茶館中 一碗茶 隨心想 隨手寫
-
Karl，係呀，好耐無見 :)
只要大家都安好，書友都安好，那就好了。
-
同意，人到中年，明白平安就好
所以返嚟見到你哋真好
-
2021.02.20（六） 年初九 藍天，很好的天氣
因一些舊人回歸，書的石屎關係版又活潑起來。
雖然我大多只在本線吹水，但書多了人氣，便多了點熱鬧。OMFG 出了那個「提點」書女不要心急找男友帖後，
有個化名「搵食男」的也出帖辯解他自己的搵食行動。
「搵食男」之前是用搵女友來行走關係版的。他說，他真的是想搵女友的啊，只是在他與女子上完床後，
他覺得對方未夠好到做他女友，故此他要繼續搵下去。
當然這個「搵食男」又被一眾書女唾駡。初上書時，遇到一個名 Cruise 的書男，他自言過往也是搵食的。
他坦言自己搵食條件不夠好，不英俊也不高大，所以努力做陪談員。他經驗是，只要陪談到一段日子，待得女子習慣了你，有了感情後才約見，
到時女子便不會怎麼介意外貎，而搵到食既機會便能大大提高。除了教書男如何搵食，他也教書女如何辨別對方是搵食的還是真心。
他說搵食男中亦有不同段數，最高段數的搵食男，是投入到連他自己都以為是在戀愛中。
可是，一旦獵物到手，他就會找藉口分手，因為骨子裡，他依然是搵食男。遇到這類最高段數的搵食男，該如何去分辨？
我認為時間是最好的試金石，讓他陪談一年二年甚至三年，真相必露。
-
@littlebao 人到中年，明白平安就好。
你這句話，令我想起多年前在一個佛學班中，台上老師問：「人生中最重要的是甚麼？」
台下一眾答：「健康！」
老師笑著說：「那顯示你們都有一些年紀了。」
隨即滿堂哄笑 :))))
😅😤😍
那是「志蓮淨苑」舉辦的「佛學基礎課程」，講師為趙國森老師。
趙國森老師話語風趣，生動清晰闡明佛理，兩小時課程中，不時傳出笑聲，確為教學高手。
課程共20堂，除了$20登記費，不收學費，對認識佛學有興趣的求道者，是很好的選擇。
-
到老年嘅話，甚至可能唔係諗「健康」而係「唔辛苦」，亦即係有福氣舒舒服服咁走。
呢個可能係活咗一輩子嘅智慧。
我媽媽呢幾年患咗兩種癌症，依家仲喺治療當中。老人家心態倒還不錯，覺得人老咗生病、機能退化，乃至到死都好正常，但求唔好太辛苦啫。
好似都無錯，但係作為子女，一定係諗有得醫就梗係醫啦，但醫到幾時放手係最恰當，真係一個謎。
以前醫療唔發達，生病求醫，兩條路，生或者死。到依家醫療發達，生病求醫多咗第三條路，半生不死。
諗下都可怕。
-
@littlebao said in 茶館中 一碗茶 隨心想 隨手寫:
到老年嘅話，甚至可能唔係諗「健康」而係「唔辛苦」，亦即係有福氣舒舒服服咁走。
呢個可能係活咗一輩子嘅智慧。
我媽媽呢幾年患咗兩種癌症，依家仲喺治療當中。老人家心態倒還不錯，覺得人老咗生病、機能退化，乃至到死都好正常，但求唔好太辛苦啫。
好似都無錯，但係作為子女，一定係諗有得醫就梗係醫啦，但醫到幾時放手係最恰當，真係一個謎。
以前醫療唔發達，生病求醫，兩條路，生或者死。到依家醫療發達，生病求醫多咗第三條路，半生不死。
諗下都可怕。希望令壽堂一切順利泰然。
可能彿道幫到妳面對人生的老病死。
-
老人家能接受病情，是子女的福氣。
小病望健康，大病想唔好太辛苦； 至于健康的，大多忘了健康，不停用健康去換取名與利。
死是一階段終結，而另一階段開始。 在悠長的旅途中，此生只是其中一站。
重要是看看還有沒有甚麼未了斷的事情，儘量處理好，到往生時，能一無牽掛。
-
