跟自己的 身、心、靈 連結
-
剛過去的周末,係我由去年7月中開始,無休止每天輕鬆練習瑜珈的半周年,Namaste🕉️ 🙏🏻🔮
好古惑咁計,就係做了兩年🤣🤣
-
Tonite
Yoga with Adriene - 2023 Center ChallengeDay 8 Flow - 拜日yoga flow,熄暖爐,打開小小窗,都有D冒汗。
Day 9 Melt - 見miss個造型好comfy,似係冥想之類,順手練習埋,真心話,佢都係集中教Yoga好D。😄
就嚟新年🧧,呢個星期疊埋心水,食嘢方面盡量乖啲,每日 1200-1400kcal、2升水或淡茶、25g 膳食纖維。
講起膳食纖維,有次同朋友提起25g是WHO指引(男仕則30g),9成人食唔到一半,講真唔易,而朋友第一反應係:「我每日都去到廁所,我冇問題喎!」😌
纖維除咗幫助腸臟蠕動,好多人唔知:也幫助減脂、避免三高,原理係纖維會將「脂肪代謝物」「包住」並排出,身體少咗脂肪代謝物,現有脂肪就會較容易透過運動分解出來,成了新的代謝物,等待纖維包住帶走佢。
成件事就係:纖維加快咗脂肪嘅代謝。🔄🚮
但要記住喎,纖維係吸水的,只攝取纖維沒有足夠水份會造成便秘,所以每日2公升水係走唔甩。😄🚰⛲️🧊
我覺得如果嗰日食夠25 gram纖維,好似會頸渴啲,飲水/茶變得好自自然然咁。
以上都係聽營養師朋友講,並不代表本台立場。
🪖⛑️🪖⛑️🪖⛑️
🤣🤣🤣🤣🤣🤣
Anyway,幫我打包多啲脂肪走吖,唔該🙏🏻
-
Tonite, Day 9
主題Corazon : 是西班牙文的heart也是強加「心輪」的,主宰愛自己、愛/欣賞他人的能力。💟🤍💗
心輪再上就是:
「喉輪」,主宰表達力、傾聽能力。💬👂🏻又好似好少在youtube見到練習喉輪,其實會唔會對long covid有幫助?😅😅
喉輪再上就是:
「眉心輪」/Third eye 👁️ 主宰對事件的透視力(ie. 有冇眼光)呢一刻,我都幾肯定我嘅眉心輪好閉塞,因為,part咗鼻敏感藥,超級眼瞓,第一、第二、第三眼都要休息,good nite! 😴💤🛌🥱
-
今晚繼續
Adriene with Yoga - Day 10 - Energy呢兩日冇做Morning yoga,一嚟忙咗啲,但主要度係覺得好奇怪咁,瑜珈→瞓覺/瞓醒→又瑜珈,運動員咩?!😅
見佢個名叫Energy,以為今晚嘅會好tough,仲沖定杯抹茶老人奶,唸住做完補返下啲蛋白質鈣質,點知做落其實唔tough,仲要唔使20分鐘搞掂,不過拉鬆左個人幾舒服,咁聽朝會做Morning Yoga嘅機會會大好多。😂
最近用一個新嘅磅,大約$100度,超平,除咗計身體脂肪、肌肉比例之外,仲計埋骨質,都幾有趣,而我嘅骨質居然係偏高少少,個app俾我嘅評語係:「你嘅骨質已經好足夠,不需要再吸收太多鈣質,攝取鈣質過多會影響腎臟功能。」
如果個量度結果係真嘅,都幾意外喎,通常人到中年不論男女總係會流失骨質,我估keep住每日做少少運動,郁吓啲筋骨,適量刺激下啲關節,同埋飲嗰啲高鈣奶都有啲作用。(其實一杯都係每日鈣質所需的一半,等我調查吓我食咗啲乜先,我估係豆類。)
如每天郁吓對身體有幫助,咁真係要認真諗諗,發展下大媽廣場瑜伽😄,oh no ,「大媽廣場瑜伽」早已改名為「milk tea yoga」,有埋logo同tee,做瑜伽有tee送,送埋老人高鈣奶粉。
可以懶cute咁叫:喵tee瑜珈,都好喎!…….
滿腹大計!
