男友結婚,但新娘不是我,我個心好痛..........





  • 我同佢一齊8年,佢只係識咗佢3個月,一次意外有咗,就話結婚.....點解佢可以咁對我?!



  • It is terrible.



    How did he talk to you about this?



    Sam Sam



  • 我一早知佢有咗BB..佢話會唔要個BB,亦都話最愛係我,佢有試過同個女仔講清楚,當我返去佢身邊時,我既第六感話我知有問題,所以我話大家冷靜吓.....點知當晚佢屋企人就話我知...佢要結婚!

    佢一直都厄我..佢話同佢講清楚.........



  • 搵個好啲既!

    佢唔珍惜你, 你要活得比佢好呀!

    振作呀!



  • 男人…十個有七個都信唔過…

    下次真係要帶眼識人喔………

    不要放棄嘛…!!!



  • 我個心好痛呀...食唔安,坐唔落...晚晚發惡夢.

    我知自己唔應該再留戀佢...但我真係好大打擊!



    我好憎佢,我好憎佢,我呢世都會好憎佢!



  • 會捱過的, 振作呀



  • Please don't mind I type in English.



    May be you don't know man well. Man is a kind of animal who refuse to make discussion in some areas. Love is one of those. I cannot say that he don't love you. But may be he don't know how to make a discussion and don't want to make a discussion because he will be blame for any reason and discussion. So he took the way just let the time goes. May be his family force him to do so. But not thinking of this first.



    On the contrary, your man did something wrong and he is not loyal to you. That's the problem. Even this time he sticks with you. How about next time?



    In addition, he had made the discussion on leaving you. So put yourself together and never find him again. If you find him again, you may have a feeling to go back which is no good to you.



    So, I suggest to find some friends to talk and share your spare time. it can be overcome soon.



    Sam Sam



  • 係呢段時間,有好多好朋友支持我..好多謝佢地! 我真係好需要朋友既支持!



    我連街都唔敢去,我好怕見到佢地.........



  • 最傷心的人,



    聽到你個故仔, 都覺得你好慘, 雖然8年感情唔可以同3個朋比, 但係你調轉諗囉, 8年都忍唔到出去搵左第2個, 呢樣都唔緊要, 男人要出去玩, 總有個千萬理由, 但點玩都要知道自己做緊乜, 要番屋企呀! 佢同另一個女仔搞到咁既地步就知佢無責任, 同根本無諗過你,



    有D男人出去玩, 心都有屋企果位, 玩到咁個位就收手。你男友係無囉

    就算比佢同番你一齊又點呀, 你心裡面會有條剌, 佢又短期內又難面對你, 另一個女人比佢搞成咁又慘, 個BB要又唔係, 唔要又傷。

    唉....



  • 將來望番轉頭你一定會慶幸同佢分開左的



  • I agreed with 路過lady and 心心



    Ha ha, 心心 is similar to Sam Sam :-)



    Sam Sam



  • 路過lady,



    其實佢中間都有過第二個,我個時都係放棄咗,2年後佢揾返我..係我再次比機會佢傷害我!!



    我就係知個女仔都好慘,我一直都無逼過佢...我比時間佢...我知佢未玩夠,佢唔會要個BB,應該係個女仔唔肯落.佢逼於無奈要結婚...



  • 我而家都好慶幸同佢分開左...

    問題係我比一個最心愛既人欺騙,個感覺一D都唔好受..半年前佢先同我求婚.半年後佢同第二個人結婚.



  • Are you in the office or at home?



    Sam Sam



  • 最傷心的人,



    你知唔知個point向邊呀? 就係佢重同你一齊既時候搞大人地個肚呀, 正如我所講男人出黎玩總有千萬個理由, 但係男人玩得都有責任, 識番屋。當佢同另一個女仔向唔安全既情況下上左床, 佢已經無左責任, 佢根本無諗過你, 佢成年人黎架啦, 唔係話十幾歲, 乜都唔識, 佢知自己做緊乜....



    佢係被逼或者自願又好,結果都會係我上面所講一樣, 四個人既不幸



  • sam sam,



    我唔了解男人,但我了解佢....



    佢真係 "So he took the way just let the time goes".



  • lady,



    係...我明白~!



    sam,



    我係office.



  • 最傷心的人,



    聽到你既故事, 我都知道你難過. 不過你一定要振作呀..

    佢同你講佢係愛你, 其實都係一個藉口. 起碼比你感覺到佢唔係對你唔好, 仲係愛你. 至少佢會覺得減少左你對佢既憎恨. 至少佢自己會好過d..

