想向結咗婚ge朋友請教: 我同bf拍咗兩年拖 (我30, 佢35), 但大家都冇乜積蓄, 我諗夾埋都只係得2-3萬現金(其實唔止, 但係擺咗喺基金度冇得攞嚟用), 如果想結婚的話, 多數都要擺酒, 我想問結婚係咪真係要好多錢??? 好似我哋咁ge經濟, 點先可以結婚???





  • 咁你只係去簽個紙乜都唔攪咪唔駛用咁多錢�蟋盛B囉



  • anny,



    我都知, 但係佢係家中大仔, 兩兄弟都未結婚, 佢老豆又有病, 仲有佢嗰邊有好多好好感情ge親戚, 而佢又有好多好熟ge同事朋友. 所以我先覺得應該要擺酒.



  • 當你擺酒可以打個和﹐

    影輯揀單結婚相﹐租婚紗禮服﹐印貼﹐餅卡﹐註冊費用....已經兩三萬。

    仲要傾禮金 & 開門利是﹐可唔可以心意價?

    仲要搵朋友幫你化妝﹐渣車﹐當日影相....

    無得去honey moon﹐都可能搞到既。



  • tobio, 多謝您呀!



    其實我一直都有諗過唔影結婚相(其實都唔係好明點解咁多人要影, 覺得冇乜意思), honeymoon亦都唔一定要去(旅行幾時都可以去, 又可以去近d, 我覺得唔緊要).



    我男友而家15k一個月, 但係要同佢細佬夾份供緊佢哋屋企層樓(仲有幾年先甩), 所以基本上唔會有好多錢可以儲.



    而我就只係9k, 扣埋家用, 保險, 返工, 都所餘無幾.



    我好想簡簡單單咁簽個字, 然後同親戚食餐飯就算, 但係我怕咁樣會令佢父母唔開心, 其實佢老豆已經行動唔方便, 而家已經排緊期去老人院住, 我唔想佢連個仔結婚都攪得咁低調呀...



  • 當你擺酒可以打個和<---- 都要拿筆錢出來找數, 除非拆人情埋單.



    影輯揀單結婚相﹐租婚紗禮服﹐印貼﹐餅卡﹐註冊費用....已經兩三萬<------要好慳先至兩三萬.



    仲要搵朋友幫你化妝﹐渣車﹐當日影相 <---- 化妝品,車油,停車場,菲林,曬相, 冇理由要朋友比錢的.



    仲會有好多你估唔到既支出: 兄弟姊妹利是, 花品, 啤牌, 酒, 雙方家人衣服贊助,晚裝鞋,開門利是, 兄弟姊妹去茶樓飲茶 ( 午飯 ), VCD 製作錄影, 酒樓利是,酒樓西餅.....



    我出年結婚, 而家有 23 萬都仲儲緊錢驚唔夠, 我擺20圍.









  • 其實你可以係大陸深圳影結婚相, 大約二三千蚊已經好靚, 仲要係outing影無香港果d咁悶, 包埋曬相, 婚紗, 化��, 仲有價講添!



    跟住揀WEEKDAY酒樓擺酒, 有D尖沙咀酒樓都有三四千蚊圍包酒水, 要送埋請柬喎, 先落訂, 後用CREDIT CARD埋單, 再用禮金找數!



    婚紗可以租D平D啫, 約五千蚊到啦, 影相佬又二三千, 化�臮ET頭搵一D細美容院既師父做, 大約千六蚊包埋架喇, 我阿媽都係收呢個價錢, 註冊平日收七百(好似), 仲有餅咭, 利是同租車, 其實唔會一次過找曬數, 通常都係一個月找一樣野, 都唔係好貴啫, 預年尾擺酒分六個月攪, 先搵酒樓落訂五千, 第二個月去深圳影婚妙相, 第三個月買餅咭, 第四個月搵影相佬化�臮ET頭, 第五個租車, 第六個月留定錢封利是, 買其他雜項, 每個月預五千出黎囉! 或者問銀行借都得架! 咁你仲有二三萬蚊做後備, 應該夠, 我都見好多人都係咁! 或者西式化D搵D一條龍公司攪個酒會就算, 慳返一大筆!



  • aa,

    既然你可以唔影結婚相﹐咪差唔多又save左一萬囉。

    正如心心所講﹐仲有好多濕濕碎碎﹐你無expect既支出。

    不過我相信你有心既話﹐3-5萬加上人情補貼酒席﹐係搞到一個簡單既婚禮。



  • ShingShingCHU,



    唔該哂你呀! 我都冇諗到咁多呢d嘢, 其實有時我都會諗大把人冇錢啦, 人哋咪一樣可以擺酒結婚, 可能自已真係太過擔心啦.



    其實仲有一個問題, 我本身冇乜知心朋友, 可能根本搵唔到人做姊妹, 係咪會好怪呀?



  • aa,



    唔會, 既然你想個wedding simple, 冇姊妹都冇咩所謂, (當然都相對唔會有兄弟呢)



    我之前有個朋友, 擺酒結婚都冇要兄弟姊妹, 新娘都只係請個朋友有時幫手補下妝, 跟出跟入咁



  • 多謝哂你哋呀 !!!



  • 我成日都覺得結婚係應該量力而為.

    無錢一係慢慢儲, 儲到夠為止 ; 一係咩都唔搞, 齋簽紙。如果覺得儲唔到, 就咪結.





  • 你好好架喇

    我....同男友加埋....人工都係得唔夠2萬

    儲蓄就更加.........少到=冇

    因為人工少, 又要基本費用, 儲蓄好似係一件難事,,,,,,,

    我好想同佢開花結果

    但.......我諗.......都係永遠停左0係度架喇......



  • 我係hk 影了一set..taiwan 一set

    HK= 5K (very happy about the quality)

    Taiwan = 20 K .....hm.......ok la...some gd, some bad ones

    my point is. hk有好多wedding pics公司, 有平亦有貴.你當5K la



    wedding banquet....其實酒樓around 6K 7 K都有....租衫,到時make up, etc 都要10 K ga...咁擺酒當law個和.......or預多10 K當補貼.



    雖然少有少做

    但if u decide to have banquet , u have to set aside more spare money, 一攪你就知好多$洗!



  • 我個婚禮列表,俾妳參考吓:

    婚紗相=$20000

    租婚紗禮服╱買鞋=$7500

    酒席23圍=$160000(人情全部俾哂爸爸)

    酒=$6000

    化妝師(我)=$4000全日

    化妝師(姊妹)=$1200每人一次

    攝影師=$5000

    禮金=$100000(俾媽媽)

    律師證婚=$3000

    花車=免費(朋友借出,每人利是$500,共$3000)

    酒店room=$1500

    雜費╱利是=$10000


Log in to reply