女仕,係多啲嘢抒發㗎喇🤣🤣🤣🤣
-
昨晚練習太短,今早就有啲誘因做吓😄
Today’s Affirmation:
I am a magnet 🧲 of miracles 🔮
今日要去fix d野,希望有奇蹟!😅
-
唔知點解Jessica 嘅片出得咁疏,但其實,最享受佢個style
享受唔係指好hea咁做,而係因為佢個形象恬靜溫婉女孩咁,練完即使係爆汗,個心都覺得好療癒。
但如想有技巧地進步,就一定一定要練習Tim的30 day transform challenge,遲啲都想練返。
Adriene - 偏向beginneer level,掌握到初次接觸yoga的人嘅心理,佢受訪問時,亦有提到佢係想推廣瑜伽,咁佢都幾consistent,雖然已經貴為最多subscriber的 Yogis YouTuber,呢個月都每日一片。
Kassandra 就似不停cheer up你的教練,勤力練習型果種。類似係:你一路跑,跑到身水身汗,佢都一路喺旁邊吹BB同你跑。
今日練Jessica 呢個upper back practices 幾好:
當中呢個正!放鬆繃緊的下半腰
Pontoon
-
Today’s Affirmation:
I am Productive and Prosperous.
Day 12 - Kassandra’s Morning Yoga Movement
10mins練習完,身心感覺煥然一新。🤓
-
Yoga for Depression
今日,收到「生果店」職員通知,壞消息,陪住我6年出生入死的好兄弟,病況唔簡單,如要完全醫好返,就要做大手術。雖然佢表面仲行得走得,雖然可以花啲錢去做手術令佢暫時好返,雖然我不願意接受這事實,但理智話我知,應該要安排佢榮休了。
六年前買佢返黎時,我同佢,都係一張白紙,然後,就每日陪我並肩作戰、陪我通頂、陪我一齊老作啲野、陪我學新野、陪我解決好問題、陪我四處闖蕩、疫症前陪我圍住個地球走左一圈,最近半年工餘仲陪我live瑜伽。
佢亦最明白我處境,身體雖出現狀況,但壯士斷臂,盡力幫保留自己最重要的部份,今次令我明白唔可以再迴避一個事實:一把鋒利嘅刀都會有生銹嘅一日,一部優質嘅電腦都會有一定壽命,佢屏幕🖥有點花,唔太介意嘅依然用得,有需要其實亦可以駁個外置屏幕,運作還是一如以往的神速,也可以姑且同佢做大手術,不過今個月換手,下個月又可能要換腳,總不能要佢無止境的工作,直到一天忽然連最重要嘅部份- 硬碟-也失靈才四處張羅,所以這次入廠亦係佢對我的溫馨提示。
還好身邊的有一部config差少少,但係新D嘅backup機可使用,我沒有兩對手所以一向只集中用一部,無需頻頻能能買新機是唯一安慰。
又可能佢見到長江後浪推前浪,今個月月尾佢娘家出品M2 Pro / Max,14/1 6吋新model,佢似乎想急流勇退,佢跟得我多,變得好有智慧、有靈性。🙏🏻
好喇,失落也要振作,好趁放假安排一下佢退休的工作調配,以後只给他一個優差,陪我做 live yoga。
-
團年飯過後…
應該係我第一次用瑜伽寧靜地由大除夕過度至新一年。
尤其吃到好飽之後要郁動下burn下d多餘的能量。
年年有餘?🤭又幾好意頭喎😄☘️ 今晚 :
乳香沒藥香薰,好有神聖分氛
Yoga with Adriene 30 Day Challenge
Day 11, 12 (40 mins)
剛巧主提是:Rinse & Unwind
好好靜心享受新一年新希望的感覺。明天去拜年,又再熱熱鬧鬧、又再hyper! 🤣
祝所有人身體健康,新一年好事陸續來!
🥳🧧🍀🍊🎰🎯🌟💰😄🌺💪🏼💕
-
今早有啲空間來個早晨瑜伽。👏🏻👏🏻
然後要去 夫家、娘家拜年。
家中長輩、兄弟姊妹、大姑奶大伯叔仔姑仔 (伉儷)🤣、小朋友姪仔姪女姨甥女,video call埋遠在外地嘅「至愛s」 😄,個個見過請過安互相恭喜了,互相派利是。
所以到依家先有D時間,寫返記返,新一年的今日正念:
I allow myself to Play and be Silly用呢個心態發掘新一年,好事自然來。🍀🍀🍀
今晚又出去食飯。
黎緊仲有video call開年飯、整個家族姑姐姑丈阿叔阿嬸、堂表兄弟姊妹、姪仔姪女,團拜飲茶,..今晚要封多一炸利是!新年就係要咁樣開開心心熱熱鬧鬧暴飲暴食先至過癮!🤣🤣🤣🤣
咁食法,如果可以,一日做三次瑜伽都唔會嫌多😅
好,出發!
