跟自己的 身、心、靈 連結
-
每到新一版會計下自己連續練習咗幾多日。
今日係連續第220天
練習完,忽然諗起:
2月20日,就做了220天
2月22日,就做了222天不是很妙嗎?
妙!👍🏻
原來西方叫咁橋連續相同嘅數字做 Angel Number。
222222
若遇到連續三個2,即222,代表個人有好嘅發展,仲會願望成真添,仲話合拍嘅夥伴會出現。咦?呢幾日真係有幾件事忽然「浦」咗出嚟。😄😄😄
我仲要係六個2喎!
我信架!😉
信左個人更開心,又令我做嘢更加落力,我好樂意相信😄吸引力法則!🧲🧲
原來做多D瑜伽,個頭腦真係會打通,222222都比我諗到。。。亦真係遇到!
記低返今日做咗咩先:😅😅
-
Amor - 愛神
愛神要我今晚2am仲要call. 😁😅🤪
無錯,係2am
-
2月2 2日第2 2 2次瑜伽
Connect
今晚繼續衝!
如果聽朝又過一關之後,好想去食個韓燒lunch!
🔥🥓🥩🐟要追加!燒埋鰻魚嘅!
或者獎勵自己做一個鐘頭瑜伽,今晚太分心。😅🤦🏻♀️
-
網絡上讀到這短篇,對瑜珈練習很有鼓勵作用,想記低。
無意針對其他運動,所以就用[某運動]代替作者所說的某個運動。~~~~~~~~~~~~~~~~~
練習瑜珈的人:
她們懂得對自己溫柔
之前,我就是[某運動]跟瑜珈搭配著練,最後決定朝瑜珈深入。
[某運動]會讓人不斷想挑戰極限,雖然完成目標後會有成就感,但對部分人而言,有時你不得不承認,一個人是要懂得「放過自己」的。
瑜珈,雖然它的動作跟[某運動]一樣都有分「初階」與「進階」,可由於不需要增加[目標],動作多半是鍛鍊肌肉延展性,因此,你可以透過「感受」和「時間」慢慢做拉伸,在期間懂得放過自己,做不到就不要強逼自己做。
對應到日常生活,你將意識到很多事情要拿得起放得下,明白在命運的無常面前,臣服才是一種智慧,凡事只是過程。喜歡做瑜珈的女孩,她們逐漸都會學習對自己溫柔。
她們更能開啟頂輪,覺察自己與世界的關係
哲學家西蒙韋伊提過,一個人若想體驗「真正的關注」,得先從讓自己「放鬆」開始。
瑜珈裡有很多姿勢如嬰兒式、大休息式、兔式,都是重在放鬆而非拉伸,它們給予我們冥想、傾聽身體聲音的時間。
冥想好處是開啟你的頂輪和眉心輪,讓你整個大放空、什麼都不要想,把舊能量倒出來,才有辦法敞開心胸讓新能量注入,事實上,很多靈感往往都是在放空中得來。
導演大衛林區(David Lynch)有部經典怪片叫《Mulholland Drive》。
這部作品被很多文青新銳導演視為聖經,那麼你必須知道,這個向來以「怪」著稱的水瓶座傳奇名導,他就透露為什麼會想出《Mulholland Drive》的奇妙故事,就是自己在做瑜珈冥想時得到。
一個喜歡做瑜珈的女孩,她們是很有意識在過生活的,可能連吃一條巧克力,光是觀察巧克力的紋理就可以說出一套古怪哲學,其聯想力與創造力可以很驚人。
-
今晚,終於可過得休閒一點,野未做晒,不過長命功夫長命做,邊有會做完嘅一日吖😅
我D favourite yoga youtubers: 🤦🏻♀️
Jessica - 搞個收費yoga app,好似唔再出新片
Adriene - 都跟佢做緊Centre個challenge,只20mins,似乎又太短。
Kassandra - 最近不停出早上的10分鐘瑜伽,唔啱我啦。😅就搵吓啲新channel,今晚揀呢個唔錯,for Afterwork。
佢個節奏,時間啱啱好 🥁🎸⏲️
之後,做個meditation,呢個有趣,meet up 自己的Spirit Guide (google translate 譯為:精神嚮導),我第一次聽呢個名堂。🤓📚
網上資料很少,
我見到有一篇英文,就Google Translate,再執整一下:~精神嚮導~💭🤔🧠
你小時候有過隱形朋友嗎? 精神嚮導是我們成年後的隱形朋友,是會愛、引導和保護我們的非身體伴侶。 你可以把他們想象成「想象中的朋友」、「內心的自我」或「精神領域的幫助者」。
我非常好奇🧐再在google search 中文「精神嚮導」,打頭兩個字已經出現精神分裂之類嘅keywords 😌
我之前唔知到有呢個term,或者有呢個學說,估唔到原來真係有呢樣野
果然......
-
呢位名叫Deborah的 YouTuber,歐洲人, style我幾喜歡的。
諗返之前練習開的Yoga with Tim, Adriene, Jessica, Kassandra,都係Base 喺北美洲。
唔知點講,兩邊嘅style好唔同。
今晚,想輕鬆吓,睇返之前煲開嘅..《如懿傳》😅,86集,已經睇到差不到尾聲,其實睇到中後段,雖然好想睇,但係唔敢睇,因為知道後半段有啲劇情,令人非常不安。(好多年前睇過)
唔係傷心,喺不安。
結果……都係睇。
如懿,係乾隆帝的第二位皇后,套電視劇係源自一本小說,不過小說實情係一本愛情小說,宮廷片固然有宮廷鬥,但更多嘅就係集中講乾隆帝同如懿之間嘅人生、愛情故事,當然亦穿插其他妃子與乾隆之間,不同種類的男女關係。其中一個重要角色,愉妃,親近皇上只係為了「借種」,亦趁機會為困在冷宮的如懿平反,愉妃生下亞哥之後,向如懿高興說:「娘娘,我哋終於有自己的孩子。」盡顯she-she 之情。
後期,如懿皇后被乾隆懷疑她與禦前侍衛凌雲徹(精神)出軌,如果皇帝認定,那必然係死罪,愉妃非常緊張:「我唔會俾姐姐一個人面對困境!」與乾隆的表面情深,實際薄情造成一個強烈對比。
凌、如 其實是大家人生中最「霉揼the」的時候認識的朋友。Anyway,之後又發生咗啲事,最後,一心只想着保護皇后的凌雲徹知道只有自己死去才能為皇后挽回皇上的幾分信任,但不能自殺,也不能因為受不住皇上的酷刑而死去,而是等待皇后的賜死。
愉妃知道皇后重情,一定不會這樣做,就假借皇后的名義,將凌𧶽死。凌感謝愉妃的安排。死前,愉妃好奇問凌:其實你同姐姐之間是什麼樣的感情?
