應該講再見嗎



  • 他事業有成搵到錢,他心地唔錯孝順父母,他外表OK無禿頭無痘皮無痴肥...
    但係他對我...唔係差,但係就係差左D野

    我返shift,有時候要返到好夜,他就算第二日係星期六日唔使返工,都唔會黎接我收工,一次都無...
    他唔中意用套,成日話有左就結婚,但係依家都無帶我返屋企見他父母...
    夜晚出街夜左,他會一齊搭的士送我返屋企,但係每次他都同部的士走,未落過車送我上樓上...
    行街睇戲食飯99%係他比錢,但係他從來唔會花心機買D小禮物tum我開心...

    我地相差10年,係咪因爲o甘而有代溝?
    再見?不再見?



  • 咁你喜歡佢嗎?



  • 哈,港女,
    你咪走羅,佢咁既條件,大把女,



  • 你在意的細節, 有冇同佢講過?



  • Milkteatct, 唔中意既話我唔會煩惱,可能我既年齡仲係需要D浪漫,但係他太實際...



  • 他, 只不過當你是泄欲工具.
    一個比去找雞好一點的玩具而已.



  • 都係D小瑕疵, 可以大家傾下既



  • 版主, 我唔係想批評你

    我都唔知你幾多歲, 但我覺得你唸野有少少幼稚



    係咪一定要接收工. 落車同你講再見, 送小禮物先叫一個好男人?



    呢一下真係有少少''港女''

    如果佢個人唔差. i mean 對你.

    咁係咪要咁計較呢少少

    or你有冇同佢講過. 你想點?



    如果佢都係唔肯改變

    可能係呢個男人有問題.



    or佢真係有佢既理由

    例如, 唔通叫的士司機0係度等佢,

    佢就走上去你度咩



    其實. 就咁睇落

    佢已經係一個唔差既男人

    除非你同佢係感情上有問題.

    如果唔係因為呢少少野就再見

    咁你問下自己要佢對你咁好前

    你又有幾愛佢??????????



    女人要心頭高. 但更應該識得知足^^

    希望你同佢會開開心心啦



  • forgettrouble,我提過,唔係發脾氣果種,係撒嬌o甘話“係女仔都中意驚喜架”“你唔送女仔到門口,發生o羊事點算呀?”

    但係他講完就無件事...



  • 你想想罷, 事業有成;但沒有把你放在心上, 那是故意還是無心之失?!



  • Girl,或者我真係幼稚,但係邊個女仔唔希望男朋友/老公對自己花心思?我自己覺得,我愛一個人,我就會絞盡腦汁令他開心,都希望對方o甘對我...我要求既唔係日日食大餐,月月買名牌,所以sorry,我唔覺得自己港女。



    他生日,我去學織冷衫,整蛋糕...但係我生日,他送左條頸鏈比我,可能他既禮物貴好多,但係我唔開心...他工作唔係好忙,星期六日一定放,weekday唔會超過7點放,點解唔可以多D心思?我唔係要物質



  • 同意GIRL :)
    我覺得都是小問題, 不足以令你因此而離開佢,
    冇接放工、冇小禮物, 可能只係佢個格係咁, 
    你識佢的時候, 都應該知道,
    重要的是你愛唔愛佢~

    「他唔中意用套,成日話有左就結婚,但係依家都無帶我返屋企見他父母...」
    >>不過我覺得有D 野你地要PLAN,  冇計劃的生BB 係對大家都冇好處, 考慮清楚



  • 如果我港女,他o甘既條件,我就唔會有怨言,一早tum他同我結婚,黎呢度做o羊?



  • Girl,或者我真係幼稚,但係邊個女仔唔希望男朋友/老公對自己花心思?我自己覺得,我愛一個人,我就會絞盡腦汁令他開心,都希望對方o甘對我...我要求既唔係日日食大餐,月月買名牌,所以sorry,我唔覺得自己港女。

    他生日,我去學織冷衫,整蛋糕...但係我生日,他送左條頸鏈比我,可能他既禮物貴好多,但係我唔開心...他工作唔係好忙,星期六日一定放,weekday唔會超過7點放,點解唔可以多D心思?我唔係要物質

    >>> 除左物質, 佢仲俾到咩感覺你?
    佢知道你唔鐘意單一物質嗎



  • 版主, 我沒有說你是港女的意思 =.="""



  • 有時我會覺得,他係因爲工作生活太悶,我性格又outgoing多野講,tum得他開心,所以先同我一齊...



  • 咁你鐘意佢D 咩



  • 告訴我 replied @ 2009-12-19 11:11 pm



    Milkteatct, 唔中意既話我唔會煩惱,可能我既年齡仲係需要D浪漫,但係他太實際...



