⋯純粹藉着歌曲抒發⋯



  • 昨天趁有啲時間,同個partner傾嘢。
    都合作咗幾年,希望今次都順順利利。
    🍀🍀🍀
    呢首歌好啱Feel



  • 六點半個天仲係粉藍🏙,無雲☁️,
    感覺溫暖和諧。

    事情只係慢啲,始終還是向前嘅。



  • 林志穎
    當年少見的陽光氣質



  • 命裏有時終須有
    命裏無時莫強求

    但係都未強求或爭取過,又點知命裏有冇呢?

    點都好啦,都係一首聽完好舒服嘅歌



  • 俗世幸有這種愛。流露人類至善
    能在這哀樂人生。令我心內暖🌤🌻☺️

    令人溫暖的好歌,雖然係好舊



  • 呢兩句,好有畫面:

    「同你披荊斬棘
    為你衝破前途路障」

    你:可以係人、未來目標、或當下的每天。

    不過感覺…係一首比較沉重嘅勵志歌。
    但真係好好聽🎻🎺🎷🎹🎵🎶🥁



  • 好朋友 分享佢年輕時.…
    手繪的漫畫原稿給我,
    趁今日放假小休,放鬆心情,
    可以慢慢欣賞

    睇漫畫確係要有一夥童心
    👶🏻🐱🐥🐯🍼🐤

    又諗返細個時,
    家中兄弟,就最中意呢套:

    PS. 真跡原稿,
    我小心翼翼地翻每一頁😊😊





  • 300兄,我 Boss 音樂總監 話多謝你。
    並送返呢首歌給你。

    留一半清醒~ 留一半醉~
    好配合你嘅瀟灑形象。
    😊😊😊



  • 舊到⋯無朋友🤷‍♀️🤷🤷‍♂️

    音樂總監波士 下次好可能吩咐我放粵劇🤣🤣

    啱嘅:
    永遠要面對好目前,否則,夢境都係一片胡言

    《明日話今天》



  • 最近移民台灣門檻降低

    令我諗起呢首歌:優客李林《認錯》

    唔好諗多咗,我冇錯要認呀😉,又或者係⋯
    又或者係…
    人老左就會以為自己做乜都係啱⋯⋯
    嘩哈哈🤣🤣🤣

    其實係因為一講台灣,就記得佢唱果句:
    太~悲~C~D~🎤
    (我聽到佢個City係無T音架🤣)

    另外,深刻印象係首歌好多假音,都幾好聽吖😉



  • 欣賞完 好朋友 細路時的漫畫真跡,
    內容除了充滿童真,
    後半部更是越畫越好。
    成本漫畫,剛好畫滿整本B5簿,
    係!係整本B5!📗
    真心係好佩服。🌟🌟

    故事尾聲,仲好有心思好似啲電影咁,
    幫下集舖路,更有新角色介紹及預告。
    我詞窮了,只好再來一個字:
    服!🤩🤩

    《預告》



  • 新一頁,背起行裝,又再上路💪🏼
    🚥🚥🚥🚥🚥🚥🚥🚥🚥🚥🚥

    風景多美 誘惑我去偷看
    無法不憧憬奪冠

    每日每夜為何戰鬥 ☀️🌙
    別人未明白自己傷口🤕🩸

    為了擁抱 難以成真的美夢
    你話這是幼稚 請幼稚試一試

    捱過今天、明天的試煉
    會在背後發現
    天際聚滿飛燕 🕊🕊🕊



  • 偶爾失去方向,不知所措,
    家裡總有人做我明燈💡💕
    叮一聲🔔,令我又見到前路⋯



  • 今晚聽呢首特別有mood咁:



  • 知道地球另一面,最愛的一老一少,
    終於可以趁假期休息下,輕鬆四圍走走,
    鄧佢哋開心🥳,
    希望重聚的日子不遠。
    不過要settle好啲野,都要以年計,
    希望疫情平復,方便飛下就好了。