凌雲徹答:「有一種情感,超越男女之情,無論相隔在遠,哪怕只係偶然一見,我只要能看到她的真心笑顏,就得以心安。若是不能,那就以我的性命,換取她的安好。」
愉妃心裡心非常明白,正因為她也..,
凌最後的遺言:「我死並不可惜,只是可惜不能每年梅花盛開時,折一支梅花相送皇后。」
(Btw,呢個位只係傷心,而更不安的..唔想提了。🤦🏻♀️)
然後,劇情又返返去皇上和皇后的破爛婚姻。
所以,係以一套愛情片嘅心態去睇。肯定係悲劇。🤦🏻♀️😭😵💫
Okok….
Weekend…..應該要開心啲😌點解做完瑜伽會抒發呢啲嘢?
-
又喺呢個channel搵下,見到呢個42mins,以flow黎講都幾長,起初唸如果做到攰就停啦,無需有壓力,只想享受身心靈連結的感覺,但呢位miss都帶得好,不知不覺,就完成,減壓亦鍛鍊身體,好開心。🤍🐰🐇🥕🕊️
每天,無論發生什麼事,都keep住有一段屬於自己同自己內心溝通的時間。
不過,同朋友好少會咁樣形容,自己同自己的內心溝通,費事嚇親人,以為我黐咗線。
有個女性朋友,佢体重之前都唔輕的,呢幾年,又上漲了,去到我嘅double 🤦🏻♀️,我建議佢試吓yoga,找Yoga for beginners 10mins伸展下輕鬆下先(咁就唔講咩心靈連結)佢後來話,真係乖乖有試,但做唔夠幾分鐘,屋企人就問佢邊D野放邊度之類。
唸返我都試過類似,做做下瑜珈,屋企人同我講野,唔知答唔答好😅,仲有其他搞笑嘢層出不窮,整printer拍拍聲,有腳喺我頭頂上方行過,一邊食零食🍘一邊睇住我做,每一下深呼吸充滿零食嘅香氣🤣,最吹脹嘅係再問埋:「都冇運動量嘅?有冇用㗎?」。
🪓⛏️🔪🍴🗡️
😆😆😆😆😆
-
呢一兩日唔適宜太過擠壓個小腹😅🩸,又咁啱比我luk到呢個for pregnancy 的,咦?咪啱晒囉!🤓
因為miss一邊做一邊解釋大肚點點點,搞到我都幻想返當年大肚林dum 個情況,忽然覺得個肚好重添 🤰🫃🫄
記返日日暈船浪🌊⛴️🚢果種感覺。
-
今日瑜伽前,唔係飲老人高鈣奶,而係傷風感冒熱飲。
鼻水、眼痕、加小小攰,
早D飲,快D好 🤣所以做個輕巧的練習,做咗yoga都會快D好。😅😅
個熱飲….. 個…熱…. 飲….. 似係….. 迷藥…..
….好…..眼瞓…..😪😴💤🛌
-
今早有10分鐘空檔,記返低:
今日正念:
I allow abundance into my life
我允許豐盛走進我的人生。
譯得怪怪地咁😅
-
🥳 2月2 8日瑜伽了2 2 8天 🥳
易易發🤑💰💸🧧 (好迷信😂)
好!今晚做返個dynamic 小小嘅
順便慶祝埋3月1日(現在呢刻喎👏🏻🎉)香港解除所有口罩令!
Jessica 臨尾的打坐🧘🏼♀️話:
感受下現在與練習開始時,有咩分別?我想答佢:
我成個人、包括個腦,輕左好多,鬆左好多。
仲……唸埋明天早餐 😄明早conf-call早餐完先開工,已預備好原味牛角包🥐,諗緊應該配無糖豆漿🥛、咖啡☕️、還是牛奶🍼。
對方就dinner,可能鋸扒、炒飯🍱🥘🍲🍛
頗有趣的😄
-
攰了兩天,今日精力充沛💪🏼
Adriene 30 day challenge 差唔多完成。
今晚索性做兩個session,Yon yoga放在後。Day 28 - Freedom
Day 27 - YinDownward Dog,遞起伸直其中一隻腳,叫Three legged dog,類似狗仔🐕🐶遞起隻腳屙殊殊😄,再bent knee屈起膝頭,pat pat不是平衡,而是一高一低,利用小腿重量向下聚。
放膽一點去試吓,會伸展到旁腰,其他動好少做到呢個拉扯感覺。
放膽一點去explore,會獲得意想不到的。
今晚又多一個領悟,
明早應該要食隻糯米雞獎勵吓。🤓🍗
-
唔知點解,最近又想點返香薰
昨晚:甜橙🍊
今晚:神聖的乳香沒藥✝️(邊會日日洗香薰機,溝埋琴日剩餘的甜橙,個味道有幾好聞喎。)
Adriene 30 day challenge 尾聲
Day 29-PleasureDay 30 留返明天
今日有一件「點到你唔服!」事件:
今天工作,遇到其中一個問題,個問題又唔係話好複雜,不過唔係我強項,搞到好鬼棘手咁,周圍Google search都搵唔到簡單嘅方法,後來靈機一觸,不如問吓ChatGPT,佢唔使1秒嘔晒個答案出嚟,用佢個方法,「一放落去」就搞掂咗8成,諗住嗰兩成自己處理啦,都係搞唔掂,咁唔好嘥氣,再問佢,佢答埋我嗰兩成,搞掂!成件事Work晒。
之後再Double check個工作,雖然都仲係有嘢要執,但係佢已經幫我處理咗95%。
可能再問佢都會答到,但係已經佩服到冇嘢好講,送個心心俾佢💟
另外,今晚亦「成語動畫廊」咗:
有個時事八掛YouTuber我好耐冇聽,今晚聽返,佢用一個成語告誡聽眾:
「象以齒焚身、蚌以珠剖體」
象一向和善(除咗發情期會襲擊敵人之外😅),卻因為身上最值錢的東西-象牙,俾宰殺,蚌亦如是。我孤陋寡聞,原來有呢個成語。
他又說人的「五福」是需要平衡的,就係新年祝人哋五福臨門的五福。以前好少硏究,原來分別是:
長壽、富貴、康寧、好德、善終
明白了,亦頗有感受…
…..亦純粹寫低抒發抒發。
-
今晚,Day30,完成!