茶 said in 茶館中 一碗茶 隨心想 隨手寫:
2021.02.20（六） 年初九 藍天，很好的天氣
因一些舊人回歸，書的石屎關係版又活潑起來。
雖然我大多只在本線吹水，但書多了人氣，便多了點熱鬧。OMFG 出了那個「提點」書女不要心急找男友帖後，
有個化名「搵食男」的也出帖辯解他自己的搵食行動。
「搵食男」之前是用搵女友來行走關係版的。他說，他真的是想搵女友的啊，只是在他與女子上完床後，
他覺得對方未夠好到做他女友，故此他要繼續搵下去。
當然這個「搵食男」又被一眾書女唾駡。初上書時，遇到一個名 Cruise 的書男，他自言過往也是搵食的。
他坦言自己搵食條件不夠好，不英俊也不高大，所以努力做陪談員。他經驗是，只要陪談到一段日子，待得女子習慣了你，有了感情後才約見，
到時女子便不會怎麼介意外貎，而搵到食既機會便能大大提高。除了教書男如何搵食，他也教書女如何辨別對方是搵食的還是真心。
他說搵食男中亦有不同段數，最高段數的搵食男，是投入到連他自己都以為是在戀愛中。
可是，一旦獵物到手，他就會找藉口分手，因為骨子裡，他依然是搵食男。遇到這類最高段數的搵食男，該如何去分辨？
我認為時間是最好的試金石，讓他陪談一年二年甚至三年，真相必露。何謂揾食？是上牀？揾食男遇上揾食女是誰吃誰？
這塵世有等價交易嗎？
-
森林 said in 茶館中 一碗茶 隨心想 隨手寫:
茶 said in 茶館中 一碗茶 隨心想 隨手寫:
2021.02.20（六） 年初九 藍天，很好的天氣
因一些舊人回歸，書的石屎關係版又活潑起來。
雖然我大多只在本線吹水，但書多了人氣，便多了點熱鬧。OMFG 出了那個「提點」書女不要心急找男友帖後，
有個化名「搵食男」的也出帖辯解他自己的搵食行動。
「搵食男」之前是用搵女友來行走關係版的。他說，他真的是想搵女友的啊，只是在他與女子上完床後，
他覺得對方未夠好到做他女友，故此他要繼續搵下去。
當然這個「搵食男」又被一眾書女唾駡。初上書時，遇到一個名 Cruise 的書男，他自言過往也是搵食的。
他坦言自己搵食條件不夠好，不英俊也不高大，所以努力做陪談員。他經驗是，只要陪談到一段日子，待得女子習慣了你，有了感情後才約見，
到時女子便不會怎麼介意外貎，而搵到食既機會便能大大提高。除了教書男如何搵食，他也教書女如何辨別對方是搵食的還是真心。
他說搵食男中亦有不同段數，最高段數的搵食男，是投入到連他自己都以為是在戀愛中。
可是，一旦獵物到手，他就會找藉口分手，因為骨子裡，他依然是搵食男。遇到這類最高段數的搵食男，該如何去分辨？
我認為時間是最好的試金石，讓他陪談一年二年甚至三年，真相必露。何謂揾食？是上牀？揾食男遇上揾食女是誰吃誰？
這塵世有等價交易嗎？
如果搵食男遇上搵食女，大家有相同既期望，就只係各取所需。但好多時“搵食”既人，係自己只係想要性但誤導對方有將來。
不過我覺得，果d“高段數既搵食人士”, 當佢未食到，佢係真係戀愛緊。只不過得到左，激情隨風而逝，就bye bye
-
恕我多事打擾一下，茶好似請大家回覆時只按「Reply」不要「Quote」
好啦，你哋繼續XD
-
@littlebao
多謝提醒 XDDDD
-
一唔小心露真身添... 算啦我都費事煩
-
@isoleucine oh~你都係用XDDDD，我哋肯定係同一年代嘅she友XDDDD
真身幾好吖，有親切感XD
-
@littlebao
