網上玩野事件



  • 之前試過有人亂add自己,自稱係女仔,話自己好急要錢,要兩萬救急之類。

    我一見講野語無倫次,都知係玩野。但我個次得閒好想知到底佢地會點,就繼續同佢傾。

    我:「錢用來做乜?」
    佢:「我阿媽入左院。」
    我:「你阿媽乜病,我識醫生朋友,可以幫你 (亂噏)。」
    佢:「總之好嚴重啊,你畀錢我先啦。」(我心諗,呃都咁冇誠意)
    我:「唔係喎,我朋友係好醫生,會幫到你喎。」
    佢:「唔使啦,有醫生啦,宜家係冇錢啫。」
    我:「但我畀錢你,我有乜著數?」
    佢:「我可以同你做愛。」(心諗,預左你咁講啦)
    我:「我又唔係想咁,但我又唔知你係邊個。」
    佢,冇講野,直接就send張相過來。(心諗,使唔使我唔問就send咁急呀?重有,相中人係靚女)
    我:「你好靚喎,不如我地約出來見個面,做個朋友認識下先啦。我今日得閒喎。然後傾下點樣幫你啦。」
    佢:「唔得呀,總之你快啲畀錢我啦,你畀左錢我,我可以同你做愛。」
    我:「唔見你點畀錢你?」
    佢:「你畀我一個男性朋友就得啦。」(我X,大佬,呃得有誠意少少,OK?)
    我:「唔得,我唔見過你,點可以就咁畀錢人。」
    佢:「唔得呀,好緊張要筆錢,你畀錢我,我之後同你做愛。」(大佬,又係呢句,好悶。) **
    我:「你話你阿媽入左院,咁你阿媽咩樣?」
    佢:「總之你畀錢我啦。之後你可以見我阿媽。」
    我:「咁啦,你send你阿媽張相畀我,我見到相就畀錢啦。」(睇你點回應)
    佢重覆之前**個句,我堅持一定要張相,反覆左一兩次。
    佢:「係咪見到相就畀錢。」
    我:「係囉。」(啋你都傻)
    佢之後消失左成半個鐘,online返之後,就send左張唔知邊度搵既阿嬸相畀我。
    佢:「呢個係我阿媽,咁你快啲畀錢啦。」
    我:「你同你阿媽都唔似樣既,有冇另一張相?」
    佢:「冇啦,快啲畀錢啦。」
    我:「唔得喎,你點會冇多一張自己阿媽既相架?」
    佢:「遲啲畀你啦,你畀錢之後可以同你做愛。」(又係呢句)
    我:「唔得喎,我信你唔過。拜拜。」

    Block, remove。



  • 好攪笑。



  • ha replied at 2011-12-08 1:41 pm

    ---------------------------------------------------------------

    好攪笑。

    ===============================================================

    我覺得呃錢都係一種工作,唔努力係冇回報的。



  • 低級騙子!wakaaa



  • 啱,就算係呃錢都應花啲心思嘛。



  • 之前睇新聞有個男約女出去呃電話,好似話幾靚仔tim,自稱已有80條女上當!佢真係全職呃$!



  • 無聊當笑話睇都好


Log in to reply