    其實呀..
    人沒可能有perfect match的...
    要是真心喜歡的..
    應該什麼也可以磨合的...^^

    要嘛..你試著先改變自己...
    要嘛..你試試跟他表達你的想法呀..



  • 佢同你一齊開心, 甘唔係就代表佢鍾意你嗎?



  • 他唔中意用套,成日話有左就結婚,但係依家都無帶我返屋企見他父母...



    <<< 你地拍左幾耐拖? 淨係呢點已經有問題啦, 佢一係有野瞞住你, 唔係既就應該唔係同你認真... 有d野要攪清楚先, 如果有心同你結婚, 點會拍拖時唔帶返屋企見下父母架?! 唔通一帶返屋企就話... 我地結婚喇... 咁咩...



  • chiwo replied @ 2009-12-19 11:32 pm



    佢同你一齊開心, 甘唔係就代表佢鍾意你嗎?



    >> 但開心又唔代表真係好喜歡...有時需要一個人..唔代表喜歡一個人...
    但開心...即係相處到啦..起碼不討厭啦..



  • 我地拍左半年,有時候都因爲他唔帶我返屋企而唔開心,有時候他同我講電話都好似好鬼祟驚父母知o甘...我發過脾氣,問點解拍拖好似做賊?他會say sorry,話好快就會帶我返屋企...



    不過我地每晚都講超過半個鐘電話,應該唔係有老婆而o厄我....



  • 版主你真係要小心d, 假若佢有老婆你就大件事... 有d人結左婚又搵到d錢, 四圍玩都可以好似你case咁樣, 快d搵機會見下佢父母啦, 其他事都係小問題



  • Milkteatct replied @ 2009-12-19 11:35 pm



    >> 但開心又唔代表真係好喜歡...有時需要一個人..唔代表喜歡一個人...

    但開心...即係相處到啦..起碼不討厭啦..



    << 會唔會係我比較古怪呢? 我喜歡, 需要, 開心係一齊架喎.

    好喜歡, 就會好需要, 又會好開心

    非常喜歡, 就會非常需要, 又會非常開心





  • 告訴我 replied @ 2009-12-19 11:28 pm



    有時我會覺得,他係因爲工作生活太悶,我性格又outgoing多野講,tum得他開心,所以先同我一齊...



    客觀d睇

    我覺得好多男人都會因為個女仔夠活潑而同佢一齊



    企0係女仔個角度睇.

    你冇錯. 女仔係要多d關心

    但..有時都要體諒男人天生既性格會係咁...

    特別果個係你中意既人



    你識佢果陣都知佢係咁架啦...

    真係唔好因為咁少野離開一個你愛既人

    其實佢比到你既野, 同佢既條件真係比好多人好架喇^^



  • 版主



    你搵個機會坐低同佢傾下, 唔係到時做左第三者都唔知呀! 我真係過來人黎喇...



  • 多謝所有比意見我既人,希望可以搵時間同他傾下:)



  • 告訴我

    可能佢屋企比較保守呢



  • HK gal..... a typical naive one too.....romance?......only when you were 16.....puppy love.....how old are you now?......Be mature please......



  • 告訴我,

    你好呀

    明顯地,你好鍾意佢,視佢為男朋友。但,作為第三者睇你所寫,好強烈感覺話我知,佢仲未當你係女朋友,甚至 對你冇感情。更強烈嘅感覺話我知,佢可能已經有一個好穩定嘅女友或者已經結咗婚。



  • Milkteatct replied @ 2009-12-19 11:35 pm

    >> 但開心又唔代表真係好喜歡...有時需要一個人..唔代表喜歡一個人...
    但開心...即係相處到啦..起碼不討厭啦..

    << 會唔會係我比較古怪呢? 我喜歡, 需要, 開心係一齊架喎.
    好喜歡, 就會好需要, 又會好開心
    非常喜歡, 就會非常需要, 又會非常開心 

    >>唔古怪~~^^
    好認同你的感覺..
    只係覺得..有時可能男仔同女仔想法唔同...而已...
    沒什麼的...我見你咁打..有感而發而已 >~<



  • too simle, sometimes naive!!! :)) sorry 講下笑!



    不過版主, 你就黎笑唔出. 成張三角(或多角)戀圖畫擺系你面前, 你竟然仲有心情拘泥0的無關痛癢既野, 唔去搞清楚其他羅命既野. 蔽傢伙!!



  • 佢好可能有老婆,所以唔俾你見佢父母,上佢屋企。


Log in to reply