    點解我成日以為呢首歌係「朱唇皇子」唱😂



  • 原來呢首歌係朱唇皇子?
    以前聽過,以為係黎明⋯😳
    兩個把聲好似
    黎天皇當年好似係用皇子嘅歌參賽
    皇子當年咁好條件,之後⋯實在可惜

    吳君如雙腿⋯真心話:又幾勻稱😍
    唔怪得,古天樂視佢為理想結婚對象😆😆



  • NO MORE SUMMER NIGHT



  • 在下識好少英文歌
    Thank you「英文全大階」兄 😊😊

    SHE.com 娛樂及音樂部 仝人



  • 要有強壯身心,活下去,長玩長有。



  • 咳、咳、⋯
    作為被音樂總監⋯

    當然要繼續自High ✌🏼🤣✌🏼

    做人唔自High下,同做條鹹魚有乜分別

    《南乳》正呀!





  • 好朋友 知我係三國迷,
    送咗一本三國演義畫集及人物點評給我,

    很喜歡佢💕⋯⋯
    ⋯送嘅呢本書。🤣🤣🤣

    又recall返好多故事內容,
    我好沉迷D人物分析書、網站的😅

    《千古蜀相》歌頌諸葛亮,冷門但又幾好聽。

    有感而發:
    細個時只知諸葛亮嘅才智,年紀大了反而更欣賞佢嘅忠心,出師表佢嗰句:「鞠躬盡瘁、死而後已」,表達佢對先帝劉備嘅追隨、感激。我唔敢肯定劉備係咪100%信任佢,但肯定係300%保護佢、氹佢,諸葛亮係好buy呢啲。所以,即使劉備死後10多年,諸仍不忘要完成劉的遺願:北伐抗曹、統一天下。因為當時佢哋堅持姓劉的才是正統漢室,曹操/魏 挾持天子以令諸侯的,就係反賊,要殲滅。歷史上,有孔明神人般的才華,卻又忠心耿耿、唔作反嘅,其實真係前無古人。

    諸葛亮亦唔係完全冇缺點,可能佢太聰明,太忙(軍師、蜀國宰相好多野做呀大佬😅),所以佢⋯

    (太長,下次再慢慢講)😊



  • 孔明缺點?

    軍師孔明,神人般才能,胸懷大志,做嘢自然博到盡,50歲的老江湖劉備,亦睇到孔明缺點,就係掛住做嘢唔socialable的性格,或無興趣”SoSo”。而孔剛剛加入一間「企業」,當時已經30歲,但「A零」工作經驗,就成了軍師,亦惹來他人嘅妒忌,劉知道自己身邊只有啲好打得嘅猛將,但一個會動腦筋嘅人都沒有,當然要處處維護呢棵小草,甚至連兄弟關羽、張飛都不悅,電視劇版本,劉備向兩位兄弟說:「如果我再聽到任何人說軍師的壞話,我便立刻會用刀刺穿自己耳朵。」(原著係冇嘅😆)

    即使之後豐功偉績,由於孔明工作好有自己一套,有時為咗達成目標,會連劉備嘅心意都未必完全跟足,例如赤壁之戰曹操大敗,該殺死或放生曹操這方面,孔自己決定了借關羽隻手放生,老板劉備知道後都有D surprised。不難想像,太叻太搏盡到呢個程度嘅人,係會容易得罪好多同僚。不過,劉備深知自己需要佢,當然會繼續容忍保護。

    劉備一死,護身符消失咗,旁邊嘅反對者就開始發功,所以出師表中其中一段「親賢巨,遠小人」,就是孔明對劉禪(劉備的兒子,扶不起的亞斗)的進諫。孔明亦開始步入他事倍功半的「事業低潮」。😔😔



  • 🤦🏻‍♀️🤦🏻‍♀️手誤,更正番:

    "Sociable"
    親賢“臣",遠小人

    播返D女仔歌先



  • 總監波士話,呢首歌應該有啲網友有興趣,吩咐我播吓。😊

    話時話,我嗰時太細未識睇,但首歌就好似成日聽咁。🎧🥁🪕

    點解我覺得鄭少秋唔似張無忌,梁朝偉似好多。😅



  • A女同事話Youtube auto play埋下面呢兩首歌,一聽就鍾意,佢乜鬼都話鍾意🤣。好啦!我都要學劉備做個好Boss🤣 深宵幫佢播歌。

    原來天蠶變喺198X年首播,當年麗的名劇,不過我哋兩個都冇睇過。

    (繼續玩精神分裂✌🏼)

    果啲 Bu bu 聲,我地聽到好痕😁但又痕得好過癮咁,其實係點整出嚟㗎呢?

