認真問大家的意見~~
-
如果你年過35, 最近比你發現和你拍拖7年的男朋友有第三者, 佢地起埋一齊差不多一年, 仲間唔中住埋一齊....之後更發現你男朋友原來最近三年來都有sl... 最長一個更維持一年半之久...雖然佢口口聲聲講只係玩下, 只有對你係認真的, 只係想同你一齊...你能否願諒佢???繼續同佢一齊, 更加緊佢, 關心佢, 因此關係變得會更好, 甚至結婚?
-
呢d咁既人你重可以同佢元一齊?
唔通就因為想嫁得出?
-
分手啦!
不過分手都了一下佢係好有需要既呢?
一個女朋友+一個第3者+SP, 好忙喎...
-
佢現時只有一個sl,佢已決定同佢繼絶來往
個女人好愛佢, 好顛.....佢都覺得好煩
問題係...作為女朋友, 可以當無事發生過嗎?
-
唔發現無問題, 發現左就唔駛諗, 得兩個字 -- 分手
你諗下? 你未結婚已經係咁, 結婚後仲得了既? 你要擔心都幾時? 拖拖拉拉一世呀? 到你真係乜都無時咁點算? 清醒 d 啦~~
-
唔可以, 亦無呢個需要.
千其唔好因為自己過左35就求求其其原諒佢.
費用遲D要離婚, 仲煩麻.
-
唔係咁都仲要問下話
-
hello crying
如果你原諒/接受的話﹐將來婚後有一紙婚書cool住會不會更加無法無天﹖因為你已接受了他這個和其他女人玩下不是認真的excuse﹐同埋﹐當然更加錫你啦﹐你可以讓他採野花嘛﹐錫到你膿添﹗
他會不會改﹖誠信有多少﹖又你信不信任他會改﹖你會有陰影嘛﹖
希望你懂愛錫自己~
-
crying.... 你是那個男!!
-
但佢而家真係對我好咗.....佢真係同果個女人繼絶來往
經過呢件事, 我地會更加珍惜對方, 對大家更加好..
講真, 作為女人, 你係當時人, 你會捨得放手嗎?
佢條件好好....好好
-
咁既男人要黎都無用啦, 唔好諗住自己35 會搵唔到第二個, 就忍佢,
你同佢結婚, 佢都唔會變架啦, 結完先離, 攪得黎差唔多40, 仲大件事,
一定走, 仲要快.
-
taxi, 你有無睇版主寫乜架~~ 版主點會係男呀?
-
咁如果係當時人當然係難放手啦!
要D時間係正常既~
-
唔理三七二十一...叫佢過咗數先!
-
easonfan replied @ 2009-10-23 6:16 pm
唔係咁都仲要問下話
.....................
問下啦!
了解一下麻, 可能佢心理有問題, 作為一個朋友, 都可以幫佢搵個醫生睇下既. ^^
-
csls: 我的感覺他就是那個男主角.0麻.. if not sorry..
-
easonfan
26 threads easonfan replied @ 2009-10-23 6:16 pm
唔係咁都仲要問下話
that is my response too....
only if she were he would ask those questions..
-
=.="
-
版主, 好老實講, 佢依家對你好好, 但佢以前有無諗過你會發現而唔開心? 到你真係結左婚生埋小朋友你再發現佢重蹈覆徹, 到時你仲慘, 傷得更重呀~~
分手啦~~ 雖然係會好痛, 好唔捨得, 但我想問, 係因為佢條件好, 所以先唔捨得, 係因為怕搵唔返一個咁好條件既男人, 所以先唔捨得?
唔結婚唔駛死既, 但如果佢咁對你, 你會提心吊膽, 終日惶恐, 咁你開心咩? 佢陪少 d 你, 你都會驚佢又搵其他 sl 啦~~ 放手吧啦~~
不過我唔係好明, 點解佢有完一個又一個, 你都可以唔察覺, 奇怪~~
-
crying replied @ 2009-10-23 6:20 pm
佢條件好好....好好 <<< 請各位睇清楚版主講乜先!!!
依家最好叫佢過咗數比妳先! 得唔到個心起碼都有金!
-
crying... 有時間的話,不妨睇睇呢條片.........................講地講既都係真人真事, 當老公有外遇,太太會點做??
-
thinking, 你係男定女?
-
雖然你地未結婚, 但係相處都有7年, 只是未有一紙婚書...........