其實你個名都好熟啊 XD 其實she要咁麻煩咁打alias ，係咪特登整蠱人，等人露底 XDDDDDDD
-
好在我媽媽都好豁達
連啲壽衣嗰啲都自己揀好準備好，後事想點辦都交帶我哋了
不過就同我爸爸嘅意見有啲分歧，再睇下點啦，盡量尊重兩位老人嘅意見，令兩位都滿意
同埋時辰未到就開開心心過，佢哋想點就點啦XD
-
@isoleucine 你認得我？？XD
想當年我都係R版一枝花（其實就係口水多XD）
-
@littlebao said in 茶館中 一碗茶 隨心想 隨手寫:
可以咁豁達，其實好難得
-
oh no....又用左quote。Sorry 茶 :(
-
@littlebao
係啊，好熟。應該有講過野tim XD
我以前周圍入去人地d thread到留言的
-
@isoleucine 咁一定傾過偈，以前我同我班fd長期喺首頁
感謝茶條thread畀我哋舊she友相認=3=
不過我移動返去你度啦，唔好騎劫茶呢度XD
-
-
各位高人，這線主要是給我作一些抒寫，不是作群體吹水用，所以我也是以日記形式發表。
但有時貴客臨門，賞面留言，我也會儘量按所留言回應。
只是，這線主要還是作我個人對事物所見所想的表達。
要群聚吹水，請高抬貴手，另開一線。
謝謝 :)
-
衷心感謝 🙏
-
@littlebao > 茶好似請大家回覆時只按「Reply」不要「Quote」
小包真有心 :)
其實都係按需要，呢度一响清靜寡人，通常只得一人發發謬論。
即有二人對話，甲說完話後，乙跟著的，自然就對應著上一段，故不用再Quote。
-
好在我媽媽都好豁達
連啲壽衣嗰啲都自己揀好準備好，後事想點辦都交帶我哋了
不過就同我爸爸嘅意見有啲分歧，再睇下點啦，盡量尊重兩位老人嘅意見，令兩位都滿意
同埋時辰未到就開開心心過，佢哋想點就點啦XD當人多時，為了清楚回應的是甚麼，Quote便是較佳選擇。
你媽媽都好好，把事情都預備好了。
想起幾個月前，親戚中有位老人家過身。
拜了數十年神 燒了數十年香的她，兒子竟給她行基督教儀式，
老人家的丈夫前年過身時，她還堅持為丈夫擧行佛教儀式，請僧侶誦經超度，
想不到後來身體日漸衰弱，意識日漸糢糊，連自己的身後事都作不了主。
她的另一位兒子便感歎說：「所以呢，在生時想食乜就好食，說不定死後連支香都無得食！」
-
家人確實應該尊重彼此嘅宗教信仰
我媽媽係虔誠嘅基督徒，所以我哋都知點做
同埋佢講明火化之後將骨灰撒去紀念花園
所以都知道晒要點做
我自己就登記咗中大嘅「無言老師」遺體捐贈計劃
希望最後可以為人類做少少貢獻
-
-
@littlebao 我自己就登記咗中大嘅「無言老師」遺體捐贈計劃
猜想你對中大很有感情 :)
-
乜原來OMFG咁勁㗎
我見過佢，唔知佢咁本事添。
不過諗諗下，都可能係…… 世界很細，我記得好多年前係我個blog post OMFG養嘅貓相，突然某日畀一女子pm我質問我同OMFG有乜關係…… XDDDDDD
-
Hi，無聊芝，歡迎舊人留言！
記得當時有位女子與 OMFG 在S版友好，但我已記不起她的名，直至見到你個名 :)
你沒有看到他在R版的帖嗎？ 那時在R版，確實頗轟動的。
你覺得他勁、有本事，因為你是他的朋友，你自然會較站在他那一面；
倘若你是那些給騙了身心女子的朋友，甚或是那些受騙者，你對他的看法，可能又不一樣了！
-
塵世間的紛擾, 都是鏡花水月
回想當年, 需有懷緬, 但都過去了, 現下就只剩一絲微笑
當年不管自己是誰
今日已不是當日的我
笑一笑, 未來的日子更美妙.