    仲有天蠶變插曲,柳影虹,首歌、歌詞、尤其佢嘅唱腔⋯極度要心要肺。

    會自自然然忍唔住跟住佢唱,唔信你試吓🎤🎧🪕

    事~已到此永難改~
    莫非~世事常意~外~
    讓我哭千遍~ 滴了千點淚~
    誓約已經永不存在~

    Btw,MV中,伍衛國個女伴😁氣質好特別,少見,好靚。



  • BU BU 聲係抄星球大戰咁收音師周圍去搞嘢搵返來的聲音

    換到千般恨, 變成了柳影虹的飲歌, 每次見到佢唱歌,都必定有呢隻
    當年佢真係一曲走天涯, 紅遍東南亞

    關正傑是小弟至愛的香港歌聲, 巨聲, 超級巨聲!!
    但原來唱歌只係佢的 PART TIME.

    分享完畢, 送返首正歌俾大家



  • Thanks 300兄。原來係柳影虹成名之作,亞A 果然有光眼品味😉

    昨晚無意中聽到首歌,真係好有感染力,loop咗好多次聽,現代愛情故事冇咁激喇,但就令我同亞A 幻想古代啲人既感情。

    關正傑PT唱歌,都可以有呢個成就,勁!佢歌曲、聲線,有嗰種⋯無論發生咩事,都昂首挺胸向前行,老子有咩未見過!非常豪邁。

    發現有興趣有意思嘅事情,不妨花點心機造就一下,分分鐘可以闖出一片幻想不到的天空。🌈 🌈🌈🦄🦄🦄

    另一首麗的名作
    晚安☺️💤



  • 好嘅!既然隔離S版有網友Tip歷史題,咁我就放少少料。🤣

    本周預告:
    點解曹操特別鍾意人妻?(Juicy又正經的😍)

    alt text

    曹操除了是一個政治家、軍事家,他也是一個詩人,代表作:<<短行歌>>

    對酒當歌。人生幾何。。。



  • 又係呢個亞哥!10個Likes😍😍😍
    林子祥嘅飯碗都俾佢搶走!

    鍾意睇佢好唱得享受個樣😁😁

    最搞笑係,佢喺餐廳唱,但係有一句歌詞「餐廳憂鬱的你」,然後笑笑口指住班男人🤣



  • 三國故事當中,曹操特別喜愛人妻、甚至生育過的,反而不喜愛黃花閨女、青春少艾。

    原著沒有解釋原因,不過作者黃貫中不會無的放矢,有啲分析就咁講:

    1. 生育孩子

    魏蜀吳後代最多的是魏曹,曹操一早明白人丁、接班人的重要性,所以對他來說兒子越多越好,才能在當中選一個最優秀的接班人。

    曾經生育過的婦女,已肯定了有生育能力。另外古代孩子的夭折率特別高,懂得養育照顧孩子的婦女,比起一個毫無經驗的青春少女,對曹操更有吸引力。

    1. 政治婚姻

    曹操又未至於強搶民婦🤣,通常係打仗嘅時候,敵方將軍被殺,剩低孤兒寡婦,較年輕貌美的,曹承相就會收下。而本身做得將軍夫人的,外家必然顯赫,曹操能夠同她們家族結成姻親,對將來統一天下必然有利。夫人知書識禮,也能協助曹操教育孩子成材。

    曹操實施優生學策略,他兒子個個才華出眾。

    相反,劉備只得一個兒子亞斗,資質平庸愚鈍,所以後人都相信這是作者故意將兩者做一個對比。

    當然,我哋要用一個古代嘅心態,去睇以上嘅事情,不要用現代男女平等嘅眼光去批判。

    另外,電視劇作品,可能為了增加娛樂性,只簡單將「獨愛人妻」呢一個特點表現為⋯好色。



  • 原來早兩日
    有網友在R版R到出血🩸咁大鑊……

    正常不正常🤔??

