我想聽下你地女仔有咩意見,我想知我係咪真係好錯?
-
我同我女朋友已分手半年
她說她跟我性格不合
剛開始她說大家還是朋友
但我真的不捨得
於是我開始發了瘋
每日打幾個電話求她回來(只是在電話,沒有到她家樓下,工作地方找她,亦沒有在半夜時找她)
打了一個半月
當然她覺得越來越煩,後來甚至說不要做朋友
但數天後(即分手兩個月後)
她和她的同事一齊左
那同事我都識,我們有仲一齊玩
我問她
她堅持她跟我分手的原因不是因為第三者
我很傷心
因為我真的投放了很多感情在她身上
我還打算在她生日時向她求婚
我不斷回想起和她一齊去旅行,還有日常生活的片斷
我打了電話向她道歉
希望她可以忘記我這發了瘋的一個半月
並說大家之後會有各自各的生活
我真心祝福她有個愉快的將來
之後只答了一句:希望你都係
但之後我每次一打開個FACEBOOK
見到佢UPDATE 野
我個心就好痛
之後我就決定DELETE 左個FACEBOOK
我O個刻哭左出黎
我知道有人會覺得我好孩子氣
但係我真係睇住佢不斷咁UPDATE好辛苦
所以我真係決定DELETE左佢
希望自己早日忘記佢
我已經成兩個月無找過她依家冷靜落黎
我好後悔自己當初的行為
當然我未完全放開
但我真係希望等大家淡忘左之後大家可以做返朋友
因為我同佢都發展到開始講結婚的階段
希望大家可以做朋友
我想問我同佢分手同個男仔有無關?
我當初發左瘋咁搵佢
佢係咪真係會永遠都會記得?
佢會諗起大家一齊D開心野多定係我不斷煩佢?
佢知唔知我DELETE左個FACEBOOK?知道後佢應該會點諗?
呢一刻我仲掛住佢,我可以點?
將來我放下了後,仲可以做朋友嗎?
-
忘記整件事.
您地唔可能仲做倒朋友.
就算做倒.
您會好辛苦.
寄情於工作.男人應該把工作做好.
-
Add oil
-
我自己仲考慮緊del 唔delete 佢facebook, 但見到你呢個case
就增加決心去delete
-
問題係佢已變了,, 唔係你所認識既佢
留佢又有乜野用
放手啦,, 自己重新振作,,, 重新開始,, 唔好墜落自己,,, 第日係街見到,,, 要令佢覺得錯過你係佢既損失
加油!!!
-
嘥9氣.我係女都頂你吾順. 分咗就係分咗. 到而家你都中未接受到分手既事實. 我話你聽, 如果大家做到朋友既,就自然做到. 當初mark左面, 做埋d咁淚進既野, 已成事實, 已返吾到轉頭. 你問下你自己, 點解要同人做返「朋友」先? 咪又係未死心. 死左心既, 自然會係心裡祝福佢,做吾做得返朋友,隨緣啦. 一切在心中, 洗乜做咁多野.
你再係咁執著, 即使比你同佢做返朋友, 你又接受吾到佢已有新男友的事實,表面上話要同人做返朋友,其實咪又係想再次得到佢,到殘酷既現實再一次打擊你,你容乜易中激過上次,攞刀斬人點算? 我係個女仔一定一定會避開你. 我吾知佢有冇轉電話或搬屋, 如果係我,識著個咁執著激進既人, 我一定會做齊呢兩件事,以防萬一.
後生仔,放開d啦,成個森林中有好多好靚既花,一定有一朵啱你. 愛情亦吾係生命既所有,男人大丈夫,拎得起,放得低,暫時寄情事業,留得青山在,那怕冇柴燒.
呢個世界冇最好既人,只有最夾最適合你既人,但佢似乎中未出現.
-
Clear Cut, not everyone can be friends again after breaking up, be in bf/gf, business partners, husband/wife......
