＠***電影分享會***＠請各位喜歡睇電影既人仕分享心得，我會不定期攪去睇戲及 gathering，歡迎各位戲迷有時間上黎吹下水，一齊去睇下戲！！

我有一班 FRIEND，定期都會去睇戲食飯，約1-2星期一次左右，我地今晚會睇巴別塔，打算下星期去睇生日快樂，各位有無興趣？

等我黎~
 
 第一個到~~~ ^^

導演: 艾力謝路依拿力圖(Alejandro Gonzalez Inarritu)
 主演: 畢彼特(Brad Pitt), 姬蒂白蘭芝(Cate Blanchett), 加爾卡西亞般奴(Gael Garcia Bernal), 役所廣司(Yoji Yashuko), 菊池凜子(Rinko Kikuchi)
 片種: 劇情
 日期: 2007-01-12
 
 榮獲康城影展3項大獎包括最佳導演、評判團大獎、技術大獎三項大獎。由《狗男女的愛》、《21克- 生命可以有多重?》導演最新力作，四段發生在摩洛哥、墨西哥和日本的故事，因為一粒子彈而連上了脈搏，於摩洛哥旅行的一對美國夫婦(畢彼特及姬蒂白蘭芝飾演)，因為妻子意外地中槍，引發一連串骨牌效應的事件....
 
 
 
 咁多獎...一定好藝術....
 我o的藝術細胞死曬..都係下次先啦~~ ^^

好心你啦, 你個名係she都臭哂啦, 又老又樣衰, 你個d所謂"一班friend", 咪即係一個半個囉, 何來一班呀!!
 
 收皮啦!!

我會唔會咁蠢呀
 如果要鬧月亮就用第二個名啦
 駛唔駛打返"阿好"呢個名呀?
 係咪驚死你地唔知係我鬧佢呀?
 我行不改名坐不改姓
 一直都係用nickname
 從來唔會用alias既
 你唔相信我都無辦法架
 我又唔係你朋友.....算啦, 我無野好講
 你地鍾意屈就屈啦
 唔該個d咁無聊同咁幼稚既人唔好做呢d野啦
 
 月亮,
 我一直都無唱過你
 你信就信, 唔信就算

哈...開咗個新thread, 而家先通知我...
 
 死都撐你...撐鬼死你...
 
 係呀...今晚我book咗一打位架啦，睇完戲去食飯，好唔好? 我call咗茶茶佢地，佢地都ok喎!!
 
 and u?? are u free to have dinner with us??

我吾知，我做人一向問心無愧，
 你地要玩就玩飽佢，吾好影響有心去睇戲既人！！

我吾知，我做人一向問心無愧，
 你地要玩就玩飽佢，吾好影響有心去睇戲既人！！
 
 by 月亮忘記了 - 01/12/07 17:25
 
 乜有人要去睇咩, 來來去去咪就係得你囉, 有影響到咩??

我覺得 d 人好冇品囉！
 有膽就用真名示人喇！
 床頭露尾乃鬼祟行為！
 重要扮鬼扮馬去掩飾身份！
 可悲呀！

《巴別塔》國際蝴蝶效應
 
 這是二○○六年最受國際讚賞的影片之一，由於期望過高，我看後覺得過譽了，大概去年電影世界的確缺乏令人驚喜的傑作吧。當然，此片仍然值得注意，最難得是真正跨國跨族跨洲，在日益全球化的現在，顯出世界各地仍有很大差距、歧視與誤解，但連鎖反應的蝴蝶效應更為密切，隨時發生不測的危機風波，必須加強了解和合作。
 
 墨西哥新銳導演依拿力圖憑《狗男女的愛》揚名，接�茖鴐�國拍了《 21克——生命可以有多重？》，都是佳作。現在《巴別塔》 (Babel)進一步施展他擅長的人生交叉點群戲，片名出自《聖經》，指世人本來同語相通，由於興建登天的巴別塔，觸怒上帝，祂就懲罰世人分化分散，言語不通，再難和洽。
 
 劇情是野山荒漠一宗槍擊案，前因後果涉及非洲摩洛哥、美國、墨西哥和日本東京，引發四地交叉的四個故事。片中演員來自世界各地，有大明星亦有無名氏。核心人物就是荷李活紅星畢彼特和姬蒂白蘭芝合演的美國夫婦，在摩洛哥旅遊時受傷，釀成「文明衝突」，變為國際敏感事件。
 
 牧羊家庭戲最有實感
 
 此片拍得最真切是摩洛哥窮鄉僻壤的牧羊家庭，一支獵槍使父親和兩個小兄弟「因福得禍」，錯摸的遭遇非常慘痛，亦演得最有實感。墨西哥婚禮戲就特別生動，並且深刻顯出美、墨一線之隔卻分歧很大，那個為美國人打工的墨西哥老媽子非常可憐。
 