    真係⋯⋯赤的疑惑

    除咗梅艷芳嘅歌聲,亮點亦包括兩位主持。👍🏼



  • la la la la la la la la la la
    這夜又在夢裡醒驚覺
    歲月悠然流逝悄然不知
    想起與你 細說舊夢
    感歎著世事如棋

    這夜~~ 多麼地想你
    就記著從前贈我的筆記
    星空遠看 回望極遠舊事 
    感覺仿似是一出出戲
    wo wo wo wo wo



  • 有D長,但冇諗過兩個極端喺廿四小時之內發生。

    昨晚正在為客人新launch project在 OT工作,等候同事交功課之際⋯⋯

    有個舊公司同事找我,電話傾咗一陣,話題去到行業上有啲行家利用自己嘅專業,因利乘便,走灰色地帶(其實應該話係呃錢),然後佢叫我:不如你都試吓,都幾好架(😳?!)

    原來佢打嚟,係想撩我「同流合污」😏😏,我打趣說如果我有一日走投無路或會諗下🤣,收線後唔再同佢聯絡算了,只係感慨佢講到非常理所當然,唔通而家犯法坐監常態化?😨

    其實我都係貪心嘅人,
    不過,可能我正財運一向都好過偏財運😅
    戇戇居居咁做嘢搵錢先至最啱我style。

    今日,又繼續戇居地幫個客繼續跟進壇嘢,有些少棘手,但最終都幾順利。

    而驚喜嘅係,個客 team lead 夜晚八點幾收工後, WhatsApp唔該我,仲讚我哋D嘢好professional ☺️☺️,其實呢⋯我一向覺得呢個客同我哋一樣,都係幾戇戇居居。😁

    好彩,抬頭望星空一片靜,依然有人共鳴。



  • 之前交俾人哋嘅一份功課,今日望返,發現⋯
    有個心形嘅? 🧡 😨‼️

    係D Bullet points 個 bullet,用咗心形🤍

    撞鬼🤦🏻‍♀️!呢啲「姣絲櫈篤」嘅演繹,並唔係我哋style😓,原因係用咗人哋template冇改返,仲已經出咗街一段時間。好彩係灰邊空心,唔係粉紅色心🤪。

    個客亦冇出聲,好彩佢個行業都係要有啲愛心嘅,咁都講得通嘅😅😅

    希望冇嚇親人👹💀

    或者而家,興係唔係都「食字+手指公」心心掛,只係我老土啫。

    不過最好係加埋⋯
    「食字+手指公」擦下擦下,咁就最好(i.e., $$) 😂😂



  • alt text

    好朋友借了畫家 鄭問 的《刺客列傳》給我看,平時好少睇這類書,俾我機會接觸一個新的領域。😊😊

    (《刺客列傳》乃司馬遷撰寫的《史記》五大主題〈本紀〉、〈表〉、〈書〉、〈世家〉和〈列傳〉, 共130卷的其中一卷。)

    我從筆者的自序嘗試了解下他的想法,大致上係:

    既然係歷史人物故事,我就嘗試拿起毛筆,以國畫技法畫出。也意外地發現水墨連環漫畫,很能表現蕭殺的氣氛來烘托出刺客們壯烈悲愴的胸懷。

    筆者並建議可以進一步欣賞司馬遷《史記》原文,必有另一番趣味。(我又上UT看了喇!😄)

    歷史同漫畫的Crossover,我覺得很有意思,繼續慢慢欣賞。

    首歌同本書冇乜關係,純粹⋯好聽😎🤓

    似乎冇一首相關既歌⋯🤔



  • 見到個MV吹樂器,如果VR技術再可以仔細一啲,可以同幾個朋友remote玩樂器jam歌,亦可以交換樂器玩,真係好有樂趣。😊😊

    元宇宙的終極境界,係結合現實世界事情與虛擬世界的科技和便利性,不過當然仍有很多爭議性例如冒充他人(Blockchain的cryptography 是否真的無堅不摧?)、假人(與設計得英俊瀟灑玉樹臨風的AI Chatbot談戀愛?)

