可唔可以幫下小妹?食避孕丸會唔會有後遺症?



  • 我同bf都係第一次拍拖,想上嚟問吓咁多位sis ,如果避孕丸食得多會有後遺症嗎?



  • @Quintna 呢位妹妹識得問人都係好嘅第一步,姊妹們一定要愛惜自己身體 但我想話你知你食避孕丸唔代表你男友唔駛戴套,呢點你要記住,呢樣野係雙方都有責任! 至於你講副作用,我自己以前食避孕丸一開始有啲作嘔作悶,不過一兩個星期之後就冇事,連續食咗幾年之後生B,唔覺有乜後遺症



  • 好多人話食避孕丸又會生唔到仔又會變肥.. 其實係誤解 我自己最清楚,我食左都有2、3年,一直身體健康 如果你上網睇下d報導,其實好多權威既醫學研究都指避孕丸可以減低卵巢癌等等婦女病風險



  • grace said in 可唔可以幫下小妹?食避孕丸會唔會有後遺症?:

    好多人話食避孕丸又會生唔到仔又會變肥.. 其實係誤解 我自己最清楚,我食左都有2、3年,一直身體健康 如果你上網睇下d報導,其實好多權威既醫學研究都指避孕丸可以減低卵巢癌等等婦女病風險

    唔好意思..你話d人講食避孕丸會肥係誤解?...但係我都真係有聽過好多人都咁講啊><



  • Quintna said in 可唔可以幫下小妹?食避孕丸會唔會有後遺症?:

    grace said in 可唔可以幫下小妹?食避孕丸會唔會有後遺症?:

    好多人話食避孕丸又會生唔到仔又會變肥.. 其實係誤解 我自己最清楚,我食左都有2、3年,一直身體健康 如果你上網睇下d報導,其實好多權威既醫學研究都指避孕丸可以減低卵巢癌等等婦女病風險

    唔好意思..你話d人講食避孕丸會肥係誤解?...但係我都真係有聽過好多人都咁講啊><

    人講你就信,我食咁耐成個用家係度你又唔信 無語 佢地可能係食埋健康院嗰d舊牌子,而家有避孕丸有唔怕肥成份,search下DRSP成份,可以舒緩水腫同埋唔會增加體重... 貴係貴d, 但係唔怕肥都值返晒啦,你自己研究下啦


Log in to reply