「紹興酒 & 雙蒸酒」 乜野情況下用乜野酒? 大家煮乜野餸會用紹興酒? 煮乜野餸就會用雙蒸酒?





  • 紹興酒=花雕酒

    我常用的,上海館醉雞那種....

    炆紅燒肉、蒸雞、醉雞等.....



    雙蒸酒

    我較少用,煮坐月吃雞酒...都合用,蒸雞都得....



  • 剛剛和你相反. 我較多用雙蒸酒. 仲有冇其他人可以教路?



  • 我鍾意用米酒 for 醃肉, 炒菜 (一般家常小菜常)



    而紹興酒會飲 (食大閘蟹), 唐醋排骨等 "啡紅"色的餸菜



  • 花雕酒 ~ 較濃味, 煮濃味送或汁就用花雕酒,

    煮蛇粥都會落小小調味 ~





    雙蒸酒 ~ 慣常炒芥蘭, 醃一些急凍食物 ~



  • 你地炒菜都喜歡落酒的? 是否所有菜都可以落?





    cool7002,

    你咁勁, 會煮蛇粥? 怎樣煮的? 有什麼益處?







  • 弄不清

    唔係勁, 覺得落左好味d.

    去蛇鋪買份蛇肉, 買d雞胸返黎, 買多幾個雞��, 雞�繺N上湯, 用上湯煲粥, 雞胸切絲, 蛇肉切絲, 粥好後放入蛇絲雞絲, 加小小花雕酒...薑絲...鹽(滾十分鐘即食)



    一般炒芥蘭會落酒, 其他就唔會落.



  • 我用紹興酒多 d, 炒肉係加汁前, 我會贊酒, 炒出來會香 d , 另外炒芥蘭, 加薑汁紹興酒, 同炒豆苗, 炒到差唔多7, 8成, 贊酒.





  • 係呀,我用完兩瓶紹興酒也未用完一瓶雙蒸...



  • cool7002,



    好重本喎! 你咁捨得食既? 一份蛇用, 大概幾錢? 有冇話要用邊類蛇?





    嘉仕伯,



    我淨係識得用紹興酒煮水魚和大閘蟹咋. 好多食譜或電視節目都無講明用咩酒, 搞到我頭痕痕, 唔知邊隻酒先啱.



    +ggg,



    哈哈, 我相反丫. 兩支雙蒸, 都未用完一支紹興.





    大家炒蟹時, 係咪又用紹興酒? 紹興酒健康d, 還是雙蒸健康d?



  • 炒蟹....嚴格來說應該係用糯米酒,但我都係用雙蒸酒...而且我都好少炒蟹!



    今晚腐皮炒露芛,我都係用紹興酒,炒得唔錯!



    你最後的一句問得真好野 ---->紹興酒健康d, 還是雙蒸健康d?

    我真係唔知,又從沒有考慮到,如果你知,請告訴我。

    哈哈!



  • 我都唔覺其他人好似我咁, 咁鍾意用紹興酒, 不過你試過就知, 真係好香, 我男友第一次見我炒肉, 當贊酒時, 佢原本係廳, 即刻走入黎, 問我煮乜, 咁香, 同埋我剩係用塔牌.



  • (((我都唔覺其他人好似我咁, 咁鍾意用紹興酒,))))

    我好鐘意...我以為你鍾意用嘉仕伯添....





    請教嘉仕伯....

    塔牌?是否廚用酒?

    我下次出China Town找尋一下....



  • 我醃肉會加紹興酒,好香!!



  • 煮酒



    不同酒對不同菜肴也有不同配合非常



    炒蟹有人用黃酒(紹興、高梁、女兒女),也有人用玫瑰露



    潮式鹵水一般用玫瑰露,玫瑰露匹配以花椒等香料



    黃酒味甜而濃能帶出肥肉香味及提昇黄荳醬油等特質(醉雞、東坡肉、黃酒雞)

    所以適合味濃菜肴,超市多賣塔牌、古越龍山…..



    廣東米酒、雙蒸多用於味較清的肉類或河海鮮煮、醃



    紅酒多用於煮紅肉(羊扒、牛排、牛尾、法國龍蝦湯等)



    白酒多用於煮白肉(海鮮、雞扒、魚湯等)



    日本清酒又有人用作多類菜肴用(照燒汁類、味增)



    拔蘭地、威士忌、Vodka等也可以做不同菜肴用之而帶出不同效果



  • +ggg



    Hi, 我係改名果陣時鍾意飲, 自從佢轉左味, e+ 都唔係太鍾意, e+ 香港興埋 d 無味 ge 啤酒, 都唔明 d 人點解鍾意飲, 成杯 rock 杯水咁.



    "塔牌"係牌字名, 紹興酒, 不嬲我亞媽都係用呢隻牌字, 唔知你到有無得賣, 比其他牌字貴少少, 我之前個同屋用曬我個枝, 買左第二個牌字, 我用過一次, 之後即刻嗱嗱淋買番枝.