    有機必有危,但肯定創意無限♾️!



  • 古今最出名的剌客, 非我莫屬!



  • 荊軻兄,你係《刺客列傳》壓軸果個,我唸都要睇多個零星期,先睇到你點刺秦王果Part,慢慢欣賞完,然後就去還書。🤓🤓

    既然你播劉永,我就播吓呢首:(羅嘉良)

    題外話:
    有傳劉永當年打第一任老婆打到廠,唔明點解黎燕珊仲要嫁俾佢。🤦🏻‍♀️



  • 每次面對工作上的新目標,尤其從來未試過嘅,都感覺新鮮又刺激,排除萬難達到目標之後,望返,都不禁同自己講:原來都唔係好難啫。

    呢段時間,又部署好下一步的目標,目標已經喺對面個山坡,大大聲同我講:你夠唔夠膽過嚟吖?

    我係要享受成果,並唔係其他人所說的為了享受過程。但只要深信呢個係正確的目標,有能力就要放膽去試,否則永遠唔會知結果。



  • 9/9 ☺️☺️☺️☺️
    是日好日

    好多人生的重要日子都在September ✌🏼
    Self, Career, Marriage….

    又特別鍾意燈籠節🎑🥮

    Video Call Breakfast: 咖啡、拔絲蓮蓉月餅🤣



  • 希望思念的家人平平安安,不論身在何方,都可以一齊看到明月皎潔。

    「但願人長久,千里共嬋娟。」

    ~蘇軾《水調歌頭》 (據說他思念弟弟而寫)



  • 「追~
    追不到也得追~
    成就最渺小的創舉~⋯

    呢首歌令我諗翻起2019年睇嘅一套戲《牛津解密》The Professor and the Mandam,講述牛津英語字典嘅主編、詞語學家James Murray 嘅經歷。

    James爭取到牛津大學支持佢主編字典,而手頭上有嘅就只有後院嘅小屋,同埋一兩個文書助手,資源極少,但係佢雄心壯志。

    後來因為編輯上發生咗小錯誤,俾人告,朋友替佢孭鑊被引咎辭職,James非常沮喪,因當時只係出到「A」字頭Volume One就遇到咁多困難,幾時捱到去「Z」?到自己死嗰日都未必可以完成,佢想放棄。

    那朋友鼓勵James:「你嘅目標並唔係在有生之年將全世界嘅詞彙輯錄,因為詞彙一定會隨着時代變遷而增加,你要做到嘅,其實係要建立最適合世人使用嘅字典標準,等其他人、後世人可以跟住你個標準做落去。」James又提起精神繼續努力。

    FYI,James臨終之時係編制到個P字。當然出版社繼續下去,成為今日嘅牛津字典。

    另外,故事中有個Mad Man,唔劇透啦。😄

    我好少睇戲,當年神推鬼擁買飛去睇,冷門戲,當時工作上好多沮喪嘢,呢套戲cheer up咗我。

    我無出版字典咁勁喇😄,但會繼續努力。



  • 呢兩個星期D野⋯
    超難超難超難超難⋯

    但點都要克服,
    I will grow through this pain~
    Lord, I’m doing all I can~
    To be a better man
    成為更好的人



  • 工作上最煩最重要嗰part,上個禮拜尾叫做搞掂咗。

    趁休閒時間,除咗鍾意聽歌,同喺呢度亂播歌😅,仲好鍾意聽吓啲奇案。

    其實,自YouTube 開張,咁多年來,由翁靜晶亞視個系列、花家姐東頭灣道99號、到而家原子檔案、探員X基本上全港嘅奇案都煲晒。(其實都唔係咁多可煲)