 除了國族恩怨問題，《巴別塔》亦拍出家家有本難念的經，那對美國夫婦便有感情危機。
 
 東京段落更呈現日本新舊世代的嚴重代溝，菊池�狺l飾演富家聾女是很大膽又很苦悶的 Lolita，令父親役所廣司不知所措。
 
 宣揚善意溝通化解仇怨
 
 《巴別塔》的問題，是全球化連環扣的題材太大，四個故事只是個別，難以全面，難免巧合堆砌，煽情炮製，大搞悲劇。拍攝日本新世代尤其獵奇化，賣弄聲色，甚至弄得變態色情狂。
 
 全片主題就當然宣揚善意溝通，化解仇怨，這是人人會說的良言福音，說來容易，做起來就總是困難。
 
 石琪
 資料來源：明報

月亮忘記了,
 
 can i join. i know who are u, u are the same guy in hiking thread from sports, right?
 
 i'm also the same gal from the hiking thread, my name is lavender. i know mr. juice
 
 see u and thanks

月亮
 好耐唔見! 我又黎八下先!
 (我係week呀)

lavender
 Welcome ah!!
 
 dbs_b
 我當然記得你地丫,
 好耐無見呀!! 你好嗎?
 我就係見電影版開始無人攪睇戲團,
 先開個新既, 之前係另一個場合度,
 我都撞到半張飛呀!!
 其實我覺得, 好多鍾意睇戲既人,
 包括我d朋友們,
 我地而家個個禮拜五都去電影中心睇戲,
 都連續睇左6個星期呀, 哈哈哈!!
 不過諗住group大班d,
 好似之前咁, 可以一齊分享下咁!!

HAHA~
 做咩事又講起我ar~~
 我由聖誕到e+仲咳緊,
 加上心情唔係幾好,
 都係無mood出黎social gala...
 
 交俾你了! 月亮!

半張飛
 喂!! 你無事呀??
 唔開心一陣好呀!!
 呢期咁多好戲,
 快d出山好喎!!

我不嬲都極度情緒化的, haha, but 唔知點解, 硬係好似心力交瘁咁 lor~ 呢鋪好似唔野少wor~ 真係... 唔知點.
 
 放心, 我見到你地有arm時間&題材的戲, 我會出黎既~

i can join movie shows too .
 i like watching movies

半張飛
 好呀!! 我等你架!!
 
 stand
 welcome 先!!

我都鍾意睇戲喎....
 
 岩岩睇完"戰火旗績"
 
 遲d想睇"血鑽"、"生日快樂"、"翻生侏羅館"...
 
 如果有時間可能睇埋鄭中基果套......

月亮忘記了 , hello.

To My Honey MoonMoon,
 
 早晨啊....
 
 噚晚套《巴別塔》好好睇啊...
 
 平級: B+
 
 雖然情節拉得比較長, 節奏比較慢, 拍攝得比較沉重, 但bring up 嘅message好清晰:
 
 1. 文化水平低嘅小朋友嘅無知
 2. 夫妻之間無勇氣表達嘅誤解
 3. 強國嘅自大無能
 4. 政治嘅憂慮
 5. 發展中國家嘅無奈
 6. 聾啞人士內心嘅不被了解、寂寞
 7. 人與人之間嘅守望相助
 
 人性本善, 只有溝通唔到嘅語言障礙...
 
 對我黎講最深刻的:
 
 1. 細佬棄槍舉手投行, 求警察救佢哥哥
 ~ 人, 係咪做錯事之後嘅本能反應只會逃避,要去到無法挽救嘅地步先會承認過錯?
 
 2. 老婆中槍, 不能自行小解
 ~ 明明深愛, 為何大家沒事沒幹嘅時候就不能坦坦白白咁講出自己嘅感受? 難道要對住死人講野先有勇氣，自己會好過一啲？

wo~
 你地下星期將會看的那套 "生日快樂", 係催淚彈黎o架喎....
 
 你們不怕嗎??~
 我怕...我不喜歡自己流淚的~~ ^^

唔怕呀...
 
 我想睇啊...但係同唔到honey moonmoon 睇啦...>_<
 
 i'll c the movie on my b'day with my xx.^^

我都鍾意睇戲喎....
 岩岩睇完"戰火旗績"
 遲d想睇"血鑽"、"生日快樂"、"翻生侏羅館"...
 如果有時間可能睇埋鄭中基果套......
 by 無妨 - 01/13/07 02:23
 
 你都睇好多movies啊...
 
 "戰火旗績" 好唔好睇架？？

嘻~ 重要日子, 當然要留番俾你個至愛啦~
 但你要記得用防水化妝品ar~
 如果唔係, 生日變熊貓, 會好難忘.

係啊...好彩你提醒我...
 
 nevermind...i try not to cry for the movie...^^
 hohoho....

比阿電柴搶左閘, 講左觀後感添, hehe!!
 
 《巴別塔》
 電影以聖經故事命名,
 講人類的愚昧, 無心之失, 做成無可救藥的事情, 及溝通上的問題,
 電影以4個故事, 不停穿插, 首尾呼應,
 如果有睇過導演之前既狗男女的愛,
 就會明白, 故事沉重, 值得我們反思!
 