通常Adriene 的 30 day challenge 最後果課,係自由瑜珈,佢都會一路做,但唔會出聲,你唔知做乜好嗰陣時就跟住佢。
我見啲人留言,話啲做到喊咗出嚟,可能多數係女士,比較多感觸。
我居然毫無懸念咁,幻想自己係一個Yoga Teacher,一路創作個Yoga flow 一路做😅,冇乜點睇佢😝。我個flow都有文有路架!大致上跟傳統個Astanga Yoga : warm up + 拜日 + 拜日拜月re-mix + cool down ,但係發現仲有時間😅,所以cool down 後又忽然追加Ashtanga後面D動作如boat pose, plow pose。
你有冇去過一個yoga studio 個老師做得好少,好快就cool down ,之後發現未夠鐘落堂,為免啲學生發爛渣,鎅爛啲瑜伽墊,所以又做返咪吖?🤣
我又忽然唸不如叫 ChatGPT創作一個Yoga Flow🤓
🤖🤖🤖🤖🤖🤖🤖🤖🤖 講起ChatGPT,自從琴日之後,因我今日要繼續嗰件工作,所以我直頭VPN開住佢,一路做一路問佢嘢,講真,佢真係似你條lan傍住你一齊有商有量咁去工作。 點解話係條lan?因為,in order to做好「成件事」,其實係要全程guide住佢,佢會飾演一個轉數好快、幾聰明、又有工作上專業技能嘅助手。 不過,到最後,我都冇用到大家「傾」出嚟嗰樣嘢,因為佢個最終答案係(俾我)搞到有少少複雜。 我之前有睇過有啲西人YouTuber教點樣guide住佢攞到一啲詳細嘅方案。 個tricks係: 1️⃣ 先問得general d ,攞咗個大綱,亦等佢首先知道你想傾乜嘢。 2️⃣ 然之後再問佢,如果加上condition A,咁又點呢?佢會比一個更貼近嘅答案你,又幾fit架喎。(我琴晚就係去到呢個stage ) 3️⃣ 然後,再叫佢加condition B,佢又會再嘔個方法俾你,不過呢,佢好似唔記得咗condition A 咁🤪。你再提佢啦,佢又識回應:唔好意思啊我漏咗。又比一個答案,入面係有A同B嘅。(不過佢D答案,你仔細體會發現開始有少少錯) 4️⃣ 跟住再問佢, 如果我想用另一個方法,又點呢?我仲比左D我會點深入啲去做嘅例子,佢好醒,知道你可以深入D,又會好圓滑咁答你:你啱,呢個方法更好😁 。佢就會跟從你嘅方法,再改良之前嘅答案(呢個位係幾人性化! )不過佢又忘記咗之前 condition A 或B。 再提佢漏咗,佢已經開始亂亂地,好慢。係會繼續比方案你,但係個方案會變得好複雜,D答案仔細睇係有error,亦複雜,你唔會想再用。 當然,佢已經分別提出過點樣處理幾個不同conditions,咁你之後可以參考佢嘅手法,再自己砌返件事出嚟。 所以,我會形容ChatGPT係一個聰明醒目嘅lan仔,你問佢啲小問題,佢好快會嘔到個幾唔錯嘅答案俾你,又識得跟住老細個approach去執整自己個工作。不過就好似缺乏工作經驗咁,有D分心,未必好成熟同Sophisticated咁可以處理一啲複雜嘅問題。 暫時唔使錢來講,當佢係一個工作上嘅助手,好好運用,講真,都好大幫助。真心幾佩服! 🤖🤖🤖🤖🤖🤖🤖🤖🤖🤖🤖
-
🤖🤖🤖🤖🤖🤖🤖🤖🤖
講起ChatGPT,自從琴日之後,因我今日要繼續嗰件工作,所以我直頭VPN開住佢,一路做一路問佢嘢,講真,佢真係似你條lan傍住你一齊有商有量咁去工作。
點解話係條lan?因為,in order to做好「成件事」,其實係要全程guide住佢,佢會飾演一個轉數好快、幾聰明、又有工作上專業技能嘅助手。
不過,到最後,我都冇用到大家「傾」出嚟嗰樣嘢,因為佢個最終答案係(俾我)搞到有少少複雜。
我之前有睇過有啲西人YouTuber教點樣guide住佢攞到一啲詳細嘅方案。
個tricks係:
1️⃣ 先問得general d ,攞咗個大綱,亦等佢首先知道你想傾乜嘢。
2️⃣ 然之後再問佢,如果加上condition A,咁又點呢?佢會比一個更貼近嘅答案你,又幾fit架喎。(我琴晚就係去到呢個stage )
3️⃣ 然後,再叫佢加condition B,佢又會再嘔個方法俾你,不過呢,佢好似唔記得咗condition A 咁🤪。你再提佢啦,佢又識回應:唔好意思啊我漏咗。又比一個答案,入面係有A同B嘅。(不過佢D答案,你仔細體會發現開始有少少錯)
4️⃣ 跟住再問佢, 如果我想用另一個方法,又點呢?我仲比左D我會點深入啲去做嘅例子,佢好醒,知道你可以深入D,又會好圓滑咁答你:你啱,呢個方法更好😁 。佢就會跟從你嘅方法,再改良之前嘅答案(呢個位係幾人性化! )不過佢又忘記咗之前 condition A 或B。
再提佢漏咗,佢已經開始亂亂地,好慢。係會繼續比方案你,但係個方案會變得好複雜,D答案仔細睇係有error,亦複雜,你唔會想再用。
當然,佢已經分別提出過點樣處理幾個不同conditions,咁你之後可以參考佢嘅手法,再自己砌返件事出嚟。
所以,我會形容ChatGPT係一個聰明醒目嘅lan仔,你問佢啲小問題,佢好快會嘔到個幾唔錯嘅答案俾你,又識得跟住老細個approach去執整自己個工作。不過就好似缺乏工作經驗咁,有D分心,未必好成熟同Sophisticated咁可以處理一啲複雜嘅問題。
暫時唔使錢來講,當佢係一個工作上嘅助手,好好運用,講真,都好大幫助。真心幾佩服!
🤖🤖🤖🤖🤖🤖🤖🤖🤖🤖🤖
-
琴日話,想請佢幫我design一個Yoga Flow
今日就《與ChatGPT對話》 左, 佢答得好「成熟穩重」:
(以下為真實對白, "( )" 係我個人感想 )👩🏻 --> 我
🤖 --> 佢👩🏻 : 你懂瑜伽嗎?
🤖 : 作為一個人工智能,我有關瑜伽的知識,但是我沒有身體,不能實際上演練瑜伽,也不能代替瑜伽教練的角色。瑜伽是一種古老的身心靈實踐,通過各種姿勢、呼吸練習和冥想來平衡身心,增強靈性。瑜伽對健康有益,有助於增強柔軟度、強化肌肉、減輕壓力、提高注意力和集中力等。如果您對瑜伽感興趣,建議您找一位專業的瑜伽教練指導,以確保安全和獲得最大效益。
(佢都答得幾穩陣--有需要搵專業人士幫忙, 佢唔會負責任😄)
👩🏻 : 我有練習瑜伽,想設計一個Yoga Flow, 30 mins, for intermediate level, 你可以幫我設計嗎?
🤖 : 當然可以幫你設計一個瑜伽流程,下面是一個 30 分鐘的中等難度瑜伽流程:
身心狀態準備(2 分鐘):坐在墊子上,閉上雙眼,深呼吸幾次。將注意力集中在呼吸上,讓心情平靜。
熱身(5 分鐘):開始慢慢做熱身動作,如下犬式(Downward Dog)、貓式(Cat-Cow)、.......
