隨想//一佰02//錯愛
-
有一個朋友，
佢經歷過一段痛苦嘅愛情，
佢選擇放棄人生 ，放棄自己。
分手後佢每天好努力工作，
一來佢真係好需要錢去過活，
二來廿四小時對佢嚟講實在太漫長，
佢需要工作去消磨時間，
閒時寫下blog 舒發對前女友嗰種思念，
漫漫長夜，佢會去酒吧買醉直至天光。喺佢單身頭幾年，
身邊都有好多條件好嘅女人出現，
可能佢未走出情傷，所以佢冇揀到，
又或者咁講，佢未遇到一個令佢心動嘅人，
年復年，佢開始覺悶，
唔想再一個人食飯，
唔想再一個人睇戲，
唔想再一個人去旅行。呢個時候佢喺blog 度識咗個女仔，
個女仔唔算係靚，普普通通，
但就好被佢所寫嘅文章感動，
深深愛上咗佢。
佢哋開始約會，睇戲，食飯，去旅行，
佢雖然心裡唔算得上十分愛呢個女仔，
但亦唔抗拒，可以接受嘅…
佢就係用呢種心態去同呢個女仔開始。佢對呢個女仔好好，
個女仔想點，佢都會盡量滿足佢。
拍拖未夠一年，個女仔要求同居，
佢無所謂，
同居6年，個女仔要求結婚，
佢無所謂，
結婚一年，個女仔想生小孩，
佢無所謂……到今時今刻，佢哋一齊咗接近十年，
但你問我呢個男人過得快樂嗎？我不認為。
因為佢娶嘅女人唔係佢心裡愛嘅人，
佢已經放棄愛情，
佢只係想簡簡單單搵個伴，
過埋下半世啫~ （續）可能你會問：相處咗十年咁長時間，
都唔可以令佢愛上另一個女人咩？
我個人認為，如果兩個人之間冇“真心”，
即使對住呢個人十年、二十年，
都唔會真正愛上佢。
-
很多當年是真心相愛的夫妻也各散東西.
你故事中的男主角和他的妻子,是有份無缘
男主角和他舊情人是有缘無份.
善哉!
-
人生苦短.
那位男施主又為何要執着呢.
-
感情嘅嘢，唔係當時人永遠唔會明白呢種感覺~
-
@Amormi
你也說得對.
在感情上的"是但". 很可能會累人累已.
-
就因為佢當初對感情的“是旦”，造就佢今天必須要負的責任，即使佢今時今刻再遇到所愛，都已經無能為力了……
-
推推推
-
推推推