    唯一一次喺YouTube上俾錢,就係俾月費Join 花家姐東頭灣道,三個月錢一次過煲哂佢🤣。記得有一次去街時見到佢同朋友飲咖啡,有少少衝動想行埋去say hi,不過都係唔夠膽👉🏻👈🏻。😜

    每次聽奇案,都有啲衝動想讀心理學,不過冇時間啦,有時間望吓心理學書已經唔錯。

    甚至乎有讀心理學嘅朋友同我講,讀心理學其實唔係學呢啲。🤪🤪

    鑽研奇案幫助了解下人性嘅陰暗面,例如,有凶殺案源自人性嘅過分執着(eg 男200刀斬死已經分手的EX),或者長時間抑壓在內心的壓力,霎時間爆發(eg 嬌小美少女兇殺並鹽醃男友案),叫做近幾年嘅,多咗一啲邪教控制女士賣淫嘅個案,男教徒溫水煮蛙式PUA女教徒。

    聽完啲驚心動魄嘅嘢,好緊張呀😵‍💫😵‍💫,有種Take My Breath Away嘅感覺😁😁(我又亂播歌✌🏼)



  • 原來佢叫小海南
    原來佢唔只喺大排檔唱林子祥
    原來疫症前四圍去,單純地做佢喜歡做的事,
    原來佢係紋身師,搵錢就係為咗可以四處去唱歌。

    包括香港、倫敦、劍橋、東京、甚至非洲⋯
    多數唱beyond的歌

    掌聲,係因為佢真係唱得好好聽👏👏👏👏

    咁我都要用心做好我喜歡的事,仲要係做到最精最專!…我要「成精」👽👈🏻🤣

    可在YouTube search「小海南」:



  • 諗住今日大家都holiday mood,就安排集中進行工作上一個「小手術」,可以全神貫注,但點知又on and off有D小事要處理。

    咁都好嘅,大家都活躍係好事。

    又緊張又「煩忙」嘅一日,又播番首抒情歌曲,放鬆吓心情先😄😄

    如果個個客捧住啲錢,同我講首歌個名,就好了。😄

    未日落就發夢,不過我真係試過發夢上聯交所敲銅鑼。👑🤴👈🏻🤣



  • 到今早終於衝完要衝嘅嘢,沖杯instant coffee偷下懶先☕️

    近日個同事傾偈講起,佢話鍾意聽日本嘅情歌(佢識日文😅),覺得香港嘅情歌絕大部份都係「要生要死」,咁⋯又好似係喎。

    我冇聽下D日本歌驗證下有幾唔要生要死,反正我聽唔明啦🤦🏻‍♀️

    Hmmm…咁商業角度,呢啲歌先至激發或抒發到聽歌人嘅情緒,不過而家hk樂壇都⋯

    但都幾肯定嘅,多數香港嘅歌都係情歌啦,托賴在下喺呢方面冇乜煩惱,有時同另一半相處之間仲有小小sweet嘅感覺已經好滿足☺️☺️ ,不過我鍾意用情歌去表達我對一啲事情嘅感覺。

    例如,好奇怪呢幾日忙到死,都好期待每天嘅瑜伽環節😄,可能個身體習慣咗?或者知道做完個頭腦會變得清晰輕鬆,而上咗癮。唔會因為忙碌之類的漂亮理由而輕怡放棄自己喜愛的事情。😊😊💟💟

    我九唔搭八咁諗起「大家忙,多麼漂亮理由」呢首歌:



  • 同好朋友傾開感情生活,其實朋友已經到了「如想結婚就應該已結婚」的年齡,亦有女友,佢話想結架,但女友冇乜意欲結婚,事業女性?又唔係喎,甚至女方好想俾男的養 (咁即係咩玩法?🤔)過去呢幾年因疫情甚至唔多見面,好佛系的一對🙏😂💕

    咁回想返,我哋都係十分「佛系」的朋友,不知不覺,然後又不知不覺咁😅、隨心抒發、隨水而流咁.…可能咁就係佛系嘅真諦!🤣

    諗起呢套戲、同埋首歌~遇見 encounter

    「我遇見誰,(就自然)會有怎樣的對白⋯」


Log in to reply