LV Ｄ sales 真係…….
-
-
早排情人節諗住去買新款頭飾同耳環，去左幾間問， sales行完入去搵，出黎又話無!!
想話留名有Ｄ比，有Ｄ又唔比，同一間 shop唔同sales做法都有唔同，多數都係話呢Ｄ貨無得留名架，貨黎即賣，先到先得，睇你唔好彩，好Ｄ既就話返貨少，waiting list 好長，暫時唔留名，衰Ｄ就真接寸，呢Ｄ限量貨好搶手，多數留曬比熟客買(所謂 VIP)，以前仲聽過話有Ｄ太太小姐日日tea 完就入黎打過轉，就算唔留名佢地都可以一有即買啦。
心諗，點解咁多揀客黎賣既貨，咁快去曬乜乜站! 飾物係，手袋又係，好多仲話全新添! 真係咁多高貴人買完即刻唔like，轉頭去二手店兜售套現?
後來去左一間，一問即刻攞件貨出黎，比我睇睇，好啦! 有就買! 但點解另外有 shops 話全線賣曬既?
呢間算好，之前試過買Ｄ野又係好多間都話無，但佢會有，又或者肯留名之餘，真係好快 call ，而且係無搵某個 sales 囉! 相反，有Ｄ shops 留完名(同一件貨)，影都無理!
唔知 shops Ｄ sales 係咪 keep 起Ｄ罕貨留比自己Ｄ熟客，有次我買件野又係買唔到，第二日同事竟然用緊，佢話 sales 留比佢，啱啱買!
有另一間細Ｄ既都係okay ! 有次想買個出面炒到好貴既袋，諗住問問啦! 竟然有，sales攞出黎果時，另個 sales好似好奇怪，唔知同佢示意Ｄ乜，我聽到幫我攞野個 sales 好細聲，好似話個客買過幾次野咁，最後我都買左。
買野多少都係客，VIP、熟客有優侍無可厚非，但對其他客，基本 services 都要有架嘛!
-
LV sales=早十年八年的港女
VIP、熟客=有錢仔
你、其他客=普通香港打工仔
你唔like咪過主囉
-
我用佢Ｄ產品，唔等如要 LIKE 佢Ｄ sales ， sales 只係賣貨，令人客滿意係佢地既責任，唔係要客就佢Ｄ員工!
LV sales=早十年八年的港女
即係乜? 有乜關係? 邊個去邊到賣野都係收人工做野。
係囉! 好多仲係二手店貨源添!
-
係囉! 好多仲係二手店貨源添!
我係話唔知邊Ｄ人，咁熟成日買到限量罕貨，但又放去二手店賣。
-
因為要玩款, 所以二手店會有呢d袋.
通常d sales會留比熟客, 由其係返貨極少的款同色, 佢地會call個熟客叫佢地睇咗啱唔啱心水先, 唔啱先賣.
-
LV Ｄ sales 真係…….
寸過碼頭"姑釐",就算你有錢買,佢地都唔會賣比你.因為佢地 9 眼看人低.
-
有冇去過巴黎香榭麗大道LV? d sales 寸過Hk 9000幾倍, 有個日本遊客去睇一個3-4呎大皮箱, 個sales望都唔望佢, 擰開塊面.
我去揀手袋, 佢嫌我揀得耐好煩, 好唔老黎.
d 人坐係度等試鞋, 根本冇人理佢.
連d security都衰過人, 唔開門不特止, 會由頭到腳睇你d 打扮.
呢d係真正既店大欺客.
翻黎hk我覺得好好.