冷氣都爆汗😂,其實…..爽呀!
    聽到D汗「霹靂啪喇」⚡️咁滴落個瑜伽墊度!
    好似好勁咁🤣🤣🤣

    不過頭先有一下,
    腳🦶🏼踩咗落塊墊上D汗度,💦
    真係跣咗少少2cm
    下次點都要停低,用紙巾🧻抹下。

    做瑜伽嘅朋友,小心啲….. 小心啲汗😝

    我發現skip咗day 14,不過又係啲物理治療咁
    Skip咗就尤佢。

    🧻🧻🧻🧻🧻🧻🧻🧻🧻

    想抒發下:
    最近做一個service,要直接面對consumers(街客)
    老中青男女乜人都有
    忽然有個機會見盡人生百態咁。🤭🤭

    其中有一批,好得意,
    明明好了解用正途可以解決某一些問題,
    但又想走捷徑。
    邊有不勞而獲㗎?
    如果有嘅,我地就唔使應酬你呢批人啦!

    以下例子,只係一個「借代」,但絕對表現到個精粹。

    例如,有人有日會走黎

    問:「我同我老婆唔開心,點算?」

    答:「咁你可以同老婆多啲溝通、bla bla bla」

    過幾日,又

    問:「我搵埋二奶都唔開心呀,點算?」

    (吓?我地幾時叫過你搵二奶?
    打開門口做生意,點會咁教你?
    擺明想我哋鼓勵你下一步去叫雞啫!
    Hmmm…要答得好小心。👀🧐🔍)

    答:「嗱!咁你『自己證明咗』搵二奶係冇用。
    所以,更應該同你老婆繼續溝通,bla bla bla」
    (我哋傻強上身)

    然後對方悔氣:「多謝講得咁詳細。」

    你自己想去x X,咪去囉,又唔夠膽,
    係要經人哋把口,
    到時東窗事發:
    「哎呀!唔關我事呀!佢教㗎咋!」

    我哋形容呢一種人係:好識得問嘢,
    開埋條路俾我地,答佢想聽嘅嘢,
    亦開埋個氹俾我哋踩。🤣

    如果佢真接問:「咁叫雞好唔好?」

    其實都會答返佢正途嘅嘢,不過,唔會睇唔起佢囉🙄,冇guts。🍑🤣🤣

    仲有好多case,有時間再分享。



  • Day 17 of Transform Challenge

    正如Tim所說:
    A lecture more than a practice

    有用的一課,全部基本動作,
    但要用瑜伽磚。
    務必要每個動作都好好伸展,
    但都係爆汗。💦



  • 一直發覺自己有個問題
    之前都提過,
    今年開始工作越來越multi-tasking
    每一天的思緒還未整理好,
    就開始瑜伽,
    加上有時太着緊個動作,
    好多時連正確嘅呼吸都忘記咗,
    沒有呼吸的瑜伽,就發揮唔到應有嘅作用。

    所以借呢個七日meditation challenge
    首先練習呼吸,
    才正式開始practise,
    我用Seven days meditation challenge搜尋
    又見到佢🤣,OK啦有親切感。

    然後,開始Day 18 of Transform Challenge
    undefined

    By the way,
    張Cert 到手了。
    So-called 的Registered Yoga Teacher 200 😅😅
    瑜伽老師的最入門級。

    undefined

    “200” 是指:硏習瑜伽200小時。
    當中可以是:理論+練習。
    每間學校不同,
    如果有啲學校,一星期研習5小時,
    Say 每星期六返去練習3小時,
    加另外2小時,佢假定你自己讀啲Materials,
    其實都要達成200hours,
    都需要40個星期,
    大半年。

    好似我每日做半個鐘,
    200當六成時間係實際practice,即120 hours
    都要240日,點計都係大半年。

    所以對瑜伽真係有興趣先至報。

    仲有間學校一定要係
    Registered Yoga Studio (RYS)
    Authorized by Yoga Alliance

    早兩個月前,如果想再下一城,
    就要Target RYT 500

    咁即係要幾年時間?🤣🤣🤣

    所以,Yoga Alliance 最近推出 RYT300
    一來比多一個中間級別,俾少少成功感人哋。
    另一方面,200已經好氾濫😅
    俾啲有心人,出多少少力去到300 hours。

    我牙?
    ⋯⋯如果我果間「撈揪」online學校,
    佢有呢個課程,又平平哋,
    我OK 㗎,
    真心話,如果唔係參加 RYT200
    我都唔知原來瑜伽係有「七輪八支」呢一啲理論
    仲有睡眠瑜伽,
    呼吸有咁多款,
    的確係長知識。



  • Yoga with a Strap

    用條瑜伽繩綁住手臂,做 Dolphin Pose 容易左,肩膊位多咗個支持。

    undefined

    遲啲夠力,可以試吓靠牆做 :

    undefined

    綁住手臂,試吓做 :

    undefined

    undefined

    undefined

    感受吓個力度,方向,記住嗰種感覺,除低繩再練
    (好理想化)