^^~~
-
收到指示
唔可以沉 ^^~~
-
謝謝。。。推
-
葉倩文歌聲優美清亮，感情流露自然而動人，唯一缺點是呼吸聲。
但這歌，呼吸聲幾乎不覺，聽著聽著，神思悠遠，迷失于過往情感歷刧中。。。
-
-
流金歲月 - 葉蒨文
去 流逝似金年月
如何令往昔留住 金光裡
難在雨中重遇
前塵事倍添凌亂
晴陽升上 斜陽歸去
無論愛是否有緣 茫然在匆匆中打轉
如夢逝去瞬息萬變
心一片 仍在嘆息懷念
仍然望往昔重現
無言的你無言的我
流逝去是苦與甜
模糊是當天一張臉 變得難辦
只有一片愁凝在臉
-
-
一稿兩投share danny嘅當我想起你先XD
雖然danny好紅嘅年代我仲細無乜印象，但聽返佢啲歌有啲都幾啱聽
-
@littlebao said in 茶館中 一碗茶 隨心想 隨手寫:
一稿兩投share danny嘅當我想起你先XD
雖然danny好紅嘅年代我仲細無乜印象，但聽返佢啲歌有啲都幾啱聽
所以搞到 D 人依家成日係度
等.......................寂寞到夜深..............
-
-
@chauko said in 茶館中 一碗茶 隨心想 隨手寫:
雖然danny好紅嘅年代我仲細無乜印象，但聽返佢啲歌有啲都幾啱聽
能夠叱吒風雲的歌手，總會有不少飲歌。 可惜，35歲就走了。
吸毒引至昏迷
救唔返
-
danny走嗰時我就有印象了
-
2021.03.03 （三） 寒涼、微雨
香城在公開接種疫苗首日（2.26），有一名患糖尿病男子，在接種後48小時內過身，成為首名接種後亡者。
關于這，事件的發展很有點渾水。
這疫苗在國內不許60或以上接種，但在港反而鼓勵年紀大的接種，真使人丫頭！
男子63歲，這年紀街坊稱之為阿叔，但有些傳媒却稱之為63歲翁，像是故意把他叫老了。
男子28號凌晨1點半因呼吸困難入急症，搶救無效清晨6時離世。
消息一直沒公佈，直至生果3.2晚爆出，衛生署才開始跟進。
高官在推出疫苗前，曾言，若接種疫苗後身故，又能証明與疫苖有關，60以上賠200萬。
現在真的有人走了，關鍵是「與疫苗有冇關」，專家結論當然是沒關係。
而且還把接種的責任全推給長者，叫長者清楚自己身體，不受控就唔好接種。
簡而言之，接種後無事就係長者知道自己身體；有事就長者係懵丙。
無論點都好，都係關义事，一個仙都唔會賠。 AO AO，問責 A 字膊，做事叫人 O 晒嘴。
呢班 AO，錯失咗一個幫呢隻疫苖賺大錢既黃金機會。
人呢~ 遇到問責好多都想 A 字膊，但就好要求人吔 T 字膊。
高官若能拍心口，上：「好，既然因呼吸困難入院，又在48小時內走，就賠200萬。」
嘩~！ 咁做既話，不得了， 肯定指明打呢隻疫苖人數爆燈！ 無事免費針，有事200萬，無得輸！
又點會搞到如今，掀起大批退針潮呢~
-
唉~
講真，你話接種疫苗有風險我可以接受，但班官事前事後嘅處理都令人無言以對
-
2021.03.04（四） 陰寒、微雨
美國傳統基金會最新經濟自由度指數，香港及澳門不再包括在排名內。