-
哈哈😄太高興,忘記咗,今早:
I allow myself to play and be silly! 🤪🤪🤪
-
新年果然有奇跡,今晚同今日早的練習,都係不約而同做到Day13.
十三吉祥 🙏🏻namaste
個主題Trust,喜歡Adriene 果句
Trust the Unknowns 🔮
再細味當中動作,今次應該練習七輪中的:
臍輪/生殖輪 (Sacral Navel chakra)
位置大約在下腹主要掌管決心、自信心、做事情的執行力。當臍輪不活躍時,人會變得猶豫不決、惟惟諾諾,無法取得自身想要,如果臍輪過度活躍,則可能會有強烈控制慾和侵略性。
猶豫不決,我也會。
可在youtube 用Sacral Navel Yoga搜尋吓相關瑜伽練習。
-
我發現conf call meal 一個操作上嘅挑戰係即使約咗時間,大家煮嘢食個時間或會有快有慢,一邊煮好另一邊未煮好,就可能會攤凍食物,要好有默契。👨👩👦
遙距早餐過後. 🍜一一🌎一一🍱
黎一個Kassandra morning yoga (day 14)Today’s Affirmation:
My creative potential is endless 🔮
早上瑜伽唔係日日做,但原來都做咗14日。
Kassandra 每朝啲練習,啲難度都幾唔同,有時伸展下,但有時都幾kun(哽)。咁樣反而每朝早有新鮮感,唔會悶。練習完感覺幾清新㗎!
唔一定做瑜伽嘅,其實普通伸展下,好多人起身都會做,好似佢咁:
😄🫘🤣🫘🤪🫘😅
-
好喜歡今個新年,家人親戚都好熱切再聚返,所以非常熱鬧,最重要係各人都安好,平安就好🥰
自己朋友嘛,各有各忙家庭活動,這兩天online互相祝賀已好有心,部分相約新年過吃飯行山。🗻🥾
剩餘兩日假期,閉關,上Online course學D新嘢,同工作、個人興趣都有關的,我最享受。想享受血液循環時,就練習瑜伽。
我有理由懷疑因為昨天練習 臍輪 瑜伽,所以個人當堂積極晒,「行動派」咗🤣
今晚繼續唔執輸,Search: Sacral Chakra Yoga
就練習呢個 Kassandra 的,介推👍🏻
未至於爆汗,只係冒汗,集中練吓下腹位置都好,順便消化呢兩日D野食,年初一、二 我彷彿食咗我平時可食足一星期嘅嘢。😌
有朋友都係咁,如果唔係,大家咁懶點會去行山🤣✌🏻,又「行動派」哂。😅Btw, 最近練習時都中意做boat pose,係明明個youtube無叫做但自己都做果隻🤣,網上見到呢個圖,先知原來連腳指都要engaged架,唔該 😅
新年係Hyper少少,唔好介意。🤣🤣🤣🤣
-
今晚要瑜伽治療一下(Yoga Therapy)
今日上網課時,一邊播以下呢個做輕音樂。
是七輪的不同頻率,順序由低至高頻率,唸住聽下singing bowls music 鬆弛吓個人,冇乜目的,當background Music。但去到第三部份:太陽輪,身體就有小小唔舒服既感覺,唔係痛,而係一種悶悶的感覺。爬下文,太陽輪就是「脾胃肝膽」位置,咁我聯想返應該係食濟了🤦🏻♀️,音樂繼續其他部份時,我覺得冇事喎。
好玄妙⋯⋯係咪真係呢?
所以今晚找個Solar plexus chakra yoga
瑜伽其中一個獨有功能,係透過動作按摩內臟,加埋腹式呼吸,練習完個脾胃好似舒服咗啲。
成件事非常Yoga Therapy 👍🏻
-
一路上網課時,一路諗假日應該做多D啲瑜伽。
預備晚餐前,做呢個:
-
假期的這兩天,大至上已經完成了一個之前未完短課程,不只是內容裝備咗我,亦啟發左我好多諗法,思潮起伏咁😅,也了解到那位導師的思新維方式,再多咗一個層次的insights.