你仲會唔會同佢繼續下去, 真係要睇你自己啦!!!
p.s. 希望你睇完條片,會得到一些啟示
-
我一直都估到佢有外遇, 但如果逢場作戲, 唔比我知, 我會當作唔知..
但今次個女人好stupid, 比我知道, 所以我先質問佢..
如果佢真係逢場作戲, 知道知個係主, 邊個係閒, 其實無問題, 係咪?????
我同佢都一直不主張結婚...
-
哈...... csls, 我同你m
-
csls..... 我同你一樣, 都係女呀 ^^
-
thinking, m? 乜野意思? 唔明喎~~
版主, 我諗你係應該選擇分手會好 d, 個女人點蠢都好, 你唔好忘記, 你都只係佢既女朋友, 而唔係太太, 佢有乜可能會咁唔小心會比你知道丫? 你自己諗下啦~~
-
(csls........ 我未打完字就按左 post, 所以句子不全 .... 哈)
我覺得板主就係唔捨得分手, 如果佢會分手, 跟本唔洗上來問大家意見啦!
-
比我唔會! 實際好難講! 要睇自己心理質素有幾強, 同埋要睇自己可以接受幾多!
呢個世界無野係有保證, 買左保險都唔一定要陪比你! 所以再發生類同事故既可能性係存在 ~
-
但如果佢真係.........對我好好好...佢個心都仲係我度, 仲好愛我呢?
講真, 有邊個男人唔去偷食??
我係唔係應該原諒佢?? 佢而家對我好好, 好過以前好多, 經過呢件事, 我覺得佢好緊張我, 好怕我離開佢..
-
gvie him a chance ,let's see how's thing go, unless u have a choice of another man
-
你博得起米keep住羅! 無話好唔好架?
呢d野不分男女, 有d人, 結左婚都仲揀緊!
無真正答案喎 ~
有時...條命生成係你就係你, 唔係你就攪乜都唔係你!
-
cool講得岩架
歌仔都有得唱 : 人生如賭博,贏輸都冇時定, 贏左得餐笑,輸光唔駛興......
最緊要係承受得起後果!
-
你嫁佢你都要預左佢以後都係咁, 本性難移!!
-
你嫁佢你都要預左佢以後都係咁, 本性難移!!
應該係未嫁佢都要預左佢係咁先啱
-
版主問要唔要嫁...
-
其實未講到談婚論嫁
只係....我而家叫做原諒咗佢, 同佢係返一齊
只係問....大家如果係當事人, 你地覺得, 我地有將來嗎??
我真係可以當無事發生嘛?
-
你信任那曾經不忠的他 /她 嗎 (摘自:Xanga)
Tom 和 Mary 是一對拍了三年拖的情侶。
有一天 Mary 發現了 Tom 背著她和另外一個女孩「嘗試展開另一段感情 」( 「另一段感情」不是指 officially在一起,而是俗稱的曖昧 )。
Mary 最後忍不住審問了 Tom,Tom 的回答是:「貪得意玩下」,而且表示內疚。Mary 提出分手,Tom 立即展開一連串道歉攻勢。
Mary 心軟下來因畢竟大家一起三年了,而且 Mary 清楚知道自己很愛 Tom,最後 Mary 原諒了 Tom。
後來他們的日子過得很辛苦,只要是 Tom 的生活出現任何一個新相識的異性 Mary 都會懷疑。Mary 一有空便會 check一check Tom的電話 facebook 和 msn。
他們繼續這樣的生活下去 ...
Mary這個角色可以是男,也可以是女,並不是男人才會偷食,女人也會。
我有很多朋友曾經是 Mary,曾經的意思是他們最後分手了。
其實我也是其中一個 Mary,我知道我很愛我的 Tom。我承諾不會因為這件事而分手,我的 Tom 也很努力嘗試減低我的疑惑。但是心中還是有根刺,有個傷口。我曾經想過報復,來一招 「以其人之道還治其人之身 」。後來反覆地想,我是受害者,所以我清楚明白那種痛苦是非常的難受,直到我完全信任他的那一天,我們還在「累鬥累」。
時間拯救了我們,一年過後我們情況好轉。
我選擇了一種另類的報復方式:我首先轉了吳浩康的先入為主為接駁鈴聲,然後送了一張 Eason 的 H3M 給他,並強烈推介 《於心有愧》。
如果你現在正是 Tom,我也會強烈推介 《於心有愧》給你。
另外我想知道,還有 Mary 在嗎 ?你在強忍還是在報復中 ?