    佢做出d咁既事已經係一個錯誤. 你唸下如果佢真係攪左人地, 又唔會去take care個女仔, 又唔去承擔結果. 一走了之. 佢係d咁既人. 將來又會點對你呢? 呢d負心既男人唔要算吧喇~~

    你今日睇清楚佢, 好過將來嫁左比佢先知佢係咁既人, 到時後悔都太遲了...



  • Every single man will take this way when he faces this problem. If he is not that kind of people, he will not create this problem and therefore no such result.



    Egg -> Hen -> Egg, you know.



    But anyway, you are now in office. Be clam and don't affect your job.



    I have simiar situation happened long long time ago. And I have some tears during meeting. My manager don't even ask me a single question :-). They are quite during the meeting and left very soon.



    Sam Sam



  • man,



    我就係想比人鬧醒!我唔想再沈醉佢最愛就係我........我要好大勇氣去面對事實.我知道佢就係take care個女仔同bb,所以放棄我.

    我而家一聽到人地有bb,結婚etc...我好驚...我每過一分一秒都係折磨.



  • 而家就一定會好憎佢!

    過多一段時間啦…

    如果你心情由憎恨轉為平淡,

    你就會好好多了!

    有句話成日都用黎形容男仔︰

    「仲咩要為左一棵而放棄整個森林?」

    今次都想將句句子送俾你~

    support u~!



  • sam,



    我好堅强架勒...我只係眼紅紅. 我唔可以同公司d人講...我唔想交代...唯有死忍!



  • 路過lady

    你講得好岩!男人真係10個有9個會玩, 但問題係多數男人都會有個底線, 唔會玩到連個家都唔要囉!重有就係板主個呢個男友,佢同新既女友過左一排既熱戀期就會開始出現問題架喇,而家就咩都新鮮, 所以就有咩缺點都睇唔到, 睇到都唔會理,唔會去想, 但當時間一耐左, 佢就會發現問題架喇~



  • 南,



    多謝你!希望我學識做人,眼光要遠一些.....要活得比佢好.



  • son,



    所以,佢屋企人,朋友跟本睇唔好佢地.....sure唔會有好結果. 對我黎講,我會心涼先係...但我會好心痛..點解要搞到呢個地步?! 害咗個小朋友.............



  • 最傷心的人

    你好叻.. 一d都無喊到. 相信你一家捱到呢段難關架..



    佢而家係因為個女仔唔想墮胎, 所以你男朋友先會同佢結婚. 如果唔係可能佢仲會玩更多既女仔. 更多既人受傷害.. 你真係要努力. 唔好再比機會仍傷多你一次



    而且你應該仲細, 可以搵果個架.. 唔好傷心



  • man,



    我唔細架啦....人大咗,經一事,長一智....

    我晚晚都失控咁喊...喊到眼腫nose腫.但唔會影响工作~!我都要揾食架ma. 不過日日都無心情....



  • 最慯心的人





    can share in msn now?



    [email protected]



  • jerry,



    sorry呀..我公司無msn架.



  • can we chat in mail then?



  • 女人到頭來可以依靠的, 不過係自己一雙手



  • 最傷心的人,



    或者係時候清醒啦~

    雖然好傷心,但總好過同一個咁既男人結婚,因為始終有前科,結左婚,你地都會唔開心ga~

    咁樣一了百了仲好過拖住,妳要振作!!

    愛一個人唔應該咁樣,而係應該專心一意,他愛得妳不夠~ (可能狠d,但係希望你明白,同埋時間可以將愛同恨沖淡,當妳發覺妳對佢一d feeling都無既時候,妳會覺得自己過既生活比佢好,比佢幸福)

    我地哩度全部人都撐妳ga~

    Cheer up!!!!



  • 記住要keep住憎佢, 諗多啲佢嘅唔好, 千奇唔好再諗返同佢一齊嘅開心嘢, 咁樣好快就會對佢心淡然後就能夠淡忘, 我係過來人, 果陣我都係keep住同自己講:呢啲咁嘅人早走早著, 我慶幸第時比佢傷害果個人唔再係我!



    而家我結咗婚喇, 我老公仲好o錫我添, 我後來仲喺朋友口中得知當佢知我結婚之後佢好失落仲喊添, 真係乜仇都報曬, 記住, 時間係治療一切傷口嘅良方妙藥



  • JERRY,



    just sent email to you, pls check. Thanks.



