好唔開心, 點解愛情路上唔可以平坦d, 好憎自己以前既所作所為, 對未來失去信心

what's wrong?

以前有一個好好既男友, 拍左好多年, 但既然為左一個衰男人, 佢令我男友飛左我, 而佢同我講會照顧我, 會同我一齊, 點知一年幾後, 佢同我講分手, 話我唔arm佢, 佢仲識左第2個, 佢令我無左一個對我好好既男友, 而家佢又唔要我, 我三十幾歲喇, 乜都無, 好灰, 好唔開心

對愛情失去信心, 對自己亦失去希望, 好憎以前自己既貪玩, 害左自己既一生

三十幾??

過去左喇~ 多左經驗~繼續努力

三十幾歲喇, 再努力都唔一定找到, 雖然過左去想什麼也不可能改變, 但是, 夜深人靜時, 想起我以前男友對我既好, 我竟然做出傷害佢既事, 我好傷心, 亦接受唔到自己, 想起個個衰男人既所作所為, 令我嘔心, 唔知當時點解會接受一個咁差既人

總算叫做有點回憶........

kaplan,

天意, 唔好自責, 向前望

經一事，長一智，人總要有經歷，先會成長。

我以前男友已經結左婚了, 有個幸福既家庭, 他和我分手時, 亦叮囑我要改下, 認真對一段感情, 我有, 每一次當投入時都係百分百, 亦希望另一半好, 希望可以和他終老, 但奈何那個人真的太傷我心了, 沒想到他會跟我分手, 我對他好好, 但他沒有珍惜,反而覺得我冷落他, 他用這個藉口跟我分手, 叫我怎樣接受？傷得很深, 跌得很痛

你懂得珍惜日後既另一半已經係你最大收獲

三十頭定尾 ??

每次我發現自己既問題, 都會努力去改, 我唔係一個溫柔既人, 唔夠細心, 因為工作關係, 我已經盡量train自己要強一點, 否則會俾人恰, 佢識左個女仔, 有錢, 對佢細心, 佢就變心, 將他以前既承諾全部忘記

john,

三十頭定尾有關係嗎？

好有關,三十頭都仲有一線生機,37,8則肯定死路一條.除非你保養得勁好

kaplan

如果佢其實係要一個細心既女仔, 佢都始終唔會屬於你

john,

咁好彩我都唔係死路一條, 不過都已經去到絕路, 因為圈子少, 樣唔靚, 亦唔係什麼好性格既女仔, 邊有人會like, 所以都要準備定孤獨終老

咁你點準備 ??我公司有幾個女仔三十幾,36,7,8都有,我敢打賭佢地肯定會孤獨終老.但或者唔係壞事黎既,總有人要犠牲.

hc,

佢初初係我男友手上搶返黎既時候都知我係個點既人, 唔明點解到而家先咁樣講, 佢唔掂,我幫左佢好多, 佢都唔珍惜, 我對佢好, 佢唔覺, 無辦法, 我都好無奈, 分手時佢講佢都付出好多, 叫我唔好再blame佢

有時都唔關你好唔好，佢花唔花心既問題，。只歎大家有緣無分

john,

我而家努力儲錢, 希望可以唔駛靠男人都可以生活, 盡量適應一個人既生活, 以前慣左要人陪, 而家食野, 去街都係一個, 慣就仲未慣, 不過俾d時間, 希望可以接受到, 新年都會收埋自己, 唔想收利是, 因為好醜, 我d下屬都俾我, 我都唔好意思再收, 個個同我講下年好派喇, 你估我唔想咩, 有口難言

lemon,

可能係啦, 緣份既野真係好難觸摸, 唔知什麼時候先來臨

kaplan,

你都係30頭, 裝扮自己, 再戰江湖, 出面仲有好多機會, 加油

hc,

多謝你, 希望上天會再俾機會我, 去搵我既真命天子, 唔想再遇到衰人喇, 無氣力去再輸, 輸唔起, 亦對自己失去信心

kaplan,

上天只會俾機會有準備既人, 所以你要振作, 個個衰人其實係上天派俾你, 等你學識珍惜同認識你自己

咁你點準備 ??我公司有幾個女仔三十幾,36,7,8都有,我敢打賭佢地肯定會孤獨終老.但或者唔係壞事黎既,總有人要犠牲.

