同阿媽講起佢個女性friend, 原來得廿四歲, 佢可以算係經典





  • ?



  • 版主可唔可以詳細少少?



  • 呢條友初一同佢打麻雀已經覺得佢好唔掂, 勁多小動作, 又作狀都唔理佢喇, 以為佢成三十歲, 又未結婚又無拖拍先會係咁, 阿媽話我知原來佢得廿四歲, 仲好貪小便宜, 之前係條村搭上一個有婦之夫, 比人唱到成村都知, 我阿媽已經叫佢唔好搵佢, 費事比人排斥, 咁件事唔知點樣不了了之, 但呢個人, 人地一家人去飲茶, 佢就打個電話問係邊, 佢又要黎, 我阿媽話走架喇, 佢都要黎, 一坐低係咁叫點心, 仲第一句叫我阿媽比利是(上年新年), 上我阿媽屋企打麻雀, 又指定夜晚要食咩, 又唔夾錢, 又話要叫pizza, 我話抽水唔夠錢喎, 即刻唔出聲, 又要我阿媽去某大餐廳買外賣比佢食, 指定要食咩, 成六十幾蚊個餐未加一, 食兩啖話d野食係臭既, 唔比返錢我阿媽! 跟成家(四個人)食飯去食泰國嘢, 要指定超辣, 我地一家唔食得太辣, 即刻嗌比佢自己食, 但就唔比錢, 差唔多十次, 十次都唔比錢, 每次都要三百蚊以上埋單, 成家先四個人, 仲要係兩個細路, 兩個大人, 但次次加埋佢, 等於要比多個大人錢, 仲要唔貴唔食添! 我都唔係成日對住佢(我唔係同阿媽一齊住),佢成日登堂入室, 食飯仲老馮過我返屋企食飯, 佢真係超級cheap精! 都唔知點樣先可以講走佢! 我已經叫阿媽食完飯比完錢同佢講下次佢比, 隔兩次要佢比一次, 但我阿媽做唔出, 連我個十二歲既妹都開聲叫佢aa比返錢, 佢都當聽唔到, 佢真係好cheap呀!



  • 嘩....呢條好勁呀!能人所不能!前途無可限量呀!



  • 糯米治木虱......



  • 可唔可以叫你阿媽唔好同佢聯絡,例如佢打電話黎唔聽,或者扮唔得閒即刻收線唔比佢講到野,如果佢殺上你阿媽屋企,就即刻扮野話約左朋友唔得閒,或者扮唔o係屋企唔應門,逐漸斷聯絡呢?真係要做絕d先得,不過你媽媽心軟就未必做得到,正一係蛀米大蟲專搵人笨,你地識著佢真係慘~



  • disclose her name la



  • 我有叫我阿媽唔好聽佢電話, 但如果佢要攞著數, 就不停打黎, 打到你聽為止, 我阿媽係佢做野附近開舖頭, 好難避到佢, 佢會自己走落黎! 話約咗人食飯都要跟埋黎, 好似同我食飯都要痴, 佢真係一味靠痴, 佢真係cheap到爆! 但開口話佢又話唔出, 我已經叫我阿媽食完兩餐飯就開口叫佢請下餐, 佢一話食飯就問你請呀? 佢坐係我阿媽屋企仲大支嘢過我, 我已經叫阿媽唔好比佢登堂入室, 遲d有咩損失都唔知賴邊個! 其實佢唔止咁, 佢開頭仲猛對我後父發姣, 好似好難聽咁, 打麻雀時勁大動作及郁身郁勢, 跟住同我後父講埋d下流唔好笑笑話, 我諗佢好恨男人!



  • 係你家人淋善姐!



    兜口兜面同佢嘈,反曬面米無野lor!





  • ShingShingCHU



    人地想佔便宜,係人地唔岩,不過你阿媽係咁俾人拎著數,俾人坐埋黎一齊食,就係你阿媽有問題啵!



    明知佢咁既人,你叫佢下一次出錢都係o徒氣既者,唯一就係止蝕,

    原全同佢斬斷,佢坐埋黎都推番開佢,重要惡聲惡氣咁對佢,

    咁佢都無乜理由會再糾纏架!



    真係再糾纏既,咪報警囉 ~~~



    雖然佢係衰,但我覺得你阿媽係超級水魚,你阿媽如果遇到祈福黨,

    真係好容易乜錢都俾人呃曬!



  • 咁0既人都有,,利害..


Log in to reply