  • 今日,趁下午陽光,
    在窗邊練習瑜伽,吸收維他命D,
    維他命D既幫助鈣質吸收。😅
    亦可以抗抑鬱。

    啱晒我呢啲快更年期嘅女士🤣

    注意維他命D,是油溶性,
    所以整天的飲食要包括適當份量的脂肪,
    健康的脂肪~
    多元或單元不飽和脂肪酸就最好。

    呢啲「減肥科普」總要袋住啲喺身邊💼
    如果唔係,
    點由 BMI 差不多 23 減到 20.1 ?💪🏼
    Within 所謂的正常BMI範圍,我之前以為幾難減,
    但原來都係可以,仲幾輕鬆達成。😎
    全靠瑜伽令我放鬆。
    懂得放鬆,才容易控制體重。

    似唔似瘦身廣告?🤣

    📺📺📺📺📺📺📺📺📺📺

    Anyway今日做過嘅瑜伽係:

    下午:呢個Grounding 的,但我又唔覺佢好grounding
    但都算係好嘅練習。

    點知,之後發現….,唔怪之得今個都幾攰。
    夜晚六做呢個,但佢屈住又壓住個下腹。
    希望冇老點我。

    Transform Challenge 暫停一日先。

    👖👖👖👖👖👖👖👖

    瑜伽長褲,天熱之後就覺得超熱,
    又冇瑜伽短褲🩳 ,就搵返之前啲跑步短褲,
    「之前」係指covid 19前。😅
    今日著返、照鏡,
    望落去個感覺同以前好唔同。
    雙腿瘦咗…頗多🦵🏼🦵🏼🍗

    不過,最緊要瘦得慢啲,
    瘦得太快,皮膚就會鬆弛。



  • 首先,做返個呼吸先。
    琴日練習完其他,先至醒起唔記得先呼吸。
    撫平吓自己先🥹

    我今日先發現
    佢七日breathing D video thumbnail都一模一樣
    撞鬼佢,唔係七日都同一個video掛?!
    雖然都係純呼吸啫🫁⋯⋯
    重播七日?揸流攤喎。🤢

    哦….原來唔係,每集講不同的😜

    今日都係不方便的日子,唔想又爆汗,
    唔想將自己倒嚟倒去。
    做呢一個穩陣啲:



  • 上次提過,
    《面對街客:人生百態》系列:

    (唸返起一個經典,我以Yoga、運動為主題作演譯)

    有一個街客~~

    問:瑜伽

    答:請問想了解關於瑜伽些什麼?

    問:瑜伽

    答:(😳⋯⋯咁求其答D正路)瑜伽是bla bla bla

    一段日子後,同一個人

    問:跑步

    答:(又黎😅!答D Wiki野) 跑步是bla bla bla

    🫠🫠🫠🫠🫠🫠🫠🫠🫠



  • 練習前,好隨意咁睇YouTube啲瑜伽sharing
    Loop到去Kassandra 一個預備做拱橋(wheel pose)嘅40分鐘練習。

    Trigger我又想練吓

    Kassandra 啲軍訓式練習,其實好實用。
    就算跟佢做完40分鐘,最後都上唔到拱橋,🌉
    呢40分鐘練習,都肯定有得着,📚👩‍🏫
    基本上係全身stretching ,同埋muscle toning。👍🏻

    做瑜伽就係呢個心態。

    到最後呢👉🏻👈🏻
    好似呢幅圖左一左二。

    undefined

    唔用繩綁住雙臂,撐到去個頭頂掂地only🤪
    用繩綁🪢就上到,上到去之後,
    想將對腳🦶🏼🦶🏼行埋少少,就行唔到,
    因為條腰未夠軟。😒

    但係感覺比上次有進步。
    多咗力又冇咁驚。😜

    因為日常生活,好少咁樣反轉摺埋自己,📂
    所以當真係做到少少時,係會好唔習慣同埋驚。

    沖涼嗰陣時🚿🛀仲覺得,
    pat pat 👐同埋大腿🦵🏼🦵🏼後面的肉(叫Hamstrings),firm咗!😍 呢個練習會再encore!

    「蜜桃臀」🍑 喺小弟50歲之前有希望😂



  • 《面對街客:人生百態》系列:

    繼續假設我哋係一間「瑜伽顧問中心」

    客人問 :
    我要早晚都做瑜伽,但係我好忙㗎,冇時間㗎,亦冇瑜伽墊,但係我一定要做瑜伽,你建議我一早一晚練習咩瑜伽好?

    (忍住笑😆,但好正經咁)
    回答:

    正如Yoga Youtuber -- Jessica 所說,有心做瑜伽其實並不需要瑜伽墊。
    (Yoga Jessica 真係咁講過㗎😄)
    早上返工搭巴士,除低口罩,伸直條腰,深呼吸,練習呼吸,比起練習瑜伽動作更加重要。
    晚上回到家, 涼都唔使沖,立即上床, 做一個睡眠瑜伽,這樣便完成你完全冇時間,但一早一晚都可以做瑜伽的使命。
    Namaste 🙏🏻


Log in to reply