二千蚊禮物都話貴!!不如唔送仲好......

[大俤]

尋日同呀哥商量，諗住母親節送咩禮物俾呀媽，set左二千蚊禮物，點知俾呀哥話我癡線，
話我好發達呀而家，仲麥買份咁貴嘅禮物!
咁母親節一年一次啫，呀媽又咁辛苦，如果二千蚊都算過份嘅，不如唔送!

[送la!]

有得送，我會送尼樣law!http://www.1kuaipai.com/auctions/otofoot_sr9300_0505

唔會咁cheap，送二千禮物!!

[窮小子]

咁睇下大家年齡幾大、家境如何、搵幾多

二千算貴啦...我覺得

[saya]

其實對(大部份)父母黎講,仔女送咩禮物都唔重要,

最重要係睇見兒女生性健康,時刻關心佢地,已經係最好既禮物!



2千蚊買到啱媽媽心水既就平,得物無所用就貴,

全家人齊齊整整開開心心食餐好既,佢一定開心過收禮物囉!

[冇乜好拗]

其實都係一份心意姐,2千蚊做母親節禮物,我覺得吾係必要羅,我會留返生日時送. 母親節只係比為人子女一個機會多謝媽咪,appreciate佢為我地做既野,吾一定要用錢衡量.一家人飲餐茶都得架.



如果你吾覺得貴,你大可一個人買,你自己送比媽咪,佢一樣開心.

[物質世界]

母親節一年一次,生日又係一年一次,新年又係一年一次,聖誕又係一年一次,....一年到晚都有好多禮要送... 唉

[有麥所]

有麥所謂，最緊要心意嘅啫!!

[太過la]

二千蚊都算中位數，我覺得可以接受!

[大炮]

d大嘅通常都只係得個樣，要佢地俾錢實唔制!

[咁又唔好咁講]

二千蚊咁多呀... 不過睇你買咩囉! 心意呢啲野, 佢會知嘅... 可以唔使SET到咁高...

[langag]

父母咁辛苦做野，你地竟然覺得二千蚊係好貴!?有無諗過佢地養左你地幾多年??