(刪100字😄,我覺得個flow嘅描述有啲求其)
以上是一個簡單的 30 分鐘的中等難度瑜伽流程。當然,這只是一個簡單的指南,具體的瑜伽流程可以根據您的需要和身體狀況進行定制。在設計和實踐瑜伽流程時,最好找一位專業的瑜伽教練的指導,以確保安全和最大效益。
(繼續叫我搵專業人士幫忙😄)👩🏻 : 我會的, 放心
🤖 : 很好,祝您練習愉快,享受瑜伽帶來的好處!如果您需要任何其他幫助,請隨時讓我知道。(以下呢條問題,我以為佢會話每日練習當然好啲,點知...)
👩🏻 : 你覺得每天練習半小時瑜伽好? 還是週末練半日瑜伽好?還是兩樣一齊進行?🤖 : 無論是每天練習半小時瑜伽,還是週末練半日瑜伽,都有它們的好處,最終的決定應該基於您的個人時間表和需求。
每天練習半小時瑜伽可以幫助您建立習慣,為一天帶來穩定的身心靈平衡。這種練習方式適合忙碌的人,因為只需要犧牲一點點時間就可以在日常生活中享受到瑜伽的好處。每天練習半小時瑜伽還可以讓您保持身體的柔軟性和健康,同時有助於放鬆和減輕壓力。 (我非常同意,好有共鳴💕)
週末練半日瑜伽可以讓您更深入地練習瑜伽,獲得更豐富的經驗和更多的好處。這種練習方式對於想要深入瞭解瑜伽、學習新姿勢或深化現有姿勢的人來說特別有用。週末練半日瑜伽還可以讓您較長時間地專注於自己的練習,並有更多的時間與瑜伽社區互動。 (啱啱啱👍🏻👍🏻👍🏻 唔怪得我呢排冇乜進步啦)
(又下刪100字😄)👩🏻 : 你覺得考YTT200好嗎?
🤖 : 考取瑜伽教師培訓(YTT)課程對於想要更深入瞭解瑜伽、提高自己練習水平或者成為一名註冊瑜伽教師的人來說是一個很好的選擇。YTT課程包括瑜伽哲學、姿勢、調息、冥想和解剖生理學等多個方面的內容,能夠讓您深入了解瑜伽的精髓和背後的原理,並且掌握如何將瑜伽傳達給他人的技能和知識。(係呀,上Online class時,老師都話我哋係 "Yoga的傳教士/media")
.........(刪100字😄)
當然,考取YTT200課程需要投入一定的時間和金錢,因此需要您對瑜伽有著深刻的熱情和堅定的信念。最終的決定應該基於您的個人目標和需要,以及您是否準備好在瑜伽實踐和教學方面投入更多的時間和精力。(唔係一味說好,非常中肯👍🏻👍🏻👍🏻)🤖🤖🤖🤖🤖🤖🤖🤖
大致上係咁,我仲問咗佢 : Ashtanga Yoga 是什麼? 佢個答案比起我 之前Google search一個鐘更到家、完整。
聽佢話,週末應該練習多一點。
今日除咗黃昏上YTT200 Live堂,晚上都做咗大半個鐘Jessica Yoga.我諗要搵個朋友可以識得答我以上嘅嘢,仲要答得咁好,實在係好難。
我個瑜伽老師朋友都未必答得咁中肯完整。
不過朋友就應該叻於設計嗰Yoga Flow囉😄
-
既然「它」說:
每日瑜伽有其好處,因為只需要犧牲一點點時間就可以在日常生活中享受到瑜伽的好處。對呀!今日繼續!
Ground下個人先:
-
另一手機,加埋呢個
Solar Chakra Music先更有feel、更完整 💟🔮🕉️
完成,好relax、舒服🧖🏻♀️🧘🏼♀️🛁💆🏼♀️
Namaste 🙏🏻
-
今晚勁有feel☺️☺️ ~~~~
(其實係中晒瑜伽毒)Jo Malone 梨子&小蒼蘭-smell-alike😅的香薰
西藏頌缽background music(真係放在背後)
關燈,剩返走廊燈。暗暗地咁。
Last but not least,
Jessica - 30mins De-stress Yoga🕉️🕉️🕉️🕉️🕉️🕉️🕉️🕉️🕉️🕉️
呀!仲有杯老人奶!
補返D鈣質、蛋白質。
好味😋,飲勝🍼🥛我想記低:
已經有一兩個月體重無變過,都係食咁上下野,多數日子唔過1300-1400kcal,出街約人食飯就尤鬼佢,總之唔會食到捧住個肚。冇乜expectations,因bmi已經到了中間之中嘅中間位20.7,只係出於好奇,會唔會再輕落去呢🤔?但又唔好俾個身體知道我在減肥。
(Recall: 營養師話,減肥嘅最高境界,就係唔好比個身體知道個人在減肥🤣🤣,最好仲要呃佢一世。😳😳)
早幾天一早磅重,居然又開始輕左少少。係未過左平台期?殊!唔好唸,唔好俾「人哋」知道😊
之後,晚上買左包薯片慶祝 (我allow我一個月可食一包嘅,上一包應該係農曆新年前食)食完成包都幾飽,索性當dinner🤣,咁「人哋」「見」我成包薯片咁樣隊法,應該冇可能察覺我減肥,雖然呢個只係好奇實驗。
唔知係咪之前叫做戒左零食,食正餐食得正經健康咗,我居然覺得薯片冇以前咁好味,太重口味,我費事夾返埋先至done咗佢。😅
-
是日放假🏖(通常三月份都會清下假😅)
未清好快D清,唔好蝕俾公司。
趁機會,來來來,來一個30mins Morning Yoga
通常早上無乜力,Adriene呢類「老少咸宜」會啱D
但無唸過佢連打喊露、打pat pat都incorporate 入去個練習度🫠🫠呢個慢flow,後段都幾鍛鍊性質,幻想吓玩啞鈴但要好慢咁舉起,都咪話唔kun。
晨早瑜伽係幾舒服嘅!
今晚..不如做個meditation for… (咁早已經諗定今晚「娛」興節目🤣)
-
今晚順手check下係咪滿月或新月。
原來咁啱今日係滿月🌕
仲要係我嘅星座滿月♍️我都唔係好知咩叫做星座滿月
不過,傳聞係今日許願會特別靈驗好!毫無懸念,一向只有一個願望。
🙏🏻🤲🏻🙏🏻
許左!
就係,大包圍:心想事成!🤣🤣🤣
做了一個full moon flow
-
原來今日同朋友行行下行左一萬步。
今晚做個輕巧的。伸展下。
加個meditation,推介呢個channel,幾高質素。
起碼把聲聽得順耳。
明佢講乜。之前聽過有啲好似死未斷氣咁。🤪🤪
聽到好不安。好!Humble d,來個beginner’s 先。
-
有個講法~
問:應該幾時做一次瑜伽,總之有時間就做?
