重口味.....葉劉自爆「求愛不遂」往事

[Mr.Lee]

「求愛不遂」呢幾個字近期成為城中潮語，更係議會敏感度極高嘅字眼，向來形像硬朗嘅獨立議員兼前高官葉劉淑儀尋日都變城中潮人，透露佢早年亦有一次「求愛不遂」嘅遭遇，不過，聽真啲係佢被求愛，人哋不遂咁解，當年仲一度令葉太驚到匿埋唔敢見人。

葉太尋日一身粉色打扮返議會，遙想當年，佢話二十幾歲喺學校執教鞭時，一個年紀比佢細幾年嘅男學生曾經向佢示愛，一時寫情信、一時又送花畀佢，可 惜神女有心、襄王無夢。直到葉太離開校園進身官場之後，呢位男學生對佢嘅熱情仍然未冷，即使葉太喺公務員事務局做嘢時，個男同學都試過摸上門到公務員事務 科搵佢，對方嘅猛烈攻勢，一度嚇到好硬朗嘅葉太要避而不見。回想前塵，葉太估計嗰位男同學之所以咁「進取」，其實都係寂寞之故。

[gal]

求愛不遂

[BlackGetter123]

重口味....