好多精神食糧咁🍚🍙🍘
個腦「法法聲」,其實新一年,計劃事在必行,最緊要係決心、執行、堅持,雖有信心但知道唔容易,遇到啲撠住嘅位,難免會自我懷疑「我係咪真係得架」,但既然已知係重要的事情,就只好老土果四個字「勇往直前」。
個腦好充實,但個心缺乏安全感,所以今晚揀咗七輪中的「海底輪」練習,掌管一個人的安全感、對環境、身邊人的信任,Yin yoga 亦有平靜心神的功用。
喜歡Kassandra練習中的一句正念:
I trust the process of life. 🛣️🚏
咦?個瑜伽導師課,近期未有時間睇返添。😅😅
-
今早有10分鐘,就做了個root chakra meditation:
今日正念:
I am safe, I am loved 🍀🤞🏻💕☺️
-
昨晚由「最底層」開始,今晚上一格到「臍輪」,有tight hips字眼的就對了。
應該係好耐之前做過的。
-
由低至高:
(前晚)海底輪 →(昨晚) 臍輪 → (今晚)太陽輪
Search:
Solar Plexus Yoga Flow
專登找“flow”的,運動量大D,雖然瑜珈不是帶氧運動,但天寒地凍想有多啲血液循環。找到呢個新miss,試吓,又幾okay,程度、時間剛好。
太陽輪在上腹位置,掌管人的能量,因為該處包括胃、肝、脾、膽等消化系統,血氣運行,消化好自然能量足。亦掌管神經系統、自信心、財富(食飽先有精神搵食😄又啱喎!)
瑜珈重視的腹式呼吸、core muscle,亦可以透過練習太陽能的動作鍛練出來。
冒汗完成,但未至於爆汗,正!😄
不過,小心攝親,做完立即關窗。🍃🪟🎐
明日到:心輪 💛🖤💚🧡
-
My ME TIME again 😉
交出我的心,來交出我的心🧡🤍
💚今日
心輪、heart chakra
顧名思義:掌管 愛心、同理心、友善、寬恕
今早做了一個十來分鐘的,晚上做個短D ~25mins
Adriene 的一句:
Pose is pose, but Do it from your heart 💟
好啱,唔止瑜伽,生活也如是。
我覺得,先好好愛自己為根本,不是自私只顧自己,而係equip好自己、照顧好自己,才有資格、能力愛其他人。
同意有人說:愛一個人,就應成就該人,幸好我也有成就我的人’s。😊😊😊😊😊
最後加個meditation,關於愛自己、自信。👍🏻
I am born to shine
-
由下而上:
海底輪 → 臍輪 → 太陽輪→心輪
→ 喉輪
位置在喉嚨、頸、肩、膊。掌管表達能力、與自己與其他人溝通。
喉輪弱便難以將心中說話表達出來,造成抑壓。
過強則說話過多,與人對話容易太dominating,也不是良好的溝通,故此有人說喉輪也掌管聽覺。
當中包括有趣的Lion Breath 🦁
-
海底輪 → 臍輪 → 太陽輪 → 心輪
→ 喉輪 → 眉心輪眉心輪/Third Eye Chakra:掌管 預知能力,直覺🔮
這方面的Yoga flow在Youtube唔多。
搵吓搵吓,令我搵到嘅新Miss。
Good!
本來搵到一個男youtuber,但跟住做咗幾分鐘之後,發覺唔係好得。
後來再搵,搵到上面個video,節奏、程度幾啱我🤓,教得幾好嘅。不過佢跟手有個meditation,就麻麻地。
如想在youtube 練習meditation,我發覺係要搵D專門meditation 的channel,我暫時未遇到一個yoga channel的meditation 係得的,始終催眠學係另一種專業。
-
眉心輪→(最頂的) 頂輪
越高越難找練習,幾經辛苦搵到呢個:
頂輪| crown chakra
掌管智慧以及和世界融為一體的感覺。
正常地活躍時,會傾向沒有偏見,並且十分意識到此世界和你的存在的感覺。
呢個video的正念:
I am guided with my own inner wisdom. 🔮
-
咁啱
當呢條thread累積到200k views。
我就達到了無間斷的200日瑜伽練習。一個字:妙!
另外亦有少少驚嘆自己嗰份不尋常嘅堅持。
#另一個字:(呀⋯⋯未唸到🤣)
其實都唔算咩堅持,因為我實在太享受,係一件樂事,反而係瑜伽堅持住我。🕉️
我多數夜晚做瑜伽,就用個夜景backdrop襯返。
放工,抬頭望一望天上月亮 🌙,雖然今日未到滿月,但打算今晚做拜月式,感謝月亮晚晚陪住我「Lan屎Lan屎」(見註😄)。瑜伽係一個僻僻地嘅主題。
但計返,每日平均有一千人次入嚟喎😉
我多數每日post一次only,
應該唔會有人係咁refresh呱😁
咁大家有冇時間都多啲Lan屎lan屎啦!