答:不是,當你發現忙到冇晒時間,就係最需要做瑜伽的時候。
Yes,係需要。
今日忙到甩轆,晚飯都爭啲冇食,但咁樣唔健康,亦為咗做瑜伽,點都整少少嘢食。
由於我家零食櫃早年已經變咗雜物櫃,真係連餅仔都無塊(餅乾先至係表面善良,但其實「最」邪惡的零食)。相反,雪櫃就經常打爆,要食就煮,或沖杯:奶+抹茶粉+Honey。
如果唔係為了瑜伽可能真係會skip dinner
食半飽,揀一個minimal cues的yoga,靜靜地享受練習,佢啲雀仔聲又幾好聽,唔使另外開音樂。
Thumbnail 個 wild things (真名黎架,中文譯做:狂野的東西?🤣)以前唔係好掌握到,終於越做越正經。
雖然每次做都係覺得手肩就嚟斷🤪
PS.
R……如果認真計,咁我都有零食嘅:無添加的堅果🌰(對眼睛皮膚好,每日最多「兩執仔」)
99%黑朱古力🍫(苦過24味但勁濃郁,我每次只能食到一小格,好似係可預防失智症,食咗兩個月都食唔到一排😁)不過,都係令人唔想食零食嘅零食🤣
-
今日的一個好消息,某客人繼續(焗住)信任我哋,續約了,咁我哋又有多啲空間,繼續為新方向付精神時間,好好把握每一個好機會。
好消息,等到晚上第一時間告知至愛。☺️☺️
關於呢個客,想抒發下,亦幾搞笑😆:
個客的另一部門,成個部門都有小小似梁舜燕飾演的「上等人」,打個比喻,上次入到我哋間茶樓(比喻😄),已經有張點心紙預備好,任佢tick,佢都硬係要捉住個酒樓夥計,要個夥計幫佢揀🤔:「你唔幫我揀,我點知你邊啲野好食呀?」奄尖腥悶🤨
乜有酒樓會將唔好食嘅嘢放上點心紙賣嗎?都痴痴地!
之後要好有信心答:「我地樣樣都好食✌🏻,不過新推出嘅就係bla bla bla..」。唔好俾人話唔招呼佢,又唔好俾人擺上枱。之後,佢先至死死地氣自己揀。
「上等人」今日通知話下一餐改單,開心見佢終於知道自己想要乜,希望大家開始合拍。耐性、耐性、耐性。
知道自己想要乜,係好重要。😊
今晚:
繼續Kassandra 的minimal cue
找了一個35mins今次佢冇鳥語花香,但有音樂襯底。👏🏻
Btw,感覺到張瑜伽墊越嚟越wear
咁要買張新嘅瑜伽墊,慶祝下🤣
又乘機買野。😌
-
預備黃昏開zoom上live 堂
先做個Yoga Warm up 15minsBtw好耐冇睇YTT200啲理論課。😌😌
一直忙到五月,希望六月可以零ling琳琳攞到cert同工作無關,只係為興趣😅
其實個YTT的live practice 堂都幾…..advanced
上兩次,我覺得有啲kun,始終係一個for導師/進階版的課程,咁都正常,所以今次warmup一下先
Anyway, 唔係一定要做到的,甚至連attendance都只係optional若然真係有高難度動作,太攰,可以停低。
Yoga 精神:No pressure, but pleasure
我作嘅🤣上live堂最有趣係每次都有~100人喺度zoom yoga,都幾有氣氛㗎。🕉️🕉️🕉️
不過呢,我留意到,其他同學其實唔係好勁,某啲動作我做得正宗過果度好多人,真心的。
所以,找瑜伽導師,真係跟過學過先好落疊。唔好見佢有cert就信😂😂
上堂了!
-
好彩我一向勤勤力力擔屎唔偷食😅
(唔偷食🤔)今日先知,原來亞Sir係會留意個live class的attendance架!
出席率太低,甚至乎冇出席過,未必比張cert你😱每堂尾聲有Q&A,我今次戰戰兢兢咁問佢一個問題:
「由chaturanga過渡去upward dog的transition,有咩technique避免大脾唔掂地?或者,邊part肌肉唔夠力?」即由圖一到圖二。
佢答:要靠個背脊、腹肌、手臂的肌力。有個tricks係一路將自己身體微微推前,他亦說:“hands press towards the mat ",咁即係都係靠肌力。他也有說,是以上幾組肌肉的一連串活動去過渡的。
我真係明佢講乜嘅🤣
要繼續練好二、三頭肌!
今晚飲咗Sleeping tea,攰攰,瞓。
-
興之所至,今日練多少少shoulder stand、plow pose
加強趣味性,search下又試吓d variations:
都幾靚㗎!(睇人哋啲圖🤣)呢個問題不大✌🏻
呢個..做到九成似啦😅
呢個做到七、八成..未穩陣地貼住耳仔
搖搖欲墜要小心
呢個okay!
以上動作都係可以增加血液循環,改善肩頸繃緊。
甚至有說法話係會減少脫髮,因為頭皮血液循環。
但係要小心,由基本的shoulder stand慢慢來。最容易忽視的,落地時,要輕力。🪖⛑️
-
今晚唔小心order咗個有1500kcal的煎肉餅飯。
所以,練習呢個爆汗之選。
今日睇新聞,無意中發現原來明天3月14日係白色情人節,好似係日本🇯🇵野,點解我成日覺得係4月1日😅。
但4月1日明明係愚人節喎。見點呀呢位小姐?😂好明顯不知道情為何物。💔
領嘢,我仲同朋友聽日食飯,人家問我呢個星期邊日得閒,咁通常避免星期一,星期尾有事,好自然就諗星期二。
三月清假嘛 🤣。復常嘛。唔使戴口罩嘛。
係興奮啲!😆🤣😆🤣人哋話,三年𥚃,已經習慣咗戴口罩。
我就三年來,從來冇一日習慣戴口罩。
-
放假,又認真磅下:
BMI : 20.7 → 20.5昨晚個煎肉餅飯(六大舊,又圓又大的炸獅子頭咁)
無出事 🙏🏻
-
今日,放提如放監。
所以,唔只要爆汗、仲要爆肌。
幾鍾意呢個系列嘅歐洲情懷,European Style🏛️🏺🌹
高質素製作yoga practice,呢位亞Sir幾好的。
因為個系統入面有6、7個coach,所以要揀,唔係個個coach都咁啱自己。
事關全程8成靠聽,我比較concern係:聲音、語氣、節奏、說話會唔會過多。
其實就係:聽落舒服、自然
當然,係好個人化😅
有啲教得太清楚,但好煩,每一下都會話 inhale / exhale,半小時瑜伽,就講成千次inhale/ exhale,人都癲。
有啲數1、2、3,但會:1吖、2吖、3吖,好做作,有個廣東話yoga youtuber就係咁,由一數到20都係咁,跟做咗一、兩次,之後無再跟。
“Hold for a few breath”. 一句咪搞掂囉
👇🏻同一系列,呢個都good!做埋!
