情人節送左樣好特別既野男友, 見佢開開心心, 諗住tump佢講一句"以後都要0係埋一齊"姐.....點知佢始終都係唔肯講, 灰爆... 一句姐, 做唔做到一件事, 我好想聽, 點解咁都唔得....?
-
-
因為有壓力
-
做咩咁sad呀......
-
呢句說話有d問題,
如果要真正實行好難,
為左你開心,求其講,講假說話又唔想
想佢tum你,言語間都俾番少少空間佢
-
無端端男仔唔會講呢�瓥��鍐{,佢知唔知你想聽先?
-
其實佢係咪冇諗過以後都同我一齊? 唔想呃我所以唔肯講...? 如果有諗, 佢應該會想講d野比信心我繼續一齊嫁嘛...但係佢冇講過, 少少都冇. 即係點?
-
佢唔講唔緊要,最緊要佢係做緊!唔好迫佢拉,可能佢想真係同你結婚的時候至講呢!
-
我覺得要講既話,平時都可以講....唔會因為你送野比佢先講!!
-
女人, 唉....
你想聽就要人講, 唔講又鬧對方唔識 tum 你, 講完又鬧男人唔守承諾, 玩咩啊?
-
其實我平時都有暗示嫁啦, 亦比左好多信心佢, 不過唔知點解佢總係對自己對我, 對我地將來冇乜信心. 唔係因為我送禮物就要佢講, 不過咁0岩又係呢日.... 又撞個大板, 特別灰姐......
你地男仔見個女仔咁有心維繫段感情, 而你又係真心鍾意佢既, 真係講多句都咁難? 佢都知我想聽嫁其實....
-
對你黎講只系一句turn你開心既說話,對佢黎講系一個承諾,好大壓力架,做到就話姐,做吾到就系吾守承諾架啦.
吾系佢吾想對你講e句話,其實系你系到逼緊佢囉,明吾明?!
-
可能佢覺得未係時候同你作出呢個承諾呢~~
-
之所以壞男人咁吃香, 就係因為佢地滿足到呢啲女人既需要, 唔需要承諾, 只要講出黎 tum 到個女人開開心心就得, 日後既事, 話知你.
-
或者佢真係一個好男人,感覺講得出就要做得到...現在未係時候所以唔想亂講
-
愛一個人唔洗講d 咩
只要仲係一齊就ok...
而家無一生一世架啦
-
咁如果佢唔肯講, 我係咪都唔應該一廂情願咁同佢講呢d說話呢?我怕我再講會比壓力佢, 又驚自己失望........ 但唔講, 我又驚佢對我冇信心
-
基本上, 最冇信心果個係你
-
就係因為佢冇同我講過任何呢d野比我聽, 所以先冇信心....
-
版主會遇到個口花既男人,日講夜講你聽,
然後又偷食又內疚,不停責怪男友
-
你都係唔好拖累人...
-
聽完大家咁講, 即係話佢覺得佢自己有機會做唔到, 所以唔講囉...... 即係話, 佢末夠愛我囉........ 真係愛一個人, 邊個唔想一生一世.
-
總結,你將所有野,推曬佢身上,你好野!!
-
版主你諗野都幾灰o架喎
點解唔可以著眼於開心o既o野?
你都識講, 你送份禮物比佢, 佢好開心, 即係佢appreciate你o既心思, 佢係愛你啦
淨係呢樣已經值得你有信心啦
btw, 你其實諗住點樣"乙水"佢講呢句說話呢?
唔通你寫o係張紙上面迫佢讀?!
-
其實係有句歌詞個尾係話"一直落去"既, 咁我講左個頭, 問佢之後呢? 佢自己改左個尾...... 我話係"一直落去"呀....... 佢話佢鍾意自己改個個.......... 咁我咪收皮囉.......
其實我唔介意你地話我咁樣唔0岩, 因為我都知自己轉緊牛角尖, 我都想可以走返出來, 開開心心.
-
牌主 ~~ 想問下你地拍左幾耐,大家幾多歲?
我都好想男友向我求婚.
-
拍左1年, 我23, 佢26囉~
-
大家睇開d 啦
依家d 囡囡係咁架啦
人地真心愛佢係唔夠既
只要有人肯講,擺明昆佢上床都受
-
同你一齊果個, 其實都鄧佢可憐, 俾你咁迫埋牆, 點抖氣?
-
為左呢件事, 今日都仲係耿耿於懷.........
兩個人一齊係要開心, 但係佢一日唔講, 我一日都不安, 開心唔到. 既然係唔開心, 我係咪應該同佢講清楚?
-
你真係攞命
-
板主,
既然你咁講, 我都唔介意鬧下你
有男朋友可以一齊甜甜蜜蜜過情人節, 你都覺得唔開心
咁果d冇另一半o既人呢? 有另一半但冇得一齊慶祝o既人呢? 再大鑊d過節先o黎分手o既人呢? 係咪要去死呀?
-
你自己講 "兩個人一齊係要開心", 但請問聲, 你係咁迫對方講佢唔想亂講既野, 佢會開心咩? 其實你知唔知自己做緊乜野? 一個不斷滿足自己感覺既人, 佢只係小朋友係都要食波皮糖, 死 "螺" 佢父母一樣, 係好幼稚既行為, 如果咁都可以叫做愛, 天下必大亂.
-
我100% agree with . 男女朋友之間係咪要互相比對方小小空間呢? 就算今日真係比你恨到男朋友同你講以後都要一齊...唔擔保你第二日就唔鍾意佢, 係你離開你男朋友...
我覺得如果你真係愛你男朋友, 就唔好逼佢講一D大家都唔肯定做得到o既o野...所有事都順其自然啦!!!
-
to : 唉
呢一句說話唔重要, 當年女朋友都同我咁講, 唔夠1年後,咪又分手.............
-
唉,
咁男人可唔可以覺得女友係情人節唔同佢上床而feel bad 呢? 妳是傭人自擾
-
今日同男友講左話我對將來既不安, 話佢一直都冇同我講d咩比信心我. 佢同我道歉, 問我點解一直扮0係心到唔同佢講清楚. 我話驚佢唔知點諗. 佢話佢本身性格唔鍾意講以後同將來, 不過如果我真係咁不安, 佢會講多d自己對以後既睇法同方向比我知. 佢話...其實佢自己對將來都係一樣咁不安..
我夠嫁啦, 叫做有共識, 亦比佢知我點諗.
-
好男友
-
情人節送左樣好特別既野男友??? what is it?
-
乜要tum先講ga?我同我bf都會同對方咁講ga喎,好自然ga喎,唔洗tum ga喎
-
eva,
開頭我都以為自自然然就會講, 不過我等極都冇呀嘛