長毛掟牌片段





  • 專登掟唔中



  • 有心幫市民,唔應該次次開會一陣就俾人趕出場,而家要留低做野囉



    佢地就好,做4年,連埋津貼成500萬落袋



    次次出黎嘈下俾人趕走就收工



  • 掟中左,佢就大煲啦~!



  • 唔知幾時會好似台灣咁~~~~



  • 開拖...haha



  • 開拖...haha

    =============

    係喎不過我睇都唔會有呢d機會架啦~



  • 掟蕉就收工



    都幾好搵~~





  • 唔知下次會唔會又攪攪新意思~~~~~



  • 掟能死隻賣港賊就啱喇,對佢斯民都係冇用架啦,掟能7佢打佢鑊金實際得多



  • 好期待唔知幾時上演



  • 有心幫市民,唔應該次次開會一陣就俾人趕出場,而家要留低做野囉



    佢地就好,做4年,連埋津貼成500萬落袋



    次次出黎嘈下俾人趕走就收工













    講得呢d說話, 證明你根本唔識政治, 平時亦唔多留意政治新聞, 平時只係睇晚間新聞播一兩分鐘, 就以為自己有足夠認識去下判斷.



    究竟你知唔知, 香港議會制度, 俾議員既限制有幾大? 第一, 禮拜三特首宣讀施政報告, 根本就冇時間俾議員發言或者提問, 當日只能夠行禮如儀坐係處聽, 聽完就走, 而且根本係冇呢個必要既, 因為施政報告既內容, 事前60個議員都已經知道, 唔需要特首再黎讀多次. 所以社民連三位議員在星期三進行抗議, 反而係比另外57個議員做既野更多, 最少佢地代表左佢地既選民表達不滿. 而佢地抗議被趕, 亦通常係選擇係一d佢地冇權發言既日子去做.



    而且立法會除左在議事廳開會, 另外仲有好多事務委員會(Panel), 呢D事務委員會既開會情況, 係你平時睇晚間新聞睇唔到既, 但已經有好多網友放左上youtube. 如果你有心留意政治新聞, 就請唔好咁懶, 唔好再以偏概全, 自己click上網留意一下.



    http://www.legco-monitors.org/



    上面有基督教監察組對立法會議員既考勤報告, 04-08會期社民連既出席率同發言次數都係高既, 監察組講明話對社民連十分滿意. 至舊年(08-09)長毛既發言/質詢次數仲係所有立法會議員中最多.



    所以, 我唔明你"次次出黎嘈下俾人趕走就收工"呢個結論係點得出黎既. 仲有咩"連埋津貼成500萬落袋", 喂! 津貼係實報實銷, 用黎俾辦事處開支同職員人工, 點落袋呀? 議員月薪就68000, 你知唔知長毛每個月只係袋萬幾兩萬, 其餘40000幾都拎左出黎做抗爭基金呀? 筆抗爭基金就主要係用黎俾律師費, 因為佢經常用司法覆核告政府, 有時示威又會俾政府告, 兩樣都要請律師. 因為佢做議員係高收入, 申請唔到法援, 所以佢自己要預筆錢做律師費, 明唔明呀? 咁請問佢仲點500萬落袋呀? 你話俾我聽啦!



    相反, 佢唔單止冇500萬落袋, 仲反過來貼埋份糧出黎為民請命. 就計呢幾年, 佢已經用司法手段做過幾樣野: 推翻舊既竊聽條例, 保障香港市民(部份)私隱, 爭取落實最低工資(但官司打輸左), 成功幫囚犯爭取到平等投票權.



    喂! 呢d野, 贏左就大眾受惠, 輸左就佢自己賠堂費, 仲有早幾年領匯上市, 60個立法會議員係得小貓三幾隻反對, 長毛係其中之一, 當時仲俾班金融佬同股民係處喊打喊殺, 話佢阻人發達. 今日我唔該你睜大對眼睇下領匯既所作所為. 當年長毛佢地咁樣做, 最少搞到領匯遲一年上市, 居民捱少一年貴貨, 商戶捱少一年貴租, 屋村西醫遲一年被逼死. 反而領匯上市後, 平心而論係邊d人得益? 入股領匯既大財團就得益, d連鎖大集團式商店就得益, 散戶買幾手就最多賺得果三兩千, 社會上邊d人得邊d人失, 你自己憑良心諗下啦.



    如果做議員做到咁, 你都仲覺得佢"連埋津貼成500萬落袋, 次次出黎嘈下俾人趕走就收工"的話, 如果你唔係出於誤解, 我就真係好唔明你點解要講呢d歪曲事實既說話出來冤枉人. 既然你講到做議員係咁易做, 咁你下屆記得去參選啦, 我實簽名支持你架.


Log in to reply