-
上面個video有突然有crow pose.
之前練來練去都差唔多,知道手臂同core未夠強,就練返正常D flow先。
今日再練,居然有突破,hold到由3秒→5秒🎉😅
另外新學 Fish pose,係一個chest opener,我反而覺得做完條頸幾舒服。
-
Plan your work
Work your plan
今日完成預算的工作,安心晒。
夜咗,都要做返個瑜伽。找了Jessica的 seated deep stretch,半小時,之前兩晚爆肌爆汗,今晚做下伸展。
都真係幾deep下,不過練習完,整日累積落嚟啲繃緊冇晒🥰
當中呢兩個都幾有效:
今晚狀態唔錯,掂到隻腳😁
呢個練習時,會覺得好唔慣,俾啲耐性調節個瑜伽磚位置,完成後感覺好正。
-
Luk到呢個,覺得好靚,記低佢先
-
今晚,呢個:
個flow 前半段幾好,幾有創意。
不過後來有D畫蛇添足,轉來轉去,唔知為乜,又唔係練到啲咩特別嘢。係咪同個friend一左一右做?🤔
到最後cool down,我覺得我條腰後面(兩邊肌肉群叫QL?)仲係幾緊,relax 唔到,release 唔到tension。
佢個title話45分鐘,但成個video係38分鐘。
冇乜所謂,只係奇怪:
個Title好容易修正啫,點解都冇人理嘅?所以早幾日話,呢個系列,要揀啲啱做,的確係好中肯😅。
好彩,佢最尾嗰句:Thank you to yourself,啱聽!挽回返少少印象分🤣。
PS.
試過有一次亦係搞笑,
video個Miss做完左邊,唔記得做右邊咁。
「咦?明明跟着做,我miss咗?」
Pause個video自己做埋另一邊。
完成晒之後,睇返啲comment,有人都反映呢樣嘢。
好彩證實咗自己係正常。
嚇死我,以為中老年記性差,或者係曼德拉效應。
都係呢個系列。🤦🏻♀️
-
I love Kassandra
I really love her….
tonite一小時,極滿足,應該係多個月來最賞心的一個「短聚」🤣(我指:同Yoga)
唔算好爆肌,但係漫流1小時,超級爆汗,烏低身,向左扭時,D汗Lok向右邊,然後向右轉,汗珠又碌去左邊。😅
衫前後濕晒,或者天氣熱。
洗個澡後,成個人爽晒,鬆弛,好想延續呢個mood,鍾意瑜伽就係因為最享受完成瑜伽之後呢種身心狀況,上咗引,短期內好難搣得甩,有mood到凌晨去沖杯咖啡飲☕️🤣,但係聽日要7:30起身(更好笑)🤣🤣
依家,一路嘆咖啡,一路聽音樂。(Zen Spiritual Yoga Music)
推介!
當中有好多伸展shoulders動作。
Extended side angle
Side Lunge
今天也達成了 25g fiber intake 的目標,
自己都驚訝,看看吃了什麼食物達成25g🤣:綠茶粉
麥皮
奇亞籽
通菜
西蘭花
甘筍
洋蔥
豆腐
菇
蔥
(10樣)冇食生果,夠了!
另外食物:
雞
牛
白飯
豆漿
牛奶
咖啡
(6樣)2-3L 水/淡茶/湯
原來一日都食幾多種嘢。好amazing 🔮🤣
但以上,只有大約1300kcal,80g Protein,25g fiber
好飽,好健康!
所以我自己記低了今日餐單。📝👩💻Amazing Friday! 🔮🌟💫
-
放假,又認真磅下:
BMI : 20.7 → 20.5昨晚個煎肉餅飯(六大舊,又圓又大的炸獅子頭咁)
無出事 🙏🏻
好有趣,亦多謝個身體俾肯我manage:
說話上述之後,
去食「放提如放監」的一餐,
翌日又再因為太忙而park左個老麥餐配薯條,
由20.5上漲到20.6🤪又之後,如昨天咁講,食正經番兩日。
4日瑜伽,有3日爆汗,
今早由20.6跌返落去20.5 (20.501xxx)
好接近20.4是日策略:
Keep住食大約1300kcal,25g fiber,2-3 L water,乜都食。
瑜珈,可以先繼續做大半個鐘,但唔洗爆汗。連續每日成粒鐘爆汗,身體會攰、會有stress,「佢」就會察覺到我喺度減肥😜
Btw, 今日又上YTT live class,好玩,好期待。
嗱!無目標,No expectation。
只係有啲好奇,自己BMI 19個款係點,要唔要買過晒啲衫🤓😏👙👖🧣👗🧢👚🥻🧥🩳🩲🩱👔👕如果有朋友同我講,佢減極減唔到,我可以用自身實例分享,希望幫到手。
都聽唔少:運動+節食都減唔肥,咪就係個身體知到個主人減緊肥囉!減肥的最高境界是:
唔好俾個身體知道個人喺度減緊肥
🔮🔮🔮🔮🔮🔮🔮
-
今日Live Yoga (1 hour) + Jessica Yoga (25 mins)
Live 堂一起做box breathing
Inhale 3秒→hold 3秒→ exhale 3秒→hold 3秒
然後,加到5秒、
再加到7秒 😨如事者,100人一齊上網呼吸左大半個鐘😅
亞Sir話,可以的話,加到10秒🤪,每日練習。
除了平靜個人、做果時血壓會降低,我諗應該仲有其他好處,之後再爬下文。所以睡前找個Jessica ~25min yoga郁下,呢幾晚都真係幾熱,冒汗。
她最尾,有個affirmation:
🔮🔮🔮🔮🔮🔮🔮🔮🔮
I focus on what i can control and
make peace with what i can’t
🔮🔮🔮🔮🔮🔮🔮🔮🔮🔮
佢講第一句,我就好有感觸,😭
呢個星期尾,新工作去到一個小小嘅milestone,大約係十步到了1.5步😅。由零步行到呢小小1.5步,時間唔短,中間有好多局外人唔會明嘅忐忑、不安、迷惘。好似喺漆黑一片大海,坐住一隻殘嘅艇仔🛶,自己好慢爬緊,知道目標喺前面某處,但係又見唔到個目標,正常人都已經返轉頭,回頭是岸,仲要向你加多句:「傻仔先會仲爬落去架啫😏」
但又好似唔去唔心熄咁,想做出那個一直想呈現嘅嘢。但爬落去咩?根本冇人知道會發生咩事,隨時可能一個大浪🌊,尤其彷彿仲聽到「傻仔」嗰句啲回音。咁只能氹自己:「你起碼有架爛艇仔🛶,有機會爬吖。」okay! Focus on what i can control,爬好每一步,再見機行事。
所以,更加要保養好自己(的健康)。
PS. 好似今日上堂咁,亞Sir約好 100人一齊上網喺度「純粹呼吸」不是更傻嗎?人哋都係排除萬難,先做到呢個號召力、信任。
-
30 mins + Intermediate 好吸引
Title果句:Curiosity over judgement
好奇心蓋過判斷力(理智)好配合昨晚所抒發咁😁
今日,靜靜地閉關上Online courses👩🏻💻💻📚📖,居然係一個course內,發現咗一個方法,令我叮一聲💡諗通咗最近一個工作上一直諗唔通嘅位!