祝大家都身體健康💪🏼
Namaste 🕉️ Thank You So Much註:練習練習🤣
-
呢個新發現的Miss將拜月式加左D variations,起初感覺有D 9唔答8😒,但跟跟下又覺幾有挑戰性😉,居然全身濕晒💦滴汗落地下。天氣凍咗咁耐❄️☃️,真係好耐未試過爆汗。👍🏻
不過有時啲動作太急,踎低忽然起身都會見小小頭暈,忍耐1秒繼續去片,感覺就過去。(其實我一直都有呢個現象,不過練習了一段時間,改善咗好多,估唔到今晚又輕輕發生。)
今晚唔太餓,只係整熱左個蘋果食,冇錯,係整熱蘋果、仲有杞子紅棗蜜糖,成為我嘅美味晚餐。🍎🍯
(唉呀!唔怪之得頭暈啦!🙈🙊)
喺呢個情況之下,往往會為食,想食宵夜,就會同自己講:
「乖乖哋,嗱,擺響度,快啲瞓,好快到聽朝,起身就可以食。」
😅😅😅好!我會好乖..早唞🛌😴
-
今日心情有啲…. 煩燥…RRR…..應該係叫不安。
所以找Jessica 的,佢嘅style令我最放鬆
剛巧她最新的係叫 Stress Melt🫠。 太好了!☺️🙏🏻
Jessica 呢個video(或者係佢大部份嘅videos),就算唔係做瑜伽,齋聽當background 都令人好舒服。
🔮尾聲部份的一個動作,係容易的,我做到,但當佢話再放鬆一點時,我意外地發現我做得更好😊…………….
又領悟多D🎐🎐🎐
認真做事之餘,心情放鬆一點,事情自然會發揮得更好。🌿🌳⛳️🦚🪴
-
新年假後、二月份第一個周五,通常都會諗返,今個禮拜達成左些什麼?
今次我俾自己嘅正念係:
I am thankful for ….
今個禮拜,工作各樣事情,都算係有少少進展,當然好心急,但知道唔急得,逐步逐步行,摸石過河,步伐太急反而容易被河水沖走。
尤其開心今日發現其中一個客,佢哋一向發緊夢未瞓醒咁,依家終於知道自己想點同埋「進入狀態」喇😂
come on baby!😚😚人哋望子成龍🐉🐲
我就望客瞓醒😴😄亦好欣慰有時間空間跟我家人、懂我的朋友一起。
Adriene 呢個感恩Yoga,好啱feel
一開始做好耐嘅Child pose,係最基本動作,雖然係簡單動作,但認真做的話(pat pat要貼腳跟,眉心掂地),能非常有效地拉鬆後下腰,對身體好大益處。而眉心係第三眼,即眉心輪(third eye chakta),如果配合正確呼吸,即瑜珈的說法:把氧氣都吸入帶到第三眼👁️,能增強個人直覺(intuition)。
-
網友提到今日立春。😊
一年之計在於春,令我忽然想起好耐冇上 Yoga Teacher Training 每逢週末的online class 🤣,死未!
好彩自由參與的,印度下午時間,香港黃昏。今日果堂有成100人!但練Yin Yoga😅,唔太係我杯茶,但照跟。
有件Ad-hoc差事本打算分part 1, part 2,諗住分別喺今晚同聽朝做,做落發現並唔係想像中咁多嘢搞,就索性一鼓作氣做晒佢,搞掂!👏🏻 因為今日果堂意猶未盡,臨瞓前都想做個輕巧的「凌晨」瑜伽,找到以前做過的Jessica’s Candle night yoga,咁我就淨係開香薰嘅燈,香霧離漫,都幾有氣氛。🪔🕯️
任務早咗完成,咁聽日就有時間,同屋企人Remote食碗甜甜暖暖的元宵。元宵佳節快樂!
我屈指算過,有個低卡少少嘅牌子,若一碗五粒,都係150卡路里🤣。(其實係搵個藉口食湯圓✌🏻)
明天十五嘛,滿月!可以挑戰返上次做到爆汗果set Moon Salutation,燃燒返啲能量。哈哈😄
-
香薰:
好神聖感覺的乳香沒藥
( 神聖,但又幾抵買$ 49,馬莎有售🛍️)揀了Kassandra的一個30mins Full Moon Yoga
好有mood的練習後,感覺好舒服😊
今晚沒有吃晚飯,留肚食湯圓😅
同家人一起remote湯圓晚/早餐,對面果兩個人話早餐後會去一個鐘頭車程的湖去睇風景⛵️,咁寫意,有啲妒忌添😌,果刻真想立即飛過去。✈️咁我晚餐後有瑜珈、神聖香薰自娛都唔弱😁
成晚冇蛋白質,練習後,為防肌肉流失,加返杯老人奶。🥛
-
-
今日(十六)先係滿月🌕
練習返五日前做到爆汗嗰個moon salute
今次知道佢大概個flow,45min冇上次跟得咁辛苦,但就爆多咗汗,做完要抹地,如果唔係會跣親😅
今晚一路OT,一路俾個YouTube自己Loop片,點知loop返一個叫「西多士」嘅YouTuber,佢幾年前開始拍返深圳飲飲食食🍱🥘🍲🍛嘅片,當年我一家👨👩👦都成日睇佢啲片去玩,疫症呢幾年就冇得拍,拍咗其他內容,而加全面通關佢又衝番出嚟,介紹吓啲過關、消費update!
