新手爸媽投資 - Syfe



  • 因為自己睇開巴菲特,所以以前每年都會自己投資指數基金,玩被動投資
    被動投資簡單黎講就係無論升市跌市,都持續定期投資指數型基金,長揸唔放,因為大市長遠一定係向上升,透過長期咁樣嘅投資就會有一定回報,岩鍾意穩穩陣陣理財,長期儲錢嘅人

    自己不嬲信呢套,但想講個仔出左世之後真係勁唔得閒,要自己投資真係已經冇咩時間,最近見到投資App (Syfe) 都係做被動投資,先攞住10000蚊試,試係因為唔洗好似以前咁自己揀(貪方便),揀一個投資組合佢哋就會揀曬,入面有股票有債券咁

    呢排個市唔太好所以我揀咗個中間風險嘅穩陣啲(環球均衡基金),真係放喺到就得, 佢地會做自動調倉同股息再投資,管理費0.65%一年,計過如果我真係放喺到5年嘅話都係收300,但就番到幾千蚊,暫時覺得都可以,有待觀察

    大家用過嘅都可以 Share 下



  • 我自己都同你一樣係買開指數型基金,個策略就係就咁Keep住買+長渣,無論升跌都死揸,放長線 (要起碼5年)
    如果用呢類型 app 做被動投資 我覺得好處係相比憑自己認識揀股風險低啲, 而且簡單慳時間都有合理回報,但係你入市嗰舊錢係一定要預左長擺(就算中間有波動) 同埋唔會幾年內要用,呢個一定要留意自己能力同開支

    如果你自己認為自己偏新手又冇咩方向,被動投資係幾岩

    我睇左一睇呢個 app 係收年費,0.65% 都算平,都可以少少地試下嘅


Log in to reply