(轉貼) 尋日同男朋友去釣魚,佢問我係咪玩野喎......



  • 呢牌心情真係好差呀,冇計啦,年尾流流,俾人請我食鼓椒炒魷真係好慘架...上次咪話過個死佬連買隻狗
    俾我都唔肯GE,咁我嬲左佢都成兩三日啦...到尋日先肯同我認低威,先肯認自己衰..唉,呢D咩男朋友黎架,
    成日都要人畫公仔畫出腸,你話係咪抵打呀???
    咁尋日佢同我講,話成日見我屈係屋企咁悶,不如咁啦,話帶我去釣魚咁話喎...咦???我咁大個女都未玩過喎,
    咁咪應承左佢囉,點知咁就出事啦.唉.......
    話說尋朝早見係一個風和日麗GE週未,朝早一早同佢去左食早餐,見佢孭到一袋二袋咁,咦,幾得意喎....
    咁我諗住攞黎睇下啦..點知佢即刻好大反應咁話我,叫我小心D睇,仲話呢D係佢GE心肝寶貝咁話喎..車,有咩咁
    巴之閉 喎,D死人爛鬼魚杆,值幾Q多錢喎???跟住仲俾我睇左一包 .........咦???嘩,郁郁下GE????有冇核突D呀???
    佢話係沙蟲,係要黎釣魚架喎,吓???唔係卦????咁核突同樣衰,仲話到時俾我玩下喎 .........咦.......有冇搞錯呀???
    唔係想叫我拎D咁核突GE野黎玩呀????都係唔理佢,到時去到先算啦....
    咁去到左果個沙灘之後,只見佢同個阿叔講左一大輪之後,見到佢俾左錢人地....哦,原來佢話面前果隻艇仔就
    係租返黎俾我地出海玩架喎...咦,又好似幾得意喎.....我咁大個女都未玩過,又好似幾過引咁喎.....不過D太陽真係好勁,
    曬到我又熱又慶......咁先睇到原來隻手甩緊皮.....嘩,我當堂咩MOOD都冇哂........咦,好衰架,又唔同人地講話會咁曬,
    黎到人地先知,搞錯呀...你地知啦,咁樣哂一哂法,之後有牌都白唔返架嘛.......咁我點玩喎,咪同佢講話都係唔玩啦 ,
    不如走啦...點知佢聽我講完之後當堂面色都變哂....仲問我咩事????吓??搞錯呀,你係咪我男朋友黎架??咩事都唔知???
    你明知你女朋友我最緊要靚架嘛...陣間一個唔覺意哂黑左咁點算呀???睇見佢咁樣,我都己經忍住度氣同佢講架啦..
    點知佢聽我講完之後冇氹返我不特止,仲問我係咪玩野喎???點解唔早D同佢講喎????我聽後,真係火都黎埋,搞錯呀,
    咁樣打橫黎講都有GE??而家係佢事前唔同我講清楚,而家仲走黎怪我......呢D咩男朋友黎架,咁都得GE.....我決定唔再忍佢
    啦,成日都係咁....點做人男朋友呀.....終於我就忍唔住同佢講話我自己走啦,你自己一個慢慢釣啦.......
    就係咁...尋晚佢就成晚都冇再打過電話俾我氹返我啦,你地話佢係咪正一衰人黎架??講真,同佢拍左拖成兩年,
    佢都成日揾D野黎激嬲我,你地叫我點做好喎???唉............



  • 我覺得呢條女簡直係白痴



  • siuhonghong2002 replied at 2010-03-21 12:41 am

    -----------------------------------------------------------------

    我覺得呢條女簡直係白痴

    =================================================================

    同意X1

    佢一定好細個



  • 依D 係唔係人地的BLOG?



  • 係呀,係人地個blog度架



  • 真的是很過份,對嗎??



  • 真小器



  • 係人地個blog度copy上黎討論仲過份啦, 知唔知咩叫知識版權 ?



  • 又一條死港女 !!



  • 個女人有病



  • 真係有病架



  • 睇佢幾時俾人飛,要做蘿底橙...呵呵



  • 分手啦~



  • 真係過份

    條友竟然無推條港女落海



  • 美人魚 replied at 2010-03-22 7:20 pm

    真係過份

    條友竟然無推條港女落海



    唔好甘喇~

    賣佢去印度仲有數圍喎~haha



  • 去印度得咩???



  • 去印度得咩???



    <---甘既...我本身係印度人...有路既!!!



    妳想去???



  • 係呀,好似幾好玩架



  • 係呀,好似幾好玩架



    好啦...聽晚9:00...黃石碼頭...準時吖!!!



    88



    記住帶$

    19幾億冥通吖^^


Log in to reply