Yeah ! 漆黑一片搵到個小出路🔮👏🏻😁
茫茫大海,有袋食物浮埋黎🧳💰好奇,真係令世界充滿可能性。
最鍾意Cross Domains學習,融會貫通,1 + 1 > 2
另外,估唔到我今晚做到呢個,雖然係震晒咁😂
🤓
-
無唸過Monday Morning有空間10分鐘Yoga
開心🥳今日正念:
Joy is my birthright
快樂是與生俱來的權利「繼續」Kassandra’s 30 day yoga challenge - day18
-
今日工作太…..
又走走趯趯左半日
D野煩到,dinner的興致都冇
只係食咗個麵包🥯 ☕️好彩無論幾煩,
都有一個短時間,
俾我做一樣完全可以掌握到嘅事情。🕉️就做一個seated yoga
好多時,做瑜伽初段,個腦會不期然諗返今日有啲咩achieve到、未achieve到。
做到尾聲,放鬆咗,就唔會諗太多。
今日有好事情、亦有棘手野,應該話係無奈..
我諗呢個都係長遠問題..
話說我浮下又爬下,都係喺一個叫 H 嘅海
然後,一邊係陸地A、另一邊係陸地B
我想喺 A 迫岸,A 拒絕我,話:你已經係屬於B 㗎喎,我哋喺B有分公司,你去B上岸啦。我哋呢邊唔會招待B-related嘅人。
咁佢講得啱,我係屬於B 㗎喎,Fine…..😌
咁轉向B迫岸,B 問我攞身份證,我攞我唯一一張身份證俾佢睇,點知B話:呢張唔係B地嘅身份證喎,sorry咁樣係認證唔到你。
佢又講得啱喎,張身份證都唔同。
以上嘅情況,已經在不同情況下發生過幾次,咁即係變咗孤兒仔。
兩頭唔到岸,兩邊不是人..
長遠要諗諗計,見機行事..再找辦法..
咁啱今日晏啲嘅時候,認識咗一個外國嘅partner(佢同上面嗰單嘢無關)。同佢傾咗一陣,講真佢身處嘅地方,處境更難,但係佢比我感覺係好積極。
真係,家家有本難念的經⋯⋯
Anyway,我覺得總有辦法 🤓🤓
-
今晚搞到好夜,完成埋啲嘢先練習,欲罷不能。😁
選了一個Adriene的30min destress yoga
呢期工作繁重,係stress d,老公都忙,但佢知道我「咩環境」😅,都會抽D時間肯俾我呻吓,聽完又會俾返啲意見我、echo下我想法,已經好滿足啦。
唔會係純粹我講我嘅,佢講佢嘅,呢D叫「純粹相向發出聲音」,並唔係交流,唔係溝通。(我對呢方面係有啲要求🤣)
如果咁樣,不如同chatGPT傾更有趣。
太夜了,除咗瞓覺都諗唔到其他嘢, good night😉
-
呢幾日又濕又熱,練習瑜伽都着咗短袖衫。
着返啲舊Tee, 覺得個身型瘦左,顯得年輕咗D D,有小小驚喜。☺️☺️
都係由每日yoga開始,唔勉強自己做高難度動作,估唔到個開心嘅Side Effects係冇咗5kg。
Tim sir話:
In Yoga practice, we learn about
the balance between “efforts” and “ease”.係指有啲動作係要花少少effort去鍛練,例如手臂唔夠力就練多啲,但係亦都要留意去到某個位就唔應該勉強,要上到另一個講大話一個階段先。
我練crow pose就係好例子。(5秒🤣)
當然呢一個哲學,亦應用於人生、生活。
都係要balance between efforts and ease
幾時要進取,幾時要暫時放低,自己其實心裏有數。
之前都有提過,瑜伽朋友有一次話,面對啲難道動作,如果練極練唔好、或總係唔知點咁,不妨放低一陣,還原基本步先,過一排,身體strengthened左,再練返個動作,反而會自動有進步。
好人生哲理。
啱架,crow pose我放低咗幾個月,做返,居然冇啦啦做得好咗。雖然只係由3秒去到5秒✌🏻😅
不過,我都幾肯定,工作上我仲要好進取,仲有好多改善空間。🤣
今日呢個幾特別,如果有朋友係「S型脊椎」,即係個pat pat向後好凸,而個肚腩向前凸,不妨嘗試吓呢個practice。
我只係好奇,所以當一般練習,托賴我冇呢個問題。🪵👈🏻
-
呢個after work 的,好推介!
佢主要focus上班族的「久坐」的特性而拉根,伸展動作為主,都幾有效,但基本yoga動作就唔再解說。
例如,佢話Take a vinyasa 嘅時候,就要知係果串動作,有做開的yoga的比較合適。
不過練習初段我就好唔留心,不斷諗返今日兩個「奇蹟」。
Miracle 1 —
上午,做 d operational野時,有urgent野,要個login,因同事今日放假,用佢俾低果個login,但錯的🤦🏻♀️,又未搵到佢,咁我只好望吓又估吓咁,估咗兩次,居然估中!好彩只係啲周邊嘢,不過有啲嘢撠住咗一定要login先可以。
然後事情迎刃而解。🥹😅
Miracle 2 —
下午,要做一啲新嘢,研究吓啲資料啦,啲資料建議:可以找一間差唔多size嘅公司合作「咁樣咁樣」做,會好有效果。呢個「咁樣咁樣」方法好新,我第一次聽。
當時心諗:方法或者係好,但要找合作的公司,人哋有心想做同樣事情..之餘,仲要木門對木門,真是可遇不可求,點解我工作咁有挑戰性㗎🙈
點知,大約15分鐘之後,有一個唔係太熟嘅Partner公司聯絡我地,問:你地有興趣合作「咁樣咁樣」嗎?😱😱
果一刻,好似《龍過雞年》,朱咪咪臨瞓前祈禱,叫上天賜個精壯嘅男人俾佢,然後個天花板就跌個陳百祥落嚟,….仲要除埋衫嘅添。🤣
我地,當然一拍即合,大家都好爽快!
