會考失敗後, 出黎做佐6年野, 儲佐D錢, 而家想讀番書, 專上課程果D, 但俾家人話我用讀書逃避工作, 昨天和家人吵佐一輪, 好心淡..





  • 可以既, 讀part time la



  • 自問成績唔好, 當年考唔到中六..

    之後我出黎做野, 六年時間,

    唔算長, 也唔算短, 總算儲到d錢,

    打算讀下夜校, 考番個會考,

    但昨日我去探我外公,

    我舅父剛好在家, 佢問我最近點,

    我話番工, 遲d讀番書,

    佢當堂起身, 指住我罵, 話我唔自量,

    明知當年會考炒佐, 而家又讀番書,

    分明係逃避現實,

    又話我爛泥扶唔上柄, 點讀都係做番文員,



    我當時真係好嬲, 但都忍住

    我一出門就喊佐出黎,

    覺得好委屈,

    以前我係貪玩, 會考唔好,

    之後呢幾年, 我都好俾心機做野,

    我只係想考番五科合格,

    點解佢咁睇我..

    我同呢個舅父一年都見唔到一次面,

    佢一直都覺得我仲係咁貪玩,

    就連我做學生果陣, 浦disco既野,

    佢都會拉番來講,

    話我賺埋d錢咪去disco

    自出黎做野之後, 我已經冇去過,

    我好努力改變自己, 但家人仍然用我以前既野, 去抹煞我的努力, 包括我想讀書, 都要俾佢地罵?





    家人係咪都唔會了解自己?



  • RITA
    我建議你堅持你自己既計劃
    你的家人是做錯了



  • 我情況同你一樣,中五畢業,家人都唔支持我再讀書,但我堅持,用四年時間去讀一個高級文憑,同埋一個degree, 五月就可以再投身工作啦,時間過得好快,今年就大學畢業啦.



  • 如果你因為佢一句話而放棄讀書.....

    你呢世都會俾佢睇唔起



    用行動證明俾人睇你係得既

    支持你~



  • yup~~~



    為自己而活!



    我29歲才第一次踏足大學,非常珍惜,極度回味.



    他一番話可以是冷水潑熄你的火,亦可以是加強火力的x油,完全是你個人的選擇.



    但你的火一旦熄了,後悔一生的亦只有你自己.



    100% 支持你



  • "明知當年結唔成婚, 而家又再結婚,

    分明係逃避現實,

    又話我爛泥扶唔上柄, 點都係一世一個人"



    點解讀書係爛泥扶唔上柄??



    一年都見唔到一次面, 你又洗乜理佢? 可能佢自己D仔女都係中五唔合格, 無野做.



  • Rita,



    You don't need to care what others say. It is your life and you should follow your heart. How about your parents? Do they think the same as your uncle?



    Follow your heart! Go back to school! Support you!



  • 全力支持你



    我覺得你的諗法無錯,仲好上進0添

    有0的人諗野較偏激,唔好理佢



  • 我個case同你一樣呀!



    我自己又係做左成十年野! 幾年前, 我決定放棄做野, 讀返書, 想讀個degree返黎! 因為以前會考又係無好好咁讀書, 所以考得唔好!



    咁後來同家人傾下呢件事, 我家�堥鉹中@位成員, 極力反對我用咁多錢去讀書, 仲話你想去進修, 唔一定讀書呀.... blah blah blah..... 跟住大家都吵左一大餐!



    後來我都堅持己見, 今年都就黎畢業了! 好開心自己無放棄到呢個機會, 因為唔剩自己那個時候已的起心肝, 那時的上進心, 可能到再過幾年後, 你未必再有心想去讀書! 同埋這幾年讀書的過程, 不謹可以學到知識, 仲有機會比自己去擴濶自己的視野, 識到唔同的人..... 得到比失的多!



    所以呢, 剩自己還後生, 想做就去做吧, 不要再唸咁多! 青春一去不覆再呀!



    有時家人親戚係唔會了解自己, 只有自己才了解自己! 你要自己幫自己, 幫自己行條好的路, 你又唔係殺人放火, 依家係去讀書, 所以呢, 抓緊機會呀! 唔係你將來可能會後悔!



    雖然我地唔相識, 但我都好支持你!



  • Hi, RITA,

    我好少會係呢度留言,

    但好想話你知,你的諗法絕對正確…去馬~~

    100%支持

    ^.^



  • 趁自己仲有呢份上進心, 就要去馬啦, 再老d可能會有心無力啦, 我今年大學畢業都42歲, 但係距離60歲退休, 仲有好長時間, 如果我唔去讀書, 會被淘汰, 我唔甘心, 時間好快過, 四年大學課程都就黎讀完啦.



    家人都話我為左逃避先去讀書, 又幾十歲人, 不過, 佢地讀得書少, 我唔怪佢地, 對於佢地既說話, 一於當佢地狗吠.



  • support you

    study harder and further your study,

    gain higher qualification and proud of yourself

    make your uncle jealous your hard working



    if possible, may by you could start with part time course and earn more money to support yourself to further your education



    you're right, everyone's educational background has been raised, you should equiped yourself with higher qualification while you're still able to



  • 其實果個只不過係你舅父, 仲要係一年都唔見一次果隻, 難聽d講句, 你當佢狗吠囉, 佢唔了解你, 根本無資格去批評你d乜野. 呢種人, 你無需要當佢係"家人".