恭喜佢!一路唔放棄。
唔放棄,先有機會贏。
我都要咁樣勉勵自己。💗當然,亦要靠實力!🤓
佢嘅內容係幾充足,當年好多人拍呢啲片,佢係比較認真嘅其中一個。總之,見番佢出嚟,好鼓舞!🥁
仲好記得當年在影片中「西多士」有兩個女同伴,青春無敵,三個朋友一齊上去周圍食好西,有一個叫做「亞Yan表妹」(唔知係咪真係佢表妹😅),呢兩個女仔都唔係佢女朋友,而最搞笑係「西多士」自己係遮住塊面,呢兩個女仔反而會出鏡。🎞️🤳
不過後來西多士都冇遮,不過呢👉🏻👈🏻,我鍾意佢遮住多啲🤣
有感而發,廢噏完畢!🫁🎙️🗣️
-
這一年,要去發展工作上的新領域,尤其二月正式開始,因為現在就只有先不斷的投放腦力、勞力、時間,所以都好忐忑不安,慶幸的是,上一次的小成功換來資源空間去發掘這新領域。
今晚沖一杯減壓的洛神花茶,橙紅色的茶,甜甜地幾好味,找來Jessica瑜伽要釋放下壓力荷爾蒙:
有時會一邊工作,一邊個腦問自己:「係咪真係work㗎呢?會不會白費心機?」,然後會自己答:「一定會的,雖然未必會好順利。」
因為之前一些預備工作,這兩天見到有一啲好開始,算係一個好兆頭,振奮了些。🙏🏻
我同媽媽提近來新的工作目標,佢同爸爸由細到大都係好支持我💗,話:「你呢樣嘢,可以出本書喎!」我冇諗過我媽對我比起我自己更有信心。
其實都可以架!但唔係今日,但我會的。😉第一個送給我爸媽。
-
最近覺得二頭肌三頭肌冇咁結實,其實之前都唔係話真係好結實😄,只係有一排明顯改善咗,當時好鍾意摸自己手臂。
手臂鬆返,最大原因,我覺得係冇練習Tim好tough果個30-day transform。第二原因最近食少咗肉,或者食返多啲。
咁咪即係要食返多啲,又再練返tough D?🤦🏻♀️
算唔算係嘥米飯?🍚🍙🌾😓
第三原因,幾個星期前我有邊手臂覺得好攰,攰到有小小痛,之後就揀啲鍛鍊下半身嘅yoga,等上半身休息吓。
咁算唔算係鍛練緊分開上下半身運作?😂🤣
咪好似好男仕咁?!🙊🙈Anyway, 手臂依家冇事了。💪🏼
通常做運動邊舊肌肉傷左,最佳嘅康復方法就係唔好再郁佢,等佢自己好返。當然可以溫柔按摩下佢,增加血液循環幫助消炎,同埋,食返多少少蛋白質加快修復。(加杯老人奶again)
今晚,20分鐘 Kassandra Upper Back Yoga,練返下先。
-
繼續返呢個Yoga with Adriene 練習:
輕鬆地伸展一下都好,令我心煩不安的工作繼續進行,只係已經習慣咗呢個感覺,就開始覺得冇乜嘢咁law😅
今日最大嘅喜訊,係收拾返暴飲暴食新年後重咗嗰1kg,都係做返啲正常野,好彩只係虛火🧯🔥,體重回到新年前低位📉。
BMI keep返去20.7 (18.5-22.9)中間位,真係搵把尺度都冇咁準!身體記住咗應有嘅重量👏🏻,太好了,而且好manageable,食多啲就重,食少啲就輕,身體健康正常地運作🤣
最近玩一個磅,可以度埋肌肉脂肪嘅指數,其實呢啲磅都唔係咩新科技,奇就奇在:依家售價唔使$100!