by john - 03/04/07 00:44

咩時候都希望別人可以開心既~ 可能人地聽日就遇到都唔定~ 祝福下人地啦

yuiop[,hc,

多謝你地, 好在都有你地支持下我, 我心情好返d喇, 我會努力去尋找, 上天其實對我已不錯, 係我自己受唔起考驗, 才會失去那麼多, 人大了, 要知道時間唔多, 更要爬起來, 我會努力架喇

^_^ 加油~ 祝你開開心心

kaplan,

你應該多謝上天, 多謝自己

老套講句, 人誰無錯

下面個幾句, 你都識啦

hc, yuiop[,

知道, 當取個經驗, 以後不要再犯錯, 希望你地都開開心心

男/女朋友何需尋尋覓覓，緣份到，上天自然會安排你/妳們遇上。是你的便是你的，不是你的亦不用強求。不要灰心喔！

晴雨公仔,

我圈子窄, 本想不強求, 但朋友都說, 愛情不會什麼都不做, 守株待兔就會從天降的, 身邊全是女性, 同事全已結婚, 年紀輕的不會考慮, 那怎麼辦？看來我亦需要積極一點, 但在此認識的又怕有壞人, 雖然亦知道這裡很多好人, 但也認識過一些不認真既人, 不想再hurt了, 受不起任何挫敗了

kaplan,

你真係唔好係度搵男朋友

hc,

係啊, 係度搵真係有擔心

hc, 你係女嗎？

我覺得係網上識嘅唔係咁穩陣。我咁樣講可能得罪好多人，呢個係我個人睇法姐。我始終覺得有緣千裡能相會。當然愛情不能什麼都不做，而是要有目標才做。

晴雨公仔,

我都覺得係, 因為個衰人都係係網上識既, 果時真係唔帶眼識人, 以為佢對我好, 佢hurt得我好深, 呢世都唔會忘記個傷痛

雖然係度識唔穩陣, 但我都知有幾個成功既例子, 只不過我無咁好彩, 或者我唔識得分好壞先令我有今日既下場

kaplan,

我就係衰人, 你咁多資料留低, 想搵你笨話咁易

問題係, 我同我d壞朋友會唔會做囉

hc,

我無留低資料wor

kaplan,

你成個故仔留低咗, 如果你係度話搵男朋友, 又會add既話, 想呃你話咁易

唔好覺得自己唔夠運，佢(個衰人)都曾經令妳快樂過妳先會對佢好。其實妳要將傷痛忘記，想多D開心嘅回憶，令自己心情唔好咁down

我無打算係度識男朋友, 放心

不敢向朋友傾訴, 更不會向家人說, 有口難言,只是無對像可傾訴, 想找些網友傾下, 消磨下時間

kaplan

當初你男友對你不停付出但你貪心覺得唔夠,到你同第二個一齊其實情況一樣只係角釋掉轉左啫,你今日ge痛就等於你ex的痛,好多女仔都同你一樣,到無左先知邊個好.........

不過無論如何都已成過去啦當上左人生ge重要一課啦goodluck........路人甲

Kaplan,

雖然之前發生的事可能令你好辛苦, 或者對男人失去信心, 更對自己失去信心... 而且更對之前所做過的事感到後悔. 但係世事真係得一個結局的嗎? 如果連對自己都失去信心, 你覺得別人會怎樣看?

自問一句, 之前與ex GF拍施8年先分手, 到自己30多歲才識現任GF, 雖然她的年齡比我大, 但相處並沒問題... 我覺得, 無論30頭又好, 30中尾也好, 最重要是自己有氣質, 這樣別人才會欣賞....

Kaplan,

多事一句, 單身也有其可愛的地方, 可轉用另外一個角度, 嘗試去享受一下...