  • 最慯心的人 :我係一個麻甩佬,但都向你說一句,今天你的傷心為昔日8年的感情而傷感.他其實係一個花心的男人,從來無為任何女友/對方著想.惝佢今天不去做人地老公,做人地老豆,仍和你一起的話,俾人話罪人是你.今天你抽離糾纏,還不是心安,世間衰男人多,但亦有好男人.祝你新的會快來.咪再想他罷.



  • BoBo & 過來人 ,



    我就係要努力...等自己唔再為佢心痛,有感覺.我仲祝佢同條女幸福快樂...佢千奇唔好衰比我睇!!! 我一定睇佢唔起~! 我會為自己生活而活~!



  • 衰佬,



    我雖然輸咗佢...但我贏得朋友,什至你地既關心.8年感情,佢已經係我生活既一部份.好似屋企人咁親.所以比佢傷害咗.個種打擊真係好大. 我唔會再同揾佢...唔會再見佢....



  • 啱喇, 千奇唔好再搵佢, 亦唔好比佢搵到你, 最好轉埋手提電話號碼, 因為我驚佢一陣失驚無神打比你你又心軟咋



  • 過來人,



    佢唔會打比我架勒..我怕自己打比佢多D.

    所以我一想打俾佢/SEND SMS比佢,我就SEND比我D朋友....我唔比自己揾佢.



  • 唉, 果陣我咪又係不停咁send sms 比佢, 又係咁飲酒, 希望佢會回心轉意, 結果佢理都唔理我, 於是我走咗去旅行, 估唔到果次嘅旅行的確幫咗我好多, 令我忘記咗好多嘅唔開心嘢, 不如你都試下去旅行啦



  • 過來人,



    我想呀~! 不過行唔開呢! 好彩有好多FD陪住我. 時間叫做好過D. 我揾返佢既話,佢一定留住我...我就係怕打比佢...所以唔可以比機會自己咁做...我話要祝佢地兩個幸福快樂..咁我就可以死心ma.



  • 版主, 曾經我都係受害者, 不過幸好個女人無BB, 但距離至今都1個月多dd, 心情都還未能和以前一樣............佢一不在身邊就有疑心, 好驚!!!



    如果當初個女人有BB, 相信佢都會放棄我, 但另一方面, 我會叫個女人落咗佢, 因為係佢破壞我地的關係.



    而家佢屋企人都唔看好他們, 你應該高興, 如果你不死心的, 咪等bb出世後, 上去探吓佢囉. 等佢知道活得比他好, 人又靚咗, 又有男朋友. 佢一定後悔, 或會離婚!!!! 等.............佢有個日囉. (女人係會咁諗, 好難扮大方的)



  • p,



    我個心日日都咀咒佢!!!! 無奈我太鍾意小朋友,我唔想連個bb都比人咀咒!!



    我太了解佢份人,佢決定咗咁做,梗難過佢都會死牚! 佢唔會比人睇死佢...等同我一樣~! 報仇心理我一定有,不過我要等自己冷靜d先...我個思維亂哂籠勒~!



  • 最傷心的人



    或者用另一個角度睇, 你o係未同佢結婚之前知道, 已經好過結o左婚先知 ......



    希望你可以搵倒一個更加好o既男人



    真係唔明點解佢地咁鍾意玩 .....



  • passby,



    我會唔再care佢架勒...不過要時間...我唔想屈係心~! 所以講出黎........聽到咁多人鼓勵我.我個心好好多.



  • 係呀, 舊o既唔去, 新o既唔o黎 ma, 我之前都好憎我 ex, 不過同o左依家呢個男朋友一齊就冇 lu



  • 你既事係我朋友個妹身上都有發生過! 佢同佢男友拍咗8至九年啦, 仲係初戀tim! 個男仔一直都對佢好好架, 仲諗住年尾結婚,跟住話有次飲醉咗,同個女同事上咗床喎,個女仔又咁啱有咗,所以要同我個fd既妹分手, 最後個男仔年尾都有結婚,不過仲同出面個女人結! 我就覺得佢根本就同呢個女仔一直都有路啦, 不過點都好, 呢件事都過咗幾年嚕, 我個fd既妹都有男朋友! 聽落真係好以古仔咁,原來仲有人有類似既經歷!



    所以板主你唔好太傷心哪, 唯一可以幫到你既就只有時間! 希望你快啲可以好似我個fd既妹咁, 搵過個男朋友啦!



  • passby ,Bonnie



    我又無諗住揾過個...只不過唔駛再諗住佢,唔駛再為佢呢個人唔開心已經夠勒.


Log in to reply