  • 不需要把唔重要既人既說話放係心



    做自己要做既事, 好好的讀好成績比佢睇



    我當年要repeat form 5, 後母話唔好, 因為女仔唔好讀咁多書....浪費金錢, d 親戚話我個學位係靠關係的, 好好笑, 我係經Japus 入學的, 心裡只笑佢地無知



    結果我讀完中7,讀完大學...今年打算讀master



  • 好多謝你地既留言呀!

    我好感動, 原來咁多人都同我有一樣既經歷,

    果日返屋企真係好唔開心,

    好似俾人狠狠打佐一餐咁...

    因為我講俾人聽讀書果陣, 係好有信心,

    好有誠意去講,

    不過過後思量, 自己原來真係冇乜自信,

    一句說話可以差d改變自己既志向,

    爸爸媽媽都支持我, 佢地仲要我俾心機去讀,

    但千祈唔到讀到一半, 又無心機, 咁樣佢地講明一定會好唔鐘意了,

    我發覺, 原來了解自己都係身邊既朋友和父母, 甚至係同事, 有時都會支持自己一下,



    至於舅父, 其實我都唔係佢係點的, 由細到大, 每次見到佢都講, "我當你係女架, 你有咩都可以同我講既"但當我講佐, 佢就會鬧我, 比如說, 我想讀書, 佢就話嫁左佢咪仲好, 又成日話我樣衰, 讀書唔成, 總之講好多野都係中傷人既說話, 但我舅父說, 係因為家人, 先至講呢d話, 但佢唔知道傷害人, 家人係可以講真話, 但都有個底線, 但我相信好好地一個人, 幾十年俾同一個人, 仲係"親人", 踩到自己一文不值, 我相信冇咩人係會開心, 所以我好耐都冇同佢講自己既野...估唔到佢個人十年如一日, 冇變過, 有d失望la...



    正如你地所講, 我學會唔理佢ga la, 我亦下決心, 下次無論佢講乜, 我都唔會再喊, 唔嬲, 我唔會再俾佢打擊到..



    我一定會俾心機!! 你地既留言令我對自己有番d信心, 同埋俾我知道, 自己一定要珍惜學習時間, 而唔好花時間在一堆冇謂既人身上!!





  • RITA

    你舅父講呢d說話,証明佢係低下階層?

    對嗎?



    你話讀夜校,又唔係quite左份工,佢講乜野逃避喎...

    我果時想再讀,俾家人話讀乜能野...

    你唔好理佢,佢d低下階層識乜...



  • 讀書唔係唔正經的事,唔需要理人地點諗,你又唔係叫佢俾錢你讀。



    如果你打算搵份好d的工,係應該充實自己,我個學位都係part time讀番黎,雖然出黎做野已有一定年資,但冇張沙紙真係差好遠,起碼人工唔嗌得高!



  • 係呀,你千祁唔好放棄呀。

    我個仔都係咁, 細個唔識諗,冇心機讀書。大個做咗野就知道進修嘅重要,佢半工半讀,好辛苦架,不過佢而家有碩士學位啦,我好以佢爲榮呀。

    你而家讀書係你自己要讀,你自己有動力,唔同細個係父母要你讀,所以你會好俾心機架。




  • hi Rita,

    If you are not working, would it affect the life of your uncle?

    Does your uncle need to pay for your studies?



    If your uncle has nothing to do with your life, why are you so affected by what he said.



    Pls go and prepare for your course.

    Stop wasting time about your uncle. He's just a very low class man who only knows how to scold a niece. How helpful can he be? If your neighbours dog is barking for no reaosn, would you care?



    Get on with your life.

    Make sure you are serious this time.

    Good luck to you.



  • 支持你



  • 唔好意思呀, 我想問, 我會考都考得唔好架, 英文仲好差添, 出黎工作後, 英文都係咁差, 無進步過呀, 我想問下你地, 你地都話自己當年會考考得唔好, 但係你地點讀到個學位番黎呢? 會唔會跟得好辛苦? 大學係咪通常都係會用英文教架?? 咁你地係resign左份全職, 跟住o個幾年就全部時間用黎讀書???



    我都唔想成世都係咁呀, 我只得中五學歷, 英文又差, 唔想成世都係做死一世文員仔, 比人睇唔起!



  • 版主你都好丫, 做左六年野儲到d錢, 我就儲唔到錢喇, 差唔多個個月都用哂咁滯, 好難儲到錢, 介唔介意話我知你幾錢人工, 儲到幾多錢? 每個月又儲幾多? 我現在一個月得7千五人工, 比二千元家用, 其餘既用黎搭車食飯行街買衫買護膚品等等, 不過我係同bf搬了出黎住的, 可能就加埋要買日用品o個d囉, 所以我好難儲到錢! 我做左咁多年文職, 不過係轉過好多份工, 當中有d時間又失業無野做, 係呢一兩年先定番d, 但係份工都幾受氣囉! 我只係做receptionist咋!


Log in to reply