請問以下的舉動對方會知道你對佢有好感嗎?
-
對方不在香港
XMAS我整左張XMAS CARD比佢
生日整左個VIDEO比佢
佢同我提過既MOVIE我會睇
提過既書我都會買來睇
佢講過話有D乜有用我都會睇...
佢會知道我中意佢嗎??
-
未必得.
佢同我提過既MOVIE我會睇~>你要話佢知.
提過既書我都會買來睇~>同上.
佢講過話有D乜有用我都會睇~>同上.
i.e.
你鐘意佢~>同上.
-
佢同我提過既MOVIE我會睇~>你要話佢知.-- 我有
提過既書我都會買來睇~>同上.-- 我有
佢講過話有D乜有用我都會睇~>同上.-- 我有
其實佢會唔會覺得呢? 我問佢情人節有乜做, 佢話冇約, 反問返我有冇人約比LEMON人食...咁有冇特別意思呢?
宜家佢不在香港, 突然講中意, 佢會唔會覺得好怪架
-
我諗呢d 野,就算佢覺得有,都係估有,唔係實實在在感受到囉.
你明唔明呀?
變數依然有好多架.可能佢覺得同你分享只係朋友間既.
無特別意思.
你聽佢話睇曬佢提過既野,都唔代表d 咩,最多可能係覺得你好悶,
比d 節目你.
有個女仔話下一站幸福好睇,我download黎睇,唔代表我鐘意佢一樣.
而生活上你覺得暗示左既野,其實佢諗可以係有可以係冇.
workdone 最後都係等如零
明唔明我想講咩??
-
你意思係要講出口?
-
我同佢在香港識時只見過2次面, 冇特別傾計
係佢走左之後我地先EMAIL CONTACT一直寫信
我怕我就咁同佢講中意佢會嚇到佢
-
咁樣你唔洗講到明比佢知,
女仔黎嘛.
你可以慢慢黎既,
佢唔o係hk, 咁等佢返黎先囉.
返左黎, 如果有機會咪借d 而約佢, 話你想睇戲無人陪...之類.
搵既機會自己又好落台.
約多幾次, 咪食下飯傾下計, 了解多d 先.
如果都係o岩既, 咁中間可以加d sms,電話,msn 果d.....
不過當然要睇下佢有冇反應啦, 呢d 係雙向嘛.
如果再有機會既, 咪有意無意暗示比佢知.
不過最後都唔好自己出口.
-
當然要一步步黎啦
-
他定居外地嗎?
盡可能回港多久。每次逗留多久?
-
點解唔好自己出口呀?
我地宜家都有時SMS同MSN架。。。其實XMAS佢都寄左張SURPRIS XMAS卡比我。。。我覺得我做既野都幾明架啦,咁佢都算有反應既。。。宜家一直KEEP住一星期一次寫信,唔知咩關係咁,我地寫好多架,加埋都有二萬幾字啦,有時都忍唔住想話比佢知我既感覺……
-
佢在外地讀書做野
其實4月會返來定居了
我地10月尾識,佢11月頭走,一直EMAIL CONTACT到宜家
-
女仔有女仔既角色, 男仔亦都有男仔既角色.
不過呢個只係我個人覺得.
表白呢家野,應該係由男仔去做.
如果佢一樣對你有意思.
-
4月返黎, 對你黎講算係一個好消息喎^^
-
哈哈,我怕佢未返來我已經忍唔住講左
-
鐘意一個人又真係好想話比佢知既...
-
我提議你唔好「示愛」著。不過要keep著大家通訊方式。信中比d正面,開心,關心既感覺他。始終如果大家往後有發展機會的話,現在便是萌芽觀察階段,必須小心呵護。唔好有發脾氣,such as”點解你咁咁咁對我架”。
只要大家keep着友好通訊,待他回來再繼續約會來往,介時才表白才是right timing
-
同意
不過個人覺得,男仔應該主動表白.
女仔主動應該暗示個男仔向自己表白.
-
唔..多謝兩位既意見, 我會盡量KEEP住友好關係先...雖然有時會有期望..我都要控制自己...
-
客咩氣
吹水之嘛
-
哈哈我個人好敏感
佢尋日SEND比我既EMAIL改左口叫我, 我覺得冇之前咁親切
我就以為佢收到我整比佢既生日VIDEO之後就想KEEP DISTANCE, 唔開心左一陣
點知好快佢上MSN HI我, 我果時白痴到唔知嬲佢D乜咁唔想即刻應佢...
後來傾完MSN, 我又唔覺佢想KEEP DISTANCE喎
HAHA
-
點解你唔問佢......點解改口既??
-
好似好無聊...都係一個名JE...
如果我問, 好似顯得好介意咁...
咁可能佢覺得之前個名太親切, 宜家唔想叫呢, 咁我問左唔通迫佢改返口咩
-
你諗得太多........
唉!~我牙痛.....想出牙咁.....=.="
-
佢有咩咁吸引你...
-
感覺
果時岩岩識已經有D感覺
後來一直通信來往, 我覺得佢對我都有好感
就好自然愈來愈多好感
-
shxt...我又想講啦
成日都係咁
搞到自己好煩
宜家都唔知咩關係 =(
好想喊....
-
喊咩呢??寂寞到喊??
你會唔會得閒左d??
搵d野做下,執下屋咪亂諗野啦.
我明你依家諗咩.
你驚依家唔講,遲d會無機會?
-
唔係..我搞到自己好煩JE...
我唔係驚冇機會
我個人係咁, 一有野就會想乜都講比人知
所以我想講囉
如果我講, 我會比講埋見左面之後感覺唔同可能會有變數
但宜家既感覺想比佢知囉
-
我都唔知點解會咁
可能我一直都覺得係有野
一直都想講
但又比世俗既想法框住自己
-
bb
你自己想點做就點做啦
其實呢個係世俗想法又好
係日後o既煩惱又好
我都係覺得應該由男仔講出黎
如果你自己舒服o既
你自己決定啦.
我明白對一個人有好感係好想話比對方知既
如果得唔到對方o既回應會更加難受.
...
-
我個人O係呢方面係有D奇怪的哈哈
如果佢唔中意既咪算囉, 如果佢因為我咁而疏遠我, 咁我會覺得呢個朋友都唔值得交啦, 我只係話比佢知我中意佢JE...冇要求D乜..
我記得我讀書時都試過寫情信表白, 不過衰左HAHA
-
一係傾多一陣計我睇下佢點先..
佢問我情人節有冇人約有冇拒絕人, 又問我香港男仔在DATING方面係咪大膽...
繼續講下呢D野, 可能都可以知多D佢點諗既
-
唔會知道.
-
我講既唔係做唔做返朋友既問題
如果萬一你地一齊左
呢個會變成你地之間既一條刺
如果萬一咁好你地結左婚
呢個會變成你地之間既一條殘刺
因為佢依然o係度.
正所謂開錯左個頭,
錯曬.
不過如果你唔mind 既,由你啦.
-
下..我唔明..點解會有刺???
-
d人好興翻舊賬
好似我阿媽咁
成日話想當年如果唔係乜乜乜乜就乜乜乜乜.
有時嘈交就會講.
明未?
-
哦...有D明啦,你意思係咪有D男仔會介意?就算真係一齊左,都會介意係個女仔開口先?
-
我唔係驚男仔介意
我係驚你介意呀
問心啦,女仔...點都想有人追.
你覺得呢樣唔會對你做成一條刺既,ok既.
但係另一個問題,女追男,男會否珍惜?
-
你念太多了~
呢D也...随缘啦~ 距系对你有意思既, 迟早会表白
-
哦傻啦我唔會介意呢D野啦..冇諗過原來你講呢樣HAA
我唔知道會唔會冇咁珍惜...
-
但係佢又唔等得呢~~"
我去沖涼先