-
一段感情唔係只在於你單方面既付出
如果你地兩個之間沒有問題產生,又點會令她提出分手呢
你既然都講得你地去到講結婚的階段,可想言之已有好深既感情基礎
但佢最後都可以忍心同你提出分手,就知道佢覺得你唔適合對方
或者未必係你做錯任何野,而只係相處時間奈左而太了解對方
而你要問清楚你自己,當你想同佢做番朋友既時候,你咪真係可以當佢係普通朋友咁簡單呢?
-
當你有新目標就唔會care 同佢做唔做到朋友架啦
-
我想問我同佢分手同個男仔有無關?
=係又點,吾係又點,重要咩? 即使係,你又可做甚麼? 如果真係情比金堅,人家就不可能乘虛而入啦. 呢個吾係非黑即白既問題, 男方既出現只係關係結束既加速器.
我當初發左瘋咁搵佢, 佢係咪真係會永遠都會記得?
=係. 仲會諗辦法避開你. 即使你話只想做回朋友, 都吾會信你.
佢會諗起大家一齊D開心野多定係我不斷煩佢?
=現階段可能只會諗起你煩佢d野,相信要件事過哂氣冷靜落黎後先會諗起大家開心的回憶,可能係好多年後既事都未定.
佢知唔知我DELETE左個FACEBOOK?知道後佢應該會點諗?
=知道後可能會安心小小,因為可同你劃清界線, 又吾會再為對方生活上/情緒上做成干擾/波動.
呢一刻我仲掛住佢,我可以點?
=做其他野轉移自己注意力,做運動,進修,博命做野,博升職加薪. set 個目標買樓. 識過第二條女.
將來我放下了後,仲可以做朋友嗎?
=吾該吾好再諗呢樣了. 如果你真係放得下時, 做吾做得返朋友, 根本已吾重要. 你只會笑一笑, 默默祝福佢, 讓一切隨風.
-
你識得後悔當日的行為,係好事. 但若然你只識繼續後悔, 係冇用的. 應該當為人生的經驗, 引以為鑑, 然後好好前進.
好多堅強既女仔, 會剪短頭髮, 以示重新開始既決心. 男仔, 我唔知可以用乜嚟signify 這種決心.
-
tattoo
-
簡單一句， 你俾好大壓力佢， 佢先有咁嘅反應， 同埋朋唔朋友好閒o者! 你唔放得低係因為你未有其他寄託， 老套講句， 治療失戀最佳方法係再戀愛! Add oil!
-
超錯超錯超錯超錯超錯超錯~~~
-
我想問我同佢分手同個男仔有無關? <一定有>
我當初發左瘋咁搵佢
佢係咪真係會永遠都會記得? <會記得, 但同佢唔回心轉意無關係>
佢會諗起大家一齊D開心野多定係我不斷煩佢? <佢已經開始新恋情,跟本關於你既佢都唔會再諗>
佢知唔知我DELETE左個FACEBOOK?知道後佢應該會點諗? <如果佢睇friend list會知架, 你同時會喺佢個friend List消失架,佢會諗你放棄佢囉>
呢一刻我仲掛住佢,我可以點? <你可以打比佢, 你話只想聽一聽佢把聲, 但要快D收線, 唔好比佢覺得你煩>
將來我放下了後,仲可以做朋友嗎? <要視乎大家身邊既另一半介唔介意喎>
-
Girl replied at 2010-06-22 4:12 pm
呢一刻我仲掛住佢,我可以點? <你可以打比佢, 你話只想聽一聽佢把聲, 但要快D收線, 唔好比佢覺得你煩>
------------------
我覺得做呢一步好無謂
-
我無搵佢
我甚至唔敢睇同佢有關O既O野
但差唔多每日都仲諗起
仲責怪自己
不過我諗時間會將一切淡忘
-
你一定係好唔開心，周圍都見到你。。。。我好明你，因為我都係