與男友的一位共同朋友鍾意左我, 同唔同男友講好?

我係俾人暗戀果個(其實都唔係暗戀, 佢已經對我表白左), 我男朋友(A)同朋友(B)係識既, 大家都係舊同事, 本身朋友B係一個可以傾心事既對像, 大家有咩心事都會同佢講, 我同我男朋友A都會分別搵佢傾計, 有一日我同朋友B坐公園傾計既時候, 佢失驚無神kiss我同摸我(我又死蠢唔識拒絕同反抗, 又怕連friend都得做, 如果再有進一步當然唔可以啦)

其實咁我應唔應該同我男朋友講呀?

因為我同左我男朋友A一齊左唔係好耐(3個月左右), 初時大家唔識點相處既時候都會分別搵朋友B教路, 佢都好耐心咁教我地點做, 但係我一直都視朋友B為哥哥, 究竟佢咩心態?

我唔想同男朋友講係因為之前都傳過有2個男同事話追我, 佢都知, 如果同佢講怕佢會覺得同我一齊冇安全感, 加上我地感情又未穩定.........

點摸你法?

如果同A講左.你估A同B仲有冇計傾丫?

A一定會叫你疏遠B添.

情況 a - 講 : 你男朋友會嬲佢, 唔再同佢講野. 你都唔會可以再同佢講野

(如果你仲想同你男朋友維持好ge關係)

情況 b - 唔講 : 你男朋友會照樣同佢講心事, 你都唔會再同朋友 b 講心事.

其實除左講比男朋友知, 仲有一 d 方法令朋友 b 死心ge...視你ge情況而定.

你唔係赦B呀...？失驚無神錫你仲要摸，同非禮有乜分別？仲要係自己朋友個女朋友喎...拍左三年又好，拍左三個鐘都好，都係朋友既女朋友...咁睇黎B都唔係好尊重A，friend極有限...

就算唔係朋友既女朋友，都唔可能對一個女仔突襲啦...所以B都唔多尊重你...又唔尊重你又唔尊重你男朋友...唔駛講都知點做啦~

多謝你地回覆先~

我尋晚同男朋友講左啦, 不過佢好嬲, 覺得我點解唔拒絕人, 我好唔啱.........

仲諗緊要唔要分手, 不過佢話今晚放工過黎搵我, 今晚先俾答案我......好亂.

佢要我promise以後都唔可以咁, 我同佢講我可以promise以後同B都唔會有咁既事發生, 但係佢要我promise佢以後對任何對像都唔可以咁, 但我覺得有d難, 最多只能夠promise佢以後要學識保護自己同避忌d(因為我都覺得我唔係好識保護自己), 因為大家一齊得3個月, 仲係互相了解既階段, 又唔知之後會發生咩事, 有d野好難保證......

你慘被人抽水

你bf 竟然想同你講分手？

飛佢啦！