    玫瑰露點解叫玫瑰露, 我細個成日都覺得應該係玫瑰味~



  • 我剩係用塔牌.

    by 嘉仕伯



    我今日買到了,係貴其他少少..US$2.29

    Thanks





  • --- 也是塔牌 ---



    現 就 個 人 在 超 市 或 雜 貨 店 所 購 的 多 種 粉 絲 的 經 驗 , 向 讀 者 介 紹 如 何 辨 識 龍 口 粉 絲 的 優 劣 :

    【 一 】 正 牌

    以 塔 牌 為 最 正 宗 , 作 料 純 正 , 只 有 綠 豆 和 水 , 由 中 國 青 島 山 東 糧 粉 絲 雜 豆 進 出 口 有 限 公 司 監 製 , 已 有 五 十 多 年 輸 出 的 歷 史 , 品 質 可 靠 。 這 是 正 牌 , 其 他 的 全 屬 另 牌 。

    【 二 】 另 牌

    1. 金 像 牌 的 包 裝 上 雖 書 明 為 正 宗 龍 口 粉 絲 , 但 讀 其 成 分 , 綠 豆 外 還 加 了 豌 豆 , 產 地 為 中 國 , 經 銷 者 為 主 打 入 口 泰 國 米 的 金 源 米 業 公 司 , 金 像 為 公 司 的 品 牌 名 稱 , 不 要 誤 以 為 泰 國 製 造 。 質 地 稍 遜 於 塔 牌 , 透 明 度 較 差 , 屬 可 用 類 。

    2. 新 東 陽 牌 — — 同 樣 , 看 見 新 東 陽 這 個 台 灣 牌 子 , 便 以 為 產 於 台 灣 , 但 來 源 仍 是 中 國 , 品 質 與 金 像 牌 不 相 伯 仲 , 亦 屬 可 用 之 列 。

    3. 金 御 膳 牌 — — 為 香 港 屈 臣 氏 集 團 獨 家 發 售 , 中 國 製 造 , 成 分 為 馬 鈴 薯 澱 粉 、 玉 米 澱 粉 、 豌 豆 , 最 後 ( 即 是 分 量 最 少 ) 纔 是 綠 豆 , 口 感 爽 而 不 夠 滑 , 可 算 是 粉 絲 的 另 類 。 包 裝 上 有 建 議 煮 法 , 值 得 讀 者 參 考 。

    【 三 】 冒 牌

    或 稱 假 貨 , 充 斥 於 屋 村 雜 貨 店 內 , 牌 子 多 多 , 包 裝 看 來 十 足 龍 口 粉 絲 , 只 欠 了 一 個 塔 , 有 一 種 名 翔 龍 粉 絲 , 產 地 為 中 國 山 東 煙 台 , 成 分 為 綠 豆 、 豌 豆 、 玉 米 澱 粉 。 如 果 成 品 依 足 聲 明 , 也 不 致 太 差 , 但 煮 熟 後 質 地 不 爽 不 滑 , 吃 來 一 口 粉 , 我 認 為 全 不 是 味 兒 , 但 比 正 貨 平 一 半 有 多 , 購 者 不 及 細 讀 包 裝 , 貪 平 買 入 , 吃 到 的 是 另 一 種 粉 絲 , 加 摻 了 甚 麼 東 西 也 無 由 保 證 。 市 上 假 貨 的 牌 子 甚 多 , 請 密 切 注 意 。





    飲食男女 #599 --- 江 獻 珠



  • +ggg,



    成日都見你講下食譜, 又對cooking好有研究. 你有冇自己既cooking網頁? 得閒一齊分享吓﹗



  • To 弄不清:



    (自己既cooking網頁?)

    當然唔會有...一是沒有份量,二是沒有能力;學識上網及中文打字己經是我最高境界....



    (對cooking 好有研究)

    唔敢當,係功多藝熟和丈夫食得厭尖,迫到來咋~



    (成日都見你講下食譜)

    只不過刁蟲小技,我又8卦,有少少心得又想話給人聽,喜歡與人分享...



    (得閒一齊分享吓﹗)

    好呀!大家有趣味的,可以post上來,我都係少入其他版為妙lor,有代溝嘛,會得罪人!煮食就唔同,越老越有經驗嘛....哈!



  • +ggg,



    blog/msn 都冇?

    你有冇煮其他國家既菜式/整下蛋糕咁?

    近黎我嘗試近韓國料理.







  • 我剩係用塔牌.

    by 嘉仕伯



    我今日買到了,係貴其他少少..US$2.29

    Thanks



    by +ggg



    you are welcome! 試左未呀?



  • 我還未試,只是買定存貨...

    你知啦,購買中國食物不方便,所以什麼都要儲備,我在乾貨櫃門上釘上一木牌:



    【X 記小小雜貨店】



    係咪好攪笑呢?

    唉....我又多嘴啦..........!


Log in to reply