比屋企人日鬧夜鬧



  • 由細到大成日都比屋企人鬧,次次爸爸媽媽放工返來都會好燥底,第一件事就係鬧左我先
    而鬧既內容係可以好冇道理, 因為我通常放工返到屋企都會係到煲劇/聽歌輕鬆下先
    佢地就會鬧我係到哂時間,而唔去做家務,但其實我覺得做家務係全屋人都有份
    點解次次都要我一個人做哂,我都有比家用,仲要比左份糧既五成
    相反細佬日日係屋企做廢青就冇人話佢,d家務就要我一個人做哂,做得慢又鬧,做少樣又鬧
    煮飯洗衫拖地洗碗大部份都係我做哂,我返工已經好攰好辛苦仲要成日比上頭鬧
    唔明點解返到屋企仲要受氣咁辛苦
    到底比屋企人鬧係咪應該道歉先可以令佢地停?我次次唔出聲都要比人鬧成個鐘
    如果唔係出邊咁貴租我真係搬走算,日日比人鬧到頂唔順,次次返到屋企都好大壓力
    一聽到開門聲已經感覺到頭痛,有時寧願放工ot都唔想咁早返屋企
    晚晚都壓力大到訓唔着,日日只係訓得4,5個鐘,第二朝起身又冇精神而且成個枕頭都係頭髮
    我真係驚有朝一日我會頂唔順依個家庭而做傻事



  • 你要比份糧既五成屋企,其實已經夠錢係出邊租個細單位

    真心覺得你依個情況就走啦,唔好再留係到



  • 我屋企人都係咁....當我係出氣袋,又係放工返到屋企心情唔好就會鬧我來出氣

    踩到我一文不值,有時都真係幾灰....不過我都習慣哂



  • 感覺你既情況已經好嚴重,咁樣落去都唔係辦法

    不如去朋友屋企住幾日?你唔反抗佢地只係會變本加厲





  • 既然已經比屋企人影響到你既生活精神同健康,我諗你要好好考慮下點樣去解決問題

    同屋企人坐底傾下,講明你已經咁大個人唔想再比人鬧,家務亦都唔係你一個人既責任

    如果佢地仍然係咁無理取鬧,離開依個家係你唯一既方法

    另外你已經搞到日日失眠唔夠訓頭痛又甩頭髮都幾係野,我諗你可以去試下睇中醫調理下會好D

    我見到之前有間野叫德善健髮話可以經絡刮痧,消除頭痛,又有中藥外敷去改善脫髮,我以前壓力大甩頭髮果陣都去試過幾有效





  • 好慘 我之前壓力大都試過甩頭髮
    甩到係要去睇醫生
    中醫西醫都睇過 最後都係靠中醫先好返



  • 咁情況真係好影響生活同情緒
    既然自己有返工有收入, 如果真係同佢地唔掂
    有冇諗過自己搬出去?


Log in to reply