《PopWalk X emoji™ Summer Adventure》暑期大歷險

[ideaking8521]

全港首個真人emoji™ 扮嘢大賽 及化妝派對
PopWalk X Afternoon Market 再次聯辦《文青仲夏夜市》玩轉世盃決戰夜
限量夏日特別版禮品換領 海陸空全情陪您放暑假

（香港，2018年6月4日）適逢四年一度嘅世界足球盛事又開鑼，全城進入運動狂熱﹗今個夏日大家齊齊走出冷氣房，到戶外同陽光一齊玩遊戲﹗PopWalk 天晉滙今年首次與風靡全球嘅emoji™合作，攜手打造夏日動感滿FUN嘅暑期活動 《PopWalk X emoji™ Summer Adventure》暑期大歷險，將emoji™由手機嘅線上世界帶到商場，除左以海、陸、空夏日活動為主題嘅場景裝置外，更會加入多項為大人細路度身而設嘅夏日精彩活動，讓您與家人好友度過炎炎夏日﹗

場內特別打造成多個夏日冒險場景，讓人馬上投入暑假﹗戶外長廊更有3組巨型球類活動，全面發放運動狂熱﹗今年仲夏，更特別再次與Afternoon Market合作，帶嚟《文青仲夏夜市》，各文青記住Mark 實日期，約埋好友嚟尋寶﹗市集其中一日仲會舉辦 《PopWalk X emoji™化妝派對》 及 全港首個《emoji™ 真人扮嘢大賽》，俾各位粉絲打扮成最喜愛嘅emoji™﹗夏天消暑嘅最佳方法，又點少得去Shopping呢，為左幫大家慳盡每一蚊，PopWalk特別推出《夏日家居展銷》，多款家居實用貨品將以低價發售，買得心頭好之餘仲可以換埋精美禮品或現金贈券，一舉數得﹗另外，PopWalk更加聯乘區內商場推出 《Summer Shopping Fever購物王消費獎賞》有機會賞你與好友一同入住將軍澳區酒店嘅「球迷」派對房開P欣賞決賽﹗《emoji™ 狂舞團》更會不時到現場為您打氣，想同佢地嚟一個勁舞battle，就要密切留意啦！鐵粉萬勿錯過PopWalk天晉滙同上水廣場聯手推出嘅限量emoji™夏日禮品，一系列精美紀念品等您換領﹗

3D emoji™夏日海洋冒險 戶外歷奇打卡位率先睇
PopWalk今個夏日將虛擬手機世界嘅emoji™帶到商場，10多個不同造型嘅emoji™遊走三期商場，陪您玩盡暑假﹗PopWalk二期中庭化身成夏日海洋冒險場景，30多度高溫下，黑超笑臉emoji™做足防曬措施，準備好大顯身手﹗心心眼、微笑和單眼emoji™已經急不及待搶先大玩各種海、陸、空海上活動 - 衝浪、快艇、跳降傘、瀡滑梯零難度﹗海面上特大版瞇瞇眼emoji™等緊您坐香蕉船出海乘風破浪，齊齊海上暢遊擁抱陽光。矇豬眼emoji™玩到攰，偷偷地游到1期地下中庭充滿熱帶風情嘅高腳屋旁邊，歎住冰涼什果賓治，享受炎夏靜謐時光﹗仲有多個emoji™ 喺2期戶外露天長廊擺放擂台陣，等您嚟挑戰巨型版籃、足和排球球技﹗玩下玩下又嚟到3期中庭，型格黑超emoji™已經紥好營地，準備好camp fire等您嚟開營火會，開心唱遊﹗