香港去年在全球經濟自由度排名第二，而在之前，香港連續25年被評為全球最自由經濟體。
從今之後，在鬼佬眼中，香港再不是擁有獨立自主經濟體，而是緊緊聽從中央指示的城市。
不再是巴巴閉閉，昂首闊步的女強人；而是低眉垂首，凡事仰望阿爺的順嫂。
這些，都是在上位者所希望的罷，與國內城市無分彼此，融為一體。
求仁得仁，可喜可賀！
-
從那天起已變成"香港村"了
可喜可賀! ( 其降格之快真是史無前例! )
-
2021.03.07 （日） 陰寒
昨日與親朋往apm的百樂門飲茶，因為疫情，沒有以前那麼擠擁，也沒那麼嘈雜。
點心較前貴了不少，也難怪，要生存下去的嘛。
酒家，沒有酒擺，沒有幾千一圍的生意做，能撐下去的，已經很有本事了。
親朋說，原本想去打疫苗，但63歲男出事後，便不敢了。
吹水後回到家，才知又發生個案。
今次是55歲女，星期二（3月2）打針3日後（3月5），因有中風跡象入廣華，延至凌晨4時多不治。
兩逝者那麼巧，都是在官涌體育館接種；而且都是，由不適至往生，都是在很短時間內。
會不會有200萬賠償？ 99.99％不會有。
誰叫你 三高、長期病患都去接種！ 仲要搞到班高官多好多野做！
兩位仁兄仁姐，雖然不幸，但却引起警號，可能因此而救了不少人，請一路好走，能往生善趣。
-
2021.03.08（一） 陰寒、微雨
今日又一宗接種疫苗後數天內身故個案，71歲男，身體狀況尚算良好。
3日接種疫苗，7日感不適，入院後搶救無效，8日凌晨離世。
同過去兩個案一樣，由感不適至離世，一日之內，真快。
雖然國內及澳門都不允許 60以上長者接種疫苗，但講苦仍埾持繼續。
以後在接種中心門上所貼通告，應加多一項：
「溫馨提示：義勇長者，您們交代晒身後事未呀？ 未既話，先交代，再黎打針啦！」
-
2021.03.11（四）晴而清涼
今日又有一位打針後往生。
做做記錄先：
2月26日公開疫苗接種，60或以上長者優先。
第一宗：男子63歲，首日（26號）接種，兩日後28號凌晨1點半因呼吸困難入急症，搶救無效清晨6時離世。
第二宗：女子55歲，3月2 星期二打針，3日後星期五，因有中風跡象入廣華，延至星期六凌晨4時多不治。
第三宗：男子71歲，3月3日接種疫苗，3月7日感不適，入院後搶救無效，8日凌晨離世。男子平時健康良好。
第四宗：女子70歲，9日前接種科興疫苗，今午(11日)暈倒，送往廣華醫院，其後不治。
四宗都有共同點，由不適入院至離世，半日之內。
唔怕一萬，至怕萬一。 長者若仍要拍心口上，打疫苗， 便要留意如上的「溫馨提示」。
-
2021.03.14 （日） 天晴
到今日，已共有6位長者打疫苗後往生。
開始接種疫苗前承諾的，200萬賠償，給專家一句「無直接關係」推掉了。
不如專家說清楚，甚麼才算是「有直接關係」，能拎到賠償。
諗起呢度搵食男，未上床前百般承諾，上床後就話之你！
最近聽到港台訪問杜琪峰。他的「槍火」，看到第三次依然覺得很好看，真是經典。