想分享,我發現輕咗嘅體重之中,大概有三分之二來自脂肪,三份一來自肌肉,其實都係正常,好少完全只減脂肪,除非日日刻意舉鐵。
所以人哋話如果減肥,控制飲食係最重要,但亦一定要keep住做些少運動,減少肌肉流失。(又或者流失些少,個人冇咁粗壯呢,女人要咁多肌肉做乜吖🤣,最緊要結實唔好鬆。)
-
Adriene -“Centre” 30-day Challenge
Day 15 - Reset :
佢話:Reset and reconnect to our intention
呢個好啱。😊
迷失時,都係同自己咁講。Day 16 - Kind :
呢個練習有啲玄妙🤔,我諗係練習眉心輪(third eye)👁️
主宰:直覺、判斷力
嗯嗯..呢兩個練習都係比較beginner的,我覺得慢慢做,做好每一個動作,一路check 下自己邊個位拉得唔直,邊part太緊張要放鬆。同果D一連串做到chur晒氣嘅得着又好唔同。
剛剛有個轉變動作 plank → Chaturanga,好常做的,之前都有聽過其他YouTuber講過,要用腳掌/腳指力把身體推前會更好(如下),之前我個腦get到,但個身體get唔到,頭先慢慢做,居然掌握到,感覺好唔同☺️,有少少surprised 😉
D腳指進步左🤣🤣
-
-
多謝好朋友陪我「kinder出奇蛋」,i.e., 一次過滿足我三個願望。😊😊
睇完《壯志飢餐胡虜肉.笑談渴飲匈奴血》之後就去「壯志飢餐豬牛羊,笑淡渴飲酸梅湯」。🐷🐮🐑
食到飽飽🤤😋,當然要做練習瑜伽burn返,所以今日繼續一連兩集 Yoga w/ Adriene 個challenge- Day 17, 18,否則,萬一肥返,就真係難以「從頭收拾舊山河」。🏔️🗻🏞️😆
—————————
兩個練習當中
Day 17 呢個對收緊肌肉似乎幾好Btw, 練習時,好多時會因為要hold實啲動作,又要顧住呼吸,個人會不自覺地緊張起來,連面容都變得繃緊😑😑,online YTT 個導師話,遇到呢個情況,向自己微笑,就會自動放鬆到,我覺得呢個方法都幾好。
一邊Yoga,一邊微笑
☺️☺️☺️☺️☺️☺️☺️
-
點解成日見到 Brian Cha😅
呢期上youtube多數都係做瑜伽,同埋如常地翻煲奇案🤣…咋喎,證明佢真係大灑金錢買廣告。
好奇怪,過去幾天Yoga都唔係好想用香薰,今日諗返可能係天氣潮濕,就好自然再噴啲煙霧,我好listen to my body。
今晚Yoga with Adriene Day 19 - Play
留意到佢條紫色瑜伽褲幾靚😄Day 20 - Restore 個款似係休息,就留返聽晚先
所以,今晚的第二節,改為Jessica的:
佢呢期出片真係出得好疏,有啲衝動想留個comment慰問吓問佢添〰️〰️👉🏻👈🏻
紫色瑜伽褲,下次再買褲嘅時候可以諗吓,我暫時就冇乜勇氣着瑜伽褲出街,如果遲啲練到下半身fit 到漏油,真係要漏油果隻,或者會。😄
同埋,我唔覺得瑜伽褲好舒服,在家練,練完都會換返其他褲。
其實,練習瑜伽、或者舞蹈時,都係因為要讓教練望清楚學員身位正確與否(或者教練要讓學生看清楚動作),先至需要着到咁貼身。同埋,如果條褲太鬆身亦會左腳褲刮到右腳褲咁,呢個係我嘅主因。
之但係,我瑜伽墊係紫色,着埋紫色瑜伽褲,保護色咁,有人行過咪唔見到我做瑜伽law,會唔會踩到我架?🤣
💜🤦🏻♀️😈🤷♀️🍆🦄👿☔️💁♀️🙋🏻♀️🧕🍇☯️🙍🏼♀️
🕉️🕉️🕉️🕉️🕉️🕉️
-
Yoga with Adriene - Day 20 - Rest
今晚一打開Youtube,又見Brian Cha🤣
每次都會令我諗返年輕時買過一本佢嘅書,叫《練出王字肌》ie,教人練六舊腹肌,佢果時係一個健身教練。
近年見到佢啲自我簡介,先知原來嗰本書係佢寫。📖
做完Adriene 個rest,唔知點解想做一個Third Eye Chakra meditation
做咗兩個短篇的,其中一個唔錯,喺度記低佢。
呢一類冥想,主要係加強自己同該輪的連繫,這次是眉心輪,給它多點能量,以增強預知的。
她說:預感(intuition)不會無緣無故的出現, 它來自我們的初心、對世界嘅認識、眼光、創意。意思係:要對自己的預知能力有信心。
啱!👍🏻
subscribe咗佢嗰channel,多數都係10至15分鐘的,有時take 個break可以練習一下。
把七輪都輪流練習,因為人的內在是一輪接一輪的,由最底層的海底輪開始轉動,以推動上一層的生殖輪,如此類推。七輪都能順滑轉動,沒有樽頸位,各層次的能量便得以調理好後,然後,如他們所說「整個人生便不同了」。😎🏖️😁
Again,這是人家的瑜伽學說,講故冇得博故。🤪📏📐
咁其實,咪就係類似西方心理學💟🤍學說的 maslow's hierarchy of needs🔺,由「生理層」去到「自我實現層」
-
情人節必播嗰套沉船戲🚢太觸目驚心。
觸目驚心的,當然是因為個災難,拍得太逼真。
個愛情故事,亦有其襯托作用。
但又夠鐘做瑜伽,唯有一路睇住電視一路做瑜伽,好唔專心。😌😌
真係好唔留心,仲開錯左琴日day20嗰套,做咗幾分鐘先覺得唔對路,揀返,今日 Day 21 - Strength。😌
做完,電影仲未播完。
-
今晚節目調動關係,「早」咗練習😁
Yoga with Adriene- Center Challenge
Day 22 - Align一會兒要conf-call同寫薯仔文。
又8掛下:
由
Day 1: 2 Million view
去到
Day 22: 400k views大半路,只剩5份1人
😌😌😌😌😌
今日我問咗機械人嘅意見,如下:
A :
你覺得練習瑜伽的最高境界是什麼?ChatGxx :
最高境界的瑜伽就是能夠讓身體、心靈和精神完美地融合在一起,在瑜伽練習中拋開煩惱,從而尋求心靈和身體的完美和諧,這是一種內在平衡,能夠使心靈安定,身體柔軟,精神地充滿正能量。(我哋真係心靈相通😁)
我想問真人㗎,但我相信冇人答到我囉。🤨
-
今日想練習一個有D挑戰性的
Jessica’s Intermediate Yoga Flow & Balance
Thank myself to show up on the mat again 🙏🏻🕉️
終於hold到 half moon pose 🌗
下面嗰圖幾好。
我之前係右上beginners
今次係左下full pose
Full half moon? Full還是half呀咁?🤔有印象有一次勉強做到右下advanced,但好似有用yoga brick,今晚狀態一般般就唔勉強,佢哋叫咁係“respect your body”,我做唔到某些動作就係咁安慰自己🤣🤣🤣。好句好句!
Half moon pose
-
做到頭先個half moon時,忽然覺得肚餓。
沖番杯 抹茶老人奶🍵 補補佢先,
要 respect my body吖嘛😎✌🏻加小小甜蜜honey 🍯
-
晚飯後飲咗杯sleepyTime 草本茶 ☕️🫖
開始生效,有啲眼瞓,揀咗一個短篇的。17mins
Day 23 - Soar
Good Night & Nice Weekend
🥱🥱🥱
-
訓到攰晒。
呢句說話好矛盾😁十分鐘Yoga為nice and sweet週未打開序幕
Wake up the body
Wake up the spirit
-
Lunch完hea完,就趕返屋企上YTT的黃昏 online class。
今堂45mins練習....呼吸Box Breathing
導師’s導師 話「吸」入後的hold,是因為讓氧氣在身體內分怖好(internal ventilation)
而「呼」後的hold,是製造一個短暫的缺氧狀態,細胞CO2濃度高,當有氧氣再提供時,細胞便會更有效地交換/接收氧氣。
如是者45mins的box breathing
靜心🕉️☺️
-
-
朋友建議late lunch,因為周日想訓晏D,「好」啱我😅
朋友建議餐廳,亦係我top favourite,食物、安靜環境、枱與枱距離闊可以傾密計、唔會趕人走,性價比高!「好」合我心。
出門前趁有時間來個短篇Yoga
呢個session好得,全身都伸展過,「好」舒服。
三好的周日!☀️
-
Adriene with Yoga
Day 24- Explore呢個30 day challenge斷斷續續咁做吓,原來都已經第24日,今日呢個explore,起初唔知佢做乜,拉下腰咁,以為好似今早個伸展咁,原來係explore : Camel Pose
好耐冇做Camel pose,因為之前做親都有啲暈,有啲YouTuber都係咁講,可能係因為視線上有少少倒轉,自然反應會緊張,同埋個姿勢壓住氣管,有d缺氧咁。
今日跟佢循序漸進咁熱身去做,就好好多。😊
其實係好值得練習嘅動作,完成後,脊椎會幾舒服。
Camel Pose