最妙嘅係,如果佢早半個鐘搵到黎,我根本完全唔知佢噏乜,咩叫做「咁樣咁樣」呀?然後耍走人哋。
整定!👏🏻。
-
瑜伽完,第一個感想,一個字:
#「熱」
我著得少個Miss,都標晒汗。
剛subscribe 的Channel,so far so good,係有時把聲死唔斷氣,聽得有啲辛苦。
又濕又熱,咁搞法,好快要開冷氣 🌬️
太潮濕,連香薰機都唔想開。
昨日,既然喺漆黑的公海遇到「陳百祥」,今日,大家夾好,Okay! 將兩架艇綁埋一齊,咁樣喺個公海上面更加穩陣,互惠互利,咁就尤佢行一陣先。(希望佢唔係豬隊友)🐷🐽🤞🏻
鏡頭一轉,我今日又要處理返一D恆常工作,如果唔係,就真係:架艇未沉先餓死。
「Make clients happy」係每日嘅己任。喺海上面浮吓浮吓浮埋黎一包包嗰啲生果/食物,就係咁黎。否則,點會真係做傻仔出海?
-
周未早上起床,做完一連串例行公事,仲未瞓醒咁,都諗唔做乜好(其實好多嘢要做),只係唸起yoga。
中晒毒。
做咗Adriene呢個,好醒晨的thumbnail !
不愧為全球冧巴one,好識得喺觀眾角度諗,30幾分鐘,Morning Yoga嘛,頭嗰10分鐘都係呼吸輕微伸展吓,等大家頭腦清醒先,然後先至循序漸進做拜日式嗰咋野。佢呢個video幾推薦!最適合剛起床「神志唔清醒」時做。
Kassandra就比較教練式,一開始就go go go。非常目標為本咁。各有各類型擁躉。
🎑🎑🎑🎑🎑🎑
黃昏,上YTT live堂,講返,今朝練習好鬼熱,所以著bra-top+yoga pants,唔太臭就唔爭在着返上埋堂先至洗🤣,而重點係..我仲要好大膽開鏡頭上課!
其實其他同學,冇乜人着到咁🤣,多數Tee加瑜伽褲或者運動褲,佢哋唔知邊度呢?有D着住外套添!咁我呢度亞熱帶呀嘛!😅
Btw其實都有一半人冇開鏡頭㗎,我初期都冇開,近呢幾堂先開。
喺眾人面前,露出條小蠻腰添😂😂。
其實應該叫大蠻腰😅心唸:咁多人,都冇人留意我啦!
做到一個叫做puppy pose(如下圖),今日做Yin Yoga,要hold兩三分鐘,我下意識將條腰壓低,如果做Vinyasa Yoga時,務求要將個心口嘗試掂地下。
唔知係咪咁都比阿Sir留意到,突然間聽到佢一句:唔使專登將條腰壓落地下㗎,Yin yoga用地心吸力就得,放鬆。
嗱,之前都講過,瑜伽服嘅好處就係,讓導師與同學之間望清楚個姿勢,睇吓正唔正確。😁😁😁咪就係咁囉!
又引證左:
女同學着bra-top上瑜伽堂,自然比一般同學學到多啲嘢。🤣🤣🤣
Puppy pose/ 好似又叫melting dog
-
成日話要令身體manageable
我形容佢做「易於管理」
i.e., 食多會肥、食少就瘦呢條thread係「身、心、靈」嘛 😅
我覺得,
身…………..已經係三者中最易搞果part。
心、靈……..先至難搞。如果講瑜珈,瑜珈的:「八支」,只有第三支 是講「體位」,i.e., 身。其實心、靈,先最根本。
如果唔講瑜珈,好實際,身體都會受心情影響,都市人好多病都係屈出嚟。
多啲照顧自己心靈。
其實係因為見到呢個video,有感而發。
佢最後所講都幾同意:有時,我地唔好高估自己個心理狀態。
以為自己好堅定,唔會咁容易被洗腦。好多時,原來都係鱷魚頭老襯底。(呢個真係要記住)
要有D道行,懂得識破,要抽離。
同埋心裏面「個底夠厚」亦重要。已經一段長時間冇聽佢,但呢個我好推介!
-
又到左呢啲日子😅🩸
呢幾日要做返D輕巧啲Yoga practice咁,就順便練返啲內在D嘅,強化下我個脆弱心靈先💔😄
在漆黑公海爬艇,內心都要好強大。🛶💛🧡🤍又練返:
Seven Chakras / 七輪即係類似maslow's hierarchy of needs果個
由Root Chakra/海底輪開始,
掌管:安全感個thumbnail….. 是的……呢個動作叫Yogi squat….有助gut health 🤓
-
今晚到 2nd Chakra,Sacral Chakra(生殖輪)
掌管:creativity, sexuality
唔知點解呢兩個範疇係有關。
可能,例如,Generally Speaking, 好似歐洲人咁,有創意(歐洲盛產藝術家、設計師),而佢哋亦好多情?較率性而為。
咁樣去想像,比較形象化啲。
用 “Sacral Chakra Yoga Adriene” 去search,練習左一個40分鐘的。search下就見到叫creativity,主要活動肚臍小腹的肌肉。通常練習chakra的yoga,相對比較重視內在,體能上唔會tough,有興趣可以用chakra yoga去搜尋呢一類型試吓,又唔會好似冥想咁郁都唔郁。
我反而想share呢個meditation music, sacral chakra, 佢嗰種低頻,我覺得幾好聽。
剛才練習時開住襯低,感覺就好似食薯條要有茄汁,咁先有feel加嘛。🍟🍅🥫
-
第三
Solar Chakra
太陽輪消化系統位置
掌管:能量、理性思維、執行力
-
要襯復活假,買過張瑜伽墊喇🥺。
(又乘機買嘢😼)張墊,其實都算好襟,日日用,用咗半年。
迪卡儂$249,特長,厚,顏色好核突嗰張。
實而不華。
最鍾意佢有啲打橫壓線,雙手掂地時,就知左右兩邊係未平衡。
雖然顏色核突,但我真係有諗過買返同一張。好實用,夠長,有壓線,的確係方便好多。呢張墊,經過年月嘅洗禮,
佢俾我啲腳趾甲吉得到花晒,
因為有啲轉換動作,
例如「腳面掂地」變為「腳底掂地」,
中間就係要靠強勁有力的腳趾🦶🏼去轉換,
故此腳趾甲,中途會插晒落瑜伽墊。另外,佢越嚟越有「彈性」。
例如,做下面呢個humble warrior,
雙腳距離….係會自然咁…..逐漸…..拉遠左。🤣🤣🤣Music吾該:
🎹🎤「不要離我太遠,突然離開我視線..咁樣左腳會好掛住右腳架🐰🐰
左腳🦶🏼:「記得寫信返嚟呀..
右腳🦶🏼:「記得寄錢過嚟呀..
(痴咗🤣)聽日有個問題想問,
但又唔係幾好意思問,
聽日先算啦。
或者我唔記得咗呢?😝