真人故事



  • 我跟他一起了五個年頭....
    起初我地係朋友介紹~佢比我細2年...本來我真係接受唔到...
    經過一段時間既認識..我覺得佢好好仔佢亦未拍過拖...
    起初佢真係真係好錫我....咩都以我為先....有咩野食..優惠之類都比我先...我都覺得好幸福
    曾經大約一齊左一年度我亦貪玩係網上識左個男仔....當然只係食過一次飯...咩都冇做過....但比佢發現左....當時我地喊哂...我求佢原諒..自此..我冇再錯呢樣野..
    佢一直都係話想同我結婚...叫我做x太...我都一直以為我會是...我會做到架....
    係一齊3年時我有提出過分開...因為覺得佢有時好燥...但係佢當時不停的哄我...話3年感情唔想就咁冇....
    之後我認我唔好.....我有時會發脾氣唔夠聽話...激嬲佢...所以到左第4, 5年我地成日嘈....
    到左第5年佢有一日話佢想冷靜一個月....呢段期間我不停迫佢要佢決定...後尾佢話要同我分手....我真係好傷心....我經過去我地拍拖時既地方尋找我地既回憶.....我真係好後悔...好想同返佢一齊....到現在分開左7個月....我地係有聯絡~~~但最近都只係我一直搵佢....因為早一陣子我做左d好過份既事激嬲左佢....其實我真係唔想架....但我真係好心急...我自己好想同佢係返埋一齊...



  • Love is over



  • 真係無可能一齊返?



  • 重新上路吧!



  • 應該可能沒



  • 接受現實吧



  • case 同我一模一樣.但我係男,但係N年前既事,"當然只係食過一次飯...咩都冇做過"當時佢有同我講同朋友食飯,唔想騙我,沒有什麼特別事,但我寧願她當時騙我.因為她當時知道那男人想追佢.(我仍記起他們看過電影名稱)既然有另一個人可以取代自己,自己再愛她亦沒意思.可以KEEP到再5 年/10 年?又有另一個人出現.這証明我根本不是她要的類型.同妳CASE相反,我主動找她很多次.但她已告知同新男友,見晒家長,去了旅行.並告知電話費很貴,那痛直到現在.另我沒法投入另一段情,我恨自己那麼愛她.可能一世亦不能忘記.



  • 因為早一陣子我做左d好過份既事激嬲左佢



    what did you do?



  • 迷同一生中最愛 你們不如做個朋友 我講真的

    幾夾丫你地 男仔快d留contact 啦



  • 我沒有沒有做過份既事,激嬲佢,如妳舊男友一樣,當妳是一生中最愛,只是妳的任性,若即若離,令他卻步,最後發現自己根本不是她要的類型,寧願自動退出,我估妳男友仍喜歡妳,妳至少妳試下再次找他,好過妳將來後悔一生.我沒有遺憾,因我當時有試過挽救,即使失敗了.如賽跑一樣,向著目標盡力丟跑,輸了都一生無憾.



  • johnny replied at 2015-05-05 9:38 pm

    ---------------------------------------------------------------

    因為早一陣子我做左d好過份既事激嬲左佢



    what did you do?

    ===============================================================

    問迷



  • 版主應同一生中最愛認識下 我講真 男仔留番個contacts la



  • 謝謝各位回覆



    我居然傻到喺fb狂tag佢in a relateionship令佢勁反感,最後佢仲del埋自己fb,話我好過份好討厭,其實我自己回想起都覺得自己好過份,好似不停迫佢咁



  • 我努力挽救佢好似愈反感ˊ_>ˋ



  • 雖然分開左7個月....但我依然好想有機會復合>.<



    佢既家人都好好架...好鐘意我, 對我唔錯(我自己覺得)我自己亦都對佢地好好....新年...中秋一定會買禮去拜年等等...



  • 點解男士會話散就散..5年既感情真係會咁脆弱..佢聲稱冇第2個.....



  • 迷 replied at 2015-05-06 9:58 am

    ---------------------------------------------------------------

    點解男士會話散就散..5年既感情真係會咁脆弱..佢聲稱冇第2個.....

    ===============================================================

    妳好撚煩...



  • 我自己都知....



    我自己都好想狠狠地咁消失....



  • 只係想知有冇人試過分開左都可以一齊返......>.<



  • 點解一定要一齊返?

    呢個世界無話邊個無咗邊個唔得架

    你未同佢一齊之前點過,依家就點過囉

    要對自己好啲



  • Let it go. 放過自己。



  • 比D時間自己,亦比D空間對方。

    有緣的話,始終會喺埋一齊。



  • 多謝大家既意見....



    但係我而家可以做既係咪唔好煩著佢....完全唔好搵佢呀??



  • 我諗如果佢冇心想見你,你煩住佢咪仲衰?不如過一排先,你自己都可以放下一陣。等大家cool down左,再搵佢,真係有緣嘅,佢真係中意你嘅,會冇事嘅。



  • 多謝你hahason



  • 客氣了



  • 我都好少咁感性,但都祝你願望成真,永遠快樂。



  • 先決條件妳是否已改變,如果跟以前一樣,盡早結束,不要勉強自己做取悅他的行為,將來結局還是一樣,但記住改變的不是自己說,而是對方感受,如果還有機會見面就好好把握由朋友從新建立,沒有了就直接放棄,希望妳能明白我所說的,祝妳好運



  • 謝謝你路人甲...如果真係有多一次機會我一定改架.....佢嬲我成日係佢工作時間send野比佢....同埋成日唔聽佢講.....

    如果有呢一個機會我一定好好把握~~雖然佢而家有d避開我.....



  • 迷 replied at 2015-05-06 5:16 pm

    ---------------------------------------------------------------

    謝謝你路人甲...如果真係有多一次機會我一定改架.....佢嬲我成日係佢工作時間send野比佢....同埋成日唔聽佢講.....

    如果有呢一個機會我一定好好把握~~雖然佢而家有d避開我.....

    ===============================================================

    妳試試在特別日子約他吧,吃一餐飯類,如果肯見面的只作慰問,不要提其它,到後離開前才只淡淡的說等待,不在糾纏後就離開,沒再聯絡就不要在打擾,不要有希望才是最好等待方法



  • 知道,謝謝

    我要努力,希望大家可以幸福


Log in to reply