請大家比意見,我家庭經濟負擔好重,老豆生意唔掂,阿媽又要醫病,好大壓力,成日唔開心,男友成日問我咩事唔開心,我無講,因為佢幫唔到我,各位認為我應唔應該講出來呢?我唔想人地知既,只不過有時候會變得沉默,唔想講野,男友就會追問我咩事,佢會擔心





  • 情人之間, 要互相分享, 同時亦需要互相分擔



    換個角度, 你知你bf有心事, 佢唔講, 你會開心嗎?



  • 我覺得睇下你是否同他過人世,如果只是初階,可以遲d說,不過,如果是好好感情,不妨直講



  • 又係既,不過佢完全幫唔到我,我講出來佢可能仲唔開心,又可能會覺得自己無用,我又唔想咁樣,或者我會試下輕描淡寫地透露多少,謝謝你



  • 我同佢係時間上唔算一齊左好耐,但都唸住過人世架啦,佢從細到大都係溫室中成長,我怕忽然間講幾樣咁煩既野佢會嚇死呀



  • 男友實質幫唔到你,精神上可以幫到你,你有諗過同佢過人世,你就同佢講啦!



    試下倒番轉,你希唔希望你男朋友同你講?



  • 我個人比較自卑,可能會驚人地睇唔起,不過,如果有時間都要透露下,從而試探他的人品和如何處危險,這都是過人世時所考慮



  • 如果你地感情穩定我覺得應該要講,,

    一來佢可以幫你分擔下,,

    二來你咁樣成日唔開心,佢又唔知乜事,佢會以為係你同佢一齊唔開心,

    講清楚好d 喎..



  • 好啦,各位講得好有道理,我今晚就試下講小小啦



  • 不如都幫下我好嗎?hehe

    我做會計師,在公事上認識了個律師,近一年,他久不久短訊比我,都是一般問候,如新年和聖誕那些,此外,2-3星期就會有些會計上的問題要我.好想知他除對我有好感外,仲有乜方法知他是否對我有意思.謝謝!



  • 我o既經歷:

    我個ex 又係d 溫室長大直情係裙腳o既人, 當時我屋企又係生意唔掂, 有次同ex呻完之後佢同返佢阿媽講, 從此佢阿媽無比過好面色我睇(之前都成日上去食飯). 無幾耐仲分埋手添...



  • 照你咁講,好難講得上係有意思播,不如你製造多d機會令佢有意思啦,例如除左講公事,有時講下私事,講下笑,令佢覺得同你傾計開心先啦



  • 其實除了會計外,我地都有傾其他野,仲可以一傾就半小時至1小時,我起初在想是否因為他都成40歲人,所以要儲足勇氣才開口,只是這樣的關係已維持了成1成年.



  • 我o既經歷:

    我個ex 又係d 溫室長大直情係裙腳o既人, 當時我屋企又係生意唔掂, 有次同ex呻完之後佢同返佢阿媽講, 從此佢阿媽無比過好面色我睇(之前都成日上去食飯). 無幾耐仲分埋手添...



    by 心 - 01/31/07 12:16



    心,佢阿媽咁衰,佢又無主見,你同佢結到婚都唔會開心啦,唔洗恨啦。我就未見過男友家人,亦都唔打算咁快見,希望等我度過難關後先同佢更進一步,我信佢唔會因為我既因難而離棄我,但佢自己又未有本事,而家真係貧賤夫妻百事哀囉



  • 要知道,對一個女人來說,對朋友和男朋友的要求都唔同,再加上我又對他有意思,老實說,如果他不是對我有意思,只是想想問問題,取他所需,我真是唔多想理他,我不想自己亂想太多.煩



  • 有關你家的問題,其實你是否有能力解決?

    慢慢來,不好急,不同男友說,都要同些老死傾傾,減下壓



  • 無心機,



    thx, 希望你早日捱過難關! good luck



  • 我而家會做多份兼職賺錢,暫時都夠生活,我會講架了,因為真係屈得幾辛苦。



    fish,既然你對他有意思,又唔好唔理佢,因為仲有機會嘛,佢未追你唔代表將來唔會,大家做下朋友先囉,你有法律問題又可以多個朋友幫手,都唔錯呀



  • 今天下午我同男友講左我既情況,而家舒服左好多,佢好驚呀原來我有咁多難題,初時佢唔開心,怪自己無本事幫我,然後佢話想將佢既積蓄入比我,每個月慳d使淨番既錢比我,我真的好感動呀,而家佢都係孟孟緊,而我仲應付到,所以唔會要佢既錢,但我覺得患難見真情,我找到可以負托終生既男人了。



  • 應該同你男朋友講

    唔係要佢幫你,但起碼俾佢知道你咩唔開心

    好過佢唔知咩事估估下,佢會好擔心你



  • 嘩,真是恭喜你,好sweet sweet ah



  • 多謝呀,今日佢都仲係話想打多份兼職將d錢比我,佢話我既家人等於佢既家人,我真係感動到唔知講乜好,而家覺得天真的待我不薄,雖然係窮,但比我搵到一個咁好既伴侶,幾辛苦都唔算D乜啦



  • 無心機,



    咁咪好囉!

    兩個人有乜事真係要開心見誠講呀

    好多時事實都唔係想像中咁壞^^


Log in to reply