好困擾!喉嚨好似有些東西頂住



  • 兩個多月前,喉部開始感覺有些東西頂住,非常不舒服。
    我好怕是腫瘤等的嚴重疾病,攪到我成日都好擔心焦慮、而且個胃都好唔舒服。我已看過多位家庭醫生及耳鼻喉專科醫生,同埋照左內窺鏡,檢查鼻孔至聲帶一切正常,沒有問題。
    食左消炎藥、抗生素等多種藥物均全無好轉,但我的確是感覺到喉部有壓迫感,有東西頂住,並有反胃感,這不知是甚麼病症,應如何治理。



  • rehei,

    你快d 去再check up多次啦~



    為咩你ge醫生淨係check你耳鼻喉 ?



    你如果覺胃部已有不適, 咁你ge情況係有機會同腸胃有關, 因為喉部好似有野哽住感, 好多時係同食道, 氣管, 心臟...腸胃有關的. 好多時消化不良, 胃 or 12指腸潰瘍, 支氣管喘息.... 呢d 會影響胃酸倒流, 響日本叫做逆流性食道炎(我唔知中文叫咩), 你要再check廣泛少少~ check埋呢d 無事咪安心lor~ 你先去問下腸胃科睇下啦.



    你係咪好夜食dinner ? 有無咀嚼好先吞嚥 ?

    你而家暫時可以做ge係, 早d dinner, 每餐咀嚼好d 先吞, 用濃鹽水早晚潄喉部, 潄完唔好再沖水....同埋食多幾款生果 & 檢視下係咪唔夠vitamin, 盡快check多次啦~







  • rehei,

    aaa~ 仲有要提你唔好食太多抗生素, & 唔好太驚太擔心, 因為好多人會驚到脫髮,果時你可能要過埋隔離睇藍丁喜喜架啦 :)



  • 你照曬所有野都無野,都可以鬆一口氣呀

    其實我睇過一d報導話,你所講既情況可能係患上左焦慮症

    不過就算真係有都好,早d醫就好快好番



  • 我都有睇過報紙講你所講既病癥似係焦慮症既病癥

    既然你睇左咁多個腸胃醫生都話你無野

    可能情緒都唔定



  • 我同意chengcheng1呀

    我身邊有朋友一直比腸胃問題影響

    又係醫極都唔好

    到最後真係有焦慮症

    不過佢而家好番啦

    希望你唔好太擔心啦



  • 我諗醫生都應該會比岩既suggestion你呀

    我覺得既然你照曬鏡都無野

    不妨向其他方面睇下呀



  • 如果我係你, 會為照左鏡無野而感到開心

    再者, 上面有人提到你可能有焦慮症, 我都覺得你不妨朝呢個方法諗下

    就算真係有都唔使怕

    而家食藥同心理治療就可以無事


Log in to reply