這絕對是一個故事(二)



  • 未睇PART 1 既,可以去返呢到睇!

    http://community.she.com/messageboard/relationship/?action=view.topic&id=2390586
    *********************************
    其實寫個故事出黎,係好想說服自己,呢個,只不過係普得不能再普通既故事,係身邊,大把呢d故仔。做人何必太過執著呢。
    *********************************


    其實人真係好犯賤,唔到失去果刻都唔會識珍惜,但往往你就會發生,有d野無左就係無左,雖然呢d說話真係好on9,係人都識講,但係,到真係發生係你身上,而你又發現無論做咩野都彌補唔返果時,喊都無用,咩都做唔到,一切都恨錯難返,果種痛係入心入肺,非筆墨能形容,大家試過就明,唔明我都唔再解釋咁多。

    但係好可惜,永遠貪心既人係比平常人犯賤多十倍,想一得二,想四得十。食兩家茶禮,係就係好正啦,但係有幾耐風流有幾耐折墮,折墮完仲唔可以呻喎,因為一必都係疚由自取,抵死!


    上文講到佢話wtsapp 啦,佢講呢句野果時輕淡描寫得黎帶點不經意,好令人想入非非,但係,作為一個都算見過下世面既死靚妹,我,好明白,通常話wtsapp 啦,最後,都係唔會wtsapp架!!!呢D遊戲係咁玩,我太清楚D規則啦,於是我緊係無WTSAPP佢啦,而且我趕住要返工,啦啦臨就換衫沖涼。點知,我都未離開屋企,就收到佢既wtsapp,問我返到屋企未,就係咁,我地就開始左傾wtsapp。傾下傾下,佢無啦啦問起我有無facebook。係果刻我諗,嘩,大家clubbing識,最好都係唔好交換facebook好D。講開,其實我係半個學生,D私生活係收得好埋,平時係一個好乖好乖既女仔,除左係懶左D,成日都HEA下HEA下,讀書又唔係好上心,姐係唔係好讀得成書果D,正職係HEA,兼職讀書同返下part-time,人生又無咩目標,正正式式港孩咁既樣,唔知自己要D咩,但係我必須強調,身邊幾乎得最最最最最親既朋友(得兩、三個)知我試過夜蒲(但佢地都唔係好知我有性生活)之外,身邊所有人都覺得我係乖乖女,總之,就同夜生活扯唔上關係既一個人。係呢個情況下,我又點可能將我fb俾佢呢!!!所以,我就把心一橫,明知我個e-mail擺明search唔到我個fb,都俾左email佢,之後補多句,搵我唔到FB架啦,都係算吧啦,跟住,佢話佢都係,FB SEARCH唔到佢,然後我話,咁咪好LOR,大家唔使知咁多,但係,出於好奇心既驅使,我真係好想睇佢FB!!!睇下佢咩料都好呀嘛,於是我就叫佢俾個link我,直接click入去(fb最近新出既function,唔識既可以問下人),我怕佢唔明,就影左相教佢點搵個link個名出黎,點知,無幾耐,我收到個friend request。我頂!佢竟然搵到我fb。我呆左,都唔知accept 定唔accept好,佢仲要wtsapp我話我知佢add到我,我就問佢,點解你會ADD到,而且係句尾我仲加左好多個wtsapp 吶喊符號(玩過wtsapp就明,唔使多講),佢叫我打俾佢問。再一次,出於好奇心驅使,我真係打左俾佢,然後,我先知,我影相果時好那ON9咁影埋自己條link,仆街,我果下真係覺得自己ON9到無朋友,好想打爆自己個頭!但係,就係因為呢個電話,我地就係咁,除左wtsapp仲晚晚都傾電話,一傾仲要起碼傾粒幾兩粒鐘。


    *****************************************************


    唔得啦,我真係好眼訓,聽日再打啦,打住咁多先!sorry!
    另外,真係好多謝好多謝所有睇晒第一part 既朋友!!!我真係好感動。係呢個「搵食」版到竟然有人肯睇咁鬼長編既故仔! 小女子一定要衷心咁講聲多謝!!!!!



  • good morning~

    哈哈....搵食版裡你就是甘泉, 版主加油^^



  • 點解要開過條新thread 架 ~~



  • 真係寫得唔錯,我自己都多多少少都經歷過類似心態...知你打得好辛苦, 但請繼續...lol



  • 唔錯唔錯~~

    加油呀!繼續寫啦~~

    期待中~~~



    睇完依句.....真係笑到肚痛 :P

    "我果下真係覺得自己ON9到無朋友,好想打爆自己個頭"


Log in to reply