 我最喜歡的反而是墨西哥保母,
 無可奈何下, 帶上打工主人家既小兄妹,
 去參加兒子既婚宴,
 結果三人被遺棄荒郊野外,
 小主問她, 我們沒有做壤事呀,
 保母說, 是呀, 不過我做了蠢事!!
 好多時人只做了一個決定,
 無心之失, 已經引起悲慘後果!!
 
 牧羊小兄弟那個故事的家庭問題, 很真實,
 很可悲!!
 
 而聾啞女的故事, 會令我想他們的世界,
 是否如電影中的孤寂?
 
 下次再談!!

g~o~o~d m~o~r~n~i~n~g
 
 honey~~

hey moon,
 
 i can't c "happy birthday" with u on next friday ar...sorry...>_<

aiya...need to go la...
 
 chat on phone la......
 
 886

嘻~ 你們可以選擇另一套戲o架嘛~~
 
 我好眼淺...好容易喊...重要一喊就成個豬頭咁...所以, 都係避避好o的啦~~

你都睇好多movies啊...
 
 "戰火旗績" 好唔好睇架？？
 
 by 電柴 -
 
 係想睇好多movie~~
 
 "戰火旗績"我個人覺得唔錯，不過其實好商業化同公式化，雖然話係真人真事改篇，不過情節未免太大路，幾乎所有情節都估到哂.......
 
 Anyway，因為我鍾意二次大戰既戰爭片，所以我先入場。而且個結局都幾灰(可能係真人真事卦？)，所以我俾80分.....

無妨
 我咩戲都睇, 不過, 戰爭片係我既死穴..............~~

我好眼淺...好容易喊...重要一喊就成個豬頭咁...所以, 都係避避好o的啦~~
 
 by 小草~ - 01/13/07 10:50
 
 有時喊下, 發洩一下情緒, 未嘗唔係一件好事!! 所以我好鍾意睇文藝片架, hehe!!

早呀~

早晨ar~ ^^
 
 月亮,
 嘻~ 可惜, 我喊起上來超醜..所以都係唔好啦~~ ^^

小草~
 
 你藝術片又唔睇, 喊戲又唔睇, 咁乜戲先岩你睇呢?

i'm interested ar. can u send me email for details. [email protected]. Thanks.

月亮~
 開左新版都唔出聲~~
 
 我昨日睇左戰火旗蹟
 不錯呢~
 
 戰爭場面好慘痛
 明顯是反戰反英雄的一套片~

muchacha,
 
 嘻~ 對不起..我都知我比較麻煩~ ^.^!
 如果係動作片, 又或者係科幼片, 甚至係笑片, 鬼片, 我都鐘意~ ^^

重來大家睇o的戲咁沉重o既??
 
 我睇戲, 最好睇完開開心心咁走, 就最好啦~
 
 如果可以好似"click" 命運自選台咁, 有小小領悟, 就重好~ ^^

如果可以好似"click" 命運自選台咁, 有小小領悟, 就重好~ ^^
 by 小草~ - 01/15/07 11:12
 
 呢套戲好睇丫，我覺得幾得意，又有Ｄ好笑，
 最尾佢父親死左，佢走番去見番之前點對父親，
 我就係咁喊∼∼∼

戰火旗績"我個人覺得唔錯，不過其實好商業化同公式化
 by 無妨
 
 我又唔會覺得好商業同公式
 至少,唔會似一般的美國戰爭片咁講英雄,而且係絕對正義~
 相反,我會覺得佢想話俾觀眾聽,所謂戰爭勝利,只係政客的一種手段,而並非真的勝利~正正覺得是對現時布殊政府的一記當頭棒喝~
 英雄不是自然的出然,更其實不會真的有英雄,有的,只是當權者與民眾自行創造出來~

九流, 好耐無見呀！！

可惜, 我喊起上來超醜..所以都係唔好啦~~ ^^
 
 by 小草~ - 01/14/07 13:03
 
 吾緊要，我都係，
 喊完腫過豬頭，仲係喊包一名添！！

月亮,
 
 係AR, 我都有喊, 但我不停咁諗其他無聊野, 去分散注意力, 等O的眼淚收番, 等到無咁想喊, 先好O的咋~~
 
 父母親情, 係我必中死穴....

hello~~~~
 我都好中意movie~ha~
 但係我無咁多時間可以成日去cinema lu~
 你地中意咩類型movie ga?
 我中意film noir多

Welcome manlatiger,
 我咩片都ＯＫ，就係吾睇戰爭片∼∼

小草
 我吾定架，我睇ＡＩ人工智能
 都由頭喊到尾∼∼

messageboard

＠電影分享會＠請各位喜歡睇電影既人仕分享心得，我會不定期攪去睇戲及 gathering，歡迎各位戲迷有時間上黎